劉興記生煎包專門店

來到元朗想食平靚正上海菜，就會諗起呢間劉興記，因為朗屏站附近都開咗佢哋嘅分店！因為餐廳除咗有每日新鮮製做嘅招牌生煎包之外，仲有其他上海美食㗎，例如係上海菜飯、拌麵同小食等等～招牌生煎包(6隻)💰HK$50生煎包餡料豐富，一咬落去仲係熱辣辣，而且爆汁效果一流，充滿住豬肉嘅鮮甜味～蟹黃生煎包(2隻)💰HK$38同樣都係熱辣辣同埋有爆汁效果！除咗豬肉嘅鮮味之外，仲多咗份濃郁嘅蟹黃香味～原味上海小籠包(4隻)💰HK$40小籠包即叫即蒸，爆汁嘅效果都好澎湃，外皮軟糯，肉餡鮮甜滋味～鮮雞湯小雲吞(12粒)💰HK$35鮮雞湯清澈鮮甜！小雲吞皮薄餡靚，而且比想像中大粒好多，份量十足～凍 低糖豆漿💰HK$8係一杯好濃厚嘅豆漿，仲可以無限refill～…Read More

💖 劉興記生煎包專門店 (元朗)✨元朗俊賢坊18號權益大樓地下15號舖〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️今日老公🐻❤️收工之後我哋就去咗買生果，經過呢一間舖頭嘅時候發現佢勁多人食，幾乎係咩年齡層嘅人都有😮見佢價錢平平哋我哋就入咗去試吓🤭，估唔到有驚喜❣️-原味小籠包🥟 $40老公🐻❤️都好鍾意食小籠包所以我哋就叫咗一份，由於而家唔係好食得蟹嘅關係所以就冇叫到蟹粉💁🏻‍♀️。小籠包$40有4粒，個人認為都幾抵食，四粒嘅肉汁都好飽滿💦。不過個人認為個皮就厚咗少少~-高湯上海麵🍲 $19倪丨丨又係想食齋麵🤣，呢一個上海麵比較粗身同煙靭🥰飽肚感十足，上面有蛋絲，我自己就加咗少少醋同埋辣椒醬落去一齊食😍-蟹黃生煎包🦀 $18超好食嘅蟹黃生煎包😍可以滿足我好想食蟹嘅心願🫶🏻，一咬落去已經爆曬汁💦，鮮甜嘅蟹肉，份量亦唔少，一個字👉🏻正👈🏻-麻醬手撕雞絲粉皮+生煎包2隻+豆漿🥗 $54套餐嚟講其實都幾抵食，因為講緊佢呢一個麻醬手撕雞粉皮嘅份量好大兜，醬汁亦都可以撈晒成個粉皮😻，夏天食就啱晒！另外配埋2隻生煎包，男仔食都好夠飽👍🏻普通嘅生煎包肉汁就比蟹黃口味嘅少🤏🏻，但一咬落去就食到好香嘅胡椒味😎。另外仲可以配埋飲品其實呢個價錢都真係幾抵。-豆漿🥛 $8豆漿有低糖版🥳，老友記都岩飲！想繼續睇我分享唔同嘅嘢就𝓯𝓸𝓵𝓵𝓸𝔀 𝓶𝓮 @gladysmamalife如果大家有其他餐廳推介可以𝒟𝒾𝓇𝑒𝒸𝓉 𝓂𝑒𝓈𝓈𝒶𝑔𝑒📩…Read More

一下子被掃版嘅生煎包專門店😳 睇住佢裝修，既然咁紅，緊係要試試😆S2 麻醬手撕雞絲粉皮＋生煎包2隻 $54天口熱真係無乜胃口，我會食涼拌，份量唔少，有好多青瓜絲，清爽開胃。生煎包有原味及蟹黃，套餐就跟原味，2隻點夠喉，所以單點多隻蟹黃味$18/隻。原味已經爆哂汁，其實佢係屁股向上再灑上芝麻，所以面簿，而底做返厚底少少等佢無咁易穿，煎到個底脆增加口感。蟹黃就更加濃郁，$18/粒唔平，但真材實料，蟹黃蟹肉真係填滿內餡，湯水同樣咁多，食落滿滿口感！…Read More

話明係食生煎包，嚟到緊係食生煎包😂 呢間舖頭可以話一夜之間爆紅？突然被瘋狂洗板，搞到好想一試究竟！環境餐牌原來唔止生煎包食！仲有套餐添，但我想淨係食生煎包，所以都選擇散叫。 招牌生煎包 $45/6隻自問對生煎包來歷唔係話太認識，睇店家張貼出來先知生煎包都有分幫派！而呢到係灬渾水派，揚幫做法（開口向下）、未發酵面、皮面灑上黑芝麻，皮薄餡大，真係每一粒都做到爆汁🥹湯汁濃郁，肉嫩多汁，底部煎至脆口增加口感，高質！ 蟹黃生煎包 $38/2隻鍾意更濃口味嘅就唔可以錯過蟹黃味，比起原味更加爆汁，而且裏面更有蟹肉，呢個價錢亦都容易接受。…Read More