Isarihatsu Sakanadon

長沙灣深水埗附近除咗cafe 早排仲發現到一間刺身丼飯串燒店 呢晚同朋友過嚟 好彩book咗位可以順利入座 店舖空間比較細 連同吧枱只有十來個座位🍣三文魚、火炙三文魚腩、熟帶子、玉子燒 💰138叫咗一款Salmon Special嘅丼飯 三文魚同魚腩都厚切超肥美 魚腩炙燒過後油脂感更香🤤熟帶子大大粒幾鮮甜 玉子燒就只得一小舊 如果多舊就更好🤣🍚自選魚生飯 💰145<醋飯($15)+油甘魚腩($50)、吞拿魚腩蓉($30)、火炙鰈魚邊($30)、赤蝦($30)>吞拿魚腩蓉拌飯係我最愛😍油甘魚腩嘅魚味鮮香 鰈魚邊薄切燒過依然香滑 赤蝦肉質爽口彈牙😋 所有丼都可以無限添加醋飯 絕對唔驚唔夠飽 而且個酸度軟硬度都煮得好好👍🏻🦀蟹膏蟹肉甲羅燒 💰68蟹味香氣撲鼻 有好多蟹籽 仲有三件超脆多士 鍾意食蟹嘅絕對唔可以錯過🫶🏻🥓汁燒原塊豬頸肉 💰68豬頸肉爽口 配上燒汁&芝麻 味道出色 個人覺得個燒汁咸咗啲 但朋友就覺得正常🍗燒明太子雞髀肉 💰22雞髀肉比想像中嫩滑 大量明太子醬 味道唔錯🔔另設加一…Read More

話說 👧🏽 細細個經常出入長沙灣搵堂哥去打機～打卡美食餐廳嚟講 附近真係比較少 🤔最近見到有間掛滿魚燈籠 十分吸精的餐廳有時間就同 👦🏻 去試一試店內麻雀雖小 但五臟俱全仲設有𝖡𝖺𝗋枱位 可以欣賞師傅準備不同食物💓晚市剛開始 😂 轉眼就全院滿座了🍣 自選魚生飯～追加定食 𝖧𝖪𝖣𝟣𝟧+𝟣𝟧肥美的三文魚$𝟥𝟢 鮮甜海膽$𝟧𝟢魚味濃的油甘魚腩$𝟧𝟢 爽口活寄貝$𝟧𝟢好喜歡佢既 🥗 沙律醋 酸酸地十分開胃麵豉湯夠濃味 岩哂 👧🏽 重口味人士👍🏻最緊要係酢飯可以無限添加❤️日本產米*可以試下佢地既薑 愈食愈辣🧆 自家製免治雞肉丸 𝖧𝖪𝖣𝟦𝟪免治雞肉蘸上蛋黃汁 十分𝖩𝗎𝗂𝖼𝗒惹味💓口感軟腍 純雞肉 如果加埋軟骨就更完美！🦀 蟹膏蟹肉甲羅燒 𝖧𝖪𝖣𝟨𝟪滿滿蟹籽在面 入口滿滿鮮香蟹膏味配上微微烘脆多士 惹味滿分💯🍢 串燒- 汁燒大蔥和牛粒 𝖧𝖪𝖣𝟦𝟪大蔥唔會燒到好乾柴 邊邊脆脆的和牛 🥩 軟腍又𝖩𝗎𝗂𝖼𝗒- 燒日本雞皮 𝖧𝖪𝖣𝟤𝟤燒到一點油都無 十分脆香 🤤- 燒明太子雞髀肉 𝖧𝖪𝖣𝟤𝟦明太子味道搶過了雞肉味～🥓 汁燒原塊豬頸肉 𝖧𝖪𝖣𝟨𝟪即沖即燒～厚切豬頸肉😍咬落去彈牙爽脆 仲有一定油脂肥膏整體口感好高分！醬汁偏鹹 少返啲會好啲餐廳裝潢現代化但又有居酒屋餐牌掛在牆上仲有日式魚燈籠🏮十分符合餐飯個名～餐廳仲做緊 🍻 生啤買一送一 可惜 👦🏻 揸車最緊要記得訂枱～唔洗排隊！𝖳𝖺𝗌𝗍𝖾 ♥︎♥︎♥︎♥︎♡𝖲𝖾𝗋𝗏𝗂𝖼𝖾 ♥︎♥︎♥︎♥︎♥︎𝖣𝖾𝖼𝗈𝗋 ♥︎♥︎♥︎♥︎♡𝖧𝗒𝗀𝗂𝖾𝗇 ♥︎♥︎♥︎♥︎♡𝖢 / 𝖯 ♥︎♥︎♥︎♥︎♡…Read More

【高質日式小店🐟抵食豐盛刺身丼】入境0+3但未返到家鄉住，一於喺香港食住先止下癮❕最近喺長沙灣發掘到間性價比幾高嘅日式小店🤩呢度主打海鮮丼飯，除咗餐廳提供嘅組合外，仲可以自選材料，有接近40款配料任君選擇，自由搭配丼飯❤️🦐A3 三文魚、油甘魚、帶子、北寄貝、赤蝦、蟹籽、玉子燒 ($138)Menu上嘅組合丼飯相片都夠哂吸引，所以唔想諗就點咗兩款～用金色托盤送上嘅丼飯精緻華麗，未食都覺得賞心悅目✨呢款丼飯嘅刺身用料份量十足：三文魚厚度十足、帶子鮮甜、油甘魚質感嫩滑，特別一提係赤蝦，大大隻食落爽口鮮甜，連蝦膏都係橙黃色😍真係超級足料！🍣B1 三文魚、火灸三文魚腩、熟帶子、玉子燒 ($128)身為三文魚愛好者，呢款丼飯一定要試😋三文魚肥美而且鮮味十足、火灸三文魚腩燒得恰到好處，咬落油脂滿滿好正😍熟帶子都燒得好靚又大粒～呢到嘅醋飯仲可以無限添加，包你食得夠飽呀🤣🦀蟹膏蟹肉甲羅燒 ($58)甲羅燒配上三塊烤多士，呢個價錢都幾抵食～多士好鬆脆，蟹膏蟹肉香滑濃郁，撈埋再放上麵包上面一齊食，加埋蟹籽帶岀鮮味😋口感好豐富，三塊多士唔夠喉呀！🤣🍍燒菠蘿 ($18)燒菠蘿香甜好juicy😍唔會燒到乾柴柴！🐑風味燒羊肉 ($25)呢到嘅羊肉唔會太羶，肉質有咬口不錯～🐥燒明太子雞髀肉 ($22)雞髀肉嫩滑，搽上明太子醬令雞肉加分不少😋🍻生啤Suntory Premium Malts ($58/2)食燒物緊係要嗌啤酒，全日都做緊買一送一，大大杯好抵呀🤩總結：無論係丼飯、串燒、小食都好高質，仲可以望住師傅即叫即燒，有去咗日本旅行嘅感覺，好抵食推介大家嚟試下！…Read More

呢個鋪位最近轉咗手，新餐廳叫漁初魚丼。除咗有丼飯，仲有一系列嘅燒物。串燒款式亦都包羅萬有。揀多一款丼飯包括有三文魚、油甘魚、帶子、北寄貝、赤蝦、蟹籽、玉子燒，呢度嘅醋飯仲可以無限追加。朋友就揀咗吞拿魚腩蓉、角切魚生、玉子燒。吞拿魚腩蓉份量勁多。燒物方面就揀咗蟹膏蟹肉甲羅燒。蟹膏蟹肉真係比較少有，上面仲加有蟹籽，更加能帶出鮮味。美國安格斯牛小排總共有三件，雖然價錢唔算平，就勝在牛肉夠多肉汁。燒雞髀肉大大串幾抵食。燒蟹膏特長蟹柳棒就係小朋友嘅至愛，店員仲會奉上較剪，俾食客自行剪開。燒牛油粟米真係有落重牛油，所以食到粟米嘅香甜之餘，仲有陣陣嘅牛油香味。…Read More

自從好幾年前placement之後好似都無去過長沙灣搵食上個weekend咁岩經過 比我搵到間食魚生丼飯嘅日式小店除左魚生丼飯之外 佢嘅串燒都一樣咁正除左佢定好左嘅款式之外 仲可以自選魚生丼可以自由配搭 選擇困難症嘅朋友要小心喔🤣《三文魚、火炙三文魚腩、熟帶子、玉子燒丼》咁啱坐吧檯 睇住師傅即場燒個三文魚腩燒得啱啱好 面頭油香好正唔好睇少個壽司酢飯 D飯粒粒圓轆轆 醋味亦都可以令人無咁飽滯 唔錯架《自選魚生飯 – 牡丹蝦、吞拿魚腩蓉、三文魚》有39款配料可以選擇 由$20-50/款都有 豐儉由人牡丹蝦幾大隻同幾新鮮 唔會腥仲有甜味吞拿魚腩蓉幾多 抵食推薦魚生飯仲可以免費添飯架 大胃王都一定食到飽一飽《蟹膏蟹肉甲羅燒》通常去居酒屋先食到嘅甲羅燒 呢度都居然有$58個算係幾抵食香濃蟹膏放上脆脆嘅烤麵包上面食 真係超惹味 必試!!《汁燒露荀肥牛卷》包左露荀一齊食 感覺無咁油膩同埋露荀都幾嫩 食落夠juicy《燒雞軟骨》香脆得嚟又唔會太硬 做得幾好《燒明太子雞脾肉》可能呢個最後先食 已經幾飽下所以覺得有少少漏不過明太子醬嘅香味已經令到佢無咁漏可能早少少試左佢先會好D魚生飯又掂，熟食又有風味! 值得一試架!…Read More