Thai Yin Thai Restaurant (Cheung Fat Plaza)

食泰國菜唔一定要出九龍城，估唔到喺青衣長發商場都有驚喜🤩「泰然」主打一系列高性價比泰國菜，抵食又好味😋.餐廳以東南亞主題裝潢，地方寬敞，所以都坐得好舒服😌除咗主菜單外，亦提供2/4/6人晚市套餐，可以揀3/5/8款指定菜式，價錢都係$268/438/698，非常抵食😙.🍴焗黃咖喱麵包軟殼蟹💰$168必食招牌菜式🌟超大份麵包磚🍞淋上黃咖喱，再放上軟殼蟹及洋蔥、紅椒等配料🦀就咁睇賣相已經垂涎三尺🤤麵包磚焗得外脆內軟，蘸埋黃咖喱，食到停唔到口😍黃咖喱味道偏甜唔會好辣，食唔到辣都食得😚軟殼蟹大舊得嚟又香脆😎唔食走寶🤪.🍴明爐青檸汁烏頭💰$138用火爐熱住上，全程熱辣辣♨️大大條烏頭，配以青檸、檸檬葉、芫荽、紅椒絲等配菜及香料🌿魚肉結實甘香，蘸埋辣汁，酸酸辣辣好開胃😋底下仲有啲粉絲，吸收哂湯汁精華好鮮味🤪.🍴肉碎生菜包💰$88肉碎配以紅蔥頭、檸檬葉等香料炒香，香口惹味😙加上新鮮爽脆嘅生菜包裹肉碎一齊食，清新得嚟好開胃😝.🍴蟹肉炒炒絲💰$68粉絲炒得好乾身，上面仲鋪滿蟹肉🦀配以蛋絲、芽菜、紅椒青椒絲，啖啖粉絲都充滿配料好豐富😋.🍴飛天炒通菜💰$58食泰國菜點少得一碟炒通菜🤓通菜爽綠，好香魚露味♨️份量超多😝.🍴芒果糯米飯配雪糕💰$68經典泰式甜品🇹🇭鮮甜芒果加上椰汁糯米飯，完美配搭🤤仲有球雲呢拿雪糕🍨.🍹椰青、青檸梳打💰$36、26.超豐盛嘅一餐🤩星期一至五餐廳仲要唔收加一🙅🏻‍♀️你哋話係咪抵到爆？😍住附近嘅不妨試吓，食泰國菜唔使出九龍城咁遠，近近地「泰然」已經有平靚正選擇😎…Read More

同朋友原本一心入去青衣食日本菜，去到先知餐廳改左新面貌，變成泰國菜館，一場入到去一於都品味下先返屋企，我地兩個人點左4款食物同飲品，食物唔洗十分鐘就巳經到哂，勁快手。第一款食物：泰式串燒(半打)，我地選左豬和雞各3串，望落兩者分別唔大，我同朋友食落先估到，兩者肉質都比較實正，唔洗點醬食都巳經好入味，點下橙色既醬食味道就甜甜地。第二款食物：蝦醬炒通菜，放係枱上都不斷聞到蝦醬濃厚的味道，食落味道唔咸剛剛好，通菜口感鮮嫩滑溜。第三款食物：蟹肉炒粉絲(走芽菜)，粉絲用左芹菜、洋蔥、彩椒、蛋和蔥伴炒，炒得乾爽，唔硬，雖然蟹肉份量唔多，但粉絲內散發啖啖的蟹香味，惹味得黎都幾好味，食到底仲無咩油份，$68蚊碟都算抵食。第四款食物：生牛肉湯金邊粉，生牛肉片份量都幾大塊，除左牛肉片仲有幾嚿蘿蔔同一些雪菜，加埋炸蒜同洋蔥，令湯底顏色變得啡濃。飲品方面食泰國菜當然叫返兩款有泰式味道既飲品啦，我同朋友分別叫左個椰青同咸檸檬梳打飲，透心涼，爽哂，為今晚晚餐劃上句號。…Read More

很久沒來了!長發商場改變了不少,進駐左好多食肆和商店!看見了新開的泰國菜於是同朋友去食晚飯,環境設計好有叢林風格,令人感到放鬆座位寬敞和舒適🙆‍♀️食物種類很多,而且價錢合理👍真心不錯!泰式生蝦⭐️生蝦肉質厚實大隻鮮甜😋酸酸辣辣超好味推介!而且有兩種醬汁,味道差唔多但青醬辣度會比較高!泰式辣椒膏炒花甲⭐️抄得好惹味👍花甲肉好大隻食落爽口彈牙新鮮!而且辣度岩岩好,超過癮😋飛天炒芥蘭⭐️味道不錯!芥蘭抄得好嫩加埋蒜蓉冇得頂😋蟹肉炒粉絲⭐️蟹肉鮮甜無比,粉絲爽口,配菜有蛋碎,芽菜, 青蔥,紅椒,所以口感比較豐富十分推薦抵食又好味😋椰青⭐️解暑神器👍味道清甜,但如果更冰凍就好了!…Read More