Le Pho

今日不停四處食，來到晚飯時間，實在還未吃得下，正好經過這裡，食些檬粉和小吃就剛剛好了。店子非常窄小，廚房採用開放式設計，看上去也光亮整潔。全店主要是以吧位為主，只有最尾的位置擺放了一張四人枱，總計也大穊只有十六個座位。餐牌上的選擇不多，湯河只獨沽一味做牛，店員說因舖子及人手問題，寧願專心一致主攻一樣，總比心多多，樣樣都做，到頭來卻幾面不討好為佳，聽後深表同意！所謂知己知彼，量力而為。蟹肉及天婦羅蝦米紙卷（$38） ～ 米子卷呈紫紅色，原來卷皮混入了紅菜頭汁，真是健康又有心思；餡料有生菜、青瓜、牛油果、蟹肉及炸蝦、口感豐富，沾上特製的混醬（花生醬、是拉差、醬油），真是夏日清新之選👍🏻燒豬頸肉春卷撈檬粉（$78） ～ 這個撈檬粉是店家特別為不吃牛的人士而設的，有燒豬頸肉、扎肉和春卷。豬頸肉焦香美味，春卷迷你的骰；香脆可口，扎肉就比較普通。檬粉爽彈，加上酸辣汁、薄河葉、金不換、和鵝蒂（越南芫荽），清香醒胃！迷你黑武士越南三文治（$35） ～ 竹炭麵包是自家製的，勝在坊間較為小見，既特別、又健康。別看這包仔細細，內容可是相當豐富的；分別有扎肉、薫蹄、肝肉醬、豬頸肉等。薰蹄煙煙韌韌；豬頸肉薄薄的卻很Juicy，邊位燒到微微焦香，甘香美味！肝醬味道濃郁，附上的酸辣醬汁卻剛剛可以平衡那濃重的味道，相當不錯！排毒水 (Detox Water) ～ 有兩種選擇，其中一款是菠蘿加薄河葉及青檸水、因沒有加糖水，所以味道比較清淡，只有菠蘿的酸甜，薄河葉的清涼。另一款是杞子、無花果加紅棗、清清甜甜，健康又有益。見樽身比較高瘦，要用一支長匙才能把材料取出來食用，有點不大方便；細問下，才知道他們另有一間餐廳在附近，這些樽主要是給叧一間用作外賣之用的，所以有點不太合用。對我們不吃牛肉的人來說，雖然選擇比較有限，但味道出色，也是可再次到坊的。…Read More

在中環上班一段日子，平時外賣回公司吃多，難得朋友相約出外吃飯，試下附迎 越裸 Le Pho 吃越南食物…餐單........看下吃邊樣好呢~~卷皮混入紅菜頭汁，卷內炸蝦、蟹肉好香脆，覆蓋著蔬菜配料如生菜、青瓜及越式米粉，感覺吃得更健康...清脆的春捲是很討歡喜的小食，口感爽脆，加上調味汁，就是愛這滋味~ ~愛吃牛肉不能錯過，湯浸泡著半生牛肉，簡單卻又不失湯鮮美及牛肉的味道，不管是賣相還是口味，都給"讚"...黑色包好特別，原來是竹碳包，有燒豬頸肉、越南香腸、酸甘筍絲及白蘿蔔絲，好有口感，味道浸入其中，讓人眼前一亮，好吃...飲料有紅棗杞子無花果，喝起來甜甜地....唔錯~~…Read More

是夜老婆有飯局，本來諗住「求求其其」食個快餐就算，但後尾改變主意走上幾條街食越南粉，試試新嘢之餘，都發覺應該都好耐無食過越南嘢。「越粿」印象中就開無耐，因為久唔久都經過附近，個鋪位都好似轉過幾手，早前都仲喺吉鋪一個。入門口就見到開放式廚房，所以，衛唔衛生一眼望落就知。而鋪位好修長，圍住個廚房喺一列吧位，晌餐廳尾得一張四人枱，目測成間餐廳大概15、16個位左右。裝修方面亦都好簡約，更無太多「越南」風情嘅元素，所以，賣嘅就喺賣味道。小弟揀個角落位，靜局啲，又可以睇到師傅做粉。相信喺環境嘅限制，所以，食物嘅種類集中晌幾款越南麵食及數款小食，一張A4紙青綠色餐牌就可以睇晒。先打算食點細份量嘢，三文治連小食類別共有4款，店員推介試試個迷你黑武士，睇嚟幾有特色；另外，米紙卷亦想試試！迷你越南黑武士三文治 $35基礎喺越式法包，但不獨喺迷你版，更改用竹碳包。細細件，較易入口，包內夾上燒豬頸肉、越南香腸、肝肉醬、酸甘筍絲、白蘿蔔絲，味道酸爽，卻又帶點辣勁，實在惹味，的確有啲意外驚喜。不過，有需要晌餐牌上加番隻「辣椒公仔」俾佢，唔食得辣嘅人可能覺得幾辣吓。蟹肉及天婦羅蝦米紙卷 $38送到嚟發覺跟平時所見嘅好唔同，一身紫紅，原來卷皮混入紅菜頭汁，好有心思，未食都感到健康。卷內嘅炸蝦好香脆，又有唔少蟹肉，配料亦唔少，如生菜、青瓜、越式米粉，所以，口感富層次，卷皮入口煙韌，整體真喺唔錯！教父越南粉 – 火車頭 $98店員話喺店中招牌，因為包咗好多材料，而且份量頗大，底下藏咗好多越南粉，竟然夠兩個人食喎！首先，個牛骨湯底好香，濃而不濁，事後始知原來湯底加咗牛骨髓同煲，用料十足，不過，溫提一下，店內只賣牛骨湯底，唔食牛嘅朋友就無福消受。感覺上，放上嘅香料亦好似較多，但講到餸料，着實唔少，包括生牛肉（美國精選雪花牛肉）、牛尾、牛展、牛筋、牛柏葉……等等，味道做得有水準，充滿肉香，雪花牛肉好嫩滑，牛筋夠嚼勁，啲金邊粉口感都幾幼滑。為咗配合唔同客人嘅需要，以可剔走唔食嘅餸料或配菜。點個教父越南粉，附送飲品，但送嘅都喺基本嘅檸水、檸茶、支裝汽水。見餐牌有款Detox Water（排毒水）$35，好神奇咁，問過店員原來喺啲自家製、無添加、全天然嘅健康飲品，好值得一試。雖然寫「coming soon」，問問店員，可能有局部供應，是晚就有3款，望落感覺都好清新，不過，店方暫時未為佢哋命名。小弟試咗以無花果、杞子、紅棗為組合嘅排毒水，按店員介紹，有啲健康水用上椰青，而依一款則用梳打水，所以，飲落好爽，又帶有清甜嘅杞子及棗味，當中嘅甜味主要嚟自無花果。如果，餐飲可以加錢轉為健康水，咁就正喇！由於小店經營，只收現金，星期日休息，所以，有心嚟幫襯就要注意吓。雖然食物嘅選擇唔多，但在乎貴精不貴多，確喺討人喜悅，而且，記緊飲清個牛骨湯，一滴都唔好嘥，皆因精華所在。…Read More