Mackie Kitchen

呢晚同男友去左銅鑼灣行街~晚餐我突然想鋸扒~上OPENRICE望下, 見到呢間:阿麥廚房 好多好評~所以一於試試佢咁呢, 佢有SET DINNER的~有前菜有湯有主菜再加餐飲~我地叫左2個SET:前菜香煎法國鵝肝配焦糖酒醋藍莓+煙三文魚黑魚子蛋白沙律。餐湯蟹肉南瓜忌廉湯+龍蝦湯主菜燒紐西蘭肉眼配牛肝菌汁+西班牙海鮮燉飯。香煎法國鵝肝配焦糖酒醋藍莓  (+$58升級)真係唔係講笑, 呢舊鵝肝真係極級好食!其實鵝肝都有分等級, 有分靚同唔靚,呢舊絕對係靚野來!入口即溶,鵝肝嘅油香味濃! 超好食仲有焦糖酒醋藍莓, 甜甜酸酸咁好開胃!煙三文魚黑魚子蛋白沙律  (+$58升級)呢個都好好食! 煙三文魚唔會過咸過油(出面有D會)然後沙律菜新鮮~配上黑魚子同整到好似慕士嘅蛋白,口感層次豐富, 味道一流!蟹肉南瓜忌廉湯+龍蝦湯 (各+$48 升級)餐湯都配以一塊熱辣辣脆卜卜的蒜蓉多士~蟹肉南瓜忌廉湯食到一絲絲嘅蟹肉,同濃濃的南瓜甜味~我超LIKE!龍蝦湯蝦味濃郁, 酒味唔會太搶,仲有原隻大大隻蝦肉, 一樣好味!燒紐西蘭肉眼配牛肝菌汁 ($208)牛扒我叫左5成熟, 整得岩岩好~肉仲係粉紅色的! 咬落去D肉汁即刻唧晒出來!點埋佢個牛肝菌汁, 要提埋佢D配菜, 佢D配菜都好好食!D菜一D草青味都冇!個新薯係我食過最滑嘅1個!清碟西班牙海鮮燉飯 ($238)呢個係心機之作! 佢應該係即叫即做~所以叫呢個要畀少少耐性要等耐少少~呢個係燉飯唔係炒飯, 飯嘅質感係濕好多~似Risotto,飯粒仍有d咬口~配上爽口大蝦, 青口,魷魚等~味道不俗。最後仲有餐飲可以叫~因為嗰晚都凍凍地, 加上我地都咳緊, 所以唔飲凍野了, 叫左2杯熱朱古力~熱朱古力不得了! 我第1次食set dinner嘅餐飲熱朱古力都有拉花!!!個心心拉得好靚!飲起來都覺得特別sweet同埋其實杯熱朱古力都好滑好好飲!飲得我地好滿足好開心總括, 呢間餐廳價錢唔算貴,但真係食得出全部野都係心機之作,用心烹調,令客人食得開心!餐應環境同服務都唔錯~下次想食好d嘅西餐, 我會再來的…Read More

今天和朋友來到阿麥廚房，餐廳已經裝飾好預備聖誕節！玻璃窗前貼滿雪花。餐廳燈光令人感覺放鬆，是朋友/情人來吃飯的好地方。剛座下店員就很貼心為我們送上暖水！！！因爲今日天氣好凍。一坐低有一杯溫暖的水實在令人感動。店員的服務十分貼心。 餐廳内外都佈置好聖誕裝飾，很有節日的氣氛。 我們兩個人各點了一個Dinner Set ，前菜方面我們分別揀左煙三文魚黑魚子蛋白沙律和香煎法國鵝肝配焦糖酒醋藍莓。香煎法國鵝肝配焦糖酒醋藍莓：鵝肝肥美嫩滑、入口即化，加上獨特的酒醋藍莓醬汁襯托了鵝肝的甘香，加上脆脆的多士，令人一試難忘。煙三文魚黑魚子蛋白沙律：煙三文魚和黑魚子都很鮮味，由其是黑魚子！ 鮮而不腥，咸而不膩配搭埋蛋白沙律令到口感很豐富。黑松露菌忌廉湯：黑松露和野菌的味道都十分濃郁！而且口感creamy，令人一扣接一口。是我喝過最好味的餐湯。 蟹肉南瓜忌廉湯：忌廉湯味道香濃，有甜甜的南瓜味和淡淡的鮮味，裏面還有蟹肉！德國式燒咸豬手：這個豬手很大份，上菜的時候都嚇左一跳！不過餐廳好貼心豬手已經切好，我地可以唔使自己切。豬手的醬汁是有點酸酸的可以減低豬手的咸味。不得不提的是薯條即使過了很久都依然很脆，好好食！！豬手皮脆肉嫩，外皮燒得好脆口有一刻我以爲自己在吃燒乳豬，裏面的肉嫩滑爽口。香煎帶子黑松露野菌扁意粉：黑松露的味道很出，基本上每一啖的意粉都能品嘗到濃濃的黑松露味，帶子鮮味而且很厚身。最後飲品我們叫左兩杯朱古力，想不到的是朱古力都會有拉花，而且有不同的圖案聖誕樹和雪人的拉花很有節日的氣氛，令人很開心。阿麥廚房無論服務還是食物都令人有很深的印象，是值得令人一在光顧的餐廳。…Read More

朋友準備結婚,所以去佢屋企準備婚禮上既用品,做下做下,由早上做到黃昏,我們都開始肚餓,所以佢帶我去佢話水準好高餐廳慰勞一下我!!餐廳雖然在鬧市附近,但位於比較寧靜的街道,令人有一種遠離繁囂,舒適悠閒的感覺!餐廳內裡暗暗地既燈光,浪漫又有氣氛!餐廳主推Setdinner,各種肉類,海鮮,飯或意粉都有!主菜選擇很多,諗左一陣決定升級前菜和餐湯,主菜就選擇<香煎帶子配黑松露忌廉野菌扁意粉>和<德國式燒咸豬手>!<香煎法國鵝肝配焦糖酒醋藍莓>鵝肝外層煎得很甘香,內裡好像牛油一樣在口中溶化,有著外脆內軟的雙重口感,焦糖酒醋藍莓和薄薄的脆包一齊食,味道一流!!<大蝦占米多>我一直都估唔到占米多係咩,原來係將大蝦起肉後,放上菇同洋蔥粒,再加忌廉汁整成的!!蝦肉好大粒,肉質爽口彈牙,蝦頭的蝦膏仲好多!!真係食到津津有味!!<黑松露菌忌廉湯>湯上的黑松露醬好多,十分搶眼!撈埋一齊令味道更香濃!!而且每一啖都食到好多菇粒!口感和味道都不錯!<蟹肉南瓜忌廉湯>煮得濃稠,入口香滑濃郁,味道亦鮮甜清新!!湯裡有好多蟹肉和南瓜蓉,唔係一絲絲而係一執執!!真的不能錯過!<香脆麵包> 餐湯配上香脆麵包,外脆內軟,好味道!!<香煎帶子配黑松露忌廉野菌扁意粉>飯上有2粒大大帶子!!鮮甜嫩滑,微微煎香更好味道!黑松露和忌廉汁配搭好好,食得多都沒有膩感!!<德國式燒咸豬手> 份量超大!!大大隻咸豬手整得好入味,但又唔會好咸,而且燒得皮脆肉嫩,沒有好多肥膏,配上香脆薯條,非常惹味!!最後飲埋凍檸茶和蜜桃茶,十分滿足!!整體來講,餐廳環境和食物質素都很高!!朋友真係無介紹錯!!…Read More

同事話公司附近有間西餐廳好好食，於是今晚就帶左我去試一試!阿麥廚房位於加路連山道，呢條街其實都好多唔同既好食餐廳，而這間餐廳淨係門口已經俾人一種好浪漫既感覺。同同事兩個人大概6點半左右到達餐廳，已經有一枱客人享用緊晚餐了，記得大概7點幾已經有好多人到餐廳食晚飯，絕對唔係少人食!我們二人安排坐4人枱，餐廳不算好大，燈光柔和，每枱都有一個小蠟燭點綴，而且佈置令人有置身於外國的感覺，很舒服!我們點了兩個set dinner，還加錢升級食鵝肝、大蝦同飲靚湯!加$58升級了前菜香煎法國鵝肝配焦糖酒醋藍莓，鵝肝煎過後味道很出，多士脆卜卜，兩者配埋一齊食好有口感，再配埋焦糖酒醋藍莓汁醬一齊食，油膩感即時減少!而且還有配了黑醋既沙律菜，頓時感覺清新!加$58升級了第二份前菜大蝦占米多，上菜時見到個樣已經覺得好好食!大蝦已經整開了殼，蝦肉已切成粒狀，再加埋蘑菇、洋蔥同埋應該係用蝦膏整既醬汁，非常爽口彈牙而且惹味!這個前菜一樣有黑醋沙律菜食，很健康呢!兩個餐湯都各加$48升級，先有黑松露菌忌廉湯。黑松露味非常濃郁，湯裡面仲有打碎左既蘑菇粒，好有口感，味道層次豐富!另一個湯係蟹肉南瓜忌廉湯，南瓜好濃，蟹肉亦都不少，而且食到係新鮮蟹肉，個湯好creamy，好滑!還有蒜蓉多士跟湯，多士脆卜卜，蒜蓉香味很出！主菜先黎黑松露麵包蟹意大利飯，上菜時已經好驚喜，因為係用左麵包蟹個殼盛著D飯。個飯不會太稀，很creamy，蟹肉食得出係新鮮蟹肉，因為有少少殼，不過個飯應該有焗過或者燒過，有D蟹肉燒到有D脆脆地，仲有少許蘑菇，配埋黑松露一齊食，好有層次，好好味呀!德國式燒咸豬手，外皮燒到脆卜卜，而且同係出面食既唔同，D皮唔會食落已經覺得好油膩。豬手D肉好juicy，唔會太咸或者太淡，再配埋佢附有既BBQ醬一齊食，味道更上一層次。而薯條炸得外脆內軟，非常惹味!set dinner還有飲品，我們二人揀選了Peach Ice Tea，不會太甜，還會飲到茶既甘味!總括黎講，餐廳俾人既感覺好舒服，很適合情侶或者同朋友黎食，而且侍應亦會主動加水收碟。雖然係小店，但係食物好高質，份量亦不小，值得再次光顧!…Read More

今日妹妹生日，要我同佢食生日大餐！佢係銅鑼灣返工，所以我都係附近搵返間餐廳同佢慶祝下啦。加路連山道呢間阿麥廚房都算係比較傳統西餐餐廳，裝修都幾精緻。我地叫左2個set dinner，因為都好豐富下，有湯有頭盤，主菜仲有野飲跟，方便唔洗慢慢諗呀嘛，同埋可以share黎食！生日嘅野，都要食好d，所以就都升級左個前菜同湯，等妹妹有個滿足生日，開開心心！首先前菜，我地叫左個香煎法國鵝肝配焦糖酒醋藍莓(+$58 升級)同大蝦占米多 (+$58 升級)先講香煎法國鵝肝配焦糖酒醋藍莓，一黎到已聞到陣陣油氣，食落口麵包非常香脆，加上鵝肝嘅外脆內軟口感，一軟一硬，非常match！雖然鵝肝油感比較重，食一啖都好有罪惡感，但焦糖酒醋藍莓，陳醋嘅香同微酸，剛好中和左油感，不會肥膩！再講大蝦占米多，呢個蝦都幾有趣，將蝦起肉，留個殼托底。蝦肉切到一粒粒，加上洋蔥同蘑菇去炒，都幾香口呀。蝦肉都算彈牙，味道算清新，淡淡地都幾岩做前菜。之後就黎個餐湯，我地兩個湯都加$48升級左，包括黑松露菌忌廉湯同蟹肉南瓜忌廉湯。因為妹妹係黑松露fans，所以黑松露菌忌廉湯就讓比妹妹啦，不過我都有偷飲左2口試下味。黑松露菌忌廉湯口感非常濃郁，黑松味濃唔在講，但佢尾韻係好豐富嘅蘑菇味道，而且咬落仲有好多蘑菇粒，好rich，愛菇人士相信好難抗拒，妹妹就好鐘意啦。至於蟹肉南瓜忌廉湯，呢個口感比較清新，味道偏甜，而且南瓜料足，每啖都好重南瓜味。南瓜嘅甜剛好吊起蟹肉嘅鮮，令蟹味同樣突出。蟹肉份亦算多，一梳梳咁，非常好味。終於到主菜，我地叫左徳國式燒咸豬手($248)同香煎帶子配黑松露野菌意大利飯($218)。徳國式燒咸豬手份量真係好大，黎到隻碟大過我塊面，嚇死寶寶！豬手已經切好晒，唔洗自己落手慢慢切，非常方便。豬手表皮金黃香脆，皮下脂肪少，反而食落骨膠原感覺好豐富，食落完全唔會油膩呀！豬手味道唔會太咸，肉質表面結實，但咬落又非常嫩滑，裹面仲係軟淋有肉汁。至於配菜嘅薯條炸得好脆，乾身但不油，亦好好味！香煎帶子配黑松露野菌意大利飯，又係黑松露呀！帶子煎得香口，但又唔會乾身，咬落仲係軟身。至於個飯都唔錯呀，露荀爽口，配上意大利飯個種綿身口感，幾夾呀。呢個飯清清地，食得肥野多，中和下都幾好。總括黎講，阿麥廚房質素都幾高，係銅鑼灣用到呢個價錢食到高水準之作，都非常超值，兩個人都係7百幾！豬手係必試，真係好好味呀！…Read More

上年黎過食Set dinner，食過翻尋味，美味幸福嘅感覺仲歷歷在目，於是再黎歎多次晚餐！南瓜味道香濃，同時忌廉好香滑，只可以講超好飲！黑松露香氣撲鼻，有一湯匙咁多，蘑菇份量好多好細粒，基本上可以唔洗咀嚼可以就咁飲，好好味。蝦膏多到成隻蝦都係，太好味了！酒醋好特別又醒胃，配肥美嘅鵝肝，食落絕不肥膩，仲好開胃添！餐廳一啲都唔吝嗇黑松露，呢個意大利飯又俾又好多我地，蟹肉亦都好鮮甜。豬手好大隻，外皮夠哂脆！熱朱古力香滑，仲有個好靚嘅拉花！冇同侍應講凍檸檬茶個糖漿都另外上，好貼心，可以自己調較甜度。…Read More

係YouTube見到都幾多人排隊食依間阿麥廚房，一於試下先。可能由於星期一同天雨關係，當日店外就無出現人龍情況。店內裝潢都幾舒服雅致，而且樓底高，唔會感覺侷促同太嘈吵。餐牌上主要為肉扒類同各式意大利飯。我地就先叫左小食醫醫肚，大蝦占米多幾特別，配搭獨特，蝦味菇味新鮮香濃。鵝肝我本人唔係特別鍾愛，不過都覺得佢整得好食，熱辣辣入口即溶，非常甘香！對於餐湯，本來並無抱住特別期望，因為一般西餐廳餐湯都幾乎係一樣，唔會有特別。不過依兩個餐湯就非常驚喜，因為唔係一般忌廉罐頭湯咁膩濟，南瓜湯亦無乜腥氣，反而有蟹肉甜味係其中。黑松露湯落足料，一飲已經嚐到黑松露獨特香油味道，無得彈！黑松露意大利飯，帶子大大粒，啖啖都有黑松露香氣，黑松露Fans一定啱曬！咸豬手個Size好大，兩個人食唔曬，燒到好香脆但又唔會乾曬身無曬肉汁，咸度適中，唔會太重口味，就算唔食Sauce都食到風味。另外值得一讚係薯條好好食，條條都好金黃香口，唔會好似部分坊間餐廳伴碟就hea上咁。最後上埋餐飲就圓滿結束一頓晚餐啦！整體上都好滿意，店員落單、招呼、上菜都好迅速熟練，食物飲品都高水準，不過就無乜大檯，所以傾向適合二人世界。仲俾我巧遇返個中學同學陪佢老婆撐檯腳！…Read More

二訪阿麥廚房，餐廳一如上次滿座爆棚，幸好有book枱。大蝦占米多大蝦開邊，蝦肉切件混和雜菌炒起，最後放回蝦殼內，醬汁惹味，很開胃。香煎法國鵝肝配焦糖藍莓多士烤得十分鬆脆，鵝肝外脆內軟，富油香，配上焦糖藍莓醬，中和了鵝肝的油脂，十分滋味。蟹肉南瓜忌廉湯香甜濃郁，真的有蟹肉，不錯！黑松露菌忌廉湯非常濃郁，啖啖菌碎。蒜香多士香脆如餅乾。BBQ烤辣味西班牙豬肋骨醬汁酸酸甜甜辣度剛好，二人share食很剛好。香草忌廉煙三文魚闊麵比我想像中更好吃，香草味道與煙三文魚燻香很夾，調味出色！…Read More

銅鑼灣區想搵一間坐得舒服又好食既西餐廳...我終於搵到啦上星期放工後有野過銅鑼灣買，買完野差不多八點了，好肚餓...知道加路連山道有幾間連住既餐廳，朋友已經到左等梗我...地點：銅鑼灣加路連山道9號地舖港鐵銅鑼灣站 F1 出口, 步行約8分鐘睇到Openrice 有四百幾個「笑臉」，心諗應該幾好食...從門外看舖面裝修幾精緻bor...環境：柔和光線，走廊位很闊，坐得舒服服務：有善誠懇食物：兩份Set Dinner：一齊升級了前菜和湯香煎法國鵝肝配焦糖酒醋藍莓  套餐升級+$58鵝肝表面煎到岩岩好，裡面入口即溶，又香油脂，好好食（完全無任何怪味）配上脆面包和甜甜地酒醋汁，唔會油膩大蝦占米多 套餐升級+$58大蝦起哂肉，肉質勁爽口呀，大大隻又新鮮除了蝦肉，還有配上洋蔥和菇菌占滿濃郁的蝦膏好惹味黑松露菌忌廉湯 套餐升級+$48未食已經望到「真材實料」，嘩！D菇多的是....細細粒好有咬口，配上黑松露，味道有層次蟹肉南瓜忌廉湯 套餐升級+$48南瓜打到好滑，好甜，蟹肉份量唔少主菜黎啦不敢相信眼睛，勁大份呀有少少受寵若驚，口水直流...德國式燒咸豬手 $248套餐先唔講咸豬手，因為我地第一下食既係薯條薯條超熱，剛剛炸起的，薯條表面係酥皮質感架我大擔稱為「最強配菜」好好食啊鹹豬手呢...都好掂架塊皮燒得好脆，裡面肉嫩又多肉汁酸酸甜甜辣辣的醬汁俾我地點薯條、點豬手點哂啦好大份，食到好飽絕對可以叫返三五知己一齊Share食香煎帶子配黑松露野菌意大利飯 $218套餐黑松露佈滿整個意大利飯，不得不讚飯粒...煮到岩岩好，裡面還有少少「米心」好好咬口食意大利飯最感滿足就是這樣Peach Iced Tea飲筒是獨立包裝的，想環保D可以麻煩服務員走飲筒架Capppuccino呢杯我飲既，歎埋杯Capppuccino為今餐畫上完美的句號...句號完左都有機會再來架…Read More

Blue Monday, 最好約朋友放工happy hour. 不過想起要明早上班，只好改為食餐飯，吹吹水，沒有大電視直播足球賽事，換來優雅的晚餐。餐廳位於銅鑼灣加路連山道，那條街出名多食肆，而且口碑都很好。今天便來到阿麥廚房，品嚐一下她的歐陸料理。阿麥有多款晚餐任君選擇，食肉獸有豬、牛、羊，海鮮有三文魚、麵包蟹，食素的也有牛肝菌，照顧不同口味需要，而且你可以自行升級，品嚐她的優質前菜。我們為食族前哨兵，怎可放過食好嘢？先來升級法式鵝肝，煎得香噴噴，外脆內軟，連塾底的多士也是外脆內軟，真的不得了。再來是大蝦占米多，名字很特別，我也是首次聽聞，大蝦起肉加上類似沙爹的醬汁，香口惹味，蝦肉大大粒，口感十足。朋友品嚐了蟹肉南瓜濃湯，湯超甜，蟹肉又多，更是一倉倉的，並非低價散碎的蟹肉。黑松露蘑菇湯更加是一絕，黑松露通常味濃，而且份量不少，但想不到到蘑菇味更濃，加上飲用時食到一粒粒的蘑菇，大家互相配合得宜，不但沒有搶走各位的特色，更提升了味覺，真的是不得了！餐湯配上小巧的多士，同樣地外脆內軟，讚👍🏼。帶子煎得很香，飯也煮都非常之軟，但有有一點點趙口，配上黑松露，味覺提升。不得不提佢嘅德國鹹豬手，燒得皮脆肉嫩，沒有多餘嘅肥膩感，燒豬皮有點廣東乳豬嘅口感，真係令人停唔到口。再加上佢嘅薯條係完隻薯仔厚切酥炸，非常惹味。最大的驚喜喺佢啲飲料，叫咦杯朱古力，超可愛的熊人，仲要久久都唔散。朋友叫咗杯Cappuccino，見到隻貓都唔捨得飲。食咗餐豐盛又開心的晚餐，每人也只是三百多，物超所值，一定要再來！…Read More

呢間阿麥廚房其實喺朋友圈裏邊佢都算係熱門嘅一間西餐廳！好多時我哋成班姊妹嘅聚會都會選址係呢一度今次呢亦都係我嘅第二次嚟到呢一間餐廳啦咁我都好想睇吓佢嘅水準可唔可以保持到～由於仲係比較早嘅關係所以人呢就未算太多坐低之後侍應就好主動咁遞上餐牌俾我哋～～一如以往我哋都係會有一個肉一個意粉嘅套餐如果係兩個人嘅話就可以一齊開心share ma~~ 我哋今次主菜呢就想每人加多$58 upgrade 轉做香煎法國鵝肝配焦糖藍莓同埋大蝦粘米多 呢兩個前菜加得非常正確 因為水準絕對一流！！鵝肝煎得香口 外脆內軟 入口即溶 不得了 再加埋焦糖味道搭配一絕 大蝦占米多同樣令人覺得驚豔 個醬係超級惹味龍蝦醬 如果佢再搭幾塊多士 我一定點晒所有醬!!! 太高質喇!!! 呢兩個主菜完全令我食到不能自拔 ... 跟住就多到餐湯同埋蒜蓉包啦差唔多呢就一人一款朋友嗰個就係蟹肉南瓜忌廉湯 而我嗰個呢就係黑松露蘑菇湯 友人表示南瓜湯味濃加試啖啖蟹肉好滿意 而我個個呢蘑菇茸粒粒分明 好有口感 好有誠意終於到到主菜喇!!!! BBQ烤辣味西班牙豬肋骨同埋香煎帶子黑松露野菌意大利飯豬肋骨個醬汁做得好出色唔會太鹹辣味亦都剛剛好鐘意shu骨既朋友一定要試喇～～～香煎帶子黑松露野菌意大利飯水準亦高 帶子有兩大粒 黑松露香 意大利飯亦軟硬適中總括黎講十分有水準 我地成班女人對呢間餐廳都好滿意～～…Read More

通常特別日子才會燭光晚餐，為慶祝很早就訂了枱，這家餐廳質素很好，我同老公都很滿足。餐廳唔算太昏暗，但絕對有氣氣，服務員態度有禮亦令人感覺舒服自在。"蟹肉南瓜忌廉湯" 我個人較喜歡，又鮮甜又夠滑。"黑松露菌忌廉湯" 其實也很好，味道較濃郁，足料，黑松露香味超強。"田園雜菜沙律配陳年醋汁" 清爽沙律菜加了少許酸醋，特別醒胃。"香煎法國鵝肝配焦糖酒醋藍莓" 鵝肝厚身口感又香又滑，食過返尋味。"大蝦占米多" 龍蝦汁配大蝦肉都真係第一次食，龍蝦汁好香濃，大蝦鮮甜，夾到不得了。"德國式燒鹹豬手" 豬手個皮燒到好脆，食落好香口，連肥膏油都燒到流走了，食落一點也不肥膩，豬手鹹鹹地肉質口感好嫩滑，配上小小辣的醬汁好滋味；配菜係我最鐘意的薯皮炸薯條，香脆薯味重。"香草忌廉煙三文魚濶麵" 煙三文魚的鹹味配忌廉汁幼滑，無需太多調味，整個意粉已很出色。"Cappuccino" 好可愛的小貓，成日見人post相很羨慕，我都係第一次親眼見，非常喜愛，當然咖啡也很香滑啦！…Read More

因為男朋友之後會有一段時間不在港😢，為了補償一下本小姐的心靈缺失，決定帶我去食好西。我們大概接近7點左右到餐廳，那時候人不多，不過到七點半以後就滿座了，明明是平日晚上也那麼多客人光顧，看來很受歡迎呢!客人大部分看起來都是附近的上班族，我猜這兒算是他們下班後的一個聚腳處吧!餐廳的裝潢雖然不是很華麗，但感覺挺暖心的，而且放的歌我都很喜歡，個人很喜歡這餐廳的vibe。我們叫了兩個set dinner，裏面包含頭盤、餐湯、主菜和飲料。頭盤是沙律，因為想多吃一點就升級成以下這兩道菜。沙律是加了酸醋那種，怕酸的男朋友受不了，但我自己很喜歡，覺得味道很健康。香煎法國鵝肝配焦糖酒醋藍莓($58)：上菜那刻看到那塊鵝肝就想問為什麼可以那麼厚？鵝肝算是重口味食物，所以有甜甜的藍莓中和一下感覺超級好。大蝦占米多($58)：味道和口感都很特別。占米多(thermidor)是一種法國菜式，會將蛋黃、白蘭地和蝦肉混合在一起，這個糊狀混淆物口感黏黏的，挺好吃的。另外，它還加了洋蔥粒和菌類，味道更豐富。蟹肉南瓜忌廉湯($48)：兩個餐湯裏面，這個質感比較厚和滑。黑松露菌忌廉湯($48)：男朋友不吃黑松露，說它有石油味，但我覺得不會而且很喜歡，所以叫了這個試試看。它裏面的菌類切成一粒粒，口感像比較多料有點「結」的粥，很特別。香煎帶子配黑松露野菌義大利飯($218)：繼續當個反叛的女朋友，叫男朋友不吃的東西跟他作對😆帶子很鮮甜，明明煎了一下肉質依然鮮嫩。飯的味道跟剛才那個湯很像，是因為用的材料差不多吧？不過是我喜歡的味道，所以我覺得還不錯啦。BBQ烤辣味西班牙豬肋骨($238)：食肉獸像多吃點肉，叫了這個。我覺得份量很大，不過男生吃得多應該還好吧。我偷吃了一口，覺得肉處理得不錯，沒有令人難受的腥羶味。另外，薯條是連薯皮切條再炸的那種，而且不油膩，口感很好。隨餐附送飲品，我叫了凍桃茶。我猜應該是紅茶加桃子？反正味道很清香很舒服。另外男朋友叫了凍奶茶。結帳每人大概三百六，因為食材質素很高，另外員工也挺友善，所以覺得還是值得的。…Read More

每年一到Sogo Thankful Week，身邊的朋友總會不停討論有甚麼想買，所以即使覺得沒甚麼特別想買都會想去朝聖下，正一香港人執輸行頭慘過敗家心態。一早跟朋友約好周末下午逛Sogo，所以亦一早在阿麥book定枱之後醫肚，阿麥兩年前食過，食物有水準價錢亦不貴，朋友未食過所以今次帶她去試，但建議想食的人一定要訂枱！一定要訂枱！一定要訂枱！(重要的事情說三次)，因為當晚已經見到幾食客想食卻因為沒有訂枱所以被侍應婉拒。＊＊＊＊＊＊＊＊＊＊＊＊＊阿麥店面不大，餐廳走簡潔淡雅路線，寧靜的環境幾適合傾偈。晚餐由$178至$248不等，包前菜、餐湯、主菜和餐茶，以銅鑼灣來說價位算親民。香煎法國鵝肝配焦糖酒醋藍莓(跟餐+$58)跟餐只有田園沙律或凱撒沙律，行左成日，我們決定食好啲，加錢轉了鵝肝多士。多士烘得香脆，鵝肝正常size不會過於肥大，入口即融非常邪惡，旁邊的焦糖酒醋藍莓甜甜地幾好食，我會把醋汁加在沙律菜上令味道不會太寡。大蝦占米多(跟餐加$58)大蝦占米多多其實是把蝦身混和蝦膏一齊煮，所以蝦肉爽彈得來有濃濃的蝦膏香味，得冇彈！蟹肉南瓜忌廉湯(跟餐+$48)南瓜湯有清香的南瓜味，入有少量蟹肉，忌廉不會過多，所以質地不算特別濃稠，飲完都不會太飽濟。黑松露菌忌廉湯(跟餐+$48)菌湯比南瓜湯濃稠，菌味香濃之餘不會磨得太碎，仍有咬口。餐前麵包餐前麵包是蒜蓉多士，同樣香脆。香草忌廉煙三文魚闊麵($178)闊麵不過腍，香草忌廉汁份量剛剛好，足夠掛上每一條闊麵又不會食到成口汁，感覺較為清新不膩，只是略嫌煙三文切得太細碎。德國式燒鹹豬手($248)豬手份量非常多，旁邊還配上大量炸薯條，如果食量不是特別大都應該幾難吃得完。豬手皮夠脆，豬手不算特別腍，但也不會太乾太硬，豬皮下還連著一點肥膏，所以都幾邪惡，但食得就不要怕。薯條香脆得來有咬口，是我喜歡的口感。左: Peach Iced Tea餐茶除了普通咖啡或茶外亦有特別的桃茶和杏仁奶，侍者還非常細心地問要要不要少冰，值得一讚。桃茶估計是現成罐裝貨。右: Iced Almond Milk凍杏仁奶沒有加冰，非常足料，杏仁味都幾濃幾香，能接受杏仁味的朋友可以一試。食物不俗，侍應亦貼心有禮，但一定要訂位。…Read More

同朋友相約喺銅鑼灣行完街，網上見到呢間好評都有唔少，所以嚟到食晚飯試下先。餐廳位置於加路連山道，附近都有唔少餐廳同埋甜品店。阿麥廚房夜晚供應 set dinner，$178-$248 包括頭盤，餐湯，主菜同餐飲，另外仲可以加錢升級。 頭盤可以加$58升級至香煎法國鵝肝配焦糖酒醋藍莓或者大蝦占米多，我同朋友就各自都升級左。香煎法國鵝肝配焦糖酒醋藍莓鵝肝外層煎得微脆，味道都算甘香，底層既包都脆身，配上焦糖酒醋藍莓降低油膩感。大蝦占米多朋友既大蝦占米多，有蝦肉，菇同埋蝦膏。蟹肉南瓜忌廉湯餐湯加$48可以升級至蟹肉南瓜忌廉湯同埋黑松露野菌忌廉湯，我同朋友一人一款，我呢個南瓜湯唔錯，有蟹肉之外，南瓜味道幾香，湯既質感都頗為creamy。黑松露菌忌廉湯朋友既黑松露菌忌廉湯。餐湯附上蒜蓉包~香煎帶子配黑松露野菌意大利飯主菜我同朋友分別叫左咸豬手同呢碟香煎帶子配黑松露野菌意大利飯，意大利飯飯粒煙韌，帶點黑松露香，帶子亦都煎得鬆軟。德國式燒咸豬手德國式燒咸豬手，咸豬手燒得外皮香脆，而豬手既肉質鬆軟唔嚡，調味亦唔會過鹹，至於伴碟既薯條亦都脆身。最後以凍既桃茶完結呢餐晚飯。…Read More