樂天大喜屋 (Closed)

小學同學聚餐，老人家食得唔多，有些又唔食生冷嘢，不過我們卻特別愛放題。尤其是樂天午市3小時任食，長者還有有88折，足夠時夠又傾又食。位處創興廣場2樓，位置方便易搵。座位、飲品區、熟食區各據一方，井然有序。熟食區主要是炸物、煮物和涼拌。炸雞、咖哩角、南乳豬手、蘿蔔牛腩、日式螺肉、涼拌青瓜……如果食曬都飽了吧？我反而被醃蕎頭驚喜了，好耐無食，食完胃口大開呢。飲品區大冰櫃放滿各式飲品，此外還有熱茶、咖啡、清酒等，相信這三小時每人都至少飲了3種或以上的飲品。先來個刺身盛：三文魚、油甘魚、鯛魚、北海道帶子、甜蝦和極品大赤蝦。全部都新鮮肥美。這兒的壽司很精致，款式又新。芝士鰻魚玉子燒壽司、黑松露蟹肉帶子壽司、魚籽拖羅塔壽司、蟹蒜醬燒紐西蘭青口壽司等等，吃得出新鮮即製，非常可口。燒香草羊鞍更是每枱必有一大碟。的確燒得軟硬適中又入味，老人家也咬到。想不到日式放題也吃到蟹粥、古法蒸海龍躉王、滋補花膠燉鮮奶和龍眼銀耳露，誰說老人家不適合食放題？樂天大喜屋旺角彌敦道593-601號創興廣場2樓

以前會黎創興廣場Neway唱k，然後就會好好奇呢間咁長龍既自助放題店係咩名堂。今次終於的起心肝，睇吓係咪真係咁好食。好彩嘅係，我同朋友可以趕係六點放工前嘅時間過嚟就即刻有位坐。餐廳環境搭電梯上左兩層，就到咗餐廳啦。直行幾步就到櫃檯，近櫃檯嘅有一個自助空間，俾你拎嘢食。餐廳都係全層嘅，而左手邊主要係廚房。六點準時到達嘅我哋，暫時冇乜人。座位與座位之間有好大嘅空間，唔會太迫。侍應仲俾咗張四人枱我哋兩個人坐，感覺更加舒服。​收費價錢主要係$238或者$258，分兩段時17:30-20:15或者20:15-23:15，亦都可以自選17:30-23:15內任何兩小時，如果可以19:30前離座或者21:15後入座仲有85折添。餐牌總共有13張紙可以任點，分左一本薄係A-F餐紙，全部係冷盤類，而一本薄就係G-M，全部熱食。自助區呢個自助食物區真係超多嘢食，有唔同類型嘅甜品，糖水，湯，仲有唔同嘅飲品，見佢啲嘢食fill 得好密，夾起身仲有微溫。嘢食有餃子，章魚小丸子，菠蘿芝士腸串，想補身嘅你，仲可以揀藥膳雞腳，雪櫃就有唔同口味嘅雪條，仲有豆腐花，乳酪，西式甜品，飲品方面有果汁，汽水，呢啲放題就必有㗎啦

樂天大喜屋其實應該係大喜屋分身,訂枱方面較尖咀大喜易book勁多lol!基本上一打去都接通到!聽電話個位小姐都幾好禮貌,未至於其他問多兩句想收線咁P.S多謝某好好人Staff提醒我係Order食物紙到寫Table nO. 如果唔係寫完等於冇寫!到時有排等了~一坐低飲番罐lemon tea冇有錯,即使唔係Vita係Lotte,只要夠凍,都照單全收呀!樂天蠔仔餅-有心思!每件都會用迷你鐵板仔盛住嚟上菜,感受到鐵板個隻餘溫,雖然未至於出晒煙咁誇張!燒大蝦-每隻蝦大細差唔多,唔會話叫3隻,當中俾1隻細咁撈埋比客人,好彩!而且,蝦肉冇燒到dry晒同埋係暖的!燒鯖魚-上枱仲係暧暧的,味道同大喜差唔多,我自己就唔中意吱lemon係舊魚到,唔吱仲好味我發覺!!!不過最好就一上枱好食啦!擺到凍晒魚肉硬左唔好味了!蟹粥-一樣保持大喜水準同好味道,綿綿粥地,如果再俾多d蟹就好,貪心的說法~食左咁多濃味野,食碗粥清下喉嚨都唔錯!1人1小碗夠晒,再多個肚太多水了,食唔落!Staff方面,某d位置會有屏風係到擋住視線,想staff即刻睇到你,不妨遞高手之餘可能大聲一點示意!staff都叫做幾有禮貌,自己唔得閒收O