Cafe Paradise (杏花邨) (Closed)

咁岩要黎杏花村工作，否則都好少會踏足呢個地方。由於唔熟路既關係，都係決定係杏花新城解決我既晚餐。商場内食肆都幾多，最後比呢間餐廳既裝修吸引左入黎。竟然係一個餐廳見到旋轉木馬，又唔係係主題樂園。餐廳内仲有好多不同既公仔，睇得出店主落左好多心思去裝修同佈置。Menu選擇都幾多，最後為左容易d揀就揀左個set。美式BBQ豬排骨 豬排骨好大條，幾乎同我既手臂一樣。望落色水唔錯， 切落發現其實肉比想象中小，但都飽既。旁邊有個醬汁，不過我就唔推薦點，因爲原本舊豬排骨已經好夠味。 蟹籽蟹棒忌廉意大利墨汁寬條麵 寬條麵上面鋪滿蟹籽，一d都唔吝嗇，撈完都仲見到粒粒既蟹籽係每條麵上。麵條食落都ok，但如果可以硬少少就更好。朱古力慕絲套餐仲父送左個甜品，好似每日都唔同，今日係朱古力慕絲，味道還可，略嫌少少硬。總括而言，呢度好適合有小朋友既家庭或者朋友黎，環境不錯，食物都ok既。…Read More

無何否認我係一個港女，見到Cafe Paradise粉藍色既外牆，門口既旋轉木馬，我已經忍唔住要衝入餐廳。當我一打開個餐牌，Pop up旋轉木馬，完全感受到餐廳既小心思。最後我揀咗$328 for two既dinner set。🐻是日餐湯-洋蔥煙肉忌廉湯湯既濃度適中，有蘑菇同洋蔥粒，絕對唔係一般罐頭湯。🐻瑞士雞翼每隻雞翼都好大隻，瑞士汁超入味，但雞肉仍然係咁嫩滑。🐻凱撒沙律好足料好大盤，沙律醬勁多，每條生菜都一定沾上，完全岩晒愛食醬既我。🐻美國安格斯西冷牛扒配燒汁我點咗5成熟，出乎意料地牛扒冇煎過熟，牛扒份量大，有2cm咁厚，好juicy，好好味。🐻蟹籽蟹棒忌廉意大利墨汁寬條麵第一次食由墨魚汁製成既寬條麵，成個麵都好重蒜香，mix埋蟹籽一齊食，口感好豐富，食完都唔怕個嘴會污糟。🐻是日甜品-杧果布甸個布甸可能放係雪櫃太耐，所以變得好乾，口感似mousse多d，如果加返d杧果粒會更好。…Read More

杏花村原來有運動店嘅outlet!男友話好想去睇下有無嘢買，所以我哋收工就去咗杏花村啦～估唔到而家杏花村個商場已經變成好多運動店嘅outlet～重要幾大間下...因為收工時間去，所以我哋都係決定醫飽個肚先好去shopping～講起杏花村真係唔知有咩好食..唯有周圍行下睇下有咩食咩啦...我諗杏花村都係另一個美食沙漠..地鐵商場，應該都係啲大連鎖店..所以都係唔會抱太大期望...點知無期望就有希望！行行下俾我見到間藍色加白色嘅餐廳..咁啱我今日又係著藍色同白色衫喎，再望一望！嘩！有旋轉木馬呀！又好好彩唔使等位，梗係即刻拉男友入去試下啦～呢間餐廳叫cafe paradise..佢嘅裝修非常少女～男士嚟可能真係會有啲唔自在..不過好彩男友都唔介意，所以我哋揀個位坐喺旋轉木馬下面!嘿嘿，侍應應該以為我係有備而來仲夾埋顏色衫..所以好主動話不如幫我哋影張相啦～係咪好襯色呢我真係冇襯過咁嚟～好啦影完相係時候叫嘢食！ 個menu一打開驚為天人！有個立體嘅旋轉木馬係中間！梗係影返張相先再諗食咩啦..佢有set餐又有散叫...唔想諗緊係叫set餐好～咁我哋就一人叫一個set dinner啦～set dinner有餐湯，田園沙律，7款主菜自選1款加甜品同餐茶，價錢大概係百多至二百多～都幾經濟實惠！牛魔王如我選咗280克美國頂級肉眼扒配露絲馬莉燒汁做主菜～好快侍應就上咗一個忌廉湯先～佢哋話今日嘅餐湯係忌廉湯～個忌廉湯幾好飲，好濃忌廉味同埋奶味～唔錯之後上咗個田園沙律～個碟好得意係心形來的！嘿嘿～因為太肚餓啦所以唔記得影相～不過重點都係佢個主菜！係主菜未上之前，我哋兩小口決定自製一個happy hour!個餐加 $40就可以點一杯生啤～我見到佢個生啤牌子好特別，之前無見過...多口一問侍應，原來個生啤係來自英國，係小麥啤！咁就試一杯啦～就咁睇佢個牌子真係估唔到係英國啤酒！飲落口感覺好輕盈，唔重酒味！有少少似 Hoegaarden 不過果味會重小小...同肉類都幾夾～之後就到我嘅主菜嚟啦～280克美國頂級肉眼扒配露絲馬莉燒汁！嘩嘩嘩嘩估唔到咁大份！真係一人份量嚟架？估佢唔到呢間嘢咁抵食！塊牛扒真係超大！因為我唔鍾意太熟嘅牛扒，所以我叫咗medium rare,有血有肉先好食架嘛！切開個牛扒仲有啲血水滲出來，熟度啱啱好，值得一讚個廚師 而且佢哋只係用咗鹽同胡椒去調味..唔會搶咗牛扒本身嘅味道,另外上嘅露絲馬莉燒汁好鹹香好惹味，牛扒肉質軟熟..點埋個汁同牛扒搭配非常好～佢個薯蓉好滑，食落覺得似落咗牛奶去整個薯蓉..另外佢都有唔少配菜，有粟米條同埋蕃茄雜菜..好滿足呢！男友就點咗蟹籽蟹棒忌廉意大利墨汁寬條麵...！條蟹棒真係北海道蟹棒..我覺得非常好啊，起碼唔係蟹柳扮蟹棒去欺騙顧客..我哋本身以為墨汁寬條麵係墨汁上，諗住可以玩下食到成個咀都係黑色..點知我哋睇漏咗係忌廉意大利汁..！不過都無所謂！好食先係最重要～佢個意粉煮得啱啱好同啲汁撈埋非常開胃，個汁份量又夠，所有嘢都可以沾到佢個忌廉汁唔會怕唔夠味道另外加埋每一啖都混咗啲蟹籽卜卜脆咁，口感好特別..呢個意粉絕對有驚喜食完之後仲有一個甜品係生果啫喱，我個人覺得個甜品有少少遜色，可以再做好少少...例如是日甜品改成蛋糕咁樣會更加開心～呢一晚好多驚喜食得好滿足！我哋食飽之後就有力氣去shopping啦！以後我都唔會覺得杏花村係美食沙漠lu!…Read More

朋友係杏花村番工，捉我地來陪佢食飯，佢包底~我地當然義不容辭啦。佢今日就帶左我地來食Café Paradise，來到門口有唔少開放式坐位，而旁邊有好大座旋轉木馬，充滿童話感~有好多小朋友係到影響，同埋玩毛公仔，我地當然都唔執輸~影張靚相打埋卡！而我地當然主打就係食~同埋食啦！我地3條友仔就叫左：蟹籽蟹棒忌廉意大利墨汁寬條麵 $83店家用既墨汁寬條麵相當好食，十分有口感~黏韌同蛋味香，再經忌廉汁熬煮後，味道更濃郁，而再將Topping既蟹籽撈埋意大利麵到可以再增添鮮味。美式BBQ 豬肋骨 $168依個BBQ 豬肋骨簡直超超超超超級級級抵食，店家勁重本差唔多比左成條我地，我地3條友仔分 大約每人可以食到3-4條，仲要味道相當之正！280克美國頂級肉眼牛扒配露絲瑪利燒汁 $208依個肉眼扒我最欣賞佢既地方就在於露絲瑪利燒汁，用美式燒汁同埋Rosemary落去煮，味道濃郁~拿來點牛肉好搭！我地3條友仔都各自叫左一杯野飲，當中Chocolate@Paradise $35 令我地讚口不絕，朱古力加入一大球MovenPick雪糕，朱古力味再大大提升~係朱古力愛好者既首選！…Read More

其實我好少會過黎杏花村，以前細個有親戚住呢度就黎得多。由細到大我都覺得杏花新城呢個商場特別靚特別夢幻，而家長大左呢個感覺都係無變。呢度既店鋪都配合返商場個主題，變得同係其他地區既分店唔同。行行下見到座旋轉木馬，覺得幾特別，所以就決定係度食。周圍都裝修得好夢幻，好多公仔，同個名一樣，好似置身係天堂咁。睇得出店主花左好多心思係裝修度。立體Menu，打開時都幾有驚喜是日既餐湯係洋蔥煙肉蘑菇湯，湯内煙肉和洋蔥粒都唔少，飲落都有蘑菇既味道。沙律都幾大份，2個人都幾乎食唔哂香煎墨魚餅睇相都見到係煎得好靚，肉眼都睇到d墨魚粒，都幾多幾足料。點埋旁邊個酸辣醬汁，就perfect!美式BBQ豬排骨豬排骨有手臂咁長，其實我覺得豬排骨上既醬汁已經好足夠，不過旁邊仲有個美式BBQ汁。蟹籽蟹棒忌廉意大利墨汁寬條麵個寬條麵整得幾好，唔會太淋剛剛好。都落得幾多蟹籽，幾乎每一啖都食到蟹籽，口感更豐富。Chocolate Mousse朱古力味道濃郁，甜度適中，但略嫌有少少硬。套餐+$15就可以轉特飲，我杯荔枝沙冰係超多荔枝肉，多到其實用肉眼都見到。其實我不嬲對cafe既食物要求都無咁高，畢竟我覺得cafe唔多唔少都係食個環境。但我覺得呢度作爲cafe黎講，食物都唔錯。而且d staff都好nice，我見到仲會同隔離枱d小朋友玩。…Read More

2018年10月2日。杏花邨。晴。呢日放工專登到杏花邨睇下波鞋睇完搵嘢食啦～經過呢間令少女心大爆發嘅餐廳門口擺咗大大個旋轉木馬，可愛程度極高入面不同角度都可以影到個旋轉木馬，打卡影相最佳位置餐牌上嘅選擇都唔少，另外散嗌嘅主食都可以加錢轉套餐，配搭都幾靈活就連drink menu都會有驚喜研究完一番，最終揀咗二人餐先來咗個忌廉湯同沙律湯碗上印咗「You Are My Sunshine」嘅歌詞，見到令人心情舒暢～蟹籽蟹棒忌廉意大利墨汁寬條麵一上枱就聞到好香濃嘅忌廉味食落去先品嚐到蒜頭同洋蔥嘅鮮甜墨汁寬條麵煙韌，麵質唔錯蟹棒真材實料，有鮮味，唔係用粉整出來嘅蟹柳，同蟹籽一齊令個意粉更出色黑松露雜菌意式薄餅批底係厚批，焗得幾鬆化批面有大量菇同芝士，調味亦唔錯而且非常大份，有6件，好飽肚最後仲有甜品－紅豆奶凍紅豆唔會太甜，亦唔會太腍奶凍嘅雲呢嗱味香濃，超級滑溜大推～…Read More