8 char (Wang Yip South Street)

🛍莎莉終於出現啦！熊妹有幾耐冇見過好朋友莎莉呀？咁耐冇見莎莉，梗係同佢去遠啲地方玩吓啦！元朗夠遠啦掛！同佢飲個茶🍵食個點心🍘，然後再去附近嘅千色匯行吓傾吓偈抖下🗣，絕對係同好朋友一齊的賞心樂事！📌先去咗朗屏行吓，知道有間叫《8號茶居》的點心專門店，價錢幾便宜，一於試吓！📌店舖都幾大，有四人梳化坐卡位🛋，有二人同四人坐嘅木凳位🪑，餐廳感覺好光線，以木係同埋藍色色調為主，感覺好柔和。📌食物都好多款選擇，大路的點心、蒸飯都有齊，有啲款式一蒸兩籠，啱晒二人份量，最特別係有個流心西多士，呢個一定要必試喇。雪山叉燒包， $25熊妹鍾意食叉燒包，因為鍾意食濃味嘅醬汁。雪山叉燒包好大一個，比傳統叉燒包就多一層口感，墨西哥外皮甜甜地好鬆脆，餡料都幾多，甜甜地嘅叉燒醬汁，有粒粒叉燒冇肥肉位。蟹籽燒賣皇， $19燒賣皇后熊妹食點心點會唔點燒賣呀？一籠燒賣有兩大粒，真係超大粒，啖啖肉冇肥豬肉渣，點豉油辣椒油一定一流。鮮蝦菜苗餃， $20比起蝦餃嚟講熊妹更加鍾意食菜苗餃，因為有蝦之餘，仲有一啲菜，好似感覺上清新啲，健康啲。菜苗餃真係超大一隻，好似粉果咁大，入面蝦肉🦐好彈牙，調味好足夠，帶出蝦肉嘅鮮味又能蓋過菜苗嘅草青味🌱，水晶皮超薄，驚夾大力啲都會夾爛，真係皮薄餡靚。老干媽蒸鳳爪， $27莎莉想食鳳爪，《8號茶居》用咗老干媽醬汁調味，味道非常濃郁，鳳爪大大隻，蒸得好淋，醬汁好入味，入口即溶，仲可以咄返骨出嚟，呢個就係食鳳爪嘅滋味。鴛鴦鮮蝦米網腸， $36鴛鴦蝦米網腸幾特別，顏色非常鮮艷，係鮮燈同鮮綠色，表皮腸粉夠薄又嫩滑，內裏網腸好脆口，仲有粒粒蝦米粒，點豉油辣椒油又係味道一流，一碟八件，份量都幾多下。瀑布流心西多士， $31到熊妹最期待嘅點心啦！熊妹不嬲都好好奶黃流心的，鍾意奶黃的奶香同甜味。唔好睇外表平平無奇，嘩！一切開，瀑布嘅奶黃流心真係湧晒出嚟，流心效果做得非常之好，奶黃嘅味道重奶香🥛又唔會好甜，流心嘅質地滲入晒麵包入邊🍞，食落去真係好滋味！呢個咁高卡路里嘅邪惡食物，熊妹都忍唔住食咗大半件。到熊常之好，奶黃嘅味道重奶香🥛又唔會好甜，流心嘅質地滲入晒麵包入邊🍞，食落去真係好滋味！呢個咁高卡路里嘅邪惡食物，熊妹都忍唔住食咗大半件。擂沙煎堆仔， $27食咗咁多鹹嘢，食多個甜品煎堆仔真係圓滿結束啦！一疊有三粒，外皮炸得好乾身粒粒芝麻好香，咬落去，外皮夠厚身又軟糯，入邊有黑芝麻醬，同軟糯嘅外皮一齊食，份量剛剛好，映襯返外皮白芝麻粒嘅芝麻香味，呢個煎堆仔都做得幾出色。📌兩個人七款點心，想食嘅全部都試勻晒，真係頂住個大肚腩離開。價錢親民，連茶介每位$6，埋單都唔使$200，環境又闊落，自成一角，最開心可以大聲講大聲笑，就係同好朋友飲茶食點心的樂趣。…Read More

其實呢一間點心鋪已經黎過好多次 好多時夜晚想飲茶都會搭一個站黎到呢到 因為餐廳地點真係好方便 朗屏西鐵站一落黎行兩分鐘就去到 我咁常去係因為我覺得呢一間點心鋪做得最好就係佢餐具同埋枱凳都唔會油淋淋 呢一樣真係好重要可以令到食客食得好安心👍🏻♡雪山叉燒包 $25外皮好脆又夠熱 鬆脆得黎有d甜甜地 叉燒餡都算多 呢個我覺得係必點之選♡蟹籽燒賣皇 $19呢個燒賣係用白色燒賣皮 燒賣比一般坊間既較為大粒 咬落去蝦肉都幾爽口♡山竹牛肉球 $27山竹+牛肉+馬蹄呢個組合真係點樣都咁夾 咬落去有肉感得黎馬蹄又比到個爽口既感覺 加埋喼汁小小酸酸地就更開胃♡老干媽蒸鳳爪 $27真係估唔到咁傳統既蒸鳳爪都可以做到d特別 佢既有一貫蒸鳳爪既醬香味 仲有一股係老干媽獨有既辛香味 原本以為落左老干媽會比較辣 但食落去就唔係好覺好辣♡五柳炸雲吞 $28炸雲吞可以講係我飲茶既最愛 由細細個每次去酒樓飲茶都必點 到大個去飲茶都會叫 呢到個炸雲吞炸得夠脆 亦唔會太油 配埋酸酸甜甜既五柳汁 食完真係超開胃 又可以食多幾個點心♡鴛鴦鮮蝦米網腸 $36呢一個網米腸橙橙綠綠 睇落已經好好賣相 我自己認為呢個可以話係炸兩既升級版 炸既米網係超級鬆脆包住隻蝦 外軟內脆再內軟 就算點唔點豉油都都一樣咁好食♡養顏紅棗糕 $26原本諗緊叫薑汁糕定紅棗糕好 心大心細 最後揀左紅棗糕 因為佢比薑汁糕多一舊 總共有4舊兩個人分就岩岩好 紅棗味都好出 但又唔會太甜 口感黏黏糯糯傳統中式糕點既感覺♡茶位🫖茶 $9/位我地揀左菊花茶 其他茶就只需$6/位另外仲有d優惠套餐都好抵食 仲有燉湯飲 都幾正架💕而且仲有印花卡儲 儲夠可以減錢…Read More

基本上 我地大約1~2星期 就會黎幫襯一次除左貪佢夠就腳，仲因為夠平靚正，有時想飲下湯 佢都有~雪茄春卷 $15/條第一次試呢款, 估唔到咁creative 真係成支雪茄咁上枱 !!!  XDD份量比一般春卷大 ! 春卷皮內, 竟然係白汁海鮮餡 !幾好食~ 覺得有d fusion感覺 ~鴛鴦鮮蝦米網腸 $36每隔一排 就會想食呢款~ 即叫即炸, 皮夠薄包住雙色既香脆米紙, 中心係大大粒蝦仁, 口感豐富 : )想講呢個價錢 真係良心價 ... 整到咁精美咁香脆 仲有成8舊 先$36...雪山叉燒包 $25次次黎都必食 ! 熱辣辣上枱, 外皮一層帶有淡淡奶香包體鬆軟 ~ 整體又唔太油, 真係好好食蟹籽燒賣皇 $19, 鮮蝦菜苗餃 $20兩款都係勁大粒, 入面又有爽口彈牙既蝦肉 ~ 不錯豉椒排骨蒸飯 $45蒸飯又係每次都會叫 ~ 大約有5-6款飯款今日想食 豉椒排骨, 其實佢款款蒸飯 D餸好足料, 飯又軟熟份量係 兩個人分都覺得有D多 : D茶錢 $6/位, 無加一, 今時今日黎講 真心抵 !仲要佢D服務其實唔差, 好主動加茶同收碟所以 呢度繼續會係我倆既飯堂 : )p.s. 今次無叫到, 佢地嘅紅棗糕其實都好好食! 同埋佢地嘅 燉湯都足料架 !仲有好多人會黎食佢地嘅 瀑布西多士 ~ 我都食過一次 係幾好食但實在太邪惡 ! 只可以偶爾叫黎開心下 : D環境都光猛整潔, 最重要都係近西鐵站 !!…Read More

今日主人👩🏼🐯淨係比$200budget叫我諗食咩🤦🏻‍♂️雖然有好多選擇但係呢樣又話唔食果樣又話唔食👍🏻真係麻鬼煩🤐🤐OK好彩我醒目🤔🤔星期日食飯唔想同人逼最好就係去飲茶🍵選擇嘅種類都幾多👩🏼🐯冇詐型🙇🏻‍♂️🙇🏻‍♂️🙇🏻‍♂️但係就冇試佢啲炸物同埋蒸飯今次就少少哋叫左6樣點心黑松露野菌粉果🌟🌟🌟🌟（黑松露味道濃郁，仲有瑤柱添，但個皮稍為淋左啲）8號蝦餃皇🌟🌟🌟🌟（個皮煙韌，鮮蝦彈牙）蟹籽燒賣皇🌟🌟🌟（肉嘅比例比較多）雪山叉燒包🌟🌟🌟🌟（雖然唔係白色面，但係外脆內軟）咖喱蒸土魷🌟🌟🌟（咖喱汁濃郁）鴛鴦鮮蝦網米腸🌟🌟🌟（香脆，但係稍為油左少少，唔係好食得出橙色同綠色嘅分別）回頭率：80%今晚唔使跪玻璃🥰🥰🥰…Read More

元朗性價比高嘅點心專門店，我會揀 "8號茶居"，呢度點心係即叫即蒸，保證新鮮熱辣上枱，點餐後大約15分鐘內就有得食。 新派飲茶食點心餐廳，店內潔淨明亮，一於歎番杯茶，食番一盅兩件。點心選擇種類都多，除點心、有竹筒蒸飯，仲有酸菜魚飯、汽鍋燉湯同糕點。8號蝦餃皇   $19大大隻蝦餃，外皮唔會太厚，餡料飽滿，蝦肉好多，爽口彈牙，鮮甜美味。蟹籽燒賣皇    $18燒賣同樣鮮味，脆脆蟹籽，彈牙爽口墨魚滑，底部係豬肉，肉質嫩滑，經典點心，必食！老干媽蒸鳯爪    $26鳳爪整得好入味，調配醬料恰當，香辣突出，食起嚟軟軟淋淋，膠質感重，醬料入味，好吃。雪山叉燒包   $24即叫即整既雪山叉燒包，大大個好飽滿，面層香脆鬆化，叉燒餡料夠juicy，上枱夠熱。蒜蓉粉絲蒸排骨   $29粒粒蒜蓉鋪係排骨面，而粉絲就吸入晒排骨既肉汁，排骨濃香鮮嫩，好惹味。    懷舊糯米雞    $29依款又係經典港式點心，荷葉既香氣包住特選糯米，嫩滑雞肉、栗子口感綿密、蛋黃鹹香、花生等，多種餡料，扎實口感，提升層次感，重量級嘅滿足。山竹牛肉球    $26山竹牛肉係飲茶時最受歡迎嘅點心，牛肉入口嫩而無渣，肉味濃郁，帶陳皮果香，咀嚼時就更爽脆。…Read More

元朗站📍8號茶居-女朋友一個月總有幾日需要特別關顧，除左叫佢飲多d暖水，都可以帶佢黎飲茶食下d暖野😎so smart!鴛鴦鮮蝦網米腸（$35）呢個腸粉卷食落個口感有少少似炸兩，炸卜卜，不過裡面仲有蝦、甘筍等等嘅配料，口感更豐富！手磨薑汁糕（$24）呢個十分推薦👍🏻薑味十足，軀寒一流，食食下覺得辣辣地，薑汁好濃，糕身煙靭。（呢個女朋友最愛，今次醒目仔😎）蟹籽燒賣皇（$18）燒賣大大粒，仲有原隻鮮蝦同豬肉餡，彈牙爽口！不過$9一粒都少少貴🤏鮑魚雞粒竹筒飯（$49）竹筒飯好香，總共有兩粒鮑魚仔，兩個人share來講份量唔算好多，不過配埋其他點心都好夠飽！瀑布流沙奶黃西多士（$30）睇落係平平無奇嘅西多士，切開之後啲奶黃爆曬出嚟，影都影唔切😹除咗有奶黃漿，西多士入面都仲有奶黃餡，好creamy好邪惡，不過食食下都有d漏🤪擂沙煎堆仔（$25）呢一個煎堆仔留到最後嘅時候先食，嗰陣其實都飽到有啲想嘔。不過食落又幾好食😂煎堆仔個粉團唔會太薄，有嚼口，裡面係芝麻餡，唔算太甜😻😋茶芥每位$5，2個人$200都唔使都飽到嘔。環境方面，座位相隔距離適中，唔會太迫，坐得舒服，如果坐卡位空間感更大。樓面乾淨企理。…Read More

今次我哋搵到間好啱倆小口子去飲茶嘅好地方🥰平時我哋比較少去飲茶，因為總係覺得兩個人食唔到幾多野🥺但8號茶居嘅點心就好似專為我哋而設，每籠兩件啱啱好🤣🤣仲可以試多幾款添😝🦐 鴛鴦鮮蝦網米腸 ($35)我哋絕對係為佢而黎😝色彩鮮艷，見到精神為之一振😍滑滑嘅腸粉包住脆脆，再包住鮮蝦餡料，係進階版嘅炸両😋正👍🏼👍🏼🦐 8號蝦餃皇 ($19)一送到黎嘅時候有啲嚇親🙊粒蝦餃大到好似小籠包咁，皮薄餡又多😆蝦大粒又夠爽彈，食一粒都好夠😌🦀蟹籽燒賣皇 ($18)燒賣同樣都係大大粒，肉同蝦都好多，好鍾意係冇乜肥豬肉嘅版本，感覺健康好多🥰🦑 咖喱蒸土魷 ($28)都係忍唔住叫道重口味點心😛土魷蒸得啱啱好，唔老唔靭，咖喱調得夠濃，非常掛汁👍🏼🍮 養顏紅棗糕 ($24)係我期待咗好耐嘅紅棗糕😚睇得見層層分明，雖然紅棗味唔算好濃，但口感就非常合我心意😍煙靭十足！🍲一飯一湯套餐 ($65)除咗啱情侶之外👩‍❤️‍💋‍👨仲見有唔少單身人士黎食飯😆呢個套餐有飯又有湯啱哂👍🏼今次叫左牛肉煎蛋竹筒飯🍚 米飯粒粒分明，唔會太濕，牛肉又保持有肉汁，加埋甜鼓油，送飯真係一流😆湯就揀左金銀花燉豬肺湯，飲得出好香嘅菜乾味，清甜又滋潤！唯一缺點係分量較少，唔夠喉呀🙈今次茶居因為每籠點心件數少咗，所以價錢都比較實惠🤑令到我哋忍唔住叫多幾款點心試吓😋但其實每件點心size都唔細😂我地叫到成枱都係野食，埋單$200都唔洗，食到捧住個肚飽住走😂好食又抵食💕…Read More

平日晚上找了家點心餐館吃晚飯。點了2人精選套餐， 自選２款湯，２個竹筒飯和３款點水，另外還有一碟油菜和跟餐甜品，非常抵食。花旗蔘燉烏雞湯滋陰清熱，補氣又養生，味道回甘，烏雞肉燉至軟身，入味又有益。鮮淮山蓮子百合燉螺頭湯，味道較為清甜，螺頭有咬口，蓮子燉至腍身，入口即化。豉汁黃鱔竹筒飯，黃鱔嫩滑多肉，豉汁配軟熟的白飯更開胃，帶淡淡的竹香，味道富層次。剁椒田雞竹筒飯，剁椒有經過調味，惹味又辣得過癮，愛吃辣的不可錯過。田雞腿啖啖肉很吸引，肉質爽口不會過老，田雞味突出，極具風味。老干媽蒸鳳爪味道很足，咸中帶微辣，醬汁都掛在鳳爪上，惹味又過癮。蟹籽燒賣皇大大粒，豬肉的甘香油脂令燒賣更香口，蟹籽也令味道更有層次。8號蝦餃皇，蝦餃皮口感柔韌，鮮蝦彈牙鮮美，滿足了吃點心的慾望。白灼菜芯好大一碟，鮮嫩沒有渣，顏色翠綠，加一點點豉油更美味。意猶未盡另外還點了一份香滑鮮蝦腸，鮮蝦腸即叫即蒸，性價比高，腸粉餡料豐富。跟餐甜品桂花糕，桂花的清香滲進味蕾，不會太甜，飯後吃清新解膩。…Read More

以往經過元朗工業區都唔會留得耐，事關個區入黑就夜闌人靜，近呢幾年發展得好快，起咗私人樓就有齊配套。私樓商場變成五光十色，而8號茶居塊霓虹燈最吸引到我目光，所以衝入去飲杯茶、食個飽……行到門口，店員已經殷勤地打招呼，完成防疫措施後，馬上安排入座。望咗兩眼，已經好肯定會嗌一飯一汽鍋燉湯套餐，相對其他餐廳，性價比頗高。點心紙明碼實價寫明有幾多件。有別於傳統茶壺，呢款更加明顯睇到水位，方便加水。店內的手工點心喺即叫即蒸，等待時間比較長。第一個上嘅菜係蟲草花燉雞腳湯，個湯無落油，健康、足料又好味蜜汁叉燒包：外皮軟熟，叉燒汁從內湧出，亦有叉燒粒提升口感咖哩蒸土魷：份量十足，滿到隻碟裝唔晒。咖喱汁不夠濃稠，可以再濃味啲，土魷夠爽口。8號蝦餃王 ：皮薄餡靚，半透明嘅外皮非常吸引，咬開煙韌彈牙，鮮蝦新鮮爽口。蟹籽燒賣皇：呢度燒賣比較特別，唔係出面食開黃色皮個款，啖啖肉，好飽滿。鴛鴦鮮蝦網米腸：一上枱已經非常吸睛。感覺有啲似市面上既油條腸粉，但呢款喺外脆內嫩。鼓汁排骨竹筒飯：排骨佈滿豉汁味，肉汁遍佈整晶瑩飯粒之上，用嚟撈飯非常好味…Read More

第一次來這裡，見開左開新式點心店，於是來吃個早茶。客人十分多，疫情下仍坐滿。有隔板分開每一張枱。點了招牌貨雪山叉燒包，蟹籽燒賣皇，牛柏葉，炸雲吞同香煎蘿蔔糕所以食物都熱辣辣咁上枱，而且吃完一碟緊接又上一碟，店員細心，而且食物味道相當不錯最推薦雪山叉燒包。想試試既有竹筒飯。值得下次再來品嚐。個人感覺評分：食物味道 - 8/10食物賣相 - 7.5/10餐廳環境 - 7.5/10店員服務 - 8/10性價比 - 7/10…Read More