HOT POINT

茶樓飲茶食點心食得多，不過而家食點心不限於茶樓。是日平日早上大約10點就來到一間經常經過但未食過嘅點心店。🥯雪山叉燒包被個名吸引了，想睇點樣雪山，包面有層薄薄甜甜嘅脆片，而底部就係平時生煎包底，餡料一點都不吝嗇，這半煎焗嘅雪山叉燒包好特別。🥯家鄉咸水角咸水角皮唔硬，外脆內軟，好味。🥯咸魚雞粒飯以為會好細份，點知原來好足料！咸魚香雞肉滑。🥯豉油蒸鳳爪好意外咁足料，味道有水準，正！🥯蟹籽燒賣皇大粒足料，用料新鮮，真材實料，肉質比例恰當好處，好味！一直搵緊一間非茶樓飲茶食點心而又食到好味點心，呢間好啱我心意，點心性價比高，價錢合理，全日免加一值得一讚。…Read More

今日想同朋友兩個去歎茶，所以就試左呢間有唔少好評既點心專賣店，門口見有裝修幾懷舊，環境都幾乾淨衛生，我地兩點去到，竟然平日呢個鐘數都坐滿人，咁我地應該無揀錯店舖好有懷舊feel,簡單得黎都幾搶眼坐低就睇下有咩點心食，發現都幾多款，選擇都唔少，有好多款點心都好想試最我地點左一個飯，六個點心，飽到上心口豬嘜流心奶黃包係我最想食，因為佢個外型真係好可愛好吸引，唔試都唔得，唔好以為佢得個樣，一咬就爆曬餡，流沙奶黃好香好滑，中意流沙包既絕對值得一試之後食左蜜汁叉燒腸，佢一上菜就香噴噴，仲要d叉燒多到凸曬出黎，足料到咁真係良心之作，腸粉外皮夠滑夠薄，叉燒每啖都會食到鮑汁鮮竹卷以為普普通通無咩特別，點知一咬先發現入面有肉，配鮑汁好惹味，咁既價錢除左有質素仲好抵食下次一定要encore 最驚喜係灌湯餃，竟然真係有魚翅，唔係用粉絲扮真係一大舊魚翅伴灌湯餃一齊上，湯餃入要有蝦有蟹柳有肉，好足料，湯係精華所在，睇落好清但味道好濃，而且重點係無加味精，配少少醋吊味已經好好飲，我地一人一啖好快就清左，好正蟹籽燒賣皇都係無得彈，蝦好大粒又爽口彈牙，豬肉半肥瘦，配合得好好，最欣賞係可以點兩粒或四粒，一般去酒樓人少想食都要局點四粒，呢度有彈性，抵咁多人幫襯雪山叉燒包水準都唔差，外型同一般酒樓差唔多，值得提係好在佢d餡唔會加好多好多醬扮足料，因為食過有d酒樓加太多醬，整到麵包層冧晒唔好食，有時唔係落重手就好食最後咸魚肉餅飯到左，以為佢一盅飯得兩匙羹飯好快食晒，點知佢竟然係厚厚既肉餅仲要有一大碗飯肉餅配咸魚好香，我地兩個人食到好飽好飽下次想飲茶食一盅兩件就再黎食，仲有燉湯都好想試…Read More

臨近9點仲有一間營業緊嘅點心，真係好感動！位置好方便，食完過對而就有巴士站店入而嘅壁畫非常吸睛，環境乾淨，店員好有效率！選擇唔多，想食都但樣樣都係我想食嘅野，最基本嘅嘢食都齊雪山叉燒包上邊脆皮超級脆，入邊嘅叉燒夠熱，夾埋一齊簡直完美依家好難食到芋角，仲要係新鮮滾熱辣，好大舊超滿足第一次食楊枝甘露糕，有少少似芒果布甸但入邊有齊柚子西米等等蝦卷入邊有芒果，加埋一齊食有啲日式風味～呢間點心最值得讚嘅就係迷你燒賣同蝦餃，每籠都有兩粒兩個人食啱啱好一人一粒，又可以留肚試多一樣點心啦春風得意腸意外地好用心，上面竟然仲有蟹子，加埋一齊食好正雞紮好飽滿，入面超級足料，首先有卷左2圈嘅腐皮，包住入面有芋頭，仲有一大舊冬菇，當然仲有雞，好大份好抵食！…Read More

好耐冇飲茶喇！ 今晚同屋企人興起嚟咗太子呢間點心專門點飲個茶食個包, 而家堂食唔洗加一, 仲有88折添呀😝🥮 蟹籽燒賣皇（$13/2粒；$26/4粒）呢個燒賣成粒雞蛋咁大粒🤩🤩 入面有幾舊切細左嘅蝦同埋冬菇, 餡料仲多過粉漿 非常之足料架! 值得一讚係佢啲冬菇好香🥰 蝦肉都夠彈牙😋身位香港燒賣關注組會員嘅我都推介呀😎🥟 熱點蝦餃皇（$15/2粒；$29/4粒）蝦餃係呢度嘅招牌點心 緊係要叫返籠黎試下啦😋 果然無介紹錯呀 啲蝦餃皮簿餡靚🥰 粉皮一啲都唔厚又唔會漿住晒 入面成雙大蝦好鮮甜😍 真係值得一試架😉🥯 雪山叉燒包（$18/2個）大大隻脹卜卜嘅雪山叉燒包呢個價錢好抵! 因為即叫即蒸, 熱騰騰好正, 個包面夠脆裏面又香濃😚🐷 豬麥流沙包（$26/2個）可愛嘅紫色豬麥造型紫薯流沙包, 調味適中唔會太甜, 啱晒一家大細嚟試啊!🍲 魚翅灌湯餃（$38）可以選擇加唔加醋食, 我就加咗, 呢隻餃超級大隻, 仲配有大大塊魚翅喺湯入面😜 餃子入面有豬肉、冬菇等, 又香又潤~🍟 千島香脆蘿蔔糕（$28）第一次食呢種做法嘅蘿蔔糕! 蘿蔔糕切成一個個四方體, 炸到外脆內嫩, 然後加上芝士醬、千島醬同木魚, 食落有啲似章魚小丸子或者加咗呢啲toppings嘅薯條! 但咬落就會食到蘿蔔糕嘅質感同味道, 好推薦!🤩👍🏻🌯 蜜汁叉燒腸（$23）叉燒腸個皮唔厚、超級多餡! 正!🐥 北菇滑雞飯（$27）菇同雞都夠晒香滑, 不過啲飯就有少少乾, (本人鍾意食淋少少), 建議加多啲鼓油食😆🍵 茶位（$4/位）以上價錢全部有88折…Read More

兩老鍾意飲茶，但其實平時飲茶茶芥連加一都唔係平，朋友就介紹我去位於太子嘅呢間熱點，佢係一間點心專門店，但唔使加一，計計埋埋真係慳唔少。嚟到見到佢嘅點心紙，基本上選擇同一般酒樓冇分別，但佢嘅定價相對地就平一截，如果仲唔使計加一的話真係好抵食！瑤柱菜苗餃有三粒，上面鋪滿瑤柱絲，菜苗亦都好有菜味，非常優質！蟹籽燒賣皇有四粒，肉質亦都彈牙，質素絕對唔差。香茜牛肉腸份量就好似比起平時嘅腸粉短啲啲，但佢嘅餡料爆滿，皮薄餡靚，絕對值回票價！蜂巢炸芋角本身已經係我嘅至愛，呢個芋角仲要非常香口，芋泥夠滑，入面嘅餡料亦都夠惹味，絕對係我心目中嘅No. 1。鮑汁鮮竹卷有三件，腐皮索晒鮑汁非常好食。紅油抄手有六粒，辣油香而不辣，上面灑上炸蒜、葱花、芫荽，合埋一齊食非常香口。家鄉炒米粉雖然只係簡簡單單嘅一道菜色，但絕對高質，佢嘅米粉都充滿米香，入面都有好多椰菜絲、火腿、蘿蔔絲、葱段等等，完全唔使加豉油都已經好夠味道。最後仲食埋甜品，呢個楊枝甘露糕軟硬度適中，入面充滿好多柚子、西米同芒果肉，以此作結真係非常完美嘅一餐！呢間熱點真係要極力推介，食物質素比起某啲酒樓仲更加高質，位置便利，茶錢都只係$4/位，仲要唔使加一，性價比真係好高！…Read More

朋友推薦在太子站附近，有間超抵食又好食嘅中式點心店<熱點>，全日供應新鮮熱辣，即叫即蒸靚靚巧手點心，難得有機會飲夜茶，當然要試下新野啦!!~一睇點心紙，供應嘅點心有好多選擇，蒸點、炸點、蒸飯、燉湯和甜品都有，茗茶每位$4，仲要免收加一，未食都已經覺得好抵。<香煎蓮藕餅 $22>蓮藕餅外面金金黃黃，煎得非常香脆，入面既蓮藕同肉餅爽口又惹味。<蜂巢炸芋角 $23>炸芋角吾係間間酒樓都有，所以係必試之選，呢道嘅炸芋角炸得香脆可口，咬落去好鬆化，有啖啖芋蓉和肉碎，邪惡得來不覺油膩。<原盅煎蛋牛肉飯 $27>牛肉飯份量不少，牛肉餅厚厚的亦夠嫰滑，飯亦夠香夠綿。<熱點蝦餃皇 $29>蝦餃皇非常大隻，而且粒粒都十分晶瑩通透，就連蝦餃皮都又滑又嫩，入面嘅鮮蝦大隻得來，咬落去又爽口又彈牙，絕對係必食之選。<蟹籽燒賣皇 $26>燒賣皇入面有大蝦，又有蟹子和豬肉，入口非常新鮮，蝦肉亦非常彈牙，新鮮出爐，即叫即蒸，入口啖啖肉，非常好味。<鮮蝦韭黃腸 $29>腸粉外皮非常嫩滑，入面嘅鮮蝦肉非常大隻，而且隻隻都爽口又彈牙，配埋甜豉油一起吃，口感一流。<雪山叉燒包 $18>叉燒包上面嘅雪山係微甜嘅味道，入面嘅叉燒餡料充滿住好多叉燒肉，而且叉燒肉嘅蜜汁味道都非常濃郁好味，飽滿嘅叉燒配料，同叉燒餡都醃得非常惹味，外甜內鹹嘅感覺，特別得來又非常好味，絕對值得一試。<楊枝甘露糕 $23>楊枝甘露糕入面，有好多西柚肉同芒果肉，口感細滑，亦不會過甜，值得一試。整體來講，<熱點>呢間點心小店，供應嘅點心選擇非常之多，點心食物全部都係即叫即製，新鮮熱辣，吃得出全部點心食材都用料新鮮，真材實料，上枱碟碟都非常新鮮好味。餐廳環境亦十分企理，有卡位雅座，價格亦十分親民，真心抵食，下次飲夜茶，一定要再來吖!!~…Read More

因為限聚令嘅關係，都有一段時間冇去酒樓飲茶。今日經過太子彌敦道，有間舖頭專食點心就入去不妨一試，卻有無限驚喜！😍坐低點咗鐵觀音茶，個茶味十分濃郁，好有鐵觀音嗰種甘味。👍 Menu上食品好多，特色及傳統點心都有，點咗蝦餃皇及蟹籽燒賣皇，兩款點心都好足料，好有高級酒樓入面嘅水準。😋另外點咗薑蔥牛柏葉，要特別一題係牛柏葉超多，係得兩粒豆卜墊底，其他成碗都係牛栢葉，唔係碟仔係一隻碗，所以分量超多超抵食又好味。😋煎炸物就order咗豬仔鹹水角及XO醬蘿蔔糕，呢兩款係我推介，因為鹹水角整到好標緻，真係成隻豬仔樣咁，絕對係打卡之選又唔係好捨得食佢，XO醬蘿蔔糕用咗超香口嘅XO醬同埋爆香咗嘅蝦乾仔炒，鋪滿每粒蘿蔔糕上面，而且佢係切到一粒粒，一啖一粒食好方便👍。最值得講係兩個炸點心都係熱炙炙，由入面熱出嚟，即係話order咗先煮炸，冇話整定。包點類就揀咗雪山叉燒包，入面d叉燒超多， 叉燒汁又好濃，配埋包面嘅雪山，真係好好味食唔停口。😋而最後要講嘅係佢哋獨有嘅八寶籠仔飯，配料分別有冬菇粒、蝦醬肉粒、排骨、臘腸粒、蝦乾粒、雞粒、鳳爪、粟米粒，鋪喺飯面蒸。D飯索曬配料嘅精華 ，啖啖甘香而且帶有小小荷葉香味，個籠仔飯有成四至六碗，絕對超抵食。👍下次黎我一定會叫多次百寶籠仔飯加其他未試過嘅點心。😋…Read More

約左朋友一齊相聚，嘆返餐久違嘅下午茶。今次叫左茶芥($5)*2、熱點蝦餃皇($9/件)*2、蟹籽燒賣皇($9/件)*2、醬汁蒸鳳爪($20)、韭王鮮蝦腸($28)、豬仔鹹水角($28)、賽螃蝦春卷($22)、雪山叉燒包($18/2隻)、日式鰻魚飯($38)韭王鮮蝦腸：腸粉類別最中意就係食蝦腸，呢到d蝦都大大粒，個皮入口夠滑，不過如果皮可以再薄身d就口感更加好👍🏻醬汁蒸鳳爪：醬汁味濃，所以d鳳爪都好惹味，底下仲有d花生可以食下😋豬仔鹹水角：3隻豬仔好可愛得意，賣相一流😍外層香脆，內層鹹水角d餡料都唔錯夠香口熱點蝦餃皇、蟹籽燒賣皇：食得點心邊少得蝦燒賣😜蝦餃蝦肉彈牙，而燒賣就大大粒幾好食，肉質食落唔會梅👍🏻賽螃蝦春卷：春卷皮夠脆兼且唔油膩，內裡蛋白整得好嫩滑，點埋個喼汁食更加滋味😁雪山叉燒包：個包大大件，外層夠脆酥，內裡叉燒味香濃。雖然外表簡單，但食落絕對出色🤤日式鰻魚飯：份量足超大碗，冇諗過食點心嘅地方居然都有鰻魚飯食，仲要水準唔錯😋黎張大合張😁呢到逢星期一至五都係免加一，埋單$200，喺呢段期間可以同朋友嘆返一盅兩件，舒解下D壓力同生活中嘅苦都唔錯🥰補MENU…Read More

限聚令之下要搵朋友同我一齊出嚟飲茶其實都幾困難，所以今日決定自己一個都要飲茶，食返餐好嘅，下次仲可以打包啲點心返屋企添，咁就可以一大班一齊食啦第一次係茶樓見到有得食日式鰻魚飯，依家做茶樓影真唔簡單，連日本菜都要提供埋嚟得飲茶必定要嗌蝦餃試吓呢度嘅手勢，呢度最好嘅地方就係一籠真係可以得兩件，唔使我一次食四件，咁我就可以試多啲款啦，仲要呢度嘅點心係即叫即蒸，所以大家要耐心等候蝦肉爽滑彈牙，仲好大粒添，呢個價錢真係算唔錯燒賣都大大粒，不過不失菜苗餃脹卜卜，裏面仲有唔少菜同蝦蝦米腸有成九大條，我都差啲食唔晒最後就梗係要叫返個甜品先夠完美啦…Read More