Choi Hing Lor Lor Hot Pot (Closed)

跟男友這天來將軍澳站逛附近幾個商場，到了晚飯時間popcorn間間都大排長龍，而且也沒什麼好吸引的，便嘗試走去最近新入伙幾個海邊屋苑的商場找晚餐吃。經過帝景灣，見到openrice上有這家火鍋，好像好評蠻多，便去試一下吧。餐廳是不太好找，在換智能身分證中心上層，是蠻偏僻。價錢不算貴，湯底選擇蠻多，也有雞煲。不過我和男友口味偏清淡，所以選了定番的莞茜皮蛋湯底。先來調醬料，配料頗多看到它海鮮也蠻多，下次試試好了侍應先幫忙煮湯，莞茜跟皮蛋很足料，看到我跟男友都口水直流了先來脆魚鯇，一大碗魚片，份量十足。煮熟後十分爽脆，超級好吃肥牛脂肪和肉十分勻稱，男友吃後大讚，牛味甚濃，厚薄度也剛好豬肉丸賣相也很精美，吃下去啖啖肉，好滋味疏菜盤份量超大！一整個蕃茄、一大堆薯片、粟米，好滿足！墨魚滑也是一大杯，質素甚高，有墨魚的口感，十分煙韌，不像平時坊間有一些空叫墨魚滑但完全沒墨魚的味道跟男友吃到好飽好滿足～埋單每人二百多，性價比甚高，每碟份量很大，而且每種食物都質素甚高，有機會會再來…Read More

自從男朋友搬番黎將軍澳之後 我地都好落力發掘呢頭有咩好野食 今日就黎左朋友介紹既呢間火鍋店Menu餐具原來一早已經整齊咁放左係枱上面 我地睇唔到 竟然仲想問職員拎餐具添黃金雞湯 ($188)一坐低就叫左朋友介紹我地試既黃金雞湯底 真係有成半隻雞咁多店員首先用水幫我地洗鑊 之後就開火 用蒜頭爆香個鑊 再放入鮮雞件.花膠.蟲草花同鮮淮山一齊炒 全程有店員幫手 我地就坐定定等食炒到咁上下 店員就倒埋雞湯落個鑊煲左陣 滾左之後就裝左碗雞湯黎飲 感覺好滋補 花膠鮮甜 雞肉都夠嫩滑 d雞食到七七八八之後就開始打邊爐了即炸響鈴 ($48)響鈴一向都係打邊爐必點既 呢度仲係即叫即炸架添 用筷子夾實 然後放落湯度淥一淥 一口咬落真係好酥脆美國肥牛 ($98)一塊塊機切既肥牛排得好靚上碟 比一般既肥牛厚切同大份蟹籽墨魚滑 ($88)墨魚滑打得好靚 望落晶瑩剔透 但係無想像中咁爽口彈牙蔬菜拼盤 ($88)我地好中意食菜 所以特登叫左個蔬菜拼盤 但係真係無諗過有咁大份 有蕃茄.娃娃菜.唐生菜.金菇.薯仔同粟米 蔬菜好新鮮 簡直就係四人份量 好抵食薏米柚子冰 ($68)唔會太甜 好清涼又開胃消滯 岩晒打邊爐飲…Read More

朋友新居入伙, 夜晚帶左我地去樓下商場食晚飯。朋友極力推介一間餐廳, 佢地既招牌鴨煲係一定令我地一試難忘。講到咁正又點可以拒絕!平晚8點左右, 餐廳內已經有8成食客, 設部分卡位, 店內抽風系統幾好, 唔會有焗促感。落左order後就混醬準備打邊爐, 每位醬油HK$15, 其中有兩款調味仲係餐廳秘製。我地點左【招牌家鄉鴨煲】HK$198每張檯都設有冚入式既穫, 店員先爆香蒜頭同埋香蔥, 再將整碟鴨連汁一次過落穫炒, 當時已經聞到香噴噴, 稍為再焗一陣就食得。鴨肉肉質軟糯而且非常入味, 個汁甜甜地杰杰地, 又有幾粒吸味既蘿蔔粒, 配上香蔥同埋莞茜一齊食, 確實係香氣樸鼻, 唔係周圍都可以食到呢個水準!食完鴨之後加湯就開始打邊爐lu....【脆鯇片】HK$68脆鯇片開雙飛, 近皮既位幾爽口【即炸響鈴】HK$48必食之一既一定係即炸響鈴! 即叫即炸, 每條響鈴卷左好幾個圈炸, 大大卷, 一咬之下非常脆口, 仲有淡淡既豆香味。【鵝腸】HK$68完全沒有肥油連帶, 很薄, 不過熟後唔算爽【蟹籽墨魚滑】HK$88雖然口感不太彈牙, 但味道鮮甜, 當中仲有少少墨魚幼粒增加口感。整體食物水準平均的好, 特別係招牌家鄉鴨煲, 的確令我一試難忘! 服務更招呼周到, 係一間用心經營既餐廳, 怪不得吸引唔少街坊幫襯。…Read More

朋友搬入將軍澳帝景灣，我們HOUSE WARMING後諗緊晚後食乜好，屋主話帝景灣商場內有間火煱店唔錯可以試下，咁我就跟大隊去打邊爐喇!門口的招牌寫住即叫即煮，初時我還以為係講緊小菜添，朋友話原來湯底係即叫即煮。餐廳裝修簡單，光潔明亮，餐俱有特式，碗係心形。點餐紙共二頁，食物種類多，今次我地特意嚟試該店自家製的食物，聽朋友說水準很高呢!職員先把醬料盤拎來比我地調配，有好多選擇，包羅萬有~接著職員打開鍋蓋為我地準備湯底，一打開蓋先知下面係一個鑊，有別於平日火煱店所用的鍋，好大個呀!黃金雞湯黃金雞湯的材料有雞~蟲草花~花膠~鮮淮山。職員會先將火鍋湯料以薑蒜起鑊，爆炒之後加上雞湯去煲。煲好後香濃的雞湯味撲鼻而來，我們每人一碗立刻品嚐雞湯滋味，湯好甜~不鹹也不油膩，花膠好淋好滑，雞肉彈牙而鮮淮山爽口。由於我們不停地飲，湯已經不夠用來打邊爐，職員為我們添加了上湯。頂級安格斯牛頸脊(大)冰鎮登場的頂級安格斯牛頸脊份量很多，看得出油脂雪花分佈平均，肥瘦比例岩岩好，每塊灼十秒入口，牛味很濃而不羶，肉質嫩滑軟腍。西班牙黑毛豬肉質較有彈性，豬肉味濃。醬爆手打丸醬爆手打丸有: 柚子墨魚丸 / 芥末芝心鮮蝦丸 / 黑松露蘑菇牛丸 / 花膠粒北菇肉丸每粒是人手製作，各有特式。柚子墨魚丸裡有柚子醬，外鹹內甜的很特別 ; 芥末芝心鮮蝦丸中間是微辣的芥末，刺激味蕾 ; 黑松露蘑菇牛丸有濃濃的黑松露香，牛丸非常彈牙; 花膠粒北菇肉丸口感沒另外三款彈牙，口感較像肉餅。招牌三拼餃三拼餃有 : 韮菜餃 / 黃金餃 / 黑松露鮮蝦餃餃類都是自家製，皮薄餡多，黃金餃的餡料是粟米肉粒，當中最特別的要算黑松露鮮蝦餃，鮮蝦大大隻，黑松露味勁濃，很惹味。蟹籽墨魚滑鮮炸響玲響玲一上桌已經被朋友拿了放入口，我又跟著做。嘩~~~很燙口! 原來真的是即炸，平時的響玲是凍的，而這店是即炸，我是首次吃即炸響玲，非常鬆脆。即使不沾湯也可以隨手拿來吃，吸湯後吃又有另一番風味，讚!!!!這店的手製火鍋配料水準真的很高，而且價錢合理，值得一試呢!…Read More

星期三下午休息，上左老友帝景灣新居打機，屋苑裝修設計好豪華好靚。我地兩個由天光打機一直打到老婆們收工過到黎先開餐，老友提議去佢樓下商場打邊爐，雖然我覺得好奇怪(因為由佢屋企望落去係完全見唔到有商店的)。我地7點半出發經帝景灣後門穿出去，原來真係有一個商場係度，老友提議食呢間彩興來來火鍋係商場1樓，外觀普普通通，望入去亦只得一枱客，感覺唔太靠得住，不過既然係地膽老友推介，我同老婆都冇建議食其他。我地坐左係一張四人枱，餐廳裝修簡約燈光明亮，座位寬闊，環境唔錯。由於只得兩枱客人，店員可以慢慢介紹餐廳菜色。菜單好簡單，只有兩頁，我地揀左$188的黃金雞湯底，因為呢個湯底有兩個女士都好鍾意嘅花膠。彩興的火鍋方式好特別，店員會先將火鍋湯料以薑蒜起鑊，之後炒香火鍋湯料再加入煲好的雞湯去熬。我地揀呢款黃金雞湯材料非常豐富，除左有半隻鮮雞之外，仲有花膠、蟲草花同鮮淮山。湯底超香濃，雞肉好嫩滑，花膠我地就上繳哂俾老婆們享用。 花膠雞湯我地每人飲左兩、三碗差唔多飲清先加湯打邊爐。我同老友都係牛肉控，打邊爐必點大量肥牛，難得小店都有提供頂級安格斯牛頸脊提供，我地當然唔會錯過啦。 大份同例牌相差$60，我地揀左大份，真係好大份而且賣相十分吸引，牛頸脊油脂分佈均勻，肉質軟腍，牛肉味濃，好高質。為左唔食牛嘅老婆，我地點左一份西班牙黑毛豬，份量都唔少，豬肉唔太肥，肉質爽滑，黑毛豬肉味好濃，唔需要沾醬汁都好好味。呢間小店嘅自家手打丸類非常出色，我地點左一份醬爆手打丸，共四款有12粒，我最鐘意黑松露蘑菇牛丸，咬開外層彈牙嘅手打牛肉中間爆出濃濃黑松露香味，呢個配搭超正。老婆就鍾意有柚子清香嘅柚子墨魚丸。另外點的蟹籽墨魚滑都好彈牙，不過始終都係手打丸比較好味。呢度嘅餃類都係自家製，有三款，我地點左招牌三拼餃可以一次過試哂。:) 三款之中我都係鐘意有黑松露的黑松露鮮蝦餃，自家製嘅餃皮滑溜，鮮蝦大大隻，最正係充滿黑松露醬，超級惹味。鮮炸響玲唔係間間火鍋店都有，我地每次打邊爐見有鮮炸響玲都會點，呢度嘅鮮炸響玲外型特別，超香脆，上枱時仲好熱好新鮮。埋單每位$280，以食物質素黎講確係超值。離開時老友帶我地經唯一一條通往商場嘅小通道走，出到大街先見到有個指往火鍋店嘅小燈牌，呢度咁隱蔽，如果唔係帝景灣嘅居民都真係好難知呢度有呢間高質火鍋店。…Read More