Tsui Kee Dim Sum (Closed)

返工攰到胃抽筋，就算放假都唔想早起身飲茶，所以好耐先飲一次，倒不如放工就去飲，健康過happy hour啦呢間雖然位於太子比較邊緣嘅位，但闊落是正，水滾茶靚:)點心都係有水準，平時唔多食金錢肚嘅大胃，都清晒佢，因為唔會好鹹，但又夠香濃蘿蔔糕係大胃飲茶wish list之一，但同檯通常怕掗胃，就唔俾嗌，呢間嘅蘿蔔糕唔會滯，蘿蔔肉嫩口，一人都可以食返一碟黃金魚餅表面好似燒餅，煎得好透，魚香菜香交織，口感不錯流沙包一擘開，滿滿黃金流沙蛋黃香氣溢出，包嘅質感好軟綿呢度嘅甜品幾特別，有碗叫甘露嘅嘢，但又唔係楊枝甘露，而係好似川菜食嘅冰粉咁，有啲芝麻、花生喺面，同時又甜甜地幾消暑飲茶又點少得燒賣呢？呢間燒賣好精緻，有樣有食材，肉香蟹香俱備叉燒腸拉得好綿，又帶點彈性，叉燒滿滿唔會得嗰三兩片…Read More

以往到茶樓飲茶，係唔少家庭嘅周末或假期指定節目。但近幾年開咗唔少點心專門店，改變咗呢個傳統嘅生態，再唔使淨係早午茶時，先可以食到點心啦！今次我哋就嚟到位於太子花園街嘅 [徐記廚房點心] ，去到時見排著人龍，就嚟睇睇有咩特別野啦！餐廳以黑色主調，設計時尚，非一般嘅點心專門店，空間感足，唔會覺得擠迫，坐得舒服，歎番一盅兩件先！睇睇餐牌，除咗有唔少傳統港式點心之外，亦有新派款式，即叫即製，鮮味十足。蟹子燒賣皇    $35依度有多款燒賣選擇，我就番傳統款式。燒賣粒粒飽滿，鮮肉同蝦肉爽口嫩滑，配合蟹子嘅脆脆，多重口感。山竹牛肉球    $26飲茶必叫嘅山竹牛肉球，呢碟都幾大個，牛肉球肉味香濃，腐皮食起嚟好滑，經典之作。醬皇蒸鳳爪    $25用上秘製醬汁夠曬惹味，鳳爪爽口，豆卜亦索曬醬汁精華。養顏薑汁糕    $29薑汁濃郁，口感帶少少煙煙韌韌，甜而不膩，香滑鬆軟。徐記甘露    $25一片片透明糕狀，口感有啲似涼粉，質地好滑，糖水甜度啱啱好，配搭埋芝麻、提子乾、花生等材料一齊食，口感豐富。…Read More

行行下花墟有啲餓，即刻search下附近有咩食，就嚟到呢間小店啦❤️✨鳯爪排骨飯 $30 | 3.5/5啲料都幾多！唔會係得兩粒肉咁❤️食落去都爽口彈牙，唔會好煤，米飯質感適中，唔會爛晒❤️✨香茜牛肉腸 $30 | 3.5/5腸粉皮唔算好薄但勝在夠滑😍裡面牛肉質感嫩滑✨蟹子燒賣皇 $33 | 3.5/5粒粒都好大😍蝦肉好爽同彈牙～✨黃金魚餅 $36 | 3.5/5熱辣辣好香脆😎佢唔厚身所以都好快食完一塊又一塊🤣魚肉味唔太濃，不過真係好香口😎✨山竹牛肉球 $23 | 3.5/5質感少少實同埋嫩滑，比較重牛肉味～好食！！❤️餐廳整體食物不過不失😎勝在夠用心同埋手工即整，經過下入去食都係一個唔錯嘅選擇🤪…Read More

太子在晚上以酒吧街聞名🍻在日間也有不少的點心小店營業，以前總習慣一大家人去酒樓飲飲食食聚會一番，但近年社會風氣不同，更因疫情令聚會減少，反而令小型手作點心店如雨後春筍般湧現🥕 徐媽媽開的徐記就是其中良心店的表表者💛點心絕對是抵食夾大件，真材實料即叫即蒸靚點心，餐牌可見有數十款選擇📜皇牌的蝦餃燒賣必然有，還有蒸飯、煎點、粥、小吃類如咖哩土魷、腸粉和甜品 10點幾到來，剛好避過了早茶人潮，但仍有兩三檯客嘆茶中，餐廳裝修帶點古風🏠一句｢無論香港點變，味道依然不變｣足顯出誠意 蟹子燒賣皇 | $33 | 8/10即叫即蒸，大約要等15分鐘，內裏蝦肉夠爽彈，混著的豬肉肥瘦適中有香味，熱辣辣入口有暖意😋 北菇滑雞飯 | $30 | 7.5/10蒸飯很快就上來，比例上也不錯，北菇的香氣十足，小小醬油有助提味🐔滑雞早已去骨，入口嫩滑有汁，飯就較軟身易入口 鮮蝦腐皮卷 | $28 | 7/10煎點的腐皮卷包法較獨特，原來是一邊鮮蝦一邊西芹蘿蔔絲🦐口感多了層次，蝦肉調味後不會偏鹹，腐皮外面酥脆…Read More

好耐都無飲茶，想食燒賣，就嚟徐記叫幾碟；同舊鋪比，的確係比較遠離地鐵站，但鋪位就大咗（但係無坐得舒服咗😭）。重點推介：🤎『養顏薑汁糕（3件）』$26佢個薑味濃而不膩，即使係熱食，糕體都彈牙；千層糕好考心機，要一層一層咁鋪上去⋯⋯💛『古法炸蛋散（大概4件）』$35炸得鬆脆，佢個蜜糖超清甜⋯⋯🧡『蟹子燒賣皇（4粒）』$33大大粒，足料又彈牙⋯⋯其他可參考圖片同點心紙🤣。📍 徐記廚房點心 (太子)太子花園街239號地舖。【小編的話】➡️🌀上菜速度都算快，大概15-20分鐘左右，已經上晒全部點心➡️🍀🤢佢仲有個「點心荽餐」，專為鍾意芫荽嘅朋友而設；對我來講其實都幾恐怖，但係如果你係芫荽控嘅話，即管可以試吓！➡️座位係比想像中「迫」嘅！…Read More

徐記點心搬鋪之後一直都未有時間去食，咁啱行過太子，就入去食啦！都叫咗唔少嘢食，但因為點心都係即叫即做，所以都要等少少時間。香芒糯米卷：糯米皮包住香濃嘅芒果醬同芒果粒，味道好正，係糯米皮較淋身。炸鯪魚球：鯪魚球都好彈牙，出面都炸得酥脆，但係唔鍾意食芫茜嘅可能就唔想要了。鮮蝦腐皮卷：腐皮脆，入面有好多蝦，蝦爽口彈牙。蟹子燒賣皇：入面係滿滿嘅蝦肉同豬肉！彈牙，足料！好食！鳳爪排骨飯：排骨嘅量都好多，下面嘅飯都飽滿彈牙。整體嚟講都唔錯，徐媽媽仲會同啲客傾計，食得好開心！…Read More

徐記係一間點心店，落單時都係剔點心紙，點心款式都算多，不過就無得揀飲咩茶，亦都無茶壺，一埋枱就直接畀兩杯唔知咩茶我哋🤨 佢哋早排搬咗新舖，舖頭都算大，坐位幾密，keep住滿座，門口亦都好多人排隊，不過因為上菜速度快，所以翻桌速度都幾快。•🥢 雪山叉燒包 $24 叉燒包表面酥脆，甜甜地，牛油味好香🤤而且厚薄適中，口感軟熟！餡嘅味道同平時差不多，但食到幾多細細粒嘅叉燒，有加分😋 •🥢 蟹子燒賣皇 $29燒賣皮薄，豬肉肥瘦適中，餡料仲有蝦同冬菇，食落有咬口，都幾好食😋•🥢 黃金流沙包 $20真係超級流心，流沙餡偏滑溜，無乜起沙感，蛋黃味都幾濃🤩不過個包就略嫌太厚，而且有少少乾😖•🥢 金牌咖喱土魷 $38土魷彈牙唔韌，不過咖喱味比較淡，亦都唔夠香，整體似「咖喱醬」土魷，因為連個碗底都乾嘅無汁😧不過最底有幾舊走過油嘅薯仔，幾香😋•🥢 鮮蝦腐皮卷 $26腐皮好薄好脆，唔會韌到好難咬。 主要餡料都係蝦同芫荽，蝦仁好彈牙～•🥢 鮮蝦菜苗餃 $27外皮好薄，晶瑩剔透，咬開見到入面有1至2隻蝦，麻油味幾香，但包得唔算好飽滿，而且外皮唔夠煙韌，好易爛～•🥢 翡翠鮮蝦腸 $30腸粉皮少少厚但算通透，未咬開都見到每條有2隻蝦同一啲翠玉瓜片，味道正常，但豉油無乜味😅…Read More