Taiwanese Mazu Lifestyle Noodles (V Point)

突然好想食米線，但又唔想食酸辣嗰種，上網睇下銅鑼灣有咩米線好食，見到有呢間馬祖即刻想去食下，因為之前喺荃灣食過，覺得好好味，湯好濃好好飲。今次同朋友兩個去食，點左兩個一人商務套餐，有小食，主菜同飲品，大約100蚊，都抵呀，因為我記得呢間嘅米線份量都唔少架！蟲草花藥膳農場雞米線配料都唔少架，雞件都滑嘅，不過今次個湯冇上次咁濃，米線偏淋少少，整體算不錯，如果可濃味少少就更好喇藥膳麻油雞米線朋友話個湯麻油味不夠，米線都係偏淋啦貢丸好香冬菇味，係比較實在嘅貢丸鹽酥墨魚春卷好彈牙只係油左少少，食前可印走少少油先食…Read More

🍽 #馬祖台灣養生湯麵館 #HooLunJeng銅鑼灣燈籠街好多新既餐廳，小編第二次食呢間餐廳，第一次因為疫情期間，所以要買外賣，今次排左15分鐘左右就入到去食。小編今天同朋友試左兩個一人商務套餐☝🏻鹽酥墨魚卷 3條蟲草花藥膳農場雞米線 $97柑桔檸檬特飲 +$2——-🍜——鹽酥台灣澎湖特A級花枝丸 3粒 +$5藥膳農場醉雞米線 $97愛文芒果茉莉花茶 +$2小編好少食藥膳類餐廳，其實間中食下都無妨，湯底會滿滿藥膳味(紅棗、杞子、蟲草花⋯)，食左之後突然間都覺得好養生，個麵好入味，雞就一般般，但有肉的，唔會似出面有啲餐廳雞件可能係骨多，墨魚卷要$10條，味道是可以但偏貴，花枝丸可以，但都偏貴，飲品味道正常。…Read More

之前有朋友提過，登龍街有間藥膳湯麵館湯底不錯。今日難得朋友放假，一於約埋去銅鑼灣行下街，順便試吓呢間湯麵館。位於登龍街嘅「馬祖台灣養生湯麵館」十分易搵，正正在V Point地下。我和朋友大概2:00pm 去到，由於午市時段，看見店內仍頗多人，所以決定逛多一會再食。大概3:00pm 再嚟到，已經相對較少人，我們安排到卡位坐。店內環境很乾淨衛生，座位之間亦很寬闊舒適。點餐真係令人苦惱，單是米線款式選擇，已經有19款之多。除了米線，亦可配白飯、改新竹米粉、又或者手工麵（加$10）當然湯底都是以藥膳為主，另外仲有幾款辣既藥膳湯底，有大、中、小辣可供選擇。據服務員介紹，麵館嘅辣相對比其他嘅會辣一點。如果喜歡辣嘅朋友仔可以嚟一試啦！最後，我們點了2份一人商務套餐。我揀咗「蟲草花藥膳農場雞米線」，配「鹽酥墨魚春卷」及「黑糖冬瓜茶」。雞肉嫩滑鮮甜，再配埋蟲草花本來已經十分夾，而再混合埋藥膳湯底，令到整碗米缐十分香濃。我差不多整碗湯都渴清了至於墨魚春卷，春卷皮很薄脆，所以入口並不油膩。食落口感外微脆而裡面軟綿綿，中間夾有粒粒墨魚肉，值得一試小食。至於我朋友就選了「清湯花枝丸拼白菜肉餃米線」配「麻辣白菜豬肉餃」及「蜜糖茉莉花茶」。湯味相對較清甜，但用料同樣十足，除了有紅棗和桂圓，仲有杞子和黨參。餃子皮薄肉鮮甜、花枝丸好彈牙，食到台灣的味道。麻辣餃子不算太辣，啱曬喜歡少少麻辣既朋友。至於餐飲，同碗湯米缐一樣份量十足，大大杯。埋單時再有發現，原來呢間麵館更提供外賣，有藥膳火鍋湯底及火鍋配料，仲有秘製辣椒油。下次如果想係屋企食藥膳湯底火鍋，可以嚟呢度外賣了。…Read More

馬祖台灣養生湯麵館食過一次後，我就對他的養生湯底念念不忘，因其鮮甜滋潤，真是一試難忘，現在終於開到銅鑼灣，之後食養生湯就方便了。外賣更有全日9折優惠。晚市更有一人商務套餐供應，先選小食、再選主菜、飲品等...而價錢約$89 - $107，就食到商務套餐了。一於買番去慢慢歎。G. 藥膳上湯濃湯汁手作牛丸 (3粒)F.  藥膳上湯福茂貢丸 (3粒)5. 蟲草藥膳花藥膳農場雞米線 - $979. 香藥膳牛肉湯白飯 - $107飲品： 蜂蜜茉莉花茶、柑桔檸檬特飲 藥膳上湯福茂貢丸 (3粒)貢丸較少脂肪，咬起來相當彈牙多汁，更有冬菇的鮮味，越食越開胃。藥膳上湯濃湯汁手作牛丸 (3粒)手作牛丸肉味濃郁、肉汁鮮美，真是必點之選。香藥膳牛肉湯湯底微辣，炆煮牛肉得非常入味，彈牙味濃，更有清甜蘿蔔，更顯層次。蟲草花藥膳農場雞米線打開時已聞到陣陣蟲草清香，識食當然要先試其湯底。湯底濃郁清甜，因當中加入了紅棗、枸杞等藥膳食材。而農場雞雞味濃郁，肉質嫩滑，真是一流的配合。希望疫情盡快完結，可在餐廳慢慢享用一餐簡單的美食。…Read More