Origin Healthy Rice Noodle

朋友推介呢間既米線 仲大讚雞翼 今次經過黃埔就過黎試下啦😜🌟油醋海蜇花口感好爽脆 好彈牙 質感亦好厚身味道方面就微微既酸辣 不過醋味可以再多d🌟 桂花蜜糖雞翼雞皮好香脆 蜜糖雞翼加埋小小桂花味 好特別 好好食 果然無推介錯阿👍🏻👍🏻👍🏻👍🏻絕對會為左佢再黎食多次🥰🌟 蟲草花膠雞湯米線有6條花膠仔 雞件亦好嫩滑 食完覺得自己好健康阿🌟酸辣米線呢個就正正常常 有小小肉碎係面 酸味好充足 食完都唔會覺得好口乾…查看更多

朋友推介呢間令佢念念不忘嘅米線，原作養生湯米線位於黃埔，只此一家，別無分店！去到先知原來呢到唔係食平時嘅川味米線，而係主打無味精嘅養生湯米線～(午市套餐)蟲草花膠雞湯米線💰HK$78係一款湯底味道比較清淡嘅雞湯米線，雞件嫩滑，米線口感淋得來帶少少彈牙～(午市套餐) 星加坡胡椒豬肚雞米線💰HK$78呢個湯底比蟲草花膠湯底更優秀，胡椒味好重，湯嘅味道都比較濃郁，誠意推介比平時鍾意飲胡椒豬肚雞湯嘅同好來試下～呢到嘅午市套餐超級抵，一碗米線再包一個小食再加埋飲品！小食方面，我哋揀咗脆魚皮同埋雞湯浸時菜，時菜嘅味道比較清淡！而飲品就揀咗熱嘅洛神花茶同埋凍嘅金桔檸檬，味道正正常常，不過不失～…查看更多

想去黃埔覓食就搵左依間米線小清新既裝修，環境都好舒適星期日3pm去都有位坐最估唔到係星期日都有午市套餐有麵有小食重包飲品桂花蜜糖雞翼 （推介）炸得好香好脆，加埋蜜糖好好味🤤桂花就令雞翼無咁膩蟲草花膠雞湯米線唔知點解覺得蟲草花有怪味米線係偏淋個種花膠同雞既份量都好足湯底都濃味，最後有飲哂湯但無食哂米線同蟲草花鯛魚片龍蝦湯泡飯（可轉米線）龍蝦湯味都出但唔係話好濃感覺泡飯應該係比較夾都有好多鯛魚片麻辣鴨血鴨血唔建議，因為麻辣完全唔入味然後鴨血都怪怪地…查看更多

有日過咗去紅磡搵朋友食飯，路過見到佢門口啲相好吸引，入咗去試試～朋友同我都鍾意食雞，於是叫咗 #蟲草花膠雞湯米線 ，奶白色嘅湯聞落幾香，飲落都夠味，幾件雞望落色水都靚仔，食落唔韌，但我第一次食咁橙色嘅花膠，而且個質感比我想像中硬🫢 另外仲叫咗 #東江沙薑雞飯配雞雜 ，個湯幾好飲，椰子味好出，好飲過米線個湯底🤣 好欣賞佢個沙薑汁！！佢落咗新鮮沙薑粒，勁鮮味～ 點埋雞食一流～小食叫咗 #桂花蜜糖雞翼 個桂花蜜糖好香，幾好食～ 整體唔錯，有機會可以再食～…查看更多

上星期日落足成日雨，途經黃埔見到呢間米線唔算多人排隊，入去食返碗米線，暖一暖身。原作養生湯米線系一間主打健康養生湯底嘅米線舖。我叫左一碗蟲草花膠雞湯米線，湯底唔會太咸，花膠偏Q彈有口感，雞方面就系雞髀肉（無額外加錢轉），米線軟硬適中，加埋蟲草花，感覺上幾健康。如果你鍾意啲濃味嘅湯底，都可以試試佢地嘅重慶水煮魚鴨血米線，辣度有大中小辣揀，雖然呢款系偏濃味嘅湯底，湯底味道都唔會過咸，而魚片都夠滑身，都系一個唔錯嘅選擇。另外，我地叫嘅係午市套餐，除左有主食，仲包一款小食同飲品。我地揀左桂花蜜糖雞翼、鮑汁時蔬，同埋自家羅漢果茶。羅漢果茶飲得出系自家煮，羅漢果味濃，而且無落太多糖，啱晒飲開少甜嘅人。…查看更多

//< 原作養生湯米線 >小編係黃埔食lunch，上網睇呢間好似幾養生幾足料就黎食喇😆平日lunchtime都要排隊呢！————————————- 蟲草花叫雞湯米線 $78 -呢個米線有四大舊雞，三舊幾厚肉既花膠仲有一堆蟲草花同杞子😋 湯底呈奶白色，有點奶香味～ 雞件入味唔會太韌！花膠膠質幾重，米線滑身唔會太淋！整體非常不錯喔🥰————————————- 黑松露溏心蛋 （兩件）-溏心蛋幾流心，似係用酒輕輕浸過，帶有微微酒味！上面有少少黑松露，夾唔夾就見人見智🤣————————————- 凍洛神花茶 -呢度既洛神花茶果味濃，好夠味！酸酸甜甜非常解暑😎————————————評分：7.5/10地址：紅磡必嘉街120號黃埔花園三期翠楊苑地下34號舖營業時間：星期一至日11:00-23:00…查看更多

近年紅磡一帶好多餐廳都轉哂，多左好多唔同類型嘅咖啡店、特色小店，今次介紹嘅小店就係一間主打養生湯底嘅特色米線店，餐牌有多至十幾款湯底俾大家選擇，以新鮮食材熬製，有養生嘅花膠雞、滋補嘅黃酒雞、鮮味嘅龍蝦帆立貝等等。午市去仲有Lunch套餐，包左一款麵或飯+一款小食+一杯飲品(免加一)，計落比較抵食，但就有指定左幾款麵或飯。🍜星加坡胡椒豬肚雞米線 $98★★★☆☆胡椒味比我想像中淡同唔夠香，有少少失望。有白胡椒味但唔突出，湯底入口唔嗆喉辣口，唔食辣嘅人都食到。個人覺得配米線一齊食唔太夠味，有點美中不足。豬肚乾淨冇咩肥膏、怪味，軟腍但仲保持到一定嘅口感。雞件賣相好大件，份量十足，雞皮色澤幾好，肉質食落滑身唔鞋，唔會乾淨淨，雞皮爽滑Q彈，但食落冇咩雞味。 🍜蟲草花膠雞湯米線 $98★★★★☆湯入面有蟲草花、花膠及杞子，加埋大大舊雞件，足料豐富。湯底偏向清淡少少，溫和得黎帶少少清甜，應該同落左蟲草花、杞子有關。湯底仲要少少雞油，味道純厚。花膠幾厚身同大舊，偏向深啡色，冇腥味，口感爽口，但唔算膠質重，預期之中嘅味道。成個麵一路食一路飲埋個湯都唔會有太大負擔，養生嘅感覺，米線質感正常，冇話太淋或者太硬。🍜新鮮沙薑雞拼雞雜飯(配一碗椰子湯) $98★★★★☆沙薑雞個沙薑醬汁同雞係分開另上嘅，雞件同其他湯底嘅相同，但同樣好食，而且個醬汁配落雞件幾好，咸香又濃鮮薑味道。雞雜分別有雞腎同雞潤，似用左雞湯煮過，唔點醬汁都唔會覺得寡、淡某某，仲帶陣陣雞味。而且洗得夠乾淨冇腥味，雞腎食落脆口但又唔會咬唔郁，而雞潤亦脆嫩唔粉，平時唔食雞潤嘅我都接受到。而配送嘅椰子湯好純厚，好香濃椰子同雞香味，入口個湯有厚度，帶層椰子油同雞油係面，細細碗啱啱好，唔會太膩。🍜套餐小食 【原味脆魚皮 / 麻辣鴨血(半份) / 桂花蜜糖雞翼(3隻)】★★★★☆魚皮香脆唔會淋，冇油益味，咸咸地浸落湯到一齊食幾正。麻辣鴨血都有4-5塊，麻辣味唔算好特出，即使唔算食到辣嘅都可以接受到。鴨血冇腥味，唔會太淋帶有口感，入面軟滑。雞翼即炸夠熱，外脆但唔會炸到乾哂，帶有肉汁。雞翼外層有啲桂花蜜糖汁包裹住，蜜糖嘅甜味之中桂花味好突出，清香又唔會膩口，好味！以套餐配嘅小食黎講3款都出色，份量唔算少，味道唔錯，抵食！🍜滋補黃酒魚頭鮮雞湯米線 $98★★★★☆湯底有有龍眼肉、紅棗、雞件、黃酒，雞湯，成個湯充斥住濃濃藥材同酒香，但反而飲唔出有魚頭嘅鮮味。雞件同其他湯底唔同，切得會更加細件但依然嫩滑，食落帶陣陣藥材香，同其他米線嘅雞件有截然不同風味。成個麵滋補得黎又清甜，配埋米線一流。如果冬天食真係食完成個人都暖笠笠！推介！🍜油醋海蜇花 $58★★★★☆海蜇見得多，但海蜇花就第一次食，口感好爽脆，冇任何怪味！海蜇花比海蜇有質感更有咬口，但冇海蜇頭咁滑口。油醋汁幾開胃，有麻油香味加少少辣椒嘅微辣，唔食辣都食到！成個感覺幾新鮮！🍜土豆絲 $58★★★☆☆土豆絲切得夠幼細，食落仲係好爽脆，好有口感。味道帶微酸微辣咁，幾開胃。份量都唔算細，但普通左啲，味道上同出面食嘅差唔多，冇特別驚艷。🌟總括：午市套餐好抵食！整體所有食物質素都幾高，幾欣賞個滋補黃酒魚頭鮮雞湯。所有湯底飲落都似住家湯，即使差唔多飲哂成碗湯都唔覺口渴，冇味精。論湯底，比起好多市面上指無味精但食完勁口渴嘅好！但價錢點都會比一般普遍米線貴，未必會經常幫親。餐牌仲有齊重口味或者較清淡嘅選擇，值得大家一試，自己經過亦會Encore！…查看更多

呢間小編已經翻兜左好多次😂 暫時係我食過最試過最好味既雞湯🥇🐥🥣真係好欣賞佢地咁用心咁去熬唔同既湯底，全部都真材實料👍🏻 感覺幾健康，亦唔會覺得油膩，性價比高～ 上枱又會用砂鍋保持溫度🌡️ 食完暖笠笠😌 好值得黎試下！(5 😍 係滿分，🤩係半分）蟲草花膠雞湯米線 / 米粉🐥🥣🍜 - $68 (好味指數：😍😍😍😍🤩)湯底用豬筒骨🍖、瘦肉、煎香既老雞🐥、金華火腿，煲8個鐘真係真材實料，質地濃厚帶有少少黏又好鮮甜，唔會有油膩感，雞味香濃👍🏻 飲完唔會口渴感覺無咩落味精，湯🥣真係可以全部飲曬😌白切雞🐥係用左三黃雞🐥，唔理係雞胸肉、雞翼定係雞髀🍗位都一樣新鮮嫩滑又厚肉，雞味🐥好濃郁，雞皮都有油香亦唔會老又唔會漏，份量亦都幾多！花膠係用左鱈魚膠，口感煙煙韌韌，煮得幾腍，幾厚身帶啲膠質～ 另外仲有杞子🔴同爽口既蟲草花，有養生既感覺😂食完感覺幾補～ 呢到既米粉同米線🍜小編都有試，比較鍾意新竹米粉，顏色帶少少透明，爽口又唔會好易爛，而且更加索湯🥣😋 米線🍜夠滑，不過嫌佢腍左啲同埋粉味會比較重招牌海龍皇湯泡飯🦐🦞🥣🍚 - $128 (好味指數：😍😍😍😍🤩)湯底用左蝦🦐、蝦子🟠、花蛤、龍蝦🦞，首先將蝦🦐同龍蝦🦞切粒打成蓉，再煎蝦蓉🦐，喺用蟹🦀️煮過既水入面放曬所有材料再煮6 - 7個鐘，因為無忌廉所以唔會好似西式湯咁杰身，質感比較清爽，味道濃郁鮮甜，有海鮮既鹹香味，尤其個龍蝦味🦞幾出～配料方面，嗰半隻波士頓龍蝦🦞都幾鮮甜，啖啖肉，亦有唔少豐腴既膏幾香口，係略嫌肉質韌左啲，不過呢個價錢有呢個份量，性價比已經好高～ 另外廚師👨‍🍳喺上碟之前有鉗開蟹鉗， 方面客人食，仲貼心咁提供左即棄手套🧤同埋濕紙巾🧻比人喺食龍蝦🦞既時候用，粗魯啲食都無問題 haha 跟住又一粒日本刺身級帶子⚪️，鮮甜彈牙，入面肉質嫩滑幾高質～ 另外一粒係帆立貝⚪️都鮮味，不過就韌左少少～ 花蛤既殼比較長同扁，肉幾鮮甜同無沙～ 仲加左澳洲🦘脆米，脆脆地配埋普通飯既口感更加豐富同香口～ 面頭仲有啲粟米粒🌽有啲咬下好味指數：😍😍😍😍🤩推介指數：😍😍😍😍🤩…查看更多

去睇演唱會前在黃埔這邊搵食，本來排的車仔麵店實在長龍，等了15分鐘也未有怎麼郁動，和妹妹決定轉移陣地！妹妹就想起朋友介紹的這家米線店啊～～～來到「原作養生湯米線」，店內滿座，我們很幸運的，一到達就剛好有人埋單離座，才不用再花時間等位丫～～～點了招牌菜之一的蟲草花膠雞湯米線～～而妹妹就選鯛魚片龍蝦湯米線，店員推介說以陽春麵配搭會比較好吃，事後才發現轉陽春麵是要加$8。我們沒有留意，或沒多問一句，的確也是自己疏忽，如店員能稍作提醒，感覺會稍為良好。另外還點了一份桂花蜜糖雞翼。蟲草花膠雞湯米線，雞件的賣相與色澤不錯，配上蟲草花﹑花膠及杞子，用料充足！先試一口湯底，味道溫和鮮甜，帶點雞油香氣，又不會太過油膩。米線質感滑溜，稍微稔身。雞件皮脆肉嫩，啖啖肉。花膠的質感偏爽口，不太帶有膠質。不過，論整碗米線的味道，是幾好吃的～～鯛魚片龍蝦湯陽春麵，主要配料就是無骨鯛魚片，另配有粟米粒及一大粒帆立貝。龍蝦湯湯底夠濃，但缺乏龍蝦香氣，較為一般。鯛魚片的魚皮位爽口，魚肉片嫩滑無骨。陽春麵煮得過稔了一點，所以覺得加$8是不太划算！桂花蜜糖雞翼 (3隻)，新鮮炸起，夠熱焫焫，外皮香脆，醃得夠味，帶肉汁，不會太油膩。桂花蜜糖包裹外層，蜜糖味香甜得來帶點桂花香～～味道鹹鹹甜甜的，幾滋味！綜合來說，以這個價錢而言，食物水準算是不錯，唯獨鯛魚片龍蝦湯陽春麵有點不太值啊！…查看更多

黃埔一向都係美食集中地，專做街坊生意，所以通常唔好食嘅餐廳都好難做得耐。作為黃埔街坊之一，覺得呢間米線都不錯👍🏻💛胡椒豬肚雞湯陽春面一上菜胡椒豬肚嘅香味係咁湧過嚟，好香好開胃。食材都非常好食，值得一再回頭👍🏻另外我哋轉咗做陽春面，口感都不錯，軟熟得來有咬感👍🏻💛蟲草花膠雞湯陽春面一上菜就聞到陣陣雞湯香味，飲落口唔會覺得太鹹，亦唔會食到有味精味，有好香的鮮雞湯味道👍🏻十分高質雞肉非常嫩滑，都好大件，完全對得住呢個價錢👍🏻…查看更多

-原作養生湯米線 🍜Midweek Treat💆有番咁上下年紀 平時除左搵好野食都要搵啲健康養生既東東黎平衝一下紅磡黃埔呢一帶都曾經係林芝蓮既地頭久唔久都會番去懷念大學時光今次發現左有呢間養生面！🦞原隻紅蝦龍皇湯泡飯 （$98）配料：阿根廷紅蝦，帶子，蜆，少少脆米湯底有濃濃既蝦味泡飯同脆米都吸到湯汁撈埋一齊食會又脆又冧 帶子好彈牙🐔蟲草花膠雞湯米線 （$68）配料： 杞子，蟲草花，雞鮮甜既豬骨雞湯 好似飲住家湯咁食完唔口渴所以係冇味精既雞肉肉質嫰滑 全部都大大舊 勁飽仲要加埋爽口花膠，蟲草花 感覺好健康🍗桂花蜜糖雞翼 （$25/3pc)最有驚喜係呢個🤩第一次食到桂花蜜糖味既雞翼唔係“死甜” 而且有陣陣桂花香係餐廳師傅自己調製既 ❤️食落好減輕到烤雞翼既油膩感💦油醋海蜇花 （$58）海蜇就食得多 但係海蜇花就第一次食口感比一般海蜇彈牙個油醋汁係混咗蒜頭辣椒 麻油味好香老闆話海蜇花係出面好少會食得到！好有新鮮感！ 會之後都好想周圍搵黎食食物整體都係高質而且唔貴 幾抵食環境都幾舒服 店員們服務態度都好親切會周圍問番客人既意見👍-📍原作養生湯米線Shop 34, G/F, Willow Manisons, Phrase 3 Whampoa Garden, 120 Baker Street, Hung Hom…查看更多

去紅磡尋找養身美食，就嚟到呢間原作養身湯米線。Lunch set有六款湯米線，配六選一嘅小食加飲品，勁多選擇。我揀左少見嘅桃膠椰子雞湯米線，桃膠椰子呢個超級甜品嘅combo搭上雞湯米線後竟然毫無遺和感，好有層次咁先嚐到清甜椰子味再嚐到鮮雞湯，湯底比同事揀嘅蟲草花膠雞湯米線杰身，骨膠原十足。桃膠有嚼勁，蟲草花爽口，雞肉滑嫩，無論湯底、配料、米線嘅水準都非常好。小食揀左脆香魚片頭(二件)同原味脆魚皮share。魚片頭落鍋走油後好香口，魚皮就可能擺耐左唔係好脆。飲埋自家製羅漢果茶同檸檬柑桔，為養身美食之旅畫上完美句號!…查看更多

畢業之後就好少再黎黃埔食野，估唔到依度開左好多好正既餐廳。平時成日出街食會比較油膩，見到依間主打養生米線，湯底用原材料熬足8小時既餐廳就好想試一試。餐廳設計係以白色牆搭配木系傢俱擺設，並掛上一盞盞吊燈，燈光柔和，營造出一種溫馨又舒適既氛圍～除左米線，依度既食物種類都有好多款，例如：泡飯、雞湯及小食等，睇得出店主對食材非常講究，用心製作每道菜。❀ 蟲草花膠雞湯米線一上枱就見到滿滿既配料。雞肉好嫩滑，肥美多汁，仲有三大塊花膠，煮得好腍又夠入味，再加上大量既蟲草花，真係好足料！雞湯味濃郁，而且好鮮甜，唔會太鹹及太油，飲晒成碗湯都唔會口乾，證明湯底無落味精，原汁原味。而米線都幾彈牙，好掛湯，味道唔錯❀ 原隻紅蝦龍皇湯泡飯估唔到主打米線既餐廳，連泡飯都煮得咁出色。依個湯底係由新鮮蝦肉及龍蝦肉經長時間熬製而成，味道非常鮮甜，濃得黎又唔會稠，好有驚喜，忍唔住成碗飲晒。泡飯加左澳洲脆米，好香又有口感。而配料都好豐富，有紅蝦、帶子及蜆，當中特別中意紅蝦，非常鮮甜。❀ 桂花蜜糖雞翼老闆推介既小食，味道真係唔錯。雞翼外脆內嫩，而桂花蜜糖份量好多，夾埋雞翼食好正，香甜可口～❀ 洛神花茶❀ 檸檬金桔檸檬金桔味道酸酸地好開胃，而洛神花茶酸酸甜甜，好啱我口味。⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆👅味道：⭐️⭐️⭐️⭐️📸環境：⭐️⭐️⭐️⭐️🤵服務：⭐️⭐️⭐️⭐️💎CP值：⭐️⭐️⭐️⭐️(5⭐️為最高分)⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆…查看更多

一向都好鍾意食米線，見到呢間原作米線話湯底係用原材料熬製8小時即刻想試，餐廳設計好modern，有好多食物款式，我地想試晒兩個主打湯底分別叫咗：蟲草花膠雞湯米線（ $68）呢碗米線一上枱已經感受到餐廳嘅用心，花膠同雞嘅份量好足，養生湯濃而不膩，飲得出係真材實料，花膠炆得好淋，雞肉亦都好嫰滑再加埋蟲草花，食完即刻覺得補充左元氣😌呢碗米線絕對對得住呢個價格～原隻紅蝦龍皇湯泡飯（$98 ）呢個招牌龍皇湯底以鮮蝦，蝦子，花蛤，龍蝦熬製8小時而成，湯頭非常鮮甜開胃，啱晒炎炎夏日呢啲日子食，店員話係用咗阿根廷紅蝦，隻蝦真係好大隻好彈牙，泡飯撈左脆米有雙重口感，好鍾意呢個配搭！桂花蜜糖雞翼（$25）- 炸到脆卜卜嘅雞翼再帶一點桂花嘅香味，又一個有創意又好味嘅配搭～洛神花茶（$18）檸檬金桔（ $18）- 兩杯飲品都好清新又唔會過甜，飲完好醒神！涼拌貢菜（$25 ）- 少見嘅前菜，食落非常爽口清新，可以中和一下味蕾～整體嚟講非常滿意，仲見到其他小食如：口水雞，黃金炸魚皮，麻辣鴨血都非常吸引，絕對有下次！…查看更多

今日響黃埔收工，見到附近有間米線同泡飯好吸引，同埋睇到佢用料新鮮，於是入去食晚餐😋😋🌟 原隻紅蝦龍皇湯泡飯 （$98）紅蝦大隻，有帶子，帆立貝，蜆，海鮮鮮甜多汁，湯底用左新鮮蝦，蝦子，花蛤，龍蝦熬煮左8小時，湯底好濃郁，好濃既海鮮味道😋😋加上泡飯用左澳洲脆米，令泡飯多左一種口感，有脆口既感覺，相當特別😋😋🌟 蟲草花膠雞湯米線 （$68）雞湯湯底濃郁，相當清甜，花膠份量多，而且大塊，雞肉煮完再用放上熱湯，雞肉都保持到嫩滑，肉鮮美多汁，再加上大量蟲草花，呢個花膠雞湯真係用料十足，而且養生，必點😋😋🌟 桂花蜜糖雞翼 （$25 三隻）雞翼炸得香口，調味唔錯，加上桂花蜜糖，食落有種清新嘅感覺，好香桂花味，蜜糖加落炸過既雞翼唔會覺得熱氣，而且味道好夾😋😋🌟 洛神花茶 x 檸檬金桔洛神花同檸檬金桔都係酸酸甜甜，解熱氣，好開胃，兩杯飲品唔會太甜，健康嘅米線加健康嘅飲品，真係做到養生效果👍🏻👍🏻…查看更多