Autumn Feeling (Shing Yip Industrial Building)

想試呢間嘅豉油雞好耐，因為好多人都話好食同埋推介！ 每人叫一個晚餐set ，set 抵食，平均都係$60至$80去骨豉油雞套餐 $64 轉淨髀 加$10 個豉油雞超滑溜，是有味濃郁，一定要食埋個皮！其實送飯會好味啲，因為個豉油都幾濃，但係我夜晚就唔想食飯，所以揀咗淮山麵，清清地，幾舒服！ 陳年醉汁去骨雞 $66 轉淨髀加$10 呢個醉雞都好滑嫩，醃得好入味！ 果然呢度嘅雞都係出色😌 另外試咗個蝦蝦冷拌麵，不過個人都係鍾意湯麵多啲～蟲草花烏雞燉花膠湯 （加$48） 好足料，入邊都有兩大塊花膠，藥膳味偏重，健康！值得嚟食嘅抵食豉油雞觀塘飯堂！…Read More

Bookmark左好耐嘅秋意🤌🏼之前黎成日都好早賣哂啲雞早收工搞到食唔到😂今次終於有得試呢間觀塘名物！大家想食嘅一定要早啲黎！⭐️叫左一個口水雞飯同半隻豉油雞。秋意嘅口水雞同出面食嘅都幾唔同😂呢度嘅口水雞醬係用麻醬做base, 所以冇咁油膩😋醬汁帶有微微嘅麻辣味，口感層次分明。每一口都充滿香氣✨仲有花生碎同蔥花嘅加持，令整體味道更加立體，食完真係想再嚟一份！👍豉油雞秋意用心熬製嘅醬汁，醇厚又唔過鹹😚雞皮完全吸收哂醬汁，十分之入味！😍咬落去有種香醇嘅口感，肉質彈牙。而且豉油雞皮嘅油脂加埋啲豉油，真係勁好送飯🥹平時食好少飯嘅我都爬哂成碗飯！😹再嚟就係溏心蛋😙佢哋嘅溏心蛋真係超正！蛋黃柔滑，一咬就流出嚟！而且好入味😋醬油嘅咸香加埋少少酒香，口感同味道都好到爆！每一口都係幸福，同白飯簡直係絕配。⭐️蟲草花烏雞燉花膠湯✨超級足料😍成碗有一半都係湯料，如果係鍾意食料嘅人一定覺得好正！🤣湯應該冇點加味精同鹽，所以味道比較淡☺️但都飲到淡淡嘅雞味，冬天飲完成個身暖笠笠好正！🤌🏼烏雞燉到好淋，整體不錯！一定一定會再黎試埋佢個貴妃雞😍😋…Read More

好評激多的觀塘雞餐廳，經過無理由唔試下。發現佢啲嘢食好健康，高蛋白質又多膳食纖維/可能因為啲雞太多好評，反而對佢期望值拉得太高，但佢啲配菜真係令人驚喜。排名有分先後：🥇酒釀溏心蛋 HKD12溏心蛋，煮得剛剛好，流心Q凍質地，醬油入味程度100分，隱約有陣酒香，層次豐富🥈蟲草花烏雞燉花膠湯 HKD78好多湯渣，真材實料，豬肉都放咗2舊落去，烏雞燉到骨都淋到可以食😍重點花膠同我掌一樣長度，有誠意🥉秋意去骨豉油雞飯 HKD64|雞 飯 半隻溏心蛋 涼拌雙耳 椰菜｜都係average 以上嘅，由於我無指定要咩位置，姐姐比咗雞翼近髀位我，再加雞胸。一碟都有差不多9件肉，件件索滿豉油味，雞皮連雞肉食的確～油香滿溢，不過無咁多quota… 果斷只食肉！*鐘意蔥油的可以要求，配埋食畫龍點睛*⭐️蔥油涼拌雙耳（雪耳+雲耳） HKD24出面好少食到呢個組合，充滿膳食纖維，好有益。不過原來叫個豉油雞嘅前菜都有，下次可以唔使叫⭐️百香果柑桔 跟餐HKD8清清地酸酸甜甜，開胃⭐️九製陳皮洛神花 跟餐HKD8配搭都好特別，鐘意飲甜野又想試新野可以叫吓…Read More

今日👷🏻‍♀️細孖放工約左好耐冇見嘅大學同學聚下，朋友係要見嘅😂之前喺ig見過呢間豉油雞幾靚仔，於是約左夜晚一齊食飯girls talk 店鋪位於工厦林立嘅成業街，觀塘B1出口行出去過一個街口一路直入，行到後段就搵到😂餐廳裝修簡單樸素，有一排卡位，以二人枱為主，今日星期五晚都好多情侶同事放工黎食㗎餐廳主打招牌豉油雞、水煮魚、酸菜魚，中式小食、紅燒肉，另有燉湯、特式飲品👷🏻‍♀️細孖同朋友叫左2款主食+ 2款小食+ 2杯特式自家製飲品🤪所有主食類可配白飯/湯麵/蒟蒻麵/菇扮麵🥢秋意去骨豉油雞配湯麵💰62✨店員極力推介呢款餐廳招牌菜式，雞肉除左雞翼位大部份都去哂骨，好方便客人食㗎✨雞肉非常嫩滑，用上玫瑰豉油醃煮，豉油醬汁好惹味，鹹中帶微甜✨雞皮好上色，完全沾上豉油醃料，👷🏻‍♀️細孖本身唔食雞皮，但呢款係好入味，晶瑩剔透有彈性，仲要唔油膩㗎😝✨湯底用上新鮮雞煲成，呈奶白色面且冇咩雞油，有豆卜、雲耳等配料，豆卜索埋白雞湯食好正，幼麵份量十足，浸耐啲有少少淋👭🏻孖妹評分：🌕🌕🌕🌕🌗🥢瑤柱去骨貴妃雞配飯💰64✨餐廳以定食形式上菜，除左貴妃雞外，另配新鮮沙律菜、半隻溏心蛋，白飯上仲有黑白芝麻紫菜碎✨貴妃雞同樣都係去骨嘅，比起招牌豉油雞就清淡啲，雞嘅鮮味更為突出，雞面上放上瑤柱碎，賣相加分💯👭🏻孖妹評分：🌕🌕🌕🌕🌑🥢蟲草花烏雞燉花膠湯 +💰48✨👷🏻‍♀️細孖呢排成日OT，少飲住家滋補湯水，叫呢款燉湯補一補身😂上網睇食評相對少人叫，開頭都擔心會唔會唔好飲✨餐廳每盅湯都加入烏雞件、新鮮豬肉、大量蟲草花、原條花膠、桂圓肉煲燉而成，非常足料✨湯色水就知夠哂濃味，味道清甜濃郁，桂圓肉完全提升左烏雞鮮甜，水準拍得住坊間中式酒樓/酒店㗎👭🏻孖妹評分：🌕🌕🌕🌕🌕🥢白桃烏龍茶 +💰8✨餐廳飲品係自家製‼️今日👷🏻‍♀️細孖同朋友傾計到餐廳關門，見兩位店員喺廚房攞左個大煲，利用漏斗工具將飲品倒入印有餐廳logo塑膠包裝袋✨烏龍茶底係無糖，有少量白桃粒，低卡又解膩又有果肉食下👭🏻孖妹評分：🌕🌕🌕🌕🌘🥢百香果柑桔+💰8✨呢款味道清甜，底部有百香果籽，但餐廳提供係幼飲管👷🏻‍♀️細孖建議可議比多支匙羹/粗身飲管食埋百香果籽👭🏻孖妹評分：🌕🌕🌕🌕🌑🔸🔹🔸🔹🔸🔹🔸🔹🔸🔹🔸🔹🔸🔹🔸🔹✍🏻總評：👭🏻推薦指數：🌕🌕🌕🌕🌗👭🏻回頭指數：🌕🌕🌕🌕🌗👭🏻環境評分：🌕🌕🌕🌕🌗👭🏻服務評分：🌕🌕🌕🌕🌗🔸🔹🔸🔹🔸🔹🔸🔹🔸🔹🔸🔹🔸🔹🔸🔹💰人均消費：$100 - $150…Read More