Sheung Moon Chinese Cuisine

又說到港風飲夜茶的風愈吹愈烈之際，當夜三五知己來到一家點心小菜放題的酒樓宵夜。食物的選擇真的好多，除了有點心紙剔之外，自助區更有多不勝數的小食、火鍋料、醬料等等，就連飲品也是放題的！點心都很不錯，又熱又香，啤幾啤之後宵夜填吐一流。放題居然有鮑魚，還要是蠔汁的，鮑魚煮得夠腍，沒有將貨就價。燒味也很吸引，其中白切雞相當滑嫩；而小炒蔥爆牛肉也爆炒到蔥香盡情發揮。此外，我們也拿了雞翼、紅腸、串燒及炸物等等，完全滿足！食完飽到上心口！…Read More

人生第一次食點心火鍋放題，起初只係得屋企人在某日因為唔知食咩好，就上左黎呢度食野，價錢完全係抗通脹，屋企人食完後都係好評不絕，之後我再同其他屋企人再去多次呢度食飯，只能用簡單既形容……..CP值極高……平日晚市都係188+10%，仲要有埋打邊爐同埋「無時間限制」，寫幾多數量都係比足，由頭轉到尾轉都係比足，除左讚之外….真係無咩唔好既地方，點心又多選擇、又好味，火鍋配料有分自取、單點同有加錢買既都有….而自取既火鍋配料….眼見會有廚房師父時不時睇下要唔要補充番材料，非常有心，餐廳既樓面員工都非常好客，雖然眼見員工唔多，但好勤力既幫大家收番用完既碟同蒸籠，十分敬佩，真希望會再有下次既光臨。…Read More

今日嚟到食肆林立嘅荃灣大鴻輝中心食晚餐，呢間餐廳主打火鍋及點心任食，晚市$200有找。點心大約有20款；火鍋配料都幾多選擇，自助區都有火鍋配料；火鍋湯底選擇都幾多，仲有雞煲或者椰子雞湯可以揀，全部都唔使額外加錢👍🏻🥥椰子燉雞湯奶白色嘅湯底好清澈，雞肉都比較瘦，油分唔會太多，少少椰子香味，飲落都幾滑幾清甜。點心🥟1）常滿蝦餃皇：好大粒蝦餃，一口食唔哂，蝦肉嘅份量好多，每一隻都有大約三四隻蝦，爽口彈牙；蝦餃皮厚薄適中，晶瑩剔透2）金蒜翠玉瓜：翠玉瓜顏色翠綠，爽脆清甜，加咗蒜蓉提味，清爽解膩3）蒙古流沙包：包身軟熟，中間金黃色流沙醬熱辣辣，香甜帶蛋黃香味4）蘿蔔絲酥餅：外皮夠酥脆唔會太油膩，不過上碟唔夠熱，內裏蘿蔔絲口感絲絲5）黃金炸饅頭：饅頭外皮炸得香脆，內裏十分軟熟，配上煉奶最佳配搭，size都幾大件火鍋配料：1）海生蝦：估唔到呢個價錢有海蝦食，仲要隻隻都新鮮彈牙幾大隻👍🏻2）精選肥牛：顏色鮮嫩，脂肪比例適中，厚薄適中，入口牛味都幾香而且有嚼勁3）手打雙丸（鯪魚球、墨魚丸）：墨魚丸彈牙有咬口；鯪魚球都幾Q彈又唔腥飯後甜品🍮：- 呢度有幾款中式糖水同中式甜品，包括番薯糖水，紅豆沙，椰汁馬豆糕，杞子桂花糕，芒果布甸等等… - 番薯糖水番薯夠淋，有少少薑味但唔會太甜，不過建議最好要有蓋蓋住糖水- 椰汁馬豆糕椰汁味幾香濃，馬豆都夠晒淋- 杞子桂花糕晶瑩剔透，有好多杞子，桂花幾香- 呢度仲有熱維他奶，真係估你唔到整體來講，食物質素都唔錯，性價比都OK，建議點心可以細件少少，讓客人可以試多啲唔同款式。…Read More

見電視廣告介紹得多，今晚就和屋企人去試一次，睇吓食唔食得過先去到大鴻輝中心地下見到好多人排隊等電梯，原來整座都係食店18：30上到去以為時間上早，應該冇乜人，點知入到去已經有幾枱食緊，坐低之後不停有人入座，好快就坐爆晒選完湯底、火鍋配料和點心之後，就即刻出去睇吓有乜熟食、飲品和自助火鍋配料區有乜啱食，睇完都算多選擇，而且熟食區不停更新，源源不絕多到食唔晒雞翼和雞軟骨都係熱辣辣:)豬紅和豬皮入晒味好腍藥膳雞腳，好濃藥材味聽人講呢間店出名係點心，所以叫左幾款試吓小籠包：皮薄，肉汁美味蝦餃：大大隻，入面有幾隻蝦噤多，好彈牙蟹子燒賣：同樣都係大大隻，肉質唔差，啖啖肉椰子燉雞湯底：可以飲左湯先打邊爐，好香濃椰子味火鍋配料都幾新鮮，花枝片、雞件和魚片都好嫩滑牛肉拼盤：牛展有咬囗，牛脷就爽囗，好香牛味蔬菜都有7-8款，而且唔老又唔殘還有糖水、甜品和雪糕最重要係唔使$200就有任食，而且有肥牛、海蝦和啤酒任飲任食…Read More

朋友同我講左好耐好多次想試呢間食店，今日噤啱大家在附近做完嘢，就一齊過去食返餐試吓先18：30去到已經有人入座，而且陸陸續續越來越多人坐低睇餐單都幾多點心款式和火鍋配料任點任食，點心就選左我至愛嘅：蝦餃、燒賣、小籠包，火鍋湯底就選左佢哋新推出嘅椰子燉雞湯，選完後就出去自助bar睇吓有d乜嘢熟食、點心、火鍋配料、糖水甜品和飲品啱先鮮蝦腸粉：新鮮出籠，大大碟，腸粉內有好多隻大蝦，入囗彈牙蝦餃、燒賣、小籠包：同樣熱辣辣出爐，大大粒，好好味椰子燉雞湯底：好香濃椰子味，飲落口好清新鮮甜海蝦：可以任點，新鮮彈牙，入囗唔梅菜苗餃：好足料，內裏全部都係菜:)牛肉拼盤：牛展和牛脷，有咬口，牛味濃魚頭、魚件、鮮雞件：嫩滑可口，新鮮美味今晚真係食到飽飽，唔使$200有牛、海蝦和啤酒，任飲任食，一個字低…Read More

向來不喜歡限時限刻咁食餐飯，聞說「常滿百家菜」晚巿沒有時限，那就一於來試試。酒樓以「點心火鍋🍲」為主題，用OpenRice 訂座有乳鴿送，直至結賬時才醒起，店員沒有送上乳鴿啊，由於太飽，所以都沒有追問了。由於星期日的關係，酒樓高朋滿座，自助區域的食物一掃而空，補給比較慢，點心就係填紙order， 種類還可以😌，蝦餃超大隻，有成3隻蝦🦐在內，脹卜卜👍🏻肥牛同手打墨魚🦑丸都好好食😋，甜品還可以😌，有雪糕🍧🍨，馬荳糕，桂花糕，啫喱，布甸🍮等。服務員💁🏻很少，見她們不停手地執枱，落單，但態度都好好👍🏻…Read More

疫情前常滿經常很多人坐得很擠，如今座位分開了，人也沒之前那麼多，但食物質素還是保持得到。這次到常滿飲早茶，點心份量大質素也好，例如咖啡魷魚一般酒樓只有4至6塊，常滿卻最少8塊，而且每塊都挺厚身，味道很濃郁，也沒太多豆腐或蘿蔔之類的配菜，一整籠都實實在在，吃後會覺得非常滿足；常滿的蝦餃、炸雲吞等所用的蝦很大很彈牙，非常足料，而且還是能吃到蝦膠（非墨魚膠），所以每次都吃得很滿足。唯一是常滿的服務還是沒太大改變，侍應比較少而顧客要等比較久才得到回應，但點心質素可抵銷服務的不足。…Read More

打邊爐最緊要就緊係唔係滔滔話齋，最緊要個爐安全啦⋯⋯家陣出街食飯，最緊要都係環境衞生為上。所以如果太多人，都唔敢去。聞說呢間店，夜晚邊爐可以食點心，咁盞鬼。加上睇埋其他食評，話佢服務差，咁就唔駛驚多人啦。果然，一上到去，只係七成滿。其實今時今日，仲有七成滿，呢間店做得算係唔錯啦。入到去，個店主服務一啲都唔殷勤。又冇90度鞠躬，又冇斟茶遞水。只係問兩位想坐近門口定坐入少少。似乎其他食評話服務唔好，可能係真嘅。如果你想要半島既服務，我估呢到俾唔到。之但係咁我已經收貨，唔好太殷勤，我會起雞皮。都係講返食物啦，就係因為佢👇🏻都實我都有啲疑惑，係唔係將小籠包放入打邊爐煮熟黎食呢？但係又有叉燒包喎⋯⋯。開估，登登登櫈⋯⋯原來可以一邊打邊爐，一邊食蒸好嘅點心。呢籠小籠包，合格之選，皮唔係薄，但餡靚。之後有燒賣：好在只係叫兩粒，超誇張，有冇咁大呀？乒乓波既 size 呀。呢個真係要推介一下啦。的確唔錯，食落彈呀既，肉質唔會梅，好野。呢籠係我放埋一齊既大集錦。叉燒包係正常大細既，但換句話說，即係隻蝦餃唔正常，超大。咁到底打唔打邊爐呢？哈哈，啱啱水滾。其實火鍋既野，來來去去，都係肥牛，同埋精選特選肥牛，如果係極品。我話二百蚊落樓，你都唔會信啦。之但係任飲任食黎講呢，呢到啲牛可以接受架。唔知點解呢到唔做多啲海鮮呢？政府送咗一萬，我又唔介意食豪少少呀。可能驚人流少，銷唔去啦。海鮮一定要新鮮，隔一晚已經唔係海鮮架啦。除咗肥牛，原來仲有其他野，不過係自助。我最鍾意自助，飲料都係。快靚正。但美中不足既係啲 響鈴。放係到任夾係唔得既，因為有水氣，唔脆啦⋯⋯，要改善一下啦。差啲講漏咗隻蝦，唔食真係走寶。真係鮮！…Read More

那時仲未比譴散，8:00pm放工同🤴🏻行街到9:00pm就為食佢個特價時段$118任食放題，包括點心、小炒、燒味、甜品等！上到去全場3-4枱客比軟冷清，好有舊中式酒樓裝修，侍應探熱後安排座位，有6張點餐紙可以選擇，大多數都係剔點心為主，加幾樣小炒共20幾款！點心比小菜出色，例如蝦餃大隻脹卜卜，雞腳好淋入味！燒味中叉燒，燒鴨乾左少少！你問好唔好食就講真係好一般，主要係這些舊式酒樓食的是熱鬧氣氛及人多嘈吵的感覺😥希望疫情過後會有返這種香港人飲茶的熱鬧😆…Read More

今次係第N次食..我響熊貓酒店嗰邊.食到大鴻輝呢邊.....最喜愛蝦餃...其他點心都好好......今日168+10%...最重要係無限時間..1800-0030...任飲任食.. 朋友聚會最佳選擇... 群組聚會最佳選擇..呢度係我經常去嘅地方.. 推介蝦餃..鮮蝦燒賣..我嘅下一次群組聚會.. 都係選擇呢度.. 應該會有三十幾人.. 朋友吹水聚會必選嘅地方......我和我的朋友.....已將呢度成為飯堂...小馬字 …Read More

之前約女友人LT食佢o既生日飯,由於我同男友要攪結婚o既o野,就約佢尋日(9-10-2015 Fri)或者16-10-2015 (Fri)晚食,佢話佢可以早出o黎食就尋晚,佢就揀o左呢o度,於是約埋女友人WK,我男友都係今個月生日,就請埋佢.之後好攪笑地,LT有兩個男友人Y同我未見過o既都話o黎,加埋LT兩個女,就一共8個人食.LT book o左6:30pm,我放工後6:12pm到,先攞枱.安頓好,LT同佢兩個女都o黎到,我同佢大女出去睇有咩攞,原來係熟食同甜品,我先攞熱豆腐花同兩件西多士先.1. 西多士幾厚,食落,裡面o既料幾夠,有粗粒花生醬,口感係正常,但因為冇糖漿,所以味道爭啲.2. 豆腐花呢,由於我開頭見唔到有蔗糖,所以加o左好糖水,豆腐花係滑o既.3. – 4. LT大女攞o左薯條同麥樂雞,我黐食薯條,腍o既.而麥樂雞,佢大女一食,就大嗌唔得,哈哈.而呢o度俾o左兩個爐我o地,所以我叫o左四個湯底,有香茜皮蛋鍋,沙爹鍋,澳門豬骨鍋,同野菌豆腐鍋,四個湯o黎到時,我嗅到野菌豆腐鍋陣味好勁.澳門豬骨鍋裡面有一大舊豬骨. 香茜皮蛋鍋都有好多香茜.我o地剔o野食,呢張menu o既全部剔晒同剔o左兩round.5. 脆肉鯇腩腍到死,男友話食到鯹.6. 脆肉鯇片第一round冇o黎,第二round至有,呢個就正常.7. 蜆又細隻又少,食唔到咩味.8. 蟶子仔幾爽.男友話食到微鯹.9 . 花膠頭唔大件,灼熟後幾乎連影都冇,亦冇口感.10. 點心方面,侍應話單位係件,咁我o地就剔6粒燒賣,燒賣大大粒,但竟然有散開.口感同味道正常.11. 精選肥牛好離譜,肥o既已經偏多,重要係黑色,牛肉味一啲都冇. :(12. 滑牛肉同樣冇牛肉味,重要灼熟後啲色好唔妥. :(13. – 14. 鮮雞件, 鮮魷如無一物.15. 點心-蝦餃大大粒,但都有粒散開,而內裡就真係只係得蝦.正常o既有:16. – 30. 海生蝦,豬頸肉,芝心丸,蟹籽丸,龍蝦丸,醬爆肉丸,牛丸,花姿丸,魚皮餃,響鈴,山筋唐生菜,但有啲爛.金菇菜,粟米點心-牛肉球我o地填4件,點知o黎6件.31. – 32. 水晶包第一round冇o黎,有兩種餡,一種係奶黃,一種係紅豆,奶黃o既顏色係灰色,而且冇乜奶黃味.紅豆就好少少,但紅豆味都係偏淡.33. LT大女攞啫喱,LT一試,又大嗌太甜.34. 我攞蕃薯糖水俾男友,但都試一啖,冇甜味,只有辣味.35. 我自己就要雪耳糖水,味道好怪同苦.36. 迷你砵仔糕,口感比魚膠粉做o既更硬,而且冇乜味.37. 桂花糕,都係冇乜味38. 片皮鴨侍應逐張枱叫有片皮鴨,WK幫我o地攞,我o地都飽喇,我就食啦,一般啦.我冇食o既有:豬粉腸,鮮豬(月閠),烏冬,馬豆糕火鍋加水唔係加湯,攪到冇晒味.冇o黎o既有韓國麵,娃娃菜,芙蓉卷,蘿蔔服務:我o黎到攞位話姓X幾多位,個知客就話X小姐幾位,然後同同事講,有冇留張枱?入面有冇枱?冇book位嗎?但我冇講先生定小姐,佢都自己話小姐,即係有啦.之後都俾o左張枱我,我坐低後,冇人問我要唔要開茶.然後我張啲凳同茶几擺好,推住車仔o既女職員撞埋o黎,撞到我,sorry都冇聲,有冇攪錯呀??之後我叫侍應開茶同滾水,佢拎o左一壺茶同個載住幾個杯o既兜o黎,我就洗o野啦,原來杯得5個.呢個時候LT同兩個女都o黎到,我問侍應拎多3個杯,佢好似好愕然咁.拎o左o黎後,我再叫佢俾壺水o黎.未人齊時,我同LT講我o既經歷,我話呢o度冇下次.人齊後,中途,LT接電話,話呢間o野打俾佢,問佢o黎o左未.真黐線.然後老闆走o黎問我o地,呢張枱係咪Chris留?話驚人o地冇枱.黐線o架,你o地咁亂o既咩?咁冇枱我o地係咪要轉枱?WK問侍應攞多幾對唔同顏色o既公筷,侍應只俾一對,之後佢自己去搵,就只有四對.第一round o野食o黎時,我發現啲丸類同芝士腸o係菜籃o既底,有冇攪錯?碟都慳?唔知侍應係咪聽到我話冇下次,所以佢之後主動同我o地加水.環境:我一坐低覺得好凍,不過打邊爐係要開大啲冷氣o既.衛生:未用o既豉油都已經有油,好恐怖.價錢:大人每位$149.00,小童$129.00,如要任飲汽水,每位加$10.00,由於覺得侍應計計LT o既兩個女為一大人一小童太貴,所以我o地唔任飲喇.味道係2.06分, 抵食係1.5分…Read More

看到宣傳，上次吃至尊雞煲有點兒過飽，所以再嚐一趟雞煲。怎知到場才發現其實不是甚麼雞煲專門店，就像是酒樓般，只是有雞煲供應的火鍋酒家罷了。生怕火鍋後豆腐花已賣清，所以等媽媽時先吃一碗，微溫，但一點兒也不滑，吃一碗試試好了。食品種類也不算少，還有點心可選，其中常滿蝦餃皇至為美味，甚至比酒樓午市散叫的更美味，蝦肉多而皮不太厚；相反，燒賣、小籠包則僅屬一般，一試也無謂，留胃子的位置給其他食物吧。這個預設辣醬有點兒像pre-混了甜醬般。講到明是「常滿雞煲」，當然不會期望雞煲真是常常都滿，但至少店員一端來時還應該是「較為滿」吧，總不至於這麼少，就像是先試試吃，淺嘗其雞舨。與至尊雞煲可想是天壤之別，因至尊的雞是吃不盡的，一件接一件但後來還是總會找著雞，千雞吃盡還撈來的。這兒的雞，對我家三人而言，似乎不一會兒便吃完了。都是那些肉類，豬頸肉、肥牛、花姿、海生蝦。似乎較美味的就是海生蝦，新鮮味美。而墨丸則可謂差劣，連譚仔的質素也比不上，削削的口感，毫無彈性。任飲果汁先生還是貨真價實的。…Read More