One Dim Sum (Tung Choi Street)

星期日二人飲茶，點了蝦腸，蝦餃，咸水角，叉燒餐包，糯米雞。食完飽到一個點！蝦餃做得不錯，質比一般中高檔次酒樓質素但價格相宜多了。叉燒餐包已很久沒在一般酒樓見到，此乃兒時至愛，當然要一點來回味一番😋包點送上時溫溫熱熱，面包鬆軟，餡量適中，咸甜有致，下次再來一定返點。咸水角又是另一美味，外脆內Q,餡料美味，熱辣辣的！韮黃蝦腸不過不失，略嫌粉皮欠缺一點米香可能澄面較多，少了一點軟濡，但還算是比合格高一點點的…糯米雞 有少許飯粒過濕，但餡料不會過多芡汁，冬菇香味濃郁，用料不錯，但吃過後真的再吃不下甜點了！但可惜食完口渴不已….估計是味精都下得不少。如店方能輕手一點,相信能更上一層樓。最後，想讚賞伙記十分細心，主動加手及跟進加單上菜情況，以速食點心來說，感覺十分良好！…Read More

擁有米芝蓮星🌟級的點心餐廳。慕名而來，滿足而歸。價錢非常平民化，座位可能因為新裝修的關係，非常寬敞舒適，有上酒樓的感覺。點心非常多元化。因為獨食的關係，可以試的款式不多，只能選擇比較大路的 蝦餃🦐 棉花雞🐔。真心非常好食。…Read More

原先想同朋友去食蝦棧🍤 不過因為太多人又無book位就放棄左😔 結果我哋去咗前面街揀左一間點心舖到食🥟 原因係六點幾出面已經好多人排隊👭 唔洗問啦 間野一定差極有限😏 仲見到有啲外國嘅旅客黎食添😎一點心：超推薦（食過好味道）：燒賣+鹹水角+盅飯+青菜伏的推薦（食過中咗⚡️）：蘿蔔糕熱賣點心（沽清常客）：香芒奶黃卷，健康素餃，叉燒焗餐包其實嗰日我哋得三個人嘅咋，但係就叫左成10幾樣點心，好似飢荒出黎咁。燒賣：超大粒，豬肉好彈牙，仲見到啲冬菇粒，好味道。鹹水角： 正常應該趁熱食嘅，我哋傻更更咁等到最尾先食，不過好意外仲好趣卜卜，入面仲熱，外脆內軟。超推薦章魚肉餅飯：通常盅飯都係一個主角一個配角，但係呢一個居然兩個都係主角。 肉餅好入味但係唔會薄切切。啲飯我鍾意佢粒粒都好彈牙，又唔會硬掘掘。我最怕食啲盅飯係癡立立。青菜：好鮮甜，同埋佢好細心咁將啲菜切三份。等女仔食嘅時候呢就唔會咁狼狽喇。叉燒焗餐包：係佢哋嘅熱賣點心之一，經常好快沽清。我覺得都幾好食嘅，因為佢有啲微甜，同埋啲餡料都好適中，各方面都平衝得啱啱好。中⚡️方面蘿蔔糕：舊蘿蔔糕越夾越散，我諗喂BB仔食係一流。同埋我覺得佢有啲粉粉地，因為我鍾意食蘿蔔糕係中意裏邊有啲蘿蔔餡嘅。蝦米腸: 腸粉都幾滑，不過醬料就一般。糯米雞：超大隻，超多餡料。最後我哋係靠黑白配黎清左隻糯米雞。雖然餐廳就細咗啲，不過個老闆就好好人，原先應該要人齊先入得㗎，跟住老闆問我仲有幾耐先齊人，我同佢講話大約10分鐘到，跟住佢都很俾我入去囉。不過入咗去差唔多15分鐘到，因為我仲有一個朋友未黎，跟住老闆都話如果等多一陣間都仲未齊人嘅話，就可能要再出返去排隊啦。始終因爲都有其他客人等緊位。我都覺得公平嘅，因為我原先同人地講話10分鐘到就齊人嘛。最後我朋友用9秒9嘅速度過嚟，結果就可以舒舒服服咁飲啖茶食個包啦！…Read More

本來一㣔4人想去食西餐，點知間嘢話唔開夜巿， 行過幾步，見平時人龍不絕嘅一點心，居媠有位，即入個隻，咁，概係唔理3，7廿一入左去先。 雖然佢只係每人一杯水或茶，但佢都有定時黎refill嘅。呢個蘿蔔糕，有一絲絲蘿蔔，正。最怕得粉嘅個燒賣有大粒蝦，有部份酒樓燒賣佢蝦都賣廿幾卅蚊，呢個真係似傳統燒賣。馬拉糕失望，唔夠鬆，似蒸前無打返粉將就攞去蒸嘅感覺，半鬆半實唔夠空氣感，個味偏淡。蝦腸，蝦大大舊，都唔係大大粒咁簡單。蝦攪又足蝦，皮夠薄，又正。個北菇蒸雞飯又係，一粒菇預左 ，個飯唔夠乾身，加鼓油後好濕，整體，可以唔食，除非你非要食飯不可。 呢個麻蓉好正，但一夾其實唔多想食，油到無朋友，連個托紙都已經油淋淋，食左一粒 我估我食左2茶匙油入口了，失望x2。不過整體還是不錯，如果同今次一樣唔駛等位，以每日約$50點費，一定會再黎。…Read More

想試好耐，次次經過都好多人，終於搵左日4點幾先黎食，無咁多人，等左15mins左右就有得食。點心果然屬高質素之列，難怪每日任何時段都咁多人，當中蝦餃最值得推介，皮薄餡靚👍…Read More

間野好似長期門口都有人排隊等位 :-s我同朋友等左半個鐘先入得去因為得兩條友，所以唔係叫左好多點心 叉燒腸除左塊皮好似厚左小小都冇咩野 蝦餃一般啦，同平時酒樓食果啲冇咩分別棉花雞d棉花同雞比平時出面酒樓食果啲大少少好味馬拉糕都幾大個，熱辣辣架好鬆軟，朋友話愈食愈甜疆蔥牛柏葉好正阿好入味…Read More

今晚去排練話劇前，由手機新聞知道多間點心店獲米芝蓮一星食肆，頓時立即想到要親身一試，終於選了太子的「一點心」。因為是一個人去吃，所以雖然出面很多人排隊（他們許多不知道這店剛獲米芝蓮一星食肆認證），因此很快便有位。由於吃量有限，所以只點了三碟點心，另加一個盅頭鳳爪排骨飯。鳳爪排骨飯：後加卻首先到，份量雖小，但亦足夠。叉燒腸粉：驚喜的是配上荷蘭豆，其他點心店或酒樓都沒有這樣的配搭。蝦餃：最好吃的點心，剛好一口吃完一個，蝦相當爽口！魚湯鮮竹卷：唯一味道稍遜的，不過魚湯卻相當清甜。得到米芝蓮一星，亦是對這間點心店美食的肯定，只怕下次光顧時，因米芝蓮一星的吸引力，要等很久才有位了。…Read More

去完聖堂準備來這裡吃點心作午餐，竟然要排隊!!! 大概是因為星期天的緣故吧，竟有十多人在外面等著，問阿姐要等多久，她說大概十張檯，我們心想應該不會等很久，而且又不是很熱，就決定等一等了。一直等的時候可先拿點心紙挑選想吃的點心，等等等，等了大概二十分鐘就有位了，也不算等得很長時間，是可接受的。想不到這裡位置雖不是大街，卻仍頗多客人呢。內裡環境也算不錯，其實位置一樣不多，只可容納二、三十人，但它比較寬闊，不用很迫的左閃加避，總算可以坐得舒舒服服。我們起初選了叉燒餐包，可是阿姐說已賣清光... 當時只是下午兩時，竟然已賣光？那晚上如何做生意呢？最後只好選其他食物，我們首先叫了一籠薄皮鮮蝦餃。來到的時候賣相可以，它的皮真的很薄，可以用晶瑩剔透來形容，薄得見到入面的餡料。咬下去皮薄又滑，蝦爽口但不算很新鮮，沒有什麼鮮味。吃下去吃不到筍粒等等的餡料，但也是不難吃的。另外我們亦叫了一個炸兩腸，不過這個就一般般了。先講腸粉皮頗厚，而且亦不算滑，但就嚐到一點點米漿的味道。中間的油炸鬼是暖的，不夠熱令它亦不夠脆，吃下去淋淋的，所以這個不算很好。我們也叫了一客馬拉糕，它將整個馬拉糕切成六份，原本應該賣相不錯的。但整個馬拉糕高矮不一，有一兩件扁了下去，所以感覺差了一點點。但吃下去是好吃的，咬下去相當軟熟，而且有香香的蔗糖味，吃下去像綿綿的甜蛋糕，好吃!最後叫了一盅鳳爪排骨飯，因為始終有點飯會比較飽肚。這裡的米也算可以，夠軟熟，吃下去是一粒粒的感覺但沒有什麼米香。排骨蒸得很淋，有點點肥膏跟著吃下去也不錯，有豆豉的香味，不過真的是挺多骨的。阿姐雖然淋了豉油，但那些豉油不會很鹹，只是少少幫你調調味，所以我們覺得這個飯也不錯呢。結帳時已沒有什麼客人在外面等，所以也不會急著埋單。這裡的食物也算吃得過，阿姐亦很勤加茶加水，是可以一吃再吃的地方。=)…Read More

相信都應該有唔少人幫襯過<一點心>.响太子區,(我覺得)都算係最好食既點心店了!幫襯過好多次,水準依然!店內大部份既點心我都鍾意食,亦都覺得好好食,有:第一位鍾意食:粟米粥:- 粥煲得夠棉,粟米夠香,落少許胡椒粉,仲夠惹味!第二位:鮮蝦腐皮卷- 個腐皮卷煎得啱啱好,唔會太硬皮亦唔會"林pet pet",個餡又多蝦,總之就成個鮮蝦腐皮卷都香口好味!第三位:咸水角- 又係嗰句,炸得啱啱好!好香好好味!第四位:鮮蝦豆苗餃- 皮薄餡靚!最怕食到d餃個餃皮係又厚又un又難咬!<一點心>做呢個餃就出色喇!第五位:蝦餃- 都係啦,皮薄餡靚囉!基本上<一點心>所有有蝦餡既點心都好好味!因為有d點心店,d蝦真係有強勁既死蝦雪蝦味,好難頂!其他值得一試既仲有:鳳爪排骨飯 / 鳳爪 / 焗叉燒餐包 / 雞扎 / 糯米雞...…Read More

不知道這裡是否生意太旺場了,所以叫樣樣點心都無.....點了煎蘿蔔糕,煎堆仔,蝦餃,黑椒牛仔骨, 豉汁蒸鳳爪,皮蛋瘦肉粥,咖哩蒸魷魚煎蘿蔔糕: 都不錯,不會粉多過蘿蔔,味道還不算太鹹(70分)煎堆仔: 加埋上一次幫襯,已經點了兩次,真的很正,裡面的芝麻雖然我不愛吃,但跟那個煎堆配合得好好~平時我連芝麻糊都不愛吃,這件小小的點心令我愛上芝麻了(80分)蝦餃: 皮薄,餡都不錯~蝦好爽口,而且又不太多肥肉(75分)黑椒牛仔骨,豉汁蒸鳳爪: 無乜黑椒味,但味道鹹淡適中~鳳爪好淋,都好入味(70分)皮蛋瘦肉粥: 原來這裡的粥真係好好味,食落口感覺似係屋企煲的一樣,同埋無咩味精,我每次來到都會點這碗粥(80分)咖哩蒸魷魚: 感覺麻麻地....好普通的魷魚(70分)經過這兩次幫襯之後,日後我會繼續來的~…Read More

和男友吃宵夜，還是第一次吃點心呢。可能太晚了(那天都晚上十點多)，很多想吃的點心都賣完了，我們吃了以下幾款︰排骨︰有點油，但蠻香的，差不多都是我清碟的。蝦餃︰皮煙煙軔軔，蝦肉彈牙，好吃。鳳爪︰幾乎每次喝茶都會點的，這裡的和平時吃的味道差不多，但好像size比較大一點。咖哩魷魚︰我一般喜歡這個，是因為沒有牛柏葉而點的。魷魚爽口，咖哩味有點淡淡的。在這裡隨時都可以吃到點心，又有粥和飯的選擇，只是地點不太方便吧。…Read More

很久都冇去喝茶了，由於唔係咁鍾意，不過陪阿媽，無計啦～開頭聽"一點心"個名，以為係一間大酒樓，原來只係一間好細的食店......心諗唔方好食～ 點知門口已經好多人等位同外賣，等咗半個鐘....有位了～我和媽媽叫了蝦餃、芝麻奶皇酥、煎蛋牛肉飯和咸水角～ 這裡最好的是點心即叫即蒸，雖然要等，但勝在新鮮熱辣～ 不久 芝麻奶皇酥來了，奶黃不太甜，不是我杯茶～ 不過蝦餃和咸水角卻給了我驚喜，蝦餃皮薄，晶瑩剔透，蝦夠彈牙、冇雪味....十三蚊算好家啦～ 咸水角是聽人講話好味先叫，確實不錯，煙煙韌韌，好味 而我最愛的煎蛋牛肉飯，這裡做得唔好食，牛肉被鬆肉粉醃到好散，亳無口感，一個字"差"。總括來說，這裡的食物不錯又平，可以再來～…Read More