Old Fung Tea House (Tai Tong Road)

-之前食過大埔店覺得幾好食，今次嚟到元朗都食老馮茶居☺️，茶位每個$6🥟【老馮小籠包】 $33 (8.3/10)呢個有少少失望，因為有一啲小籠包係完全冇湯，而且夾出嚟有湯嘅都好容易爆喺錫紙🥯【鵪鶉蛋燒賣皇】 $30 (8.6/10)燒賣蒸得啱啱好好食🥐【金牌炸芋角】 $18 (8.4/10)呢個雖然有啲貴，但我之前食過覺得好好食，所以今次都再叫，果然冇失望🫔【蜜汁叉燒腸】 $25 (8.3/10)叉燒腸嘅叉燒大大件，腸粉蒸得夠軟滑好食🧄【老馮流沙芋泥包】 $20 (8.7/10)呢個要趁熱食，芋泥整得啱啱好同個包好夾好好食，呢個包我覺得元朗店整得好食過大埔店好多，我記得大埔店上次食係冇流沙嘅感覺🍛【蝦醬蒸腩仔飯】 $42 (9.7/10)呢個飯係之前喺大埔食過覺得好食，所以嚟到元朗都叫，腩肉夠肥，而且比得好多，同個蝦醬好夾，強烈建議叫呢個飯-📍【老馮茶居 Old Fung Tea House】 元朗大棠路66號地舖大埔安慈路1號海寶花園14號地舖荃灣荃灣街市街67-95號荃灣千色匯II 地下G30-G33號舖🕑Mon to Sun 08:00~22:00…Read More

📍老馮茶居 / 元朗 / 荃灣 長期人龍港式茶樓 (*´꒳`*) 嘆點心仲有凍檸茶奶茶飲!! 點心款式多又新穎，仲要即叫即蒸😻✧ 蝦醬蒸腩仔飯 $38💬唔好落太多豉油，蝦醬本身都好濃味(≧∀≦)✧ 招牌牛腩腸粉 $38💬滑到好似食緊柱候牛腩河咁款🤣完全唔係本身諗嗰款傳統腸粉～牛腩好入味好邪惡✧ 老馮流沙芋泥包 $20💬芋泥包係每次必食！芋頭味好香又唔會甜～✧ 黑椒牛仔骨 $33 咖喱魷魚 $28 沙嗲豬大腸 $28 ✧ 鵪鶉蛋燒賣 $28 馬拉糕 $18 老馮鮮蝦餃 $30回頭指數😼4.5/5（唔洗排隊就好了(*'ω'*)…Read More

飲茶都唔一定要去茶樓既，元朗有間老馮茶居，內裏裝潢行懷舊老香港風，仲有各式懷舊點心食，好似鵪鶉蛋燒賣、雞扎、千層糕等等。除左舊式點心之外，仲有啲創新既點心食🤩好似係金沙米黃腸咁。平日十二點幾黎到，都要排隊先有得食，果然係有啲人氣既下😌食完之後覺得每樣嘢食都整得好有水準，而且冇加一好抵食。要講唔好既就係佢地要你一次過落曬單，盡量都唔比你加單。嗌左好多唔同點心，唔逐一點評la，不過有啲係真係覺得黎到必點既！（必點💯）  1⃣️老馮鮮蝦餃 蟹子燒賣皇 3⃣️鵪鶉蛋燒賣皇 呢款點心真係唔係周圍都有得食，見到有得食即刻嗌黎試下。係細個既味道啊☺️ 4⃣️咖喱蒸魷魚 咖喱醬好濃郁，依附係彈牙既魷魚上面，唔錯！ 5⃣️沙嗲豬大腸 6⃣️豉汁蒸鳳爪 7⃣️蠔皇鮮竹卷 8⃣️鮮蝦腐皮卷 炸得好脆，入面蝦肉好大件👍 9⃣️XO醬蘿白糕💯 好好食！XO醬辣辣地好惹味🔥蘿白糕面頭有炸過，食落表面脆脆地入面就係軟糯既質感😋 1⃣️0⃣️五柳炸雲吞 炸得好脆！而且雲吞皮唔會好厚，中間蝦肉份量足。 1⃣️1⃣️老馮鮮蝦腸 1⃣️2⃣️蝦醬蒸腩仔飯💯 呢個一黎到已經聞到蝦醬既香味🤤腩肉片肥肥地，配埋鹹香蝦醬味，拌飯一流！ 1⃣️3⃣️招牌牛腩腸粉 其實係腸粉加牛腩。不過呢度腸粉好滑😳而且配埋腩汁，食落腸粉味道同傳統配甜豉油既好唔同，腩汁滲透曬入啲腸粉入面，別有一番風味，都值得一試。 1⃣️4⃣️老馮金沙米皇腸💯 有啲似炸兩，不過再加埋鮮蝦係入面，呢個好好食！腸粉外面滑，入面有層炸衣，而最中心仲有蝦🦐層次感同驚喜都十足！ 1⃣️5⃣️薑汁燉鮮奶💯 好正～燉奶幾滑，而且薑汁味幾香，食得出薑汁幾新鮮應該係鮮磨既，入面仲食到好少量薑蓉～食完點心食翻個甜品都幾正😙  總括黎講覺得呢度既點心冇咩邊樣係食完會失望既，值得再encore，不過如果黎食既話都預左多人，要排隊架la。  …Read More

❀ 老馮茶居 #元朗 #💛 ❀❗️新派茶樓玩復古裝修 多種臨近消失特色點心❗️——————————————————人大咗真係會開始慢慢鍾意飲茶，可以同朋友嘆番一盅幾件真係幾正🤣呢間位於元朗嘅新式茶樓大玩懷舊裝修，可以同屋企人緬懷翻當年七十年代嘅茶樓感覺，年輕一輩亦唔洗怕老土✨。.除咗最常見嘅蝦餃燒賣，越來越少嘅古法千層糕、鵪鶉蛋燒賣同蝦醬蒸腩仔飯🥰雖然味道未算最高質，但價錢實惠，嗌到成枱都係每人都只係$100左右，過下點心癮的確唔錯👌🏻。.✷𝑀𝑒𝓃𝓊✷☞ 蝦醬蒸腩仔飯🦐$38一向麻麻哋蝦醬嘅我決定走出comfort zone挑戰下呢款招牌飯。好彩有試😚蝦醬冇嗰陣腥腥臭臭嘅味道，反而係富有鹹香。另外加埋豬油，粒粒飯都有油香！豬腩仔亦唔會太肥反而似豬肉片，幾入味，有驚喜💕！.☞ 老馮鮮蝦餃🥟$28/4都有唔少鮮蝦，不過皮就比較腍，欠缺煙韌，普通🙈。.☞ 鵪鶉蛋燒賣皇🧡$28好耐冇見呢款懷舊點心！大大嚿，調味恰到好處嘅豬肉加埋鵪鶉蛋真係好滿足，可以一試！.☞咖喱蒸魷魚🦑$23魷魚爽口唔會太韌，配上港式辣辣地嘅咖喱汁，的確幾惹味，最後仲用啲咖喱汁嚟撈飯😋！.☞ 薑蔥牛柏葉🐮$23呢個味道就相對冇咁突出，以為會係好香嘅薑蔥，反而係有啲清淡就咁鹹鹹地，一般🙈。. ☞ 四寶滑雞扎🐔$25分別包住雞肉、魚肚、冬菇、豬肚。欣賞加入魚肚，夠滑溜。不過雞肉居然係好似白切雞咁有骨，而且冇咁滑，有啲失望😖。.☞ 金牌炸芋角💜$18果然係金牌🤩仲要淨係星期六日先有。外層香脆，內裏芋頭夠晒香綿，不過當然唔係台灣嗰種甜芋頭蓉，而係鹹鹹香香似係阿媽平時整芋頭炆雞嗰種😚。.☞ 老馮流沙芋泥包🍞$20如果要同台灣芋頭包比較呢一個當然不足，但以香港芋頭包來講，佢嘅芋香都算幾重，而且都算半流沙狀態，一試無妨😄。.☞ 鮮蝦腐皮卷$26巧妙地運用腐皮做炸皮，又薄又脆，配上爽口嘅鮮蝦，簡簡單單但幾好食！——————————————————☞ 老馮鮮蝦餃$28/4味道: 3/5 性價比: 4/5☞ 鵪鶉蛋燒賣皇$28味道: 4/5 性價比: 4.5/5☞ 咖喱蒸魷魚$23味道: 4.1/5 性價比: 4.3/5☞ 薑蔥牛柏葉$23味道: 3/5 性價比: 3.8/5 ☞ 四寶滑雞扎$25味道: 4/5 性價比: 4.3/5☞ 金牌炸芋角$18味道: 4/5 性價比: 4.6/5☞ 老馮流沙芋泥包 $20味道: 3.8/5 性價比: 4/5☞ 蝦醬蒸腩仔飯$38味道: 4.2/5 性價比: 4.6/5☞ 鮮蝦腐皮卷$26味道: 4.2/5 性價比: 4.3/5.整體來講，我覺得呢間勝在環境裝修夠晒有特色，俾人一種70年代嘅感覺，老人家嚟緬懷一番又得，年輕人嚟打卡都得✨點心水準就未算係最高質，但係種類選擇都算多，而且有多種懷舊特色點心，價錢又抵又係難得嘅💛，唔對食物有太高要求，平平哋間中嚟飲下茶都可以。…Read More

山長水遠又嚟大西北🤣元朗真係好多好西🥰同友人一盅兩件😚「老馮茶居」參考六七十年代舊香港🇭🇰重現舊式七層大廈特色裝潢好多細緻位。之思值得一讚！座位、地磚、餐具、吊燈、牆壁裝置極用心！就連洗手間設計都唔馬虎㗎！打卡度爆燈！茶芥每位$5 免加一食點心緊係要熱同新鮮最怕炸物凍哂、蒸點心過哂龍糊口呢度點心即叫即蒸😍大讚！因此點完單後食物會陸續分批上唔會一口氣上哂真正做到襯熱食☺️唔飲唐茶呢度都有西茶飲！奶茶、咖啡任君選擇小店點心種類當然不及連鎖式酒家但都不乏fusion自家特色點心咖喱蒸魷魚($23)👍🏻大塊厚身入味有咬口份量亦不少😋咖喱味香而不辣四寶滑雞札($25)👋🏻有讚有彈內餡有魚肚、豬肚、冬菇、雞讚嘅係用魚肚！🥳非一般酒樓偷工減料用豬皮、芋頭代替如果用返傳統火腿會更好可惜係調味唔夠😖內餡以至表層腐皮都好淡無乜味扣左唔少分八珍糯米雞($28)👏🏻好大份🤣好足料內餡有咸蛋黃、雞翼、臘腸、雞肉味道係啱😊糯米稍為水多過頭煮得爛左些少芡汁都唔太夠老馮咸水角($18)👌無乜存在感同記憶點正正常常熱辣辣XO醬蘿白糕($28)👌呢味菜相當有自己特色、獨創性！蘿白糕切粒上😛炸過嚟 每粒糕面頭都有XO醬碎如果直接用炒可能XO醬味會更出蝦醬蒸腩仔飯($38)👍🏻👍🏻❤️大推大推！傳統味🤩用砵仔蒸嘅飯米粒粒粒分明蝦醬入味 腩仔俾得大方半肥瘦啖啖肉+油脂🥳諗起都回味！🥰…Read More

打工仔既你日頭飲吾到茶可以夜晚飲啦喂😂最好既係全日供應放假想飲個茶又吾想同人迫又吾洗限時又限刻去飲茶多麼的精神🙈佢店外店內都好有茶樓氣氛而且好有懷舊的風味好懷念即感覺😍點心樣樣都好好食所以吾洗我介紹啦😂自己去試下啦🤩重點一提講到好似賣廣告咁但其實我無收錢的🤣不過只係好食好氣氛先跨張左個個古法千層糕真係要試下因爲好特別的感覺…Read More

放假帶媽咪去飲荼 平時茶樓去得多 想有啲吾同 見朋友介紹就去左呢間 屋村懷舊主題既茶居店裡裝潢好似70?80?years座位分開兩邊，中間圓枱摺櫈任擇一間懷舊餐廳除咗裝修要有賣點，食物質素當然重要傳統客家做法既缽仔蒸飯千層糕偏甜…Read More

最近，又一股熱潮襲港，就係懷舊風潮。似乎人人都對過去嘅事物念念不忘，衣着行復古風，餐廳亦以懷舊作招徠。位於元朗嘅老馮茶居就係一間仿照六十年代老香港茶記，可能你會誤以為係一間老字號，但其實餐廳老闆係位80後年輕小子，令人大吃一驚。店裡裝潢令人如置身於當年舊式廉租屋，鐵閘鐵窗、雜貨店、士多、錢莊等等。座位分開兩邊，中間圓枱摺櫈任君選擇，具有港式風味。一間懷舊餐廳除咗裝修要有賣點，食物質素都要有水準。老馮茶居就搵咗有40年經驗嘅點心師傅老馮先生坐鎮喇。呢個招牌菜用缽仔蒸飯係傳統客家做法，先蒸飯底約五分鐘，再加入紹興酒炒香蝦醬，混合腩仔後再連同米飯蒸多十分鐘，米飯乾身得嚟帶有米香。令小編覺得有驚喜嘅仲有做法花盡心思，先將肥豬肉汆水，冷卻後再加糖醃成冰肉，混合糖冬瓜、鮮牛油、鹹蛋黃、椰絲，然後冷藏45分鐘，再同千層糕包皮梅花間竹疊起，再分兩次合共蒸45分鐘，工序咁複雜，食落都感受到絲絲甜意。傳統點心就食得多，都係第一次食，鵪鶉蛋蒸到內裏軟心，連先打嘅豬肉及蝦肉餡，咬出啖啖鮮香。…Read More

老遠從寶林走過來元朗，最主要就是來飲茶。看到這間老馮不單是普通一間茶樓，更是裝潢懷舊的茶居，於是便決定帶爸媽來共渡午餐。黑色的杞子桂花糕$16，應該是用了黑糖吧，清香的桂花味不太甜。蝦醬蒸腩仔飯$38，蝦醬蒸腩仔送飯一流，飯粒軟硬度適中。老馮鮮蝦腸$25，我最怕腸粉皮過厚，但這個沒事，好味。古法千層糕$22，好味多餡，但我比較想講後面的咖喱蒸魷魚。咖喱蒸魷魚$22，咖喱汁正不在話下，重點是魷魚好彈牙好爽，一點也不會很難咬。老馮鯪魚球$23，還有後面的鵪鶉蛋燒賣$28，也很不錯。整體而言，茶餐廳格局以懷舊茶居為賣點，食物質素高而且便宜，星期日飲茶，居然每人$80，好抵。…Read More

「但願時光可倒流，流到...................」甫坐下，「老馮」的黑紅筷子隨即湧上心頭，講不出聲、講不出聲.....曾幾何時我也手執過同一模樣的筷子，要不是「老馮」把它從記憶堆填區裡挖掘出來，早已像沼氣般燃燒掉了！筷子依舊身輕如燕，還記得每當用舊了，黑紅的薄膜便會剝落。茶介每位 $3大元，所選的普洱茶有色也有味，質量算是不錯，莫非收費倒流到80年代嗎？那邊廂的鋅鐵，甚有寮屋的面貌，再由信箱、洗面盆和膠板襯托，令我想起粵語長片的屋漏偏逢連夜雨。抬頭一看，曾是屋邨仔的您、我可會有共鳴？從前供幾百萬人發奮向上游的安樂窩，現在境況就如晾衫竹上的濕衣衫，洗濕了頭，卻上落不得，停滯不前！小時候我住十六座，樓下就是親切的士多、藥材店、冰室、茶居，當然少不了一間糧油雜貨店。拿著幾塊錢跑到樓下，替在燒飯的媽媽購買豉油的情景，幾乎每家每戶也曾發生。屋邨樓下應有盡有，那時連鎖超市及大型商場還未誕生！一瞬間，景物帶來許多許多的回憶，事實上「老馮」裡裡外外都是故事與回憶。「老馮」背後帶出從前反叛的兒子，經過歲月的磨鍊，跟當點心大廚的老父攜手結成現在的父子檔，老父負責廚房，兒子則處理舖面的營運和管理等工作，開展出父與子、及一家人擁有共同回憶的生意。老馮鹹水角帶有嚼感的皮層，與一咬即透出蝦米和韮菜香的鹹香味兒，喚醒我第一次嚐鹹水角刻入味蕾的記憶。不知怎的，後來鹹水角再沒有這種風味！不過時代變遷，說不定大家或會嫌棄那古早風格的皮太厚、餡太薄！我不太喜愛腸粉，要吃的話，齋腸和蝦米腸會是我的選擇。可是老馮鮮蝦腸的滋味，非嚐過者也不會理解。腸粉皮滑溜，倒入甜豉後，溢出一點米香；所選的鮮蝦體型較大，一條腸粉只能容下兩尾，加上肉質自然，爽彈鮮香，相信不少知名酒家也望塵莫及。鵪鶉蛋燒賣皇及古法牛肉球同是精美懷舊點心的系列。鵪鶉蛋燒賣皇底層混合了豬肉與蝦肉，入口肉汁鮮甜、香氣怡人，與及豐富的嚼勁，大廚的功力可見一斑！我喜愛古法牛肉球的鬆彈質感，可是果皮香氣不夠清新，這是唯一的缺憾！蝦醬蒸腩仔飯採用缽仔蒸煮，飯粒乾爽，鬆緊有致，口感的確一流；蝦醬輕輕包裹著肥瘦均勻、爽彈的腩仔，輕放豉油，香而不鹹的惹味，足以掃光米飯。聽聞古法千層糕依足傳統方法炮製，頂層採用了叉燒包的皮層，繼而放於大蒸籠蒸製。不過質感則較為鬆散，一挾即碎開。至於千層糕的餡料，椰絲用量不少，入口「沙沙」作響，若然蛋黃再濃一點便完美了！如果時光機真的存在於世上，但願時光可倒流，流到您我屋邨仔那個安樂時候。那時沒有猙獰的政客，更沒有出賣良心和收受維穩費的國保神獸，導致香港本末倒置、是非不分、只能向左的倒退局面。「但是時光不倒流延長下去只加深苦痛更是難受可否還我自由...............」…Read More