18 ODDITIES

小草十八怪石鍋米線一聽就知係食米線啦😆所以就叫左石鍋生滾酸菜鯛魚片🐟米線 米線上枱好大碗好足料 重點係仲滾緊🔥好鍾意食滾熱辣既野 米線食到最後都仲出緊煙♨️米線湯底偏酸夠開胃 豆卜腐皮吸哂湯汁超正 鯛魚片同雞肉片都大大塊又嫩滑 好味朋友就叫左川式涼麵/涼皮 配菜揀左牛肚/雞腎/肥牛/萵荀 除左萵荀啲餸基本上都調過味 好惹味 但撈埋個涼麵/涼皮都唔會太咸 幾好另外小食方面揀左✨蝦膠釀豆卜 – 炸到乾身脆卜卜 蝦膠好香蝦味✨椒麻炸雞 – 外皮雖然唔係特別脆 但都香口同埋夠JUICY ✨串燒就揀左椰菜仔/金茹/翠肉瓜同埋墨魚頭 串燒汁香辣惹味 唔錯🫶🏻…Read More

📍小草十八怪石鍋米線雖然係石鍋所以諗住佢要啲時間整，不過都算等得耐，催咗一次單，樓面唔係太夠人手🤔柴火麻辣湯 黑毛豬梅肉片 墨魚丸 豆卜 薯粉至於呢一個麻辣湯底嘅面，首先一上枱就見到成碗嘢係偏深紅近黑多過紅，一聞落去唔似我平時食開嘅麻辣味🤔 不過始終未到都係要試咗先可以判斷，一飲落去第一個感覺係有少少苦，好似有藥材嘅味道咁樣🫢 睇返個湯底係柴火，但係應該唔關藥材事(?) 入面嘅梅肉片有三塊，墨魚丸就一粒切開兩邊有四舊，豆卜都有幾舊嘅，淨係份量係平均偏少。至於薯粉就正常啦，不過因為索得太多汁食落去都有少少苦味，所以最後都食唔晒🥵極品蟹皇湯 十八怪照通炸醬 腐皮 生菜 米線乍醬唔係平時食開嘅味🧐但因為太咸所以都唔識形容係咩味，咸到咁細兜都食唔晒😂腐皮生菜呢啲正常啦😜米線係偏幼身嗰款，都正常嘅。個湯呢…我本身好期待，見到佢加咗隻蛋俾我仲好開心添🫠點知嗒落就好似清湯咁，完全無蟹/海鮮味🥲同行人話隻蛋係用嚟俾錯覺你，等你以為有啲蟹膏，個湯有啲質感🫣食到碗底有少少好細粒好似麵包碎，懷疑係蟹肉嘅嘢…😥其實無蟹肉唔緊要，我都係想要陣味啫…但真係無應該可以改名做：極清蟹皇湯底蝦膠釀豆卜呢個小食算係幾好味，係啲蝦膠釀落去啲豆卜度，入面嘅蝦肉都食落去味道豐富，如果豆卜炸得好脆，一咬落去有兩個層次而且味道好，都推介嘅👍🏻芒果凍頂烏龍茶呢杯嘢都值得一讚😂 份量夠晒大，而且入面嘅芒果味都好濃，唔會係死甜嗰種味道。話說食完嘅時候，我哋問收錢嗰個究竟柴火麻辣燙入邊嘅柴火係乜嘢，跟住佢一句「唔知喎」就完咗，諗住幫佢兜可能係用啲特別嘅方法整，所以有呢隻味都唔得😅 整體來講價錢都係算平嘅，不過值唔值得就見仁見智啦，而且我哋嗌三個餸係冇得自己加落去個碗度玩都冇得玩嘅😂🍽️小草十八怪石鍋米線 (旺角)旺角亞皆老街36-38號龍飛大廈地下3-4號舖…Read More

店名及門面設計夠哂特別被吸引入去😍原來係食米線🤤餐廳主打招牌石鍋米線外仲有各式各樣串燒🍢籠仔荷葉飯特色小食及川式涼拌等食物😋石鍋米線套餐(三餸)🍜🐷🐟配料及湯底選擇多樣化，可自由配搭出個人口味，而我揀左花膠、五香辣豬軟骨及十八怪照通炸醬跟米線，喜歡食蟹既我當然揀左極品蟹皇湯底，米線爽滑彈牙，花膠都算厚身，豬軟骨軟腍入味，最後撈埋炸醬後令到湯底突然變得死鹹😨💦要不停飲凍檸茶黎解渴。相對平時食米線我喜歡揀辣湯底夠惹味又開胃 ，下次可以試下其他湯底😂蝦膠釀豆卜🦐用豆卜釀蝦膠一齊炸至金黃，入口非常酥脆，再點埋甜辣醬一齊食好夾👍 燒原條茄子🍆茄子舖上滿滿蒜蓉一齊燒至金黃，食落好軟嫩且蒜蓉味十足，超好食💯 蒜蓉怪在此🙋🏻‍♀️特大凍檸檬茶🍋重量級大大杯凍檸茶，好抵飲👏 整體食物質素都算唔錯，價錢又親民，基於我唔太肚餓，只揀左3個餸由店員煮，下次再黎揀6/9個餸可按指示來親自烹調，做真人版cooking mama親身煮飯的樂趣🤭…Read More

喺旺角呢一個香港嘅核心地帶人來人往車來車王嘅地方俾人嘅感覺一定係充滿着個大型嘅商場同埋一系列嘅放題店，不過當然唔好忽視任何一間餐廳，因為每一間餐廳都仲有佢特色嘅地方同埋招牌食物，😝所以通常人少少嘅話就可以探索下新餐廳新嘗試。 喺通菜街大街小巷裏面都有唔少嘅新式餐廳可以選擇，當中有一間比較大型少少，而且坐得舒服又充滿左唔同嘅風味嘅一間叫做小草十八怪石鍋米線就幾吸引一種米線控同埋串燒控可以去大食一餐😋石鍋米線套餐（九餸）— 🍜嚟到呢一度當然要試吓佢哋招牌嘅石鍋米線，至於餸菜嘅選擇，亦都非常之多，最多可以揀到九款餸咁多，就算係兩個人食都非常之適合。 🍜亦都可以選擇自己烹調又或者已經鋪好晒咁樣奉上。 至於石鍋米線最講求嘅當然就係溫度同埋湯底，平時都食開辣嘢，🌶️所以今次反而選擇左一個幾特別嘅蟹皇湯，🦀湯底非常清甜亦都有蟹嘅鮮味另外仲有少少辣，可以見到送上嚟嘅時候啲泡泡係不斷咁浮上來證明咗石鍋係非常之熱，🤪所以亦都要非常小心，🍲趁着個湯底仲係滾湯嘅狀態就要快啲將食材放落去再烹調，🍜部份嘅配料係幾值得推介🍲封門牛肉- 🥩米線裏面都可以配搭高質素小小嘅牛肉咁食起上嚟就更加滋味，呢個封門牛肉肉質飽滿，而且根部少，有牛柳片嘅感覺🥩鯛魚片— 🐟爽脆嘅質感，再加上魚味嘅鮮甜就額外位呢一個湯底注入更多嘅海洋滋味，每一片都充滿彈性就證明咗新鮮嘅重要性🐟花膠- 😍唔止係車仔麵可以發掘到連配搭米線，亦都可以非常之夾，長條型嘅花膠充滿咗膠質同埋彈性，😍啱啱好同米線嘅特徵係一樣，飽滿嘅口感再加上湯底嘅加持，更加香醇鮮甜😗麻辣小龍蝦- 🦞喺米線嘅食材選項有小龍蝦，亦都係一個好神奇嘅現象， 🦞即使係咁樣，但係呢度嘅小龍蝦亦都係非常之講究，蝦體要係新鮮，輕易咁樣就可以咬到原隻嘅小龍蝦肉，🦞QQ彈彈就係最好嘅證明，配合埋蟹黃湯，咁就有海洋多重奏嘅味🦞五香辣豬軟骨- 🐷大大嚿嘅豬軟骨，啖啖肉之餘亦都有一大條軟骨，🐷浸得非常之淋身非常入味，加入咗五香作為調味料，好味🐽蝦膠釀豆卜— 🦐小食方面我就比較推薦呢一個蝦膠釀豆卜，呢一個當然要趁熱食，非常酥脆嘅外皮就係炸豆卜，而裏面包住嘅當然就係彈牙嘅蝦膠，🦐再配合埋甜酸醬，咁就有一種泰風情嘅味道🦐蒜蓉燒扇貝— 🧄嚟到串燒環節，當然要叫返一啲海鮮，蒜蓉扇貝絕對係正宗，又充滿爆炸性味道嘅海鮮，燒完嘅扇貝肉千絲萬縷，柔軟嘅帶子肉，再加上煙煙韌韌嘅帶子邊，面頭就沈上一大堆燒蒜蓉碎，🧄色香味俱全，至於辣度同麻辣亦都係任君選擇，當然如果想食到最原汁原味嘅話小辣至中辣咁就差唔多🌶️串燒四季豆，雞腎— 🐥曠野香燒嘅味道，再加上麻辣粉同埋香辣粉，頓時提高晒食材嘅鮮味，燒四季豆火候就啱啱好，🌶️仲要將四季豆燒到保持一貫嘅口味，清清地但又充滿辣味，夠晒頂癮，另外每粒雞腎亦都係爽脆易咬，適用喺任何嘅場合，而且容易吸收湯底嘅味道就額外提供左雙重嘅滋味😋青檸梳打— 🍹大大杯嘅梳打，確保喺食米線同埋食串燒嘅同時亦都可以單單大滿足，清新嘅青檸再加埋非常gur嘅梳打水, 🍹每一啖都係清新個口迎接第二啖嘅美味，性價比高價錢又合理，熱辣辣嘅米線加埋新鮮即製嘅串燒就成為呢一個夏日嘅熱力澎湃🍹小草十八怪石鍋米線 (旺角)旺角亞皆老街36-38號龍飛大廈地下3-4號舖…Read More

喺近住女人街嘅盡頭，有一間鋪面好cyber嘅食店就咁睇真係唔知佢賣咩米線，只係知佢個名好得意❤️叫「小草十八怪石鍋米線」🤡沿住條兩面都係鏡🪞嘅樓梯行上去，都重未知佢係咩料⁉️再睇吓個menu，原來佢係賣可以自己煮嘅石頭鍋米線🍝食物餐廳除咗賣特色米線之外，重有石鍋飯、小食同串燒等等六餸石鍋米線 $68必食為食貓同朋友2個分別叫咗3餸同6餸米線🤤但6餸或以上先可以自己煮架！當日店員好有禮貌咁教我哋點樣煮個米線，為食貓覺得除咗好好玩之外，重有因為個石鍋熱辣辣，出埋煙咁，真係零舍覺得特別滋味講吓個米線先，大家可以揀好多唔同配料，例如：花膠、豬軟骨、秘製炸醬等💕而個湯底都有好多選擇，例如：香辣金湯、酸菜魚湯同埋極品蟹黃湯😎個個都一定會揀到啱自己食嘅嘢為食貓同朋友就揀咗個香辣金湯同埋酸菜魚湯，我哋都覺得好好食✅唔係得個玩字👍🏾👍🏾蝦膠釀豆卜$30必食個豆卜整得好出色，好有創意就咁睇以為佢係春卷，但其實佢出面係豆卜皮，入面係蘿蔔絲同埋蝦膠❤️每一層都有唔同嘅口感🤤好特別😝串燒 必食估唔到米線舖都有得食串燒，重要燒得好好食😙佢上面除咗有普通嘅孜然粉之外，仲有好惹味嘅燒醬，食落口一d都會唔乾，亦都唔會太熱氣（椰菜花串燒好得意，細細粒咁，好易食🤣）舖頭仲有得叫特大嘅凍飲Tim🥤！的確係好貼心😂有時食完嘢之後，飲番杯細嘅檸茶真係唔夠喉，飲咗杯特大嘅，出去就唔使再買嘢飲啦😍小草十八怪石鍋米線嘅價錢公道，而質素都好唔錯😽為食貓好飲恨咁遲先發現到呢間咁得意嘅米線舖頭下次一定會帶其他朋友嚟食😈…Read More

成日行旺角，都會望到十八怪嘅banner，個店名夠怪，所以一直想試呢間好耐原來呢間主打石鍋米線，可以揀店員煮畀你，定自己DIY，當然後者比較會有樂趣檯上面有教學，店員亦會Brief一次開頭先倒蔬菜落個鍋度，然後就倒晒啲生嘅肉類落去，倒埋湯底噏一噏等一分鐘後就放埋米線同熟肉入去，再噏半分鐘，滾燙嘅米線就成了蟹湯底幾香，米線夠晒彈性，九樣餸真係好豐富，仲可以揀多米線荷葉飯都好有實力，唔好睇啲飯有醬汁咁，其實蒸到啲海鮮味入晒落啲飯度，啖啖都勁鮮，仲配以大量海鮮𠻹用豆卜炸成嘅炸蝦，真係好特別，將豆卜反一反，形成勁脆嘅外表，點埋甜辣醬食好過癮檸檬雞係好多人嘅家政堂回憶，第一味餸就係煮佢，不過呢碟當然同嗰時係兩回事啦！人地係專業嘅，先炸到咁脆卜卜咁嫩口呢間都有串燒選擇，大胃呢個時候想食嘅蔬菜，嚟個燒原條茄子就最好不過，又大條又香蒜味，夠晒頂癮嘢飲都有特別嘢，胃民就夏天先嚟養生飲熱檸茶大胃嗰杯芒果烏龍茶對比之下，大杯到呢，啱晒水怪飲…Read More

今日來旺角搵食，呢間餐廳主打石鍋米線🍜，仲有荷葉飯，串燒，明爐烤魚，川式涼麵，小食等等…地方都幾大，座位都幾舒服，呢度係用QR code落單，準確落單之餘又可節省人手👍🏻串燒海蝦🦐- 😍外殼燒到好香脆，卜卜脆到可以連殼食，燒汁好香口好惹味- 蝦肉新鮮，爽口彈牙- $25/4隻性價比高👍🏻雞中翼- 幾大隻，外皮燒到好香，內裏肉質細嫩蝦膠釀豆卜- 😋炸得好香脆，有啲似炸雲吞嘅口感，外脆內軟不過唔會好油膩- 配埋甜酸醬好開胃石鍋米線套餐(九餸）- 可以自由選擇米線DIY自己煮或者店員幫你煮，可以煮出自己心儀嘅味道同熟成度👍🏻- 湯底選擇多，有香辣金湯，酸菜魚湯，火腿瑤柱肉骨湯，沙嗲湯，馬來肉骨茶，柴火麻辣湯，極品蟹皇湯，有辣有唔辣，任君選擇- 我揀咗酸菜魚湯，酸酸地好開胃，湯底好清- 我揀咗墨魚丸，貢丸，冬菇，五香辣豬軟骨，鹵水腩肉，豬肚，生菜🥬，蘿蔔，腐皮- 五香辣豬軟骨炆得幾淋幾入味，醬汁惹味；鹵水腩肉五花肉層次分明，肉質軟熟不油膩；冬菇幾厚身- 米線嘅份量都幾多，好滑lulu 瑤柱蒜蓉海鮮荷葉飯- 🤩材料豐富，有扇貝，鮮蝦🦐，魷魚🦑，脆肉鯇，蟹柳，瑤柱等等- 扇貝厚肉新鮮鮮味；鮮蝦肉質結實；魷魚爽口鮮味；脆肉鯇肉質爽脆無咩骨- 荷葉飯加咗瑤柱同冬菇好香- 建議可以多啲蒜蓉🍋青檸檬薄荷梳打- 青檸好清新，酸酸甜甜配上有氣梳打，生津解渴- 好大杯，一杯等於平時杯裝三至四杯嘅份量😂加配只係$12都幾抵飲👍🏻🥭芒果凍頂烏龍茶- 芒果汁味比較重，酸酸甜甜好開胃- 烏龍茶味比較淡整體食物質素都唔錯，價錢相宜，石鍋米線同籠仔荷葉飯及串燒幾有特色；服務態度友善；環境都幾舒適，地點方便。…Read More

石鍋米線未試過，一於黎試下！一心諗住試九宮格石鍋米線，點知荷葉飯仲出色😋😋1) 瑤柱蒜蓉海鮮荷葉飯 $65米溝咗冬菇粒同蝦米，好香，落少少豉油吊味仲好食😋😋其他料有扇貝，蟹柳，魷魚圈，鯛魚片，蝦，橙色個堆唔知咩黎，爽口的幾好味。扇貝差啲，個肉離壳，唔知新唔新鮮或者乾唔乾淨🤔 最好味係鯛魚片，爽口嘅魚肉，連本身唔食魚嘅男朋友都鐘意😊😊下次試下其他款嘅荷葉飯先，飯底唔差，配其他料應該都ok嘅，唯一係飯量比較少。2）九宮格石鍋米線 $85有幾款湯底可以揀，我揀咗肉骨茶，幾濃幾好味，車仔面有肉骨茶湯底揀真係好正👍👍食嘅次序先落蔥同芽菜，跟住落料同湯，蓋一分鐘，再落麵，再等30秒左右就可以食啦。你可以自己郁手，職員亦都可以幫你整，特燈黎試更係自己郁手玩下啦！不過金魚記憶，職員講完步驟轉頭已經唔記得，落咗肉炒咗陣都未落湯，啲肉就痴住咗個石鍋😆😆 男朋友呢個時候先話落肉時就要落埋湯啦（講咁多，又唔幫手🤧🤧）呢款石鍋米線岩哂食肉獸，多肉到落咗去之後，都唔知邊款打邊款，不過好滿足，因為本身好鐘意食肉☺☺ 如果本身食車仔麵鐘意食平價料嘅你，都係叫返散叫車仔麵算啦，叫九宮格就可能無咁抵！值得一提嘅係，九宮格嘅材料係放咗係一個大雪櫃，有個阿姐負責個個位。基本上啲料係係雪櫃出出入入，衛生程度好似有啲一般，由其是肉類，咁熱天氣，咁樣出出入入雪櫃，唔知會唔會好易變壞。由於九宮格米線長期都有人叫，個雪櫃都可以算係長期打開。3）蝦膠釀豆卜 $25炸到好脆好好味， 似腐皮卷嗰層皮。呢個真心正👍👍要食最好book定位，我係星期日食lunch，食到1點半左右已經full咗。下次再試其他湯底同其他款嘅荷葉飯😋😋…Read More

旺角鬧市中竟然有間又好坐又好食店舖🤤以後出旺角又多一間選擇😋石鍋米線可任選九款配料已經心動😻仲有埋米線製作教學😋但個人建議延長蓋上木蓋焗米線的時間，令米線更爽口🤤🤤🤤$85石鍋米線🥘-五香辣豬軟骨-香辣蕃茄牛肋條-嫩滑雞肉-黑牛柏葉-黑毛豬梅肉片-羊肚菌-封門牛柳-鮮魷魚圈-十八怪照通炸醬配料每款細細份排好真的製治癒😍沙嗲湯底充份滲入米線及每一款配料😋好味道👍🏻籠仔荷葉飯🍚-$48土魷馬蹄香菇肉餅荷葉飯荷葉飯連方形蒸籠上枱，一開葉香撲鼻🤤🤤🤤米飯粒粒分明，肉餅肥瘦適中👍🏻肉質爽口🤤串燒🍢-$20豬寸骨-$15司華力腸-$15牛舌-$15沙爹牛柳串-$16孜然羊肉串-$20蒜蓉燒扇貝-$25原條茄子-$22雞軟骨-$12順化炭燒豬肉串十八怪特色小食🧆-$26蝦膠釀豆卜蝦肉彈牙，豆卜酥脆😋-$35紅燒牛筋肚牛筋牛肚非常軟稔😋滿滿骨膠原值得一提係呢度特飲好大杯！！！🍺成杯啤酒咁大😂真係可以慢慢嘆野飲，慢慢食串燒傾計🤙🏻總括而言，即叫即製來講，食物上菜速度算快，石鍋米線真係好好玩，串燒質素又好，有得玩有得食，食物分量又多，仲要唔洗加一服務費😨😨😨十分愉快的用餐經驗😋…Read More