LAW MARK KEE (Citygate Outlets)

羅麥記到到都有，餐廳主打懷舊風格，精美嘅裝修好似入左以前嘅餐廳咁，懷舊之中帶點新潮，就連招牌都整得非常靚！招牌磚頭焗豬扒飯$88極重手嘅焗豬扒飯，份量十足，成份方包做底座再鋪上爆滿嘅蕃茄汁同豬扒，賣相先比100分！磚頭方包上面嘅蕃茄醬真係非常多，切開仲見到入面嘅炒飯係一層醬一層炒飯，每啖炒飯都沾滿醬汁！完全唔同平時食開嘅焗豬咁只有表面個層嘅醬，食多兩啖都無汁撈，呢度要再加100分！正！豬扒切件再放入去焗，豬扒嫩滑完全唔硬又唔韌，咬落去仲有非常多醬同芝士，肉汁仲爆出黎，到底點樣先可以做到咁好嘅豬扒？重點係豬扒食唔完，正啊！一百分推薦啊！一個磚頭焗豬扒飯可以四個人食，我地三個人都食唔曬個麵包啊！麥Sir乳鴿仔$56令立立嘅乳鴿仔其實都唔細隻，肉厚而且皮又燒得脆卜卜，食落啖啖肉，鴿脾相對較嫩，食落唔會太咸，可以唔使沾淮鹽都夠惹味羅麥雞翼$56呢度啲羅麥雞翼出名好食，仲有得撈公仔麵食，甜甜嘅醬汁就好似瑞士汁咁，再多一點惹味，雞翼入味得黎又嫩滑，唔會老，顏色一流又吸引，招牌果然係招牌，正蜂蜜豬頸肉（跟餐+$28）抵食之選，性價比高嘅小食，大大塊嘅豬頸肉上面仲落左大量嘅鬍鬚叔叔蜂蜜，見到都流口水豬頸肉肉質鮮嫩多汁，肉仲有少少白裡透紅，外層嘅皮加左蜂蜜再烤，極度脆卜卜嘅口感，甜蜜蜜食落非常驚喜，外脆内軟嘅正宗典範！必試高質小食！正到爆！蝦多士$60原本諗住蝦多士係細細舊，點知上枱咁大件，全部炸得金黃色嘅表面，一啲過火都無，蝦肉又唔會同多士分離，廚師手工一流！用左法式麵包做多士底，炸得十分香脆，又無左食法式麵包個種硬身口感，酥脆酥脆嘅口感，再加上彈牙嘅蝦滑，沾滿沙律醬一齊食，大滿足！鮮菇絲蟹子蛋白扒西蘭花$88賣相一流嘅小菜，西蘭花調味十足，食落十分濃味而且煮得夠淋，再上淡淡嘅蛋白蟹肉，鮮味十足，不錯雪糕紅豆冰$38最愛飲紅豆冰，紅豆夠淋夠甜，配上雪糕有得食又有得飲，正！…Read More

去東涌行outlet就一定要搵地方唞一唞，才能再繼續血拼😂行行吓見到有間羅麥記，即刻二話不說，即入去搵食，放肆地揀咗最想食的炸雞髀加薯條，因為好耐冇食呢！😍朋友就揀咗蝦多士，一睇價錢嘩，貴過一碟飯，不過，又係因為想食所以叫。首先上枱時蝦多士，一見即刻哇的一聲，因為每一件都好大件，感覺好似都唔算好貴😂蝦膠在面包上，味道真的不錯，彈牙之餘，麵包也仍外脆內軟。我的炸雞髀卻比預期遜色，炸得太乾身，味道太濃，不會再叫。另外叫左一杯檸檬薑楓蜜水，做得的味道也不錯，薑味出、楓蜜甜、檸檬香。…Read More

每次去完旅行落飛機，都好掛住香港嘅嘢食><今次落機即刻仆去東涌食羅麥記，呢間充滿香港地道特色嘅茶餐廳！飲番杯紅豆冰奶茶，淡淡紅豆好鬼爽，加埋超滑嘅奶茶真係好鬼正呀！加埋脆卜卜蝦多士，做下午茶簡直係一流！我最鍾意食闊佬炒飯，即係出邊嘅鴛鴦炒飯，貪心嘅我可以一次過食晒紅汁白汁兩隻味，仲有大大隻蝦，正呀！另外雪菜肉絲炆米都唔錯，仲叫咗個超有特色嘅避風塘海鮮炒面，有香港特色之餘仲要唔係到到都食到㗎！呢餐叫咗咁多嘢都係$300左右，我哋五個朋友食都夠食呀，好滿足！…Read More

羅麥記的裝修以六七十年代的冰室做裝修主題！餐廳的食物也是香港的本土美食，整體的環境懷舊得也充滿兒時回憶。我們點了蝦多士，磚頭咖喱軟殼蟹飯和很就沒有飲過的雪糕紅豆冰。蝦多士：蝦多士一份共有5件,而且每件的分量都好大，好抵食。多士面上有鮮蝦打成的蝦膠，味道鮮味！而多士經過油炸，食落好香脆。磚頭咖喱軟殼蟹飯：呢個磚頭飯的造型好創新，而且分量都好大！磚頭飯上的軟殼蟹鮮味又香口，咖喱的味道唔會令人覺得辣！而且盛著飯的麵包也吸收到咖喱的醬汁，撕開食都頗惹味。…Read More

紅白藍三色膠袋、五顏六色的霓虹光管，一眼望去便感受到香港的味道。 這間在東涌新開的茶餐廳，除了裝修地道外，食物方面也有不少懷舊的菜式、當然少不了充滿香港特色的經典茶餐廰美食。蝦多士 （$60）👍👍👍👍懷舊蝦多士，不是很多地方可以吃得到，在厚切的法包搽上一層蝦膠，煎至焦香金黃的蝦膠跟脆脆的法包，外脆內軟，一客有五件，最適合多人分享。芝士牛脷包（$42）👍👍👍👍當我看到這個牛脷包，牛脷是一整條放在麵包上，你可以豪邁地一口咬下去，當然也可以用刀叉優雅地慢慢吃。牛脷配以芝士、青瓜和蕃茄令口感和味道更清新。避風塘海鮮炒麵（$68）👍👍👍👍海鮮炒麵舖了一層香辣的避風塘香炸蒜蓉，令豉油王炒麵增添風味。多款雜錦海鮮亦為炒麵帶來避風塘的滋味。焗豬扒飯（$65）👍👍👍👍大大塊的焗豬扒放在熱烘烘的炒飯上面，茄汁的味道酸酸甜甜，令人愈吃愈開胃。涷檸賓（+$10）👍👍👍👍焗住食套餐加$10 配凍飲。蜂蜜菠蘿冰 （$32）👍👍👍👍甜甜蜂蜜跟香甜的菠蘿𣲙，解渇又消暑。內在環境餐牌…Read More