今次嚟到山林道呢間上樓嘅小菜館，試試佢哋拿手小菜！不過好多菜式都係要事先預訂，冇得即場叫㗎～🔥冰鎮一口鮑魚師傅首本名菜🌟新鮮得嚟非常大隻，醃出嚟嘅味有少少似鹽焗雞，好驚喜！而且爽口又鮮甜，唔會太韌咬唔開～果然係必試推介👍🏻🔥江南百花雞估唔到咁好味，又係必叫系列💯係現時好罕有嘅菜式，雞皮釀咗蝦膠，仲將雞肉拆絲，配上海蜇﹑青瓜絲同麻醬做底！彈牙爽口，口感層豐富，仲要係非常好食！唔到五分鐘已經被解決曬🤣🔥杏汁花膠白肺湯餐廳馳名嘅湯品－好足料！真材實料，火喉十足，味道亦超級濃郁，鍾意豬肺/ 杏仁汁嘅朋友真係唔好錯過！（個人唔太鐘意杏仁糊陣味，頂唔順，但同行友人話勁正👍🏻）🔥蝦多士拼咕嚕肉經典懷舊菜－嚟到無理由唔食‼️蝦多士出色唔油膩，非常香同酥脆～🔥金銀蛋莧菜純粹個人喜好叫咗呢個菜嚟消滯，比想像中份量大，個皮蛋幾好味，菜又甜😋🔥薑蔥廣島蠔非常惹味，外層炸到好脆口，味道濃而不膩！份量勁足料，好抵食👍🏻🔥煎堆仔最後以呢個懷舊甜品作結，上枱就知佢係啱啱炸起，芝麻味好香，個皮又夠煙韌！入面個餡係紅豆蓉，唔會太甜啱啱好，會忍唔住又食多個😋雖然冇華麗嘅裝修，但野食每道都出色👍🏻係一間隱世嘅私房菜咁，員工同老闆都好nice服務好好～同屋企人/ 長輩嚟食都會好啱佢地口味呢💛…查看更多
