Nakitora Ramen (Harbour North Phase 2)

有人話係香港食拉麵係比智商稅，要食不如去日本食。咁香港果D茶餐廳，譚仔，燒味去到外國貴幾倍，唔通日本人又話係日本食譚仔係交智商稅，應該飛黎香港食咩？所以呢鋪講法真係要戒啦。👇🏻📌人 氣 推 介 -▪️ 蝦 味 噌 豬 骨 湯 拉 麵 - $88▫️ 我就揀左呢個「蝦味噌豬骨湯拉麵」，湯底用上北海道鮮蝦熬煮，加上櫻花蝦粉香味濃郁，而味噌鹹中帶甜，先呷一啖湯，麵條爽口彈牙，蝦鮮味係口腔揮之不去，仲有一隻流心半熟蛋，蛋香十足，夠哂滑溜，好食。▪️ 博 多 黑 蒜 油 拉 麵 - $88▫️ 我朋友就揀左「博多黑蒜油拉麵」，湯底濃郁惹味，唔會好鹹，麵條軟硬適中，食到大量配菜，包括木耳、香蔥，叉燒肥瘦均勻，面頭經火槍燒過，帶淡淡焦香，食哂成碗亦唔會覺得好油膩，仲會附上一杯熱茶，唔錯。…Read More

夏天真係越嚟越熱😮‍💨放假同媽咪去街都要搵啲有冷氣商場先得，今日就去咗北角匯行街，順便去食個午餐先🤭媽咪最愛行超級市場，咁啱超級市場入面就有一間拉麵店🍜就一於試下啦☺️美食推介：👍🏻💛鳴海老🍜：蝦味噌豬骨湯拉麵，蝦味及豬骨湯非常濃郁，拉麵麵質彈牙，豚肉肉質厚及配一顆糖心蛋，非常滿足😋💛綠虎🍜：四國香蔥油拉麵，香蔥油非常香，不油膩，每一口拉麵掛上濃湯非常絕配👍🏻拉麵也有跟豚肉及糖心蛋😋⭐️拉麵🍜質素高👍🏻⭐️價錢經濟👍🏻抵食👍🏻👍🏻…Read More

週末又去北角行吓，差唔多晚飯時間，食埋先返屋企，經過見唔使等位就揀呢間。店舖位於一田超市內的角落位置，堂食座位唔多，但以自助形式，算足夠，用餐完畢後，需自行將餐盤放回門口嘅收盤櫃內。本身無配飲品，每碗麵都有備一杯麥茶。日本魚乾豬骨湯拉麵 $88比較鍾意呢款，魚乾味幾濃，略嫌叉燒未夠軟腍，反而拉麵質感適中。蝦味噌豬骨湯拉麵 $88介紹話呢款湯加入北海道鮮蝦及櫻花蝦粉，個人覺得蝦味無預期中咁濃，份量啱啱好。…Read More

餐廳：鳴虎地點：北角匯一田超市菜式：日式拉麵餐牌：拉麵5款，可以追加配菜。丼飯6款，小食8款，汽水，茶。餐廳好易搵，喺正超級市場一邊，座位大概有20個。蝦味噌豬骨湯拉麵 $88呢度招牌豬骨湯湯底，係用大量豬骨熬煮，呢款湯底再加入北海道鮮蝦同櫻花蝦粉。飲一啖湯先，味道唔錯唔覺油膩。拉麵係幼身麵，好有蛋香，質感都唔錯。配料有兩片圓形切割叉燒，半肥瘦，燒得燶燶地，仲有原隻糖心蛋，好多爽口黑木耳，大量蔥花，同紫菜一片。我鍾意黑木耳加拉麵既口感。特濃辛口拉麵 $98特濃辛口拉麵湯底果然呈紅色，真係幾辣，好香辣，好辣人士必試。麵同配料基本上同蝦味噌豬骨湯拉麵一樣，食完個嘴仲係辣辣地。總括而言，拉麵同湯底質素唔錯。上餐仲跟有一杯室溫茶。…Read More

今日天氣唔錯就去咗北角匯行吓，行完一田之後肚餓😋😋就見到呢間叫做鳴虎嘅拉麵店，就決定喺度食埋晚餐😍😍Peggy我呢係個拉麵愛好者嚟㗎🍜🥰🥰咁我哋今次就叫咗一個蝦味噌🦐🦐豬骨湯拉麵 $88同一個日本魚乾🐟🐠豬骨湯拉麵🍜$88，兩款拉麵都會配有兩塊日本叉燒🤤🤤木耳絲🥚🥚紫菜同埋粒糖心蛋😍😍 日本叉燒味道十足而且超大塊😍😍木耳絲夠晒爽口，糖心蛋煮得啱啱好，配合埋彈牙拉麵食，真係超夾😋😋😋比較唔同嘅係個湯頭😍😍😍食拉麵呢一定要飲湯先，因為個湯係拉麵嘅靈魂😋😋一個係用咗4️⃣種日本鮮魚乾，再配合呢度嘅豬骨湯底熬煮而成，仲有少少蔥花香😋飲落去鮮味十足😝😝 另一個就係用咗北海道嘅鮮蝦同埋櫻花蝦粉🦐🦐配埋個豬骨湯熬製而成嘅，飲落去呢有蝦嘅鹹香啦🥰亦都有啲鮮甜嘅味道，兩款湯底配埋佢個拉麵都真係幾夾😋😋店家仲好貼心會跟多杯水💧💧飲完湯底🤩食完拉麵😘再飲埋杯水真係圓滿😋😋食完記得自己執返好啲碗筷🥢🥢放喺附近嘅收集處就可以啦👍🏻👍🏻…Read More

星期五落一田掃完貨，順便就揀咗呢間鳴虎食個拉麵。呢度有堂食坐位，以小店規模嚟講算係座位充足，所以輕易就搵到一個有利位置，然後再出去點餐。點餐後，店員會通知客人取餐號碼，請客人自己取餐。一人一碗拉麵的確令人大滿足。蝦味噌豬骨湯拉麵湯底味道濃郁。除咗有濃濃嘅豬骨湯味之外，仲有滿滿嘅櫻花蝦味道。而且仲配有8成熟嘅溏心蛋，配拉麵就最夾。博多黑蒜油拉麵同樣有溏心蛋、紫菜、木耳絲等配料。佢嘅黑蒜油顏色唔算黑，但仍然充滿蒜香。…Read More

假日和友人去北角海旁走走，煙雨濛濛。在北角碼頭散步後，中午先到附近商場裏的拉麵店吃碗拉麵，稍作一歇，度過休閒的假日。店舖位於一田內，位置方便，設有吧台位和一般四人座位。店內盡頭是軟座位，可以坐得更舒適。蝦味噌豬骨湯拉麵($88)，依餐牌上說，加入北海道鮮蝦、櫻花蝦粉、鹹中帶甜的味噌，整碗湯底濃郁，特別能嚐到蝦香。拉麵頂層鋪上大量櫻花蝦，增加蝦的脆口感之餘，也為拉麵和湯帶來櫻花蝦的鮮味。麵條掛上蝦湯底和櫻花蝦，鮮蝦味濃郁。博多黑蒜油拉麵($88)，加了黑蒜油的拉麵比一般拉麵多了一陣蒜油香。掛上黑蒜油的拉麵也更滑，麵條彈牙入味，吃一口麵條，再喝一口濃郁黑蒜油湯底，香濃惹味，齒頰留香。筍($12)，點了筍這一個追加配菜，加入拉麵吃。爽口入味的筍，配上彈牙的拉麵，呈現兩種不同的爽口。波子汽水(原味)($18)，有點像喝有氣的乳酸水，與濃郁湯底的拉麵一起，相輔相成。波子汽水(草莓)($18)，微甜的草莓味，配上一口拉麵，能解拉麵的膩，帶來一種清新的感覺。波子汽水(可樂)($18)，這個像是乳酸味的可樂，跟一般的波子汽水可樂不同，如果喜歡乳酸味可一試，個人則比較喜歡原味。…Read More