石姐辣蟹雞煲小菜皇

去太子搵野食唔一定要去始創果邊先有野食, 其實行去大角咀果邊都有好多地道小食, 而且又大把選擇唔洗逼。今次揀左去石姐食小菜皇, 因為果邊D老字號都食過晒, 今次就同男朋友試下間新開幾個月的餐廳。餐廳裝潢走平民化的路線, 但樓底夠高, 都算坐得舒服, 如果一行十幾人黎仲可以坐圓檯, 3、4個人黎又可以坐卡位, 各取所需。蝦乾啫啫通菜煲夠鑊氣夠香口~通菜青翠, 炒得夠青爽, 蝦干味香, 風味十足, 熱辣辣, 香氣撲鼻, 食得出夠鑊氣菠蘿咕嚕蝦球非常開胃, 酸酸甜甜, 大蝦隻隻夠爽, 剩係點汁食飯都可以食幾碗。招牌豬手呢道菜其實係食功夫的, 做的過程工序多當然不在話下, 要做到皮脆肉質彈牙, 實在難得, 豬皮香脆而不過火, 而且又不會太油膩, 內裡肉汁豐富而不會過鞋, 實在難得。…查看更多

平時要食惹味小菜，都會諗起去大排擋，貪大排擋夠鑊氣，但原來不用到大排擋都可以食到風味十足的惹味小菜。最近太子就開了一間「石姐辣蟹雞煲小菜皇」，又辣蟹又雞煲又小菜，好似好多選擇，所以開業不久，住在附近的我就決定來一試究竟。餐廳裡面的裝潢都好新，高高的樓底，除了有卡位，也有大排擋大圓枱，環境舒服，冷氣十足。餐牌上的食物種類選擇都好多，平時大排擋有的它都有，一些特色小菜也一應俱全。大良鐵板鹽插蝦$188先點個特色的菜，這個大良鐵板鹽插蝦賣相吸引，八隻大蝦插在大粒的鹽板上。粗鹽用上各種香料去炒過，所以上枱就已經聞到陣陣的香氣。蝦要比我的手掌張！隻隻都肥美多汁！如果想再惹味一點，可以把蝦沾上鹽粒，更添惹味。鳳梨拔絲咕嚕肉$108酸酸甜的咕嚕肉最為吸引，其開胃程度簡直可以送幾碗飯。外皮香脆，肉感juicy。加上芝麻，香氣四溢。椒鹽九肚魚$108風味十足，上面就有很多的蒜粒和香料！魚肉嫩滑，粉醬厚薄均勻，炸得香脆之餘又保留了魚的鮮味。蝦乾生啫啫通菜煲$95好大鍋，青翠的通菜加上蝦干，製作成的啫啫煲，味香而青爽，實為送飯之選。…查看更多