璞

Open Now

Now Closed

🙋🏻‍♂️餓底探員去咗尖沙咀調查呢間中菜館，餐廳位於西九M+，前往餐廳途中仲可以感受文化藝術氣息，餐廳地方闊落，環境舒適，設有室內同戶外座位，主理高級中菜，有多款傳統手工菜式，門面玻璃櫃放滿多款山珍海味同中式白酒，盡顯氣派🌼松茸菊花豆腐羹 $198 🙋🏻‍♂️表示豆腐切成幼絲，呈現菊花造型，非常考刀功嘅菜式，豆腐香軟嫩滑，湯頭清香，帶有松茸嘅菇菌鮮味🍊古法蝦籽柚皮 $88🙋🏻‍♂️表示柚皮以傳統古法烹製，工序繁多，同樣係手工菜，柚皮鬆軟細膩，配上蝦籽熬成嘅上湯汁，柚皮吸收咗蝦籽精華，食落充滿鮮味🦀黃金焗蟹蓋 $238🙋🏻‍♂️表示蟹蓋外層炸至金黃酥脆，釀入滿滿蟹肉，口感飽滿，味道鮮甜，配上話梅醬汁，令蟹肉增添鮮味🐖蜜餞西班牙黑豚肉叉燒 $268🙋🏻‍♂️表示叉燒選用西班牙黑豚肉做成，肥瘦均勻，口感結實有嚼勁，食落充滿蜜餞嘅香甜，配上紫蘇葉包起嚟食，紫蘇葉嘅清新更加突顯叉燒鮮味，好特別👍🏻🐟欖角酸薑銀鱈魚 $246🙋🏻‍♂️表示銀鱈魚加入欖角同酸薑清蒸，肉質嫩滑，入口即化，配上軟滑豆腐，鹹香嘅欖角同酸甜嘅酸薑提升咗銀鱈魚味道層次🐮干邑牛肝菌燉牛臉肉 $286🙋🏻‍♂️表示牛臉肉肉質柔軟，口感細膩，牛味

同朋友行完M+藝術館，順便係入面既中菜館食晚飯，裝潢超有氣派，門口霸氣放咗巨型花膠海參陣，設計結合左傳統中菜嘅典雅韻味，中菜館中間放咗弧形LED屏幕。松茸菊花豆腐師傅用精湛嘅刀法將豆腐切成菊花形狀，好像一朵盛開嘅白色菊花漂浮，賣相吸晴，豆腐入口無比滑嫩輕盈，松茸的菌香提升湯底嘅層次。蜜餞西班牙黑豚肉叉燒叉燒肉質細膩，帶著濃厚嘅蜜餞香甜味，黑豚肉脂肪均勻，可以用紫蘇葉包著食，紫蘇嘅草本清香為叉燒增添一層清新嘅層次感。花膠燴官燕官燕質地細膩，入口即化，花膠厚實、官燕滑嫩，兩者精華滲透在湯底裡，養生之選。干邑牛肝菌燉牛臉肉牛臉肉燉得非常軟嫩，肉香濃郁帶著干邑嘅芳醇氣息，和牛肝菌菌菇韻味。酥炸桶蠔蠔超大隻，炸得金黄酥脆，味道鮮甜，伴菜脆脆增加口感。鮑魚福建炒飯炒飯粒粒分明，鮑魚肉厚彈牙，米粒吸滿了鮑魚汁精華，帶著豐富嘅鮮味。棗皇糕精緻糕體細膩且富有彈性，棗味香濃卻不過分甜膩，入口鬆軟溫潤。

新開嘅中餐館，好姊妹結婚諗住喺度擺酒，邀請我一齊黎睇下。環境幾有藝術氛圍，餐廳名「璞」，呢個名象徵永恆、尊貴同典雅，感覺有氣質亦有中華⽂化氣息，都幾fit好姊妹嘅要求。晚宴考慮嘅菜色味道都唔錯，擺盤係典雅高級粵菜類別。松茸菊花豆腐 - 廚師即叫即整，非常考刀工，就算𢳂起，菊花形嘅豆腐都仲keep到形態，好滑湯好清甜。椰皇螺頭燉花膠 - 清甜，花膠屬爽滑，螺頭仍然有鮮味。蜜餞西班牙黑豚肉叉燒 - 希望到擺酒都有呢道菜，招牌野，香甜蜜味，肥瘦適被肉質嫩，好正。兩款魚之間（麒麟荷葉蒸星斑球、欖角酸薑銀鱈魚），各有特式，星斑球雖然有荷葉味熟度剛好，但新式煮法嘅銀鱈魚略勝一籌，配搭新鮮而且好味。生啫本地唐菜膽 - 個人覺得雖然呢樣菜未必適合婚宴，但又未嘗不可。因為菜膽只用上最嫩爽嘅部位，蝦乾超鮮又咸香，唔係一般用料。

呢晚嚟咗西九文化區行吓，發現M+ B1層新開咗呢間高級中菜廳，所以就入咗去食個晚飯 。松茸菊花豆腐羹呢個好考師傅嘅刀功，刀法如神將豆腐切成菊花嘅形狀😮 個湯羹清清地，主要有菇菌嘅清香，感覺都係幾滋補。蜜餞西班牙黑豚肉叉燒蜜餞叉燒半肥瘦，用上咗西班牙嘅黑豚肉，食落口更加有口感，又可以keep住有肉汁🐷 餐廳嘅配搭好新穎，用紫蘇葉包裹住叉燒，又真係更加解膩喎🤣脆皮三黃雞半隻嘅份量都好足，燒雞皮薄肉嫩，帶點鹹香。雞皮好脆，好香口，令人會忍唔住食晒🐥 干邑牛肝菌燉牛臉肉一上碟已經聞到好香干邑嘅味道，同埋用上煲仔上，更有風味🐮 牛肉燉得好入味，肉質軟腍，肉味濃郁，個人幾推介呢個菜式。富貴蝦乾濃湯浸時蔬呢日嘅時蔬係鐵質豐富嘅菠菜🥬 除咗面頭有好大隻嘅蝦乾，餐廳仲用上橙紅色嘅蝦湯浸住，都幾有鮮味。XO海鮮炒金絲米粉整個米粉都好惹味，用上帶微辣嘅XO醬🌶️ 面頭有蝦仁同埋帶子，份量幾多🦐 米粉幼細，但係幾有咬口。餐廳店員嘅服務非常殷勤，會主動幫忙斟茶，呢一餐都食得幾愉快啊😚

為愛弟慶生，真係諗到頭都大晒~今次就揀左位置 M+博物館B1 高級中菜廳【璞 Agate】，安排入座可飽覽維港景色，建議中午或黃昏時景色更美，另設有露天座位(pet-friendly) ~~ 希望冬天可以帶埋豆豆嚟!蜜餞西班牙黑豚肉叉燒 $268叉燒用烤爐端上，賣相別緻，配上紫蘇葉一齊食。一啖將紫蘇葉裹著叉燒食，紫蘇葉香味 + 油潤juciy的蜜汁叉燒,，口感很清新，膩感大大降底。叉燒入口焦香鬆化，蜜汁甜度剛好~ 松茸菊花豆腐羹 $198超考師傅的一道菜，盡顯刀工，將豆腐切成一朵菊花，令人賞心悅目，美如畫~ 白菊花嗦晒松茸的精華，入口甘香清甜。柚子醋海蜇花$88爽脆海蜇頭，配上開胃的柚子醋，超級上頭~反而我想讚下餐前小食嘅黑松露繡球菌，非常之出色既有黑松露濃郁的【漏煤氣味】，不多不少，冰鎮非常脆口，令人食唔停口!凍干無花果醋肉 $268炸醋肉食落冇咕嚕肉咁油膩，相反係1 d 都唔油膩、酸酸酸甜甜又開胃。醋肉外脆內嫰，啖啖肉！男女老幼都超愛，凍乾無花果再多d仲好古法蝦籽柚皮 $88細個成日食的傳統粵菜，依家真係少之又少，又好似食鮑魚咁，但係素食。步驟超繁複，以鮮味鮑汁煨煮，入口即化，仲非