Coffee Lowa

龍華軒嘅雞翼放題都做咗好耐，一直都未有機會同啲雞翼怪朋友去食，入面嘅cafe佈置真係幾有特色✨。今次我哋book咗2-4嘅時段，成程都只係食雞翼冇叫其他嘢食。本來menu上面寫咗4隻味，分別係  椒鹽、  蒜香、🍯蜜糖同🌿香草，不過唔知點解第一輪嚟嘅時候其中一款變咗🌶辣味(灑滿紅色辣椒粉仲要辣到嗆喉，無理由係香草或椒鹽啊)。而且等待時間比較長😢，我哋2點準時到，但係差不多2:50先收到第一輪嘅食物，過程真係漫長而又痛苦(肚餓)嘅等候😩，好彩之後加單都係好快上菜。啲雞翼應該係一次過炸好然後再分別上粉或者上醬汁，口感偏乾。整體而言，蜜糖味係比較出色，上面淋滿蜜糖🍯，每一隻都能夠均勻沾滿，甜甜的幾入味。椒鹽方面都算入味，但係啲粉灑得比較少。蒜香同香草嘅味道都唔太突出，味道過淡而且唔係好夠粉😥。至於特別版嘅辣味，其中一位朋友就覺得幾特別，因為佢辣得嚟係會keep住辣，啲辣粉嘅辛香料味偏重，但我個人覺得太辣  ，如果輕手少少應該會更好。🏆整體排名：個人+朋友A：蜜糖>椒鹽>蒜香=香草>辣味朋友B：辣味>蜜糖>蒜香=香草>椒鹽口味呢樣嘢真係因人而異，不過我哋overall覺得最推介都係蜜糖味🥇。我哋3個人食，每人大概食到13-15隻，$88呢個價錢都係可接受範圍嘅。…Read More

位置：呢個位真係有啲難揾haha，第一次行嚟行去都揾唔到，原來大廈入口係一條後巷入面。不過大廈近住地鐵站，行兩分鐘就到。方便：🌕🌕🌕🌑🌑環境：唔知大家有冇睇過試當真《教父》，入面個咁有文藝氣息嘅cafe就係龍華軒啦！ 牆身近湖水綠，一入去就見到擺滿菲林相機嘅櫃，仲有幾部結他放喺隔離，裝飾比較七八十年代，近吧檯嘅牆身係似舊公屋嘅格仔瓷磚，好有feel。食物：🟣蜜糖雞翼Encore 最多次嘅雞翼，雞翼好入味。可以要求多蜜糖。🟣辣味雞翼呢隻辣味較出，都幾唔錯！大家可以試下個辣度夠唔夠再encore。🟣鹽香雞翼呢隻味係咸咸地，比起辣味雞翼只係遜色少少，不過不失。🟣蒜香雞翼呢隻較普通，只係炸雞翼面頭擺咗粗蒜粒，食完都無乜encore呢款～🟣香草雞翼同蒜香雞翼一樣，味道差不太遠。飲品：⚪️葡萄梳打 $45味道係偏甜嘅，不過就唔係死甜個隻，比例唔錯，都幾好飲嫁！整體：如果係想揾平平地嘅雞翼放題，咁呢間就啱曬你！$88就有六隻味，不過唔係隻隻都啱你口味，而且雞翼偏乾身啲，希望可以改善下。記得呢間去之前一定要卜位呀～因為要預返人數準備雞翼數量！評分：🌕🌕🌕🌗🌑…Read More

因為book左枱，去到唔洗等位，第一次黎覺得環境不錯，擺設好得意，地方細細但枱櫈濶落，坐落都唔會好迫，老闆風趣講得笑，點完餐後上菜速度可接受，以2個人運作黎講已經不錯了蜜糖雞翼 - 入口少少甜，雞肉入味，一人一隻岩岩好芝士焗西蘭花 - 落芝士唔手軟，佈滿一絲絲芝士，西蘭花分量足，每人都食到幾粒蒜香雞絲炒意粉 - 蒜味濃郁，味道剛好，意粉軟硬適中卡邦尼意粉 - 芝士味一流，多汁，煙肉一片片，平時食幾啖已經飽，但呢個好味到飽都想繼續食飲品叫左焦糖朱古力，青檸梳打，水蜜桃茶，每杯都夠味，今晚同朋友又食飽又傾飽…Read More

完全是lowa fans,平均一個月去一次，每次都會帶唔同既朋友去，每個食完都會愛上。由最初開鋪，無咩人識唔洗訂位，到現在要訂，walk in都無位，就個佢地食物既實力，可以吸引到人，一去再去。👍👍食物既份量夠大，多啲朋友一齊share食都無問題，店鋪設計特別，環境休靜，又有玩具可玩放鬆心情一流，係我最鍾意既原因。…Read More

 堂日2pm打去book位, 所以5 使等位...由於我放工早左, 所以買埋蛋糕就上去坐低等朋友,我早到左15分鐘, 佢地好好客, 比我坐低等,怕我悶主動拎書比我睇, 佢地狗狗pr仲好nice,一上黎就坐係我身上, 好可愛啊!7:30pm 4個朋友到齊, 叫左2個set dinner,加多1 個飯1 個意粉, 加多個蜜糖雞翼, 叫左4 杯飲品..落左order, 拎左uno玩住等食, 都幾快有得食,其中有個朋友想睇下熱咖啡有無得拉花,廚師好好人, 好nice咁問朋友想要咩花, 佢會試下,好開心呀, 有隻bear!!d野好好食, 好nice,以前試過幾間cafe都一般, 一係野5 好食, 一係態度差,今次再試下係cafe dinner, 感覺又幾好wo!所以推介比大家!! : )…Read More