Sun Kee Chicken Congee (Hung Hay Building)

聽講元朗國有間雞粥好出名，有同事約大胃去嗰度食，但真係太遠抽唔到時間去幾年後，呢間元朗雞粥跨區開咗好多間，家下旺角都有得食唔知嗌乜，點都要嗌碗招牌雞粥見配埋黃鱔咁有趣，就試吓，雞肉煲得好嫩，黄鱔好彈牙粥底熬到入晒味，好綿滑呢度嘅腸粉都不遑多讓，炸兩好爽身，唔會腍啤啤，皮薄餡正，蝦米外皮引人入勝，坊間罕見，食落又唔錯喎港式食物好多呢度都有，其中沙嗲牛公仔麵，亦相當足料麵底算多，牛肉都有好多片，片片嫩口鯪魚球嘅份量好喜出望外，粒粒仲大過乒乓波，咬開冇空氣掗位實淨厚肉，點埋蜆介醬鹹鹹地極具魚鮮原本以為XO醬一定會好辣好鹹，炒落腸粉度又ok喎，吊到蝦米嘅鮮香，格外惹味，仲有大量洋蔥同燈籠椒提味飲品方面都幾特別，用七喜沖龍眼冰出嚟，冇想像中嗰種死甜連梅柑桔都可以配七喜，味道都幾夾…Read More

冇一個元朗地膽係唔識呢間足足有3️⃣0️⃣年歷史嘅馳名粥店。最特別係有自選煲仔粥，提供超過30款材料，好似揀車仔麵d餸咁🤣宜家港島區同九龍區嘅朋友終於唔洗遠赴元朗朝聖啦！  💗貴妃雞豬潤粥($58)每煲粥都係即叫即滾，粥底用咗泰國頂級絲苗米，再混合兩種米嚟煮，煲至稠身綿滑有米香，滲出少量雞油唔會油膩🍲入面有好多貴妃雞件，雞肉連皮食落鮮嫩有彈性，且帶鹹香🐥豬膶亦份量十足，厚度唔會太薄，口感爽滑味道甘香。加入薑絲辟腥同蔥花，食完都唔覺味精重。💗紅燒脆皮乳鴿($65)挑選10両重嘅乳鴿，浸完滷水後噴冰水，令口感更爽嫩🦆風乾後即叫即炸，外皮相當香脆，皮下脂肪少，內裡肉質飽滿嫩滑，但未算爆哂肉汁，而且鴿胸稍為有d乾🤔💗香脆炸両腸粉($20)腸粉皮係即叫即拉，好薄好滑而且有米香。 不過最大問題係入面條油炸鬼唔新鮮，完全唔脆，配埋甜豉油同甜醬食都救唔番😟💗蜆介鯪魚球($52)鯪魚球炸至金黃香口，每粒都脹卜卜，而且乾身唔油膩。口感結實有彈性，魚味濃一d都唔腥，調味足夠之餘又唔蓋過魚鮮🐠靈魂之處當然係蜆芥汁，點完之後充滿咸香，而且蜆仔完整飽滿，配落去食為鯪魚提鮮🦪💗海蜇薰蹄($52)海蜇非常彈牙但唔會難咬，用咗麻油同辣椒油調味，香辣同時帶少少甜味。燻蹄肥瘦適中，豬皮同筋膜食落爽口，瘦肉部份亦唔會乾，點埋旁邊嘅酸辣汁更開胃🐷…Read More

已經係第二次食，第一次喺元朗總店...但而家旺角都有分店啦，諗唔到食咩嘅情況下...所以決定重拾哩種舊味道🤗招牌菜-貴妃雞粥，粥都煲得夠綿，啲雞本身調味都夠，浸落啲粥到都無話沖淡咗啲味👍蜆介鯪魚球$52，係幾出色嘅，炸至金黃的鯪魚球配上蜆介，簡直令人垂涎三尺🤤另外一提，我食完回到家後明顯有口渴嘅感覺，可能調味料或味精落重咗手啦，但整體嚟講味道、賣相、服務、餐廳環境都唔錯，值得推介比大家一試🙂…Read More

今日唔知點解好想食下粥，朋友介紹我來這間位於好景商場附近的粥店，她說這裡的雞粥好吃!餐廳就像茶餐廳的格局，餐牌上有很多不同款式的食物，除了有粥品也有小菜等菜式。貴妃雞粥，粥底好綿，好香雞味，粥入面有不少雞件，雞肉嫩滑，而且一碗份量都有很多，唔怪得之咁多人點黎食!魚腩粥，粥底味道夠雞粥清，但好香魚肉的味道!魚腩都有3-4件在粥入面，唔會太多骨，魚肉都幾滑!蜆介鯪魚球，冇諗過一碟有6粒，而且粒粒都好大，外面炸得金黃，內裡鯪魚肉彈牙，十分惹味!再配上蜆介醬另有一番風味!豉油皇炒麵，好耐冇食過啦，因為平時通常會選擇炒米粉!這裡的炒麵炒得乾身，幾香口，個人覺得有少少咸，但是加了一些辣醬後十分惹味!香煎蝦米腸，朋友一向都好喜歡食煎腸粉，最喜歡加入很多花生醬和甜醬，這裡的煎腸粉煎得有點脆口，很香蝦米味，而且煎得乾身!香脆炸兩腸粉，食粥品通常都會點炸兩食，這裡的油炸鬼唔會好多油，而且幾脆口，腸粉口感順滑!這裡的食物款款份量都算很多，而且價錢不算太貴，味道亦不錯，有機會會再黎!…Read More

好耐無食乳鴿雞粥啦～又比我行行下旺角，見到元朗老字號新記旺角又多間分店喎！梗係入去幫襯下啦！🔆紅燒元朗脆皮乳鴿 - 聞到都流口水，皮脆肉嫩，點少少碟邊嘅椒鹽更加惹味！加$16有埋野飲同飯。🔆貴妃雞粥🐥- 沙煲上有風味，好味過沙x雞粥😆。粥底棉滑，有雞湯甜味，正😋！🔆四川麻辣鵝腎 - 一片爽脆有汁嘅炸菜，同煙韌有咬勁嘅鵝腎一齊食，一d腥味都無，加上少少辣嘅醬汁，正！🔆蜆介鯪魚球 - 零碎骨，比平時食嘅大粒兩倍，香口而且超彈牙，蜆介咸香有少少酒香味。🔆椒絲腐乳炒通菜 - 好重腐乳味，通菜就算唔係當造季節都幾嫩口，仲有d鑊氣添！👍🏻分店位置對於我黎講方便好多，座位又闊落，我諗我會回頭再回頭🤣回頭指數：⭐️⭐️⭐️⭐️⭐️…Read More

旺角花園街係食店雲集嘅天堂，由小食到中西日韓等你講得出都有得食到，今日就到由元朗開到旺角嘅新記食雞粥！店面細細，但係海報非常搶眼，一眼就望曬成間店有咩好食。店內環境如一般茶餐廳格局，雖然裝修未見特色，但總算乾淨企理。黎得呢度，當然要食佢嘅招牌貴妃雞粥啦！而食粥又點可以冇腸粉呢？所以兔子二人決定再配蔥花蝦米腸，另加小食海蜇手撕雞同埋蜆介鯪魚球。先來的是冷盤海蜇手撕雞，海蜇彈牙惹味，手㯕雞非常入味，肉質嫩滑，整碟冷盤好快就被掃光了！再來就是蔥花蝦米腸，腸粉香滑，蔥花和蝦米份量不少，性價比十足。之後就來到了主角貴妃雞粥，大大碗貴妃雞粥，一上枱已經聞到很香濃的味道，粥底香綿，好味！雞肉份量也很慷慨。建議二人一碗，份量剛剛好。最後上場的是蜆介鯪魚球，絕對驚為天人！剛炸好的一大碟有七粒！大大粒香噴噴，外脆內軟，咬落去充滿魚鮮味，沒有太多的味精，點上蜆介，實在是非常惹味！推介！…Read More

這夜突然想吃雞粥，友人帶我來到旺角的“新記雞粥”，餐廳好旺，7pm多到都要等5-10分鐘才入座。這裡其實除了雞粥出名，也有些小菜。我特別推介蜆介鯪魚球，因為大大粒，炸到金黃色，外皮香口，魚肉彈牙。👍🏻貴妃雞粥亦很不錯，雖然沒有Menu的相片中好看，但貴妃雞尚算香滑，粥底香滑又夠綿。另外，我們看見鄰座在吃 XO醬叉燒炒蛋飯($56)好像很不錯於是也點了，XO醬沒炒進飯內，可以選擇性撈多少，蛋半熟撈飯很好吃，但叉燒略肥又有筋，很扣分。…Read More

呢間老字號鷄粥，曾經聽過住元朗區嘅友人提及過，但由於路途有點遠，始終未食過!  今日行經呢條街發現原來係旺角開左分店，咁無理由唔推門入內架?!打開餐牌見到除左有粥品/麵/小食外仲有小菜供應，想食飯/粥都可以，岩晒2小口子/家庭黎開餐呢度出名貴妃鷄粥，點都要叫返碗試下，仲可以雙拼，咁就黎返碗貴妃鷄豬潤粥 ($57)，上枱時發現唔係碗，係鍋!即叫即滾，入口超夠熱度，粥底夠綿滑而且因為有貴妃鷄嘅原因，係有點味道!  先試夠鷄，睇餐紙介紹係用30年滷水浸製及加入30種藥材，食落好夠味道，而鷄肉又唔會過嚡，食到有鷄肉味!而豬潤口感超嫩滑，無異味，同鷄粥都好夾!友人對艇仔粥 ($29)有情意結，亦係原鍋上，灑上幾粒脆花生及蔥粒，急不及待"畢"一口!配料有魷魚，魚肚，肉碎等，唔太花巧，粥底味道偏向清淡，食完唔覺口渴!有粥又點少得呢客香脆炸兩腸粉 ($19)，油炸鬼香脆，腸粉厚薄適中，再加埋甜/辣醬，包住一齊食，一軟一脆，兩種口感!另外又叫多2款小食，係餐牌上被呢客蒜泥汁脆皮豆腐 ($32)所吸引，豆腐切成一口份量，即叫即炸，入口時超熱辣，但炸物幾時都要夠熱先好味!皮脆豆腐滑，就咁單食仲多一重豆腐原味; 加埋蒜泥汁點食，又多一份蒜香醋味，令人一口接一口喎!餐牌上呢客蜆介鯪魚球 ($49)有個推介圖案，就點埋啦!  上枱時被呢幾個大波波"嚇"親，哇..........咁大粒嘅?!又係即叫即炸，未食已聞到香味，鯪魚肉夠結實，並食到魚肉香味，口感帶點彈牙，配埋個蜆介，加添咸香味道!  正喎!唔收加一，價錢相當抵食，難怪全場差唔多爆滿!…Read More

上個禮拜約定咗班中同食飯，竟然有人提議食粥去到發現舖面原來都唔係好古舊既，幾乾淨企理👌🏻 大家收咗工都勁肚餓，所以坐底即刻叫野食😋正！個海哲好快就到，個汁酸酸地食完仲開胃咗好彩其他野食都陸續送到朋友之前黎過話一定要再叫呢個炸鯪魚球，我終於明點解🤩粒粒都炸到勁大粒勁香脆真係冇介紹錯，不過個汁就略微咸咗少少。呢個腸粉就好似普通咗少少，不過啲XO醬就即刻令佢成個味提升咗😯一上枱大家都有少少疑惑呢碟係咩黎🤨 因為佢同平時係X哥到食個啲蒜泥白肉完全唔同樣😂肉質好爽不過味道就淡咗些少。魷魚鬚超級鬆脆，唔會咬唔開，最緊要就係唔會好似其他地方咬落啖啖都係得粉👍🏻食豉油皇炒麵最怕就係油！但係呢到炒到好乾身好香，味道一流☺️不過不得不介紹既就係呢隻乳鴿！！！真心正！個皮超脆，咬落去乳鴿既油香即刻出哂黎🤩食粥店又點少得個粥呢，我地叫咗個海鮮粥，粥底超綿，就咁睇都睇得出好足料！可惜就係海鮮味出唔到黎，有種以為自己食緊白粥既感覺呢😕…Read More

是晚約左幾位友人聚舊呻下做野既辛酸，梗係要搵間夠地道既茶餐廳先好feel架嘛！最鐘意餐廳有自己既推介唔使估你有咩好食手撕雞海哲係必叫既前菜，佢地既醬汁係偏甜，所以食落去手撕雞會有juicy既甜味，海哲夠新鮮所以都好爽口，正友人黎過呢間食，所以推介蜆介鯪魚球，哇上到黎粒粒都好似長州魚蛋咁大粒，仲要有成六粒咁多！新鮮滾熱辣炸上黎確係正，外脆內軟，一啲碎骨都冇，點埋果啲好鮮甜既蜆介，成件事upgrade左又係無得彈！上次我自己幫襯，有叫到xo醬炒蝦米腸粉，所以今次決定encore事關上次食過翻尋味！蒸腸粉加豉油麻醬甜醬就食得多，今次炒埋腸粉加埋三色椒同洋蔥炒係香到無得頂，差唔多條條腸粉都有脆既外皮，加xo醬輕輕吊下味，滿分👍🏻椒腐炒通菜，通常係出面一食得腐乳既野食就會超級咸，但係呢度完全唔會過咸，有住家飯媽媽煮菜既感覺，所以好似幾健康😅菜唔會有渣，證明係靚菜脆皮乳鴿，呢次堅喇隻乳鴿好得！係脆既薄皮，肉又唔會overcooked又唔會乾，重點係望落細細但係其實啖啖肉，有食緊雞肶既感覺😭酥炸魷魚鬚一睇張相就知道唔惹少，份量夠哂足夠，新鮮炸起，每一條都有啲爆汁既感覺，好彈牙唔會霉！蒜泥白肉同譚X果啲唔一樣，佢既白肉係整到好爽口好似薰蹄咁，又幾特別。肉既下面舖滿左青瓜，我估係唔想整到咁有肥膩感，而係想以清爽為主。如果啲蒜汁可以多返啲就滿分喇！豉油王炒麵同係街度食到果啲有啲唔一樣，佢既麵食落去係會多左一種花生醬既味，唔會好咸又幾好食！連埋海鮮粥一齊食又另一種口感！海鮮粥粥底好靚，果然係以粥做招牌既餐廳！食落去啲粥好軟同綿，呢一樣並唔係太多粥舖可以做到。海鮮有帶子，蝦同蟹，令我印象深刻既係隻蝦，蝦好大隻又幾新鮮，所以食落又係夠哂彈牙👍🏻野飲叫左七喜龍眼冰，豆漿，同泰式青檸冰。幾特別既係原來七喜龍眼冰係可以走左啲綠色😂泰式青檸冰會有啲酸，唔好酸既人士要考慮下先叫。豆漿feel到唔係溝粉沖既，豆香都唔錯，又唔會太甜👍🏻值得一讚既繁忙時間就算佢地都多客，我地坐左咁耐係度傾計都唔會收哂我地啲空碟趕我地走，店長好有禮貌，又抵食唔算貴，加分👍🏻…Read More

因為中華電力公司送積分給用戶，我用了部份積分換一份免費雞粥，今天中午在花園街的新記雞粥享用。中型份量的雞粥有雞塊五至六件 之多，醃鹹的雞肉不靱，味道和肉質不錯，但粥水太稀薄米少水多，似雞湯多過似雞粥，想不到以雞粥打招牌，粥底咁不濟。睇見蜆介鯪魚球就很想吃了，於是 落單叫了一碟，金黃又熱騰騰的鯪魚球十分吸引。一碟六粒的炸鯪魚球，魚肉質鮮爽又有肉汁，蜆介則鹹到苦，今餐消費 42元，鯪魚球平均$7一粒，價錢合理。…Read More