Cheerful Sky Cuisine

觀塘碼頭一帶海濱長廊， 景色怡人 最適合就係漫步hea遊好地方。 除此之外附近宏利大廈的囍雲天酒樓又是我至愛嘆茶酒樓之一。 所以到觀塘碼頭一帶搵嘢食，我必然首選囍雲天。今次亦都不例外直接去到囍雲天歎茶最鍾意就係佢哋啲點心即叫即蒸， 每樣點心都有水準， 朋友對食要求都好挑剔但食完之後都讚口不絕。這裏飲茶原來都有分時段有不同折扣優惠，早茶十一點前點心都是有七折 11點至兩點中午時段就點心九折， 下午茶時段又再七折，價錢都好相宜。 最重要是點心質素， 所以這裏飲茶完全物有所值。 今次同朋友嘆完一盅兩件 ，下次我哋打算再嘗試埋這裏的晚餐…Read More

之前響觀塘碼頭學完車，都會行下觀塘海濱公園， 行完過對面的宏利金融中心見到囍雲天都想試下，所以今日帶家人來一齊飲茶。入到酒樓，先有一排卡位，適合四至五人，再行入裡面好光猛，一個無敵大廳，再加埋門口的花圈拱門，格局好適合擺酒婚宴用。我地坐在近窗邊位。先叫菜苗餃$34.8，已望到翠綠的菜苗，晶瑩剔透的餃皮好薄，裡面好多菜苗爽口，有少少蝦同肉，夠鮮甜。北菇棉花雞$35.8，好大隻冬菇，有三四大塊的魚肚，魚肚好彈牙，靚魚肚冇腥味，雞肉夠嫩滑。沙律蝦春卷$34.8外皮好酥脆，裡面有蝦肉同雜果，少少沙律醬，好開胃。想食太極鴛鴦炒飯$148，上枱時好大碟，多料，好大隻蝦，蕃茄酸味開胃，肉絲好鮮甜，最正係個炒飯底，蛋包住每粒飯粒好香，食完停唔到口。甜品叫了擂沙湯丸$28.8，外皮煙韌，餡有流心的芝麻香，唔會太甜。另外都叫了碗糖水，罕見有蛋白杏仁茶$38，杏仁味濃，有細粒粒杏仁碎，是新鮮即磨的，夠多蛋白好滑。埋單時見茶芥收$12位。臨走時見到有張10:30 前下單的特價點心紙，下次都要早啲來飲先。…Read More

同朋友行完觀塘海濱公園， 之後去飲早茶， 去左宏利金融中心的囍雲天， 因商業大廈所以假日比較寧靜舒服，酒樓大廳好寬敞，點心好多款式，點了燒賣（精）$35.8，好大隻大蝦，唔會好大陣豬羶味，反而好鮮甜。牛肉腸（中）$28.8，腸粉好滑，牛肉嫩滑，肉質稔。叫了鮮蝦菜苗餃（大）$34.8，內有好多菜，有少少蝦，外型脹卜卜，皮夠薄。小籠包（大）$34.8一籠3件，皮薄好juicy 的肉汁，脆口點心叫了鮮蝦腐皮卷（大）$34.8，外層好脆的，鮮蝦爽口，見到有新款點心雪山叉燒餐包（中）$28.8，外皮好脆甜甜地，餡有好多稔稔的叉燒。甜品叫了蛋白杏仁茶$38，蛋白有趙口，食到少少杏仁碎，相信是即磨的。茶芥$12位，可休閒地坐一個早上不錯呀。…Read More