今日一早就要去將軍澳，為免遲到，比起平時搭早咗班車，當然亦早到咗少少，最好就係食早餐攝時間，但又唔夠時間坐低食，所以揀咗附近「荳子冰室」嘅麵包同蛋撻，貪佢快靚正。以為可以即到即買即走，點知職員竟然先照顧叫早餐全餐外賣嘅客人，仲要我都等咗5分鐘，排我後面嘅姐姐仲想插隊，有啲無奈....玉子蛋腿包 ($10)講真要整依個包唔算難，但平時係茶餐廳通常係餐蛋治比較多，而「玉子蛋腿包」有名你叫，係夾玉子係入面，甜甜哋，估唔到同火腿又幾襯wor曲奇皮蛋撻 ($6)蛋撻請咗朋友食一半，佢以一句「高水準」回應我。連比較鍾意食酥皮蛋撻嘅我都認同，可況朋友係曲奇皮嘅粉絲，超濃牛油味！…查看更多
