丁爸食府

咁必比登既台灣菜都試左吃什麼同阿元來了最後試埋丁爸食府不過係分類上佢係寫做街頭小食真係R爆個頭當初係飲食男女睇過介紹丁爸但見google map評價都係麻麻地又真係比左做起左咁up dup都拎到米芝蓮必比登而家仲係旺角開埋分店做埋153生意咁彩虹呢間總站就開係牛池灣露天街市後面近垃圾站果邊附近環境其實真係幾差星期六點零鐘黎到門口都見幾多人丁爸係做外賣生意門口有一兩張摺檯比人自助開黎食但我去果門口已經比人霸晒食唔到2022年有七間新入選必比登餐廳其中有兩間係黃店大圍小館同倆口小吃呢兩間不嬲都想試但拎左米芝蓮之後就更加食唔到尤其係倆口小吃次次去親都見排到痴線條龍唔算好長不過佢即整所以要等得比較耐無番一兩個鐘都唔洗食到而大圍小館最近係元朗開左分店唔知會唔會易d食到入面就係得咁大唔會有位比你另外廚房淨係見到一男一女條片就話餐廳有四位老闆丁爸可能去左旺角店掛外賣紙見到價錢對比起飲食男女果時都貴左不少呢個價錢已經同有堂食既阿元來了九份飽無咩分別張落單紙會有一個號碼可以等叫餐廳要用國語落單不過講廣東話大概都聽得明d既大約等左十分鐘左右然後我又用左二十分鐘左右番屋企就係半個鐘之後食用佢地個袋仲有自己名落本做品牌黑糖仙草原價廿蚊跟便當可以平十蚊好甜仙草份量都好多本來睇片見外賣盒都係狗流流塑膠盒但打開個袋見到個便當盒竟然係幾靚仔鹹酥雞便當比想像中大份好多仲有好似那個同鐵路便當果堆便當配菜有原隻滷蛋滷豆腐全部都好入味我成日覺得食野要外賣係物理上就已經係fail但估唔到過左半個鐘個飯都仲係暖既鹹酥雞亦都唔會淋晒例牌會叫既就一定係蚵仔煎勁多醬膠質都好勁蚵仔亦都好大粒呢件仲熱辣辣添即係比錢果時都覺得幾貴咁樣一餐飯成115只收現金以外賣店黎講價錢堅係貴無環境亦都無服務但野食都真係好食同大份我一個成年肥佬都食唔晒個便當見google map負皮果d好多係買左佢年菜既同鄉大部份都話佢d餸凍同貴上fb仲見撈好多野又做私房菜又團購咁我諗都係正正經經去番佢舖頭買外賣好過…Read More

店舖雖小，設計簡單食物選擇唔算多但全部都係台灣特色小食食物滿滿台灣風味，CP值高而且透過Open Kitchen 見到店員即時製作✾ 滷肉飯 $25以為25蚊份量會好細點知都幾大碗，好抵食🤩滷肉偏肥肉，但油香十足加上紅蔥增添香味！拌勻軟糯白飯，食唔停口充滿台灣古早味❤️❤️✾ 大腸蚵仔麵線 $35大腸軟腍，滷得入味！而且處理得乾淨，冇異味👍🏻蚵仔鮮美，粒粒飽滿脹卜卜湯底濃稠，麵線幼滑同台灣食既麵線差唔多🤩✾ 麻辣鴨血豆腐 $55打開就聞到臭豆腐香味🤭臭豆腐吸收曬麻辣湯汁一咬湯汁爆出，麻辣香味充滿口腔鴨血滑溜，口感比較脆Q彈✾ 蚵仔煎 $45蚵仔煎用左薯粉煙煙韌韌且加上雞蛋煎香裏面蚵仔份量多每啖都食到鮮甜蚵仔配上台式甜辣醬，十分開胃惹味瞬間KO曬成份✾ 冬瓜茶 $15炎炎夏日黎番杯冬瓜茶消暑又解膩！！…Read More

呢間餐廳離地鐵有d遠，幾隱蔽。作為地舖矩佢無好奢華既裝修，里面一日望晒，只有餐單同廚房。入到去老闆俾左張紙我,填低要叫咩,跟住就俾錢同撕下籌號等叫號碼。雖然設施簡陋，但d野食質素同份量一d都唔差，好有水準，好令人懷念系台灣食既小食。…Read More

近日網上不繼出的人氣台灣小食店，話通常到下午4~5點就會售磬拉閘(但開11點)見今日又放NPL , 就落街攞d膠樽去回收。順便睇吓今日多唔多人&賣哂未先~今日就試吓先蚵仔煎-$40臭豆腐-$45大腸麵線-$25咁就$110了大腸麵線-d大腸切得太細，唔係好多覺有佢存在但麵線同湯底，就好有台灣食的味道，仲好味過阿宗麵線，加d醋一齊食，仲正!臭豆腐-炸時好臭，食落唔臭，酸菜有d辣，但配落臭豆腐好夾，係夜市的味道。蚵仔煎-可能台北同台南分別，台北夜市比較脆&油，而佢可能台南風格d，係比較煙韌，好似燒餅嗰餅皮咁，而d蚵仔都算飽滿，d酸甜汁調得幾好。可以下次再試，(如果唔多人等的話)…Read More

九年前，我還在「沙田」上班的時候，曾經放假跟阿媽以及阿姨，三人跟隨旅行社前往「台北」旅行，曾經在「台北」「士林夜市」裡面，享用過程新鮮的夜市小食食品「蚵仔煎」。現在「香港」雖然的確是很多台灣菜食店，但是有製作正宗台灣地道夜市「蚵仔」，即是「香港」人經常會的「蠔仔」類別食品，包括「蚵仔煎」跟「蚵仔麵線」的台灣菜食店就少之又少。後來在「香港」食過會製作口感軟身，味道又不太油膩，有甜酸味道，口感不太乾燥的「蚵仔煎」食品，就只有位於「荔枝角」裡面的某著名台灣食店，跟現在已經結業的某「太子」台灣食店。自從我在「荔枝角」跟「太子」食過台灣「蚵仔煎」食品之後，就再沒有機會在「香港」食過「蚵仔煎」跟「蚵仔麵線」，反而「香港」有大量台灣小食店的廚房，製作「大腸麵線」食品。後來我無意中在「牛池灣」街市跟「牛池灣村」附近的「貴池徑」位置，發現「丁爸食府」這間有製作「蚵仔煎」跟「蚵仔麵條」，加上食店又近小巴站跟「新蒲崗」頗為接近，所以我光顧看看「蚵仔」的實際口感味道。但是很不幸地我光顧「丁爸食府」的時候，才知道「丁爸食府」裡面的所有「麵線」食材已經售罄，所以很遺憾地暫停食不到「蚵仔麵線」。於是我退而求其次，改為購買享用「蚵仔煎」，「丁爸食府」廚房製造的「蚵仔煎」，表面上淋滿大量味甜甜酸酸的醬汁，令「蚵仔煎」實際味道變得酸甜又容易入口，有一食再食的衝動。至於「蚵仔煎」裡面的「蚵仔」實際體積頗大，味道感覺也十分新鮮，口感也算是新鮮彈牙，十分配合甜酸味道醬汁，和口感不乾的麵粉煎餅，是十分美味的台灣小食，完全不像香港地道，口感比較油膩的「煎蠔餅」。至於我另外在「丁爸食府」購買的另一款台灣夜市小食「滷肉飯」，「滷肉飯」實際製成品體積不算非常大，只有一個小型外賣飯碗份量而已，「滷肉飯」裡面的甜味醬汁實際份量也不多。但是甜味滷水醬汁份量不多的「滷肉飯」，口感卻一點也不乾燥，因為「滷肉飯」裡面材料「滷肉」選用了含有比較多脂肪的「豬肉」，所以「豬肉」裡面滲出不少油份，令「滷肉飯」實際口感變得軟腍容易咀嚼。不過我個人頗為喜歡甜味的台灣「滷水」醬汁，偏偏「丁爸食府」廚房製作的「滷肉飯」，「滷肉飯」裡面的甜味「滷水」醬汁稍嫌不夠多，令「滷肉飯」裡面的甜味感覺變得未能夠造到最濃厚的程度。幸好「丁爸食府」製造的「滷肉飯」食品實際售價價錢不算昂貴，一碗「滷肉飯」售價才僅僅港幣二十元而已，偏好「滷肉飯」的食客大可以選擇多買幾碗，我自問下午茶食一碗就足夠了。至於「丁爸食府」的「蚵仔」食品售價也算便宜，性價比頗高，只可惜「麵線」一早已經售罄，令我跟「蚵仔麵線」緣慳一面而已，下次我或許需要提早時間光顧「丁爸食府」，才有機會食到「蚵仔麵線」了。…Read More