Victoria Harbour Restaurant

本身對海港冇乜好感，去過兩間分店啲知客都興擺款。不過為遷就好友熟路而且要搵地方磨爛𥱊長傾就姑且又睇吓呢間荃灣分店menu。預先訂位都寧舍巴閉，要湊夠6人先俾訂。為着與太耐冇見之好友們吹水，冇咩下午茶特價嘢，事但嗌吓啲飯麵、點心。先上係「蘿蔔千絲酥」，都係工場貨，叫做夠熱；「酸甜炸雲吞」繼續3件裝，幾夠鬆脆每件一粒蝦球；午市孖寶E餐「法式蝦球烏冬配腐皮素鵝」，汁底芝士白汁夠多汁，蝦球冇乜蝦味不過都爽口彈牙，烏冬係用番傳統粗身嗰啲。素鵝係當中最好食，脆口唔膩，又足餡料。至於服務，侍應繼續成日時運高睇你唔到，唔願斟水。…Read More

阿仔唔使返學 有個悠閒嘅早上 梗係去嘆返一盅兩味啦想搵間乾乾淨淨又唔會太嘈嘅酒樓 我哋就去咗海港酒樓其實飲咗咁多年茶，對酒樓食物嘅質素都唔會有太大要求， 但係今餐令我食得有d感動🤣🤣 呢到較多特色點心。春捲最怕炸得油膩，食一嚿就唔想食!但係 佢就得好鬆化，細細嚿又易入口，唔會食到個嘴損曬😜蝦餃皮薄餡靚，芋頭糕是芋頭絲炸的好特別(呢樣唔記得影相)，芋圓 外脆內軟👍🏻 唔會太甜! 薄撐 粉漿調校得恰當唔會覺得食到成口仔得分將嘅味道 仲加油蔥香味我仲覺得佢加添咗啲韭菜。 叉燒包… 其實中式麵包嘅包皮好考功夫去做,我最怕食嗰啲包皮係一咬鬆散曬, 食到個口好乾或者蒸到濕糴糴， 但係呢個包完全冇呢啲咁差嘅感覺， 我對一般叉燒包嘅感覺都改觀曬lu🤩我哋叫咗九樣點心連埋加一茶位 先大約二百五十蚊我覺得都好抵食👍👍最緊要係啲侍應，識得自動自覺你睇下使唔使加水，你知啦有啲酒樓，你叫極都唔會有人嚟招呼你! 所以我一定會再嚟呢到飲茶…Read More