East Ocean Restaurant

我平日與好友食飯, 多數係日式和西餐為主, 早前有朋友提議食中菜, 選揀了位於鰂魚涌新開的東海酒家. 見到餐牌有不少懷舊菜式推出, 我們也點了幾款. 先來一個小食, 懷舊蝦多士. 蝦多士夠脆身, 時間控制剛好, 唔會太硬, 口感不錯. 大良蟹肉炒鮮奶. 睇來好似好簡單, 其實好考師傳功夫. 鮮奶能夠保持滑身, 唔會老身, 加上蟹肉, 多了一份鮮美, 雙重口感. 蝦籽柚皮. 這個菜式好多酒家已經無得食, 估唔到這裡有, 所以一見到就點來試下. 這個絶對係花時間和心機的菜式, 當中的步驟繁多, 而且要整得好食也不容易. 這個柚皮入口好鬆軟, 感覺完全唔會柚皮, 最重要係唔苦, 真係令人好回味. 沙拉骨. 這個家常小妙, 我自己鍾意食. 肉質唔會太乾, 加上醬汁, 好啱依加食. 鍾意食懷舊小菜的朋友, 可以來這裡重拾當年的感覺.…Read More

東海酒家（太古坊分店）隣近鰂魚涌地鐵站，最近更以懷舊茶居為題，推出一系列懷舊菜式及點心，務求將最傳統的味道，再次呈現給一衆食客。懷舊蝦多士 ($60)中西合璧的演繹，鮮甜爽彈的蝦肉配上香脆的炸多士，那有不心動的道理，可惜每人只有少量，有點唔多夠喉。東海小炒皇 ($88)食材非常豐富，包括韭菜、腰果、蝦乾、芽菜及小魚乾等，香口、爽脆共冶一爐，用來送啤酒更是一流。蝦籽柚皮 ($128)柚皮得浸泡數小時去除苦澀味，再燜煮逾8小時，方能令柚皮軟身、入口即溶，配上適量的蝦籽，滋味更好。大良蟹肉炒鮮奶  ($78)鮮、香、滑的組合，嫩滑的牛乳，色澤雪白，油分充足，加入大量鮮甜的蟹肉，是另一味老少咸宜的佳餚。沙拉骨 ($58)炸得香脆的肉排，配上滋味的沙拉醬，重口味人士之選。江南五繡（$68）食材有蓮藕片、雲耳、蜜糖豆、馬蹄和百合，清甜爽脆，健康有益，正好平衡巳吃到肚滿腸肥的胃腸。在懷舊菜買少見少的今天，值得大家專程到訪；細意品嚐。…Read More

已經很久沒有見一班舊同事了，早幾天他們與我一起相約於鰂魚涌的東海酒家吃午飯。原來這裏設計很懷舊也有山水畫，餐具亦有紅色的小金魚！ 而且每個窗戶都是向海景的，令人食得舒服談得開心 ！一大班人叫了很多特色點心和小菜。點心方面：古法金錢雞（$88），是我最喜歡的，上層是用蜜汁燒雞肝外邊香脆，味道帶有濃郁雞味，（ 就有如鵝肝一樣 ）下層有一片蜜汁厚义燒及蜜汁燒肥豬肉，好奇怪义燒雖厚，卻不鞋口，而肥豬肉竟然有咬口！最底層是一片中式薄麵麭，本身無味，但夾在這幾件濃郁肥美的食物中，即時起了中和作用！第一次真正見識古法金錢雞，大開眼界！江南百花卷（$88），外面好像中式酥皮卷著蝦肉馬碲粒和芫茜，雖然幾種食物都有他們獨特的味道和口感，但卻非常夾得來，好想食多幾件呀！懷舊沙律明蝦角 （ 大點 ），入面全是蝦肉，還全部挑走了蝦腸，蝦角外皮炸得脆囗，鬆化，蝦肉彈牙新鮮！懷舊千層峰（$55），外表好像分蹄，很香麻油味，看上去很簡單，但其實製作過程應該頗複雜，因為看見有肉丶豬耳軟骨等，而每片花紋不同，我相信應該是將所有材料煮好後放入盛器，然後冷藏，成形再切片！小菜方面：最欣賞懷舊蝦多士（$60），一大隻去腸及開邊的鮮蝦擺放得像一朵小花在三角形的麵包上炸熟。一口咬落香，脆，有鮮𧎚味且彈牙！蝦籽柚皮（$128），小孩時和家人在洒家最喜歡的小菜！雖然材料只是柚皮，但由厚厚的柚皮，如何出水幾次，再燘煮，記得老爸老媽都話是非常多工序！而這次蝦籽柚皮，賣相很像鮑魚，食落口感不會 「太削身」，味道很有肉味，與以前的柚皮味道有過之而無不及！大良蟹肉炒鮮奶($78), 這味菜現在香港很少有了！不過自己剛剛學煮飯，都曾經跟食譜學過，如果沒有記錯，應該是蛋白加鮮奶炒，火不能太猛，手要快，不然鮮奶過老便不好吃了。而這𥚃的大良蟹肉炒鮮奶, 炒得恰到好處，蟹肉沒有殼，價錢也很化算呀！這裡的沙拉骨 （$58 ），跟外面的做法不同，初初不知是什麼，小小一塊排骨，外層沾有白色點點酸酸甜甜的味道，很好味，亦不會過膩. 老中青少都適合！今次不只可以見番班舊同事，還可以食回兒時懷舊食物！仿佛進入了時光隧道啊！…Read More

難得今日全家人都可以放假，又見到東海 翻新後生開重新開張，啱曬鐘意食中菜嘅老豆。見佢宣傳緊懷舊小菜， 當中竟然有我恨食好耐嘅蝦子柚皮($128)同埋古法金錢雞($88)，於是即刻點咗。 另外再嗌咗幾個小菜，估唔到價錢一啲都唔貴，啱曬荷包肝硬化我哋。😂蝦子柚皮同金錢雞，係我一直都好想食嘅菜，因為知道佢工序製作繁複，尤其係金錢雞，今次係我人生第一次食！聽阿媽講原來整個蝦子柚皮要首先啤水啤好耐， 之後又要出水搾乾佢， 然後拎去炸再用上湯浸佢成日， 所以即使鍾意煮餸嘅丫媽都從來未煮過。 而呢度嘅柚皮真係炆得好林，芡汁好入味， 雖然唔打上面嘅蝦子數量比較少賣相唔係咁靚， 但味道係好味嘅！但最令我地興奮嘅係終於可以試到金錢雞，但原來金錢雞入面竟然係冇雞肉嘅！！ 佢原來係總共有三層：上面一層係燒過嘅雞肝，中間係腩肉下面嗰層係肥肉，最底就配一塊好似饅頭嗰啲咁嘅麵包。 因為串住上面嗰啲嘢喺度燒嘅時候個樣似銅錢，所以舊時啲人就叫佢做金錢雞！ 味道真係好好味，因為我成家人都鍾意唔介意食內臟同肥肉，所以我哋全部都覺得好正！ 但對於其他唔食肥嘅人可能就麻麻。另外我哋仲叫咗一樣好特別嘅餸叫做大良蟹肉炒鮮奶($78)。嘩，佢一上枱嗰陣時大家都以為係賽螃蟹，雖然冇賽螃蟹咁滑，但起碼咁樣即係用少啲油炒，同埋有淡淡的奶味，食落去好清甜配埋蟹肉更好味。另外仲叫左江南五綉($68)，東海小炒王($88)同埋沙律骨($58)。 除咗個小炒王味道比較普通，另外兩個都係水準之上嘅 。最緊要就係呢度啲小菜真係唔貴成家人最後都食得好開心。…Read More