Kong Chu Kitchen

大除夕前一天到了港廚與朋友晚間小聚，這間不起眼之餐廳，大廚有二十多年經驗，當晚一行七人叫了八個餸，南瓜湯滋潤，花芝丸彈牙爽口，水煑魚肉質滑溜，黑山羊肉片全冇酥味，咕嚕肉外脆內輭，炸子雞肉質嫩滑，十二菜被蟲草花引出優香，牛仔骨給蜜餞土豆混合得天衣無縫。這味牛仔骨肥美，配了蜜餞土豆簡直錦上添花。好一度十二菜，蔬菜本身無味，但經過蟲草花及什菌帶出他之優香，喜歡素食的朋友不可錯過。這隻雞皮脆肉嫩，完全食唔出係雪雞，喜歡濃味的一定喜歡。這味咕嚕肉與其他食市不同，因為加了荔枝，而那些咕嚕肉外脆內輭又不肥漏，味道一流，好味。這味餸簡直一流，以為佢辣，原來唔辣，佢炒到又冇酥味，怕酥之朋友有口福了。這味水煑肉質嫩滑，的湯浸入的魚肉內，十分美味，喜歡食辣的朋友，不可錯過。這味花芝丸爽口彈牙，新鮮熱騰騰，超好味。此湯火喉十足，南瓜已經全部溶入湯內，唐排已煲到入口即爛，這個湯超潤喉。 …Read More

香港是美食之都,什麼菜式也應有盡有,吃了很多餐西餐,魚生,Pizzza 之後,也會想有啖飯下肚,因為我是飯人嘛!這晚不得了,要一眾朋友陪我,吃港式Comfort Food 就好!剛病好不敢食煲仔飯喔行行覆行行,行到油麻地時,決定試一試這間新的餐廳 ^_^一坐低,發現餐廳樓底高,坐位不會迫迫的,有電視,但不用鬥大聲那種,感覺幾舒服的~好啦!點菜啦!一如以往,朋友負責點菜,我專心吃就好!先來的是老火湯--南北杏蜜紅棗南瓜唐排其實呢~我就好憎南瓜的, 已是打死也不會吃,早把我媽氣壞!飲的時候是不知道是南瓜來,否則一定不飲,原來南瓜做湯味道不錯,清甜,唐排也是大大塊的下,但油份不多,整體也沒很好,可說對南瓜的憎惡感減少了一點~花枝丸剛病好,不敢在最熱的時候咬下去,放了半小時才敢吃!當然炸好的時候咬下去熱辣辣超香脆,喜歡香口野一定爽死了~之但係放冷了,也不會變得油笠笠,足料花枝,口感超彈牙,不是病好的話,我自己包辦半碟~蟲草花陽光十二菜出外吃飯要多吃菜, 這個菜包含了十二種不同的菜蔬及菇類,一次可以滿足多人的要求,總有人像我這不吃,那不吃嘛,各取所需多好!遠看排列像一個大太陽呢~菜蔬都是用上湯浸熟,清淡吃得出每個食材的味道,中間的大太陽是咸蛋黃來的!我還以為是我另一個:"仇家" --紅蘿蔔!!!!炸子雞皮炸得好脆,咬落是卜卜脆的,雞皮脂肪不多,肉厚硬要批評的話,就是調味有點過咸,未能大量的吃喔~咕嚕肉My Comfort Food!!!!豬排厚度適中,咬開有肉汁,不用吐骨太好了~糖醋汁甜酸適中,送飯之選香烤鉗魚 (中辣)這個嘛~我是在門口見到display 覺得很吸引, 冬天凍到死左,有咩好過一路滾一路食呢!其實佢有幾個辣度,分別原味是不辣, 中辣 及 大辣,朋友中有大量吃辣貨,所以就叫了中辣, 其實中辣對譚仔小辣黨來說也頗辣,而且愈滾會愈濃味,所以不吃得辣的Kawai,一開始已夾起了一點,汁料惹味,配料足,幸好侍應提醒,不能吃太辣的要先夾起,不然我就吃不到滑滑的魚肉~ ^_^蜜餞土豆牛仔骨粒怎麼說呢,平時都是吃一整塊的牛仔骨,把它們切碎後,口感零零碎碎,感覺肉少多骨,汁料是甜甜的,是一道開胃的菜式京丈炒黑山羊片Kawai 平時是不吃羊的,怕膻味,而山羊片比羊肉更厲害,但這個山羊片切得薄薄的,口感不韌,入口沒有膻味,小辣,怕膻味都可以接受到~吃了這麼多,是晚人均消費約$140,又雞又魚又山羊又豬排又牛仔骨,湯及菜也齊備價位以油尖旺來說,也算是合理~…Read More

下午約咗幾個老友喺佐敦行完街， 入夜後打算行上睇衫買鞋。但實在太累太肚餓，所以順路試吓依港式茶記！然而，永遠都喺冇期望先會冇驚喜。原來依間茶記一如其他茶記一樣，日間賣港式茶餐，晚間喺提供港式小炒同家常便飯！但出品相當頗有特色。我哋叫咗下面幾個餸！開飯前緊喺叫返個湯飲吓先啦！是日老火靚湯喺《南北杏蜜棗南瓜唐排》，真喺好清甜！南北杏蜜棗再加上南瓜，真係甜上加甜，而且非潤喉，再加上排骨吊味，真喺十足又濃郁！肯定冇加味精！好有心思！跟住叫咗碟《花枝丸》！依班好朋友襯我行開咗，夾剩四粒俾我，真喺夠老友！不過都要影吓，正所謂有圖有真相！依幾粒小丸子，真喺爽口，外皮炸得香脆！內裏彈牙！因為痴力十足，都幾難咬得開！內裏魷魚膠十足，都頗有魷魚味！如果有埋豆瓣醬就最好！老友仲叫咗碟《蟲草花陽光十二菜》！吓，乜鬼嚟架？一上枱都睇唔明同個餸名有咩關係，但聽返姐姐講，原來中間果個喺太陽，旁邊嘅菜當作光線！哈，聽落都幾有心詩意，而且真喺用上十二種菜！其實我自己真喺唔識分菜名，但中間個太陽喺用鹹蛋做，煎咗金黃色成個太陽咁！不過碟嘢擺得太遠，夾咗一兩條菜食，只知道味道適中！依個《咕嚕骨》就真喺幾好！豬排厚道適中，唔會太熟！糖酷汁做得啱啱好，甜酸度適中，非常刺激味覺！所以我都爭先食咗幾舊，送飯真喺一流，真心推介！依盤《香烤鉗魚》真喺好大個盤，條魚又真喺超大條！老友叫咗中辣，等成盤嘢慢慢加熱後，傳來一陣陣嘅辣味，真喺引死人！食辣食魚都唔喺我強項，所以等大家食剩咗之後，我先夾啲魚肉碎嚟試吓，點知越食越想食，而且魚肉碎細細粒，浸滿哂啲辣汁，真喺超爽！依碟《京醬炒黑山羊片》真喺正，因為真喺超鐘意食羊，而且好少餐廳會有黑山羊！依個黑羊片做到冇乜羊羶味，而且仲有少少辣味，真喺好刺激味蕾！而且羊片剪得薄身，好見師傅對羊肉的做法非常有認識，否則會容易煮燶！雞蟲朋友叫咗成隻《炸子雞》，心諗點食得哂呀？但食過一舊之後，又真喺唔差喎！點解？雞有雞味外，內裏嘅白肉又唔會做乾身，有肉感！而且特別入味，外層雞皮同內層嘅白肉都入到味，鐘意重口味嘅我就覺得好好，一隻雞幾個人分都食得哂！又有羊，又有雞，我又點可以唔叫返碟牛！我就決定叫咗碟《蜜餞土豆牛仔骨粒》，依個牛仔骨粒唔好特出，可能我唔鐘意食甜嘢啦！夾咗一兩舊食咗就算，但水準都唔差！總體嚟講，依間茶記水準算中上，仲好過隔離某間！而且價錢合理，每人都喺夾咗 140 蚊左右！喺油麻地區真喺抵食！…Read More