早幾日同朋友去左一間幾特別既fusion小食店，細細間，座位得八個，入面既裝修都好有懷舊既感覺。門口大大個霓虹燈招牌寫住咕咾，聽落係咪好似咕嚕肉，冇錯！真係有關，英文都話埋俾你聽係sweet & sour pork。佢地既招牌就係酥炸咕咾肉，有梅頭肉、豬爽肉(即豬頸肉)同豬腩肉三款，想一次過試哂就可以揀拼盤。另外仲有好特別既涼茶啤🍺都係必試之選👍🏻1️⃣虎咬原隻軟殼蟹 $68 由於本人好鐘意牛油果同軟殻蟹🦀，所以一見到就話要點😂軟殻蟹好大隻，非常新鮮香脆，中間有番茄、酸瓜同牛油果醬，配埋口感軟熟既刈包，呢個配搭好新穎，真係夠哂fusion😄2️⃣虎咬膳良豬 $48 唔好以為佢真係豬肉，其實佢係素豬刈包，但無論口感同味道整到都同真既冇咩分別。佢地仲會自己將薯仔同紅蘿蔔剁到好碎好碎，食落會有口感啲，用心製作💕再加埋沙律醬，試過就知有驚喜！3️⃣豬腩肉 $38 + 升級至套餐 $15 + 涼茶啤 $12🐷最初諗住試梅頭肉，淋啲，但店員推介我地試豬腩肉，就一於聽佢講。醬汁有五款可以揀，我地都係揀返招牌既菠蘿咕咾醬，酸酸甜甜，再加埋兩條滋味健康棒，好開胃！但我覺得肉有少許韌。套餐仲有個小食，我揀左香炸菇菇，好好食，炸粉好薄，唔會搶左香菇既味道👍🏻👍🏻🍺涼茶啤我地飲左洛神花茶同竹蔗茅根，雖然話係涼茶啤，但其實係冇酒精架👆🏻佢用蜜糖打左層泡係面，所以好似啤酒。我鐘意竹蔗茅根多啲，洛神花我覺得酸，但朋友又覺得ok，所以都係睇返自己既口味😆…Read More
今日係尖沙咀行沿住金巴利道行去佐敦方向， 俾我發現到新大陸。
小食店好有舊香港風味。 店名叫咕咾， 主要係賣豬肉， 咁一定就聯想都係咕嚕肉。 當然係豬肉 重新包裝嶄新食法。 豬肉醃好囉去炸， 部位包括豬腩肉，豬青肉， 梅頭肉…試咗佢嘅豬腩肉， 就好似燒腩仔冇咗皮 囉去酥炸， 外皮酥脆裏面甘香仲有啲肉汁， 肥瘦相間有肉香，再蘸上自選嘅醬汁， 非傳統食法但又不失風味， 再配上特製嘅"竹蔗涼茶啤"， 劲爽! 涼茶啤冇酒精， 沖好之後就 唧上好似生啤表面幼滑嘅泡。 
當然還有樽裝啤酒， 但溫馨提示要喺店外飲， 非常優閒， 難怪外國人都有興趣品嚐這款中式嘅咕嚕肉。 牛油果醬冇貨選了咕嚕甜酸醬， 酸酸甜甜仲有菠蘿肉好開胃!小朋友仲揀咗"虎咬原隻軟殼蟹"。 用咗中式蒸包， 好軟熟,夾住熱辣辣炸起嘅軟殼蟹， 配合一層番茄和酸瓜仲有沙律醬汁， 非常美味
此食品加15蚊 升級套餐，包括香炸菇菇，汽水，健康棒和任選一款醬汁。
店舖主要做外賣，不過兩旁都有單邊位坐低食吓chill 吓。
整體來說食物質素唔錯， 把民間美食重新包裝見心思有創意。
