Hocha.Elite (MOKO) (Closed)

以中式養生茶為主題嘅茶飲店，又有位坐，可以去飲杯嘢hea吓▪️蘋果美顏茶本身想試皇牌氣血茶，但暫停供應，就揀咗蘋果美顏茶，可以美容養顏，同埋健胃消積。好足料，有蘋果乾、山楂、玫瑰等。叫咗少凍少甜，山楂味幾出，酸酸哋幾開胃。不過太多料就反而令到唔夠位放茶，唔係好夠飲好茶養生📍旺角太子道西193號MOKO新世紀廣場1樓123D及123E號舖…Read More

旺角站📍好茶養生-雖然平時中意飲邪惡既奶蓋，不過見到呢間好茶養生，女朋友話配合佢呢排做運動，飲呢間就夠晒健康😂😂蘋果美顏茶（$36）拿，咁健康既茶冇理由要凍飲既，女朋友要左常溫同少甜😏都幾多料，肉眼所見有蘋果片、紅棗片同乾玫瑰花。飲落甜而不膩、甜度恰到好處，而且幾滋潤生津😋岩晒女士飲👍🏻士多啤梨MOJITO（$38）我就當然飲番啲凍嘢啦，見到呢杯限時特飲，當然限時內試吓！冇叫少甜少冰既情況下，我覺得可以更加甜😂淡淡士多啤梨味同薄荷味，幾清新解渴，夏天飲一流！飲完本來諗著走，又見到好多人食gelato，咁女朋友話佢飲完養生野都有quota 可以食😅😂咁咪食囉～茉莉綠茶、伯爵茶gelato（$32@1）茉莉綠茶味幾清新，唔會太甜，雪糕幾細滑，難怪好多人都簡呢個味🤪伯爵茶味夠濃郁，茶香十足😍呢兩款雪糕都唔會太甜，食完都冇乜罪疚感🤣環境方面，裝修簡約新清，餐廳係落位置比較入，但不乏食客黎買野飲/茶包，茶包/禮盒都有好多種類，即沖都幾方便！…Read More

朋友近排開始注意健康🏃‍♀️，所以今日我就帶咗佢去MOKO食養生下午茶😋一杯養生茶🥤+一件cake🍰，都只係$58，抵食過散叫好多👍🏻士多啤梨千層批🍓千層批造型精緻，淺粉紅色cream士多啤梨味濃郁🍓，甜度啱啱好，千層好酥脆，好睇又好食～紅莓慕絲蛋糕🍰Mousse cake顏色好吸睛，由一層薄薄嘅紅莓朱古力脆🍫包住裡面嘅紅莓mousse、中間仲有一層紅莓啫喱，酸酸甜甜，味道好fresh👍🏻士多啤梨Mojito 🍓🥤揀左少甜少冰，裡面仲有粒士多啤梨同青檸，每啖都充滿士多啤梨味，飲汽水同時養身，係夏天必飲嘅解暑飲品🥤蘋果美顏茶🍎揀咗少甜走冰，有好多蘋果片喺裡面，每啖都飲到蘋果味🍎😋…Read More

早幾日同朋友行街行到攰想搵個地方坐下，經過一間雲石風格既茶飲店忍唔住入左去😛不過最近養生，所以叫左杯熱飲，朋友就叫左杯凍飲，再一齊嘆件甜品🍰▪️桂花雪梨茶 ($38)Request左微暖同少甜，帶有菊花清香，入面仲有桂花同雪梨乾！而且甜度非常啱我🥰清熱又潤肺，呢啲天氣飲杯暖野好▪️蘋果美顏茶 ($36) 店員介紹朋友飲呢杯，同樣係少甜，帶有微酸既山楂味好易入口，入面仲有蘋果乾同玫瑰花添果然係養顏又消滯甜品採用獨立包裝，夠晒乾淨衛生我地分別叫左：▪️士多啤梨千層批 ($48)士多啤梨🍓吉士唔會太甜，香滑又清新，而酥皮口感唔算好脆，但充滿牛油香🧈▪️玫瑰荔枝慕絲 ($48)粉色玫瑰花勁靚，外層係薄薄既朱古力脆皮，中間有海綿蛋糕同玫瑰味啫喱，仲有好香既荔枝味，口感層次豐富平時茶飲店買完就走，好少有個舒服既地方可以慢活一下，簡約雲石設計仲幾啱打卡影相添📸️…Read More

📍好茶養生📮旺角太子道西193號MOKO新世紀廣場1樓123D及123E號舖.聽講好茶養生由網店起家, 到而家做到開實體店, 賣既係正正就養生茶, 杯杯都有唔同效果🤩.市面上大部份台式飲料店都係用啲加工材料, 偏甜得黎亦好唔健康, 難得好茶養生崇尚天然, 就算忍唔一星期飲多2杯都無咁有罪惡感🤭.蘋果美顏茶 HKD36🙎🏽‍♂️呢款茶既消滯又有美顏功效, 味道清新解渴, 本身仲擔心會過甜, 所以叫左少甜, 可能因為真材實料既關係, 偏淡左少少, 下次再飲既時候會叫返正常甜度黑枸杞洛神花茶 HKD36💁🏻‍♀️一向鍾情洛神花, 貪佢酸微微易入口, 聽講有排毒功能添, 加埋黑枸杞落去, 仲可以達到降血脂降血糖既效果, 都市人咁鍾意出街食飯, 當然要飲返啲健康飲品balance返啦🍓士多啤梨千層批千層批絕對係一個好考耐性既甜品, 要將一層一層既牛油疊著疊著, 花既時間同心機比好多其他甜品要多😏當日去到已經比較晏, 只淨返最後一件甜品, 仲要正正係我地最愛既千層批😙千層批用一個透明既小盒子裝著好精緻, 堂食外賣都無問題, 士多啤梨吉士唔會太甜, 味道好nature, 酥皮鬆化滿滿牛油香味.去開MOKO mall行街食飯記著唔好錯過喇😌.整體環境：👍🏻👍🏻👍🏻👍🏻食物味道：🤤🤤🤤🤤服務態度：🕺🏼🕺🏼🕺🏼🕺🏼🕺🏼物超所值：💰💰💰💰回頭基率：💨💨💨💨.#nonstopeatingdiarytaiwanesedrink #nonstopeatingdiary台式飲品 #nonstopeatingdiarymongkok #nonstopeatingdiary旺角@hocha.elite #好茶養生 #hochaelite #香港品牌 …Read More

·好茶養生養生飲品滋潤健生🧡🧡🧡🧡🧡～～～～～～～～·1️⃣蘋果美顏茶🍎🍵($36)＊主要係美容養顏同埋健胃消積，蘋果味反而冇咩，可能因為嗌咗少甜少冰，但又好似有酸酸咁嘅味道，都真係幾消滯嘅感覺😉😉(score: 4/5)·2️⃣士多啤梨茶🍓($36)＊呢杯士多啤梨茶都嗌左少甜少冰，飲落又幾清新，不時都咬到啲士多啤梨籽🍓🍓🍓飲落又有微微嘅茶香味😋😋(score: 4/5)·3️⃣紅莓慕絲蛋糕($48)🧁＊入面係紅莓慕絲，酸酸地嘅味道，正中間仲有一層紅莓味嘅啫喱，層啫喱仲更加酸，但配落慕絲蛋糕有幾好食😋😋但慕絲蛋糕面頭嗰層朱古力就需要改善喇，因為朱古力又冇朱古力味，而且又唔會脆皮，腍腍地咁又，如果可以做到脆皮就一流😂😂(score: 3/5)·4️⃣士多啤梨千層批🍓($48)＊樣貌好吸引，一層層嗰啲就係士多啤梨味嘅cream，預期個千層酥皮係脆既，點知係好腍好韌😂😂一下叉落去同好用力叉落去都整唔開😂結果係成層咁樣攞起食，但食落其實味道係唔錯嘅，幾香嘅士多啤梨味而且又唔會好甜👍🏽👍🏽😋😋係個酥皮要改善😂🙈(score: 3/5)•·-評分👑賣相：✨✨✨✨味道：👅👅👅價錢：💰💰💰💰推介：⭐️⭐️⭐⭐(5分滿分)~~~~~~~~~~…Read More

學習進入養生，最難ge 係唔知從咩入手！路過[好茶養生],俾佢d products 吸引我入去睇。睇睇吓發現可以堂食，即興同個fd 一人一杯熱茶，一人一件cake,嘆番個afternoon👯‍♂️我點左杯熱蘋果美顏茶，主要成份係蘋果肉，山渣，紅棗同洛神花。飲落酸得來帶點甜，開胃又舒服。飲左fd 個杯冰糖雪梨銀耳露，好濃好潤，味道剛好不太甜，質地厚一點。蛋糕分享時間🍰 佢ge 玫瑰荔枝慕絲好好好香，食落冰凍且啖啖玫瑰濃郁味，我的紅莓慕絲蛋糕偏酸，質地較融。整體唔會好甜，唔想食落去，反而佢ge 香味成功帶我食哂佢，配埋茶，享受得來又健康！…Read More

店舖位係商場角落，唔係咁易揾到佢既位置，不過就勝在環境優美寬敞，最岩同朋友坐坐談心, 過一個休閒的時光.呢度同出面既茶店唔同, 係主打中式養生茶, 好飲又無罪惡感。飲嘢之前食左意式雪糕先，茉莉綠茶味道好清新，帶點淡淡的茉莉香味。伯爵茶味道好濃郁，有伯爵茶嘅香滑。我叫左蘋果美顏茶少甜，想美容養顏就岩哂，有蘋果嘅甜味同有啲茶香，甜道適中，感覺清新。我朋友叫左杯皇牌血氣茶走甜, 好足料, 主要有桂圓、紅棗、康仙花、千日紅、金盞菊、黑枸杞等等。店舖既介紹話佢既功效有有理氣散瘀、暖宮驅寒之效，好岩養生人士飲用。我試左一啖, 其實佢味道都唔差, 飲落有玫瑰花既香味，再加埋桂圓紅棗嘅味道，感覺滋潤。店舖仲有賣好多養生花茶、蛋糕、即食羹、特色零食等養生產品, 可以買番屋企再飲再食。…Read More

今日冇嘢做，同個仔去左旺角行新世紀廣場，行到攰攰地見到間可以坐喺度飲吓嘢嘅舖頭，就決定入去high 個tea chill 下😂見到甜品同飲品嘅賣相都幾吸引😍，就叫咗兩個甜品同飲品試吓。蘋果美顏茶（熱）$36望落去好足料，一飲落去好香玫瑰同蘋果味，味道甘香又唔太甜，暖暖地好啱女士飲，飲完成個人都好舒服👍🏻士多啤梨MOJITO (凍）$38呢個係士多啤梨味嘅梳打水，入邊仲有其他果粒，不過主要都係士多啤梨味，飲落去甜甜酸酸好開胃，唔係好鍾意咁甜嘅亦可選擇少甜！小朋友好鍾意飲😋😋玫瑰荔枝慕絲 $48見個樣好靚，買來打下卡，扮吓文清都好😍食落去味道不錯，雖然唔係好香荔枝味，但中間嘅果醬餡料又幾好食！野莓忌廉朱古力泡芙 $42呢個好好食！雖然賣相比較普通，可能因為我好鍾意食朱古力，佢入邊嘅朱古力cream勁多啱晒我! 外邊層泡芙亦鬆脆，豐富左成個甜品嘅口感，正！☺️見到入邊仲有其他養生茶包賣，感覺幾健康👍🏻…Read More

今日到旺角晚餐，食完後行下新世紀廣場，見到呢間好精緻嘅舖頭，裝潢設計好文青好舒服又好乾淨企理，所以就入去睇睇，見到都有好多嘢飲選擇，我地都集鍾意，所以就行入黎試試。一見到嘅櫥櫃嘅甜品特別精緻，我地已經被深深吸引著啦，鍾意粉紅色嘅寶寶叫左嘅超可愛嘅玫瑰荔枝mousse，好特別好清新，玫瑰荔枝味道分明，食落去好清新，一點也不覺得膩。賣相味道滿分💯 另一款甜品紅莓mousse，賣相好靚，打卡之選！飲品方面，蘋果美顏茶，熱飲岩曬女孩子，山渣酸酸甜甜飲落好開胃，唔經唔覺飲曬成杯方面，皇牌氣血茶，材料超豐富，味道清甜，啱晒就嚟period 嘅女仔暖下宮補補血！…Read More

我同朋友係MOKO新世紀廣場行街行到攰，好彩MOKO新世紀廣埸有幾間飲品舖，其中一間叫好茶養生，入面有數十個座位，飲品如餐廳名稱一樣，以健康、養生為賣點。裝潢以白色為主，而且用左雲石高枱，打卡一流。- 蘋果美顏茶入面有蘋果乾、玫瑰、山楂等材料。職員建議焗多5至10分鐘先飲，味道更出。- 蜜桃茶最上有一層白色既氣泡，飲落特別爽，另外茶底用左綠茶，綠茶同蜜桃配搭老是常出現，但味道永遠咁夾。底部有幾片蜜桃，可謂真材實料。整體味道天然而且唔會過甜。- 焙茶意式雪糕雪糕顏色同焙茶一樣，茶味非常香濃，口感相當綿密幼滑。- 玫瑰紅茶意式雪糕一開始以為雪糕顏色好似玫瑰花顏色咁鮮紅，點知原來係淺啡色🤣。茶味無咁突出，取而代之係玫瑰香味，雪糕筒亦夠脆。餐廳仲有售賣花茶茶包，茶包款式多達二十種。由於蘋果美顏茶非常深得我心，令我重新認識呢一類健康飲品，所以我都買左其他味道既茶包，之後唔使嚟到MOKO咁遠，我係屋企都可以沖到咁好飲又健康既飲品👍🏻。…Read More

同朋友行Moko行到攰, 朋友話要搵個地方飲杯野攤抖下~然後就俾我地係一樓的小角落裡面發現到呢間飲品店可以坐下飲杯野食件餅~而家好多飲品舖都行健康養生的路線, "好茶養生"都係一樣~一見到到個menu見到D甜品覺得好吸引, 可能我地果晚去得比較夜....已經冇晒切餅!但係咁樣係唔影響我地食甜品的心架!!!!我地嗌左兩個雪糕同兩杯野飲~-士多啤梨MOJITO+焙茶雪糕MOJITO即係梳打水, 士多啤梨唔係生果乾,係生果原片, 有幾塊士多啤梨片係梳打水裡面飄下飄下咁, 酸酸甜甜幾解膩!成杯野都幾大杯, 有成隻前臂咁大杯!焙茶雪糕好重茶味!有D炒過茶葉焦香焦香的味~可能因為係茶味雪糕所以唔太甜, 但又好滑!-蘋果美顏茶+玫瑰紅茶雪糕美顏茶裡面有塊好大塊的蘋果片, 又有D玫瑰花, 山楂, 仲有D我睇唔出的配料係裡面飄~朋友話飲落都幾酸應該係D山楂, 而且係熱飲所以酸味都幾明顯~玫瑰紅茶雪糕就好出玫瑰味, 紅茶味唔係太明顯, 而且玫瑰味係香的, 唔似假香精味飲完即飲的, 有興趣都可以買茶包返去自己沖水~"好茶"都幾多位坐, 而且成間舖都好文青feel, 好多位都好適合影相打卡~…Read More