Taiwanese Mazu Lifestyle Noodles (V Point)

馬祖在銅鑼灣的分店主打藥膳米線，每碗都夠哂足料，養生又健康😆養生組係時候起行啦！🔆藥膳農場醉雞米線$𝟞𝟟醉雞的香氣與藥膳湯底互相融合，酒香四溢😋湯中加入不少紅棗、杞子，飲落清甜。已經分不清我到底係食米線飽，定飲湯飲到飽🤣醉雞有4件，不算滑嫩，但大件多肉🐔整體份量充足，男生👦🏻吃都會好飽黑糖冬瓜茶(跟餐加錢)野飲都很大杯!食滋補嘅藥膳米線，個身都會食到熱，飲番杯冰涼飲料就岩岩好😎…Read More

🍽 #馬祖台灣養生湯麵館 #HooLunJeng銅鑼灣燈籠街好多新既餐廳，小編第二次食呢間餐廳，第一次因為疫情期間，所以要買外賣，今次排左15分鐘左右就入到去食。小編今天同朋友試左兩個一人商務套餐☝🏻鹽酥墨魚卷 3條蟲草花藥膳農場雞米線 $97柑桔檸檬特飲 +$2——-🍜——鹽酥台灣澎湖特A級花枝丸 3粒 +$5藥膳農場醉雞米線 $97愛文芒果茉莉花茶 +$2小編好少食藥膳類餐廳，其實間中食下都無妨，湯底會滿滿藥膳味(紅棗、杞子、蟲草花⋯)，食左之後突然間都覺得好養生，個麵好入味，雞就一般般，但有肉的，唔會似出面有啲餐廳雞件可能係骨多，墨魚卷要$10條，味道是可以但偏貴，花枝丸可以，但都偏貴，飲品味道正常。…Read More

來到登龍街這邊搵食，老公見到藥膳湯麵幾吸引，就提議來試試！星期日下午兩點的時間，不用等位就能入座～～餐牌上的食品選擇充足，我選了藥膳農場醉雞米線，老公就點藥膳古早牛肉湯手工麵，加錢配凍蜂蜜茉莉花茶及凍愛文芒果茉莉花茶。藥膳農場醉雞米線，先試一口湯底，味道香甜濃醇，帶酒香米線份量多，用料亦豐富，除了有大大件啖啖肉的雞件外，藥膳湯的配料還有木耳﹑蟲草花﹑紅棗﹑杞子等等～～湯底的香甜就是來自紅棗及杞子的天然甜味！！基本上沒有那種強烈的中藥材味，味道溫和可口！！米線的質感爽滑～稍嫌的是雞件沒什麼酒香，而且肉質不是嫩滑那種。藥膳古早牛肉湯手工麵，湯底濃郁不鹹不油膩又不失藥材香氣。配料只有蘿蔔及牛肉，牛肉大大件，有嚼勁而不會過韌！蘿蔔吸湯，沒起渣，又甜又多汁～～～手工麵的麵質彈牙！好食！！凍蜂蜜茉莉花茶，味道偏甜一點。意想不到的，凍愛文芒果茉莉花茶很好喝芒果味香，又不會蓋過茉莉花茶味，甜度恰恰好！！整體來說，食物及飲品的質素都很好啊！！有興趣再來試試其他款式的麵食～～～…Read More

咁好耐無出過銅鑼灣，難得出去就搵野食。見依間馬祖都好似好健康就入去試下。入面都幾大幾新，疫情下都將啲位既距離隔遠左，所以都幾舒服。員工態度都幾nice，感覺幾好。咁餐廳選擇都多既，一人餐好似幾抵食，又小食，又主菜，又飲品。叫左兩個一人套餐，一個要蟲草花藥膳農場雞跟飯，一個要藥膳農場醉雞米線，小食要左一個鹽酥墨魚春卷同一個鹽酥台灣澎湖特A級花枝丸。先黎既係蟲草花藥膳農場雞跟飯，先飲啖湯，係好清甜，有啲藥材味，蟲草既香都出既。食落啲雞好嫩好入味！仲要比左隻雞脾我，真係好滿足！仲要好好咁比左隻碗我裝骨，依個位好細心。之後就係藥膳農場醉雞米線，個湯係好明顯一飲就有啲酒香，但都係好好咁有少少藥材味，好正。米線唔會太多，晚餐黎講岩岩好。雞又係好入味，酒味幾濃，整體係好好食。又係有碗裝骨，抵讚。之後小食鹽酥墨魚春卷同鹽酥台灣澎湖特A級花枝丸，個春卷入面好實好多墨魚肉，好有咬口。花枝丸就幾彈牙，墨魚都多既，口咬都好有層次，有硬有軟。跟餐仲有杯野飲，要左杯無糖茉莉花茶，同一杯愛文芒果茉莉花茶。咁無糖個杯飲落好清新好岩夏天飲，好解渴。愛文芒個杯就唔會太甜，芒果味都幾重。唔錯。…Read More

以藥膳湯麵做賣點嘅馬祖我已經食過唔止一次，第一次係朋友帶我去食，好鍾意佢湯底夠濃味食完又唔會口渴，除左麵多餸都多好抵食，所以之後都有帶朋友黎試，今日去開銅鑼灣Donki，見附近又開左馬祖新分店，就黎買個外賣返屋企食。銅鑼灣分店同之前我去過嘅中環天后分店最大分別，係哩度有套餐，由$89至$106，有齊小食、湯麵同花茶熱飲。點餐後大約等左10分鐘外賣就ready。藥膳農場醉雞米線($97) - 外賣米線同湯底係分開碗裝，返到屋企都唔怕米線索晒啲湯。將湯底倒晒落米線碗度，啱啱好倒滿，藥材味幾濃，仲帶少少花雕酒香味，米線份量好多，米線唔會太腍，雞有四大件，另外仲有好多雲耳同紅棗,非常足料。香辣養生湯農場雞米線($96) - 配料同頭先個藥膳農場醉雞米線其實係一樣，不過湯底就轉左係香辣，辣度有得揀大中小辣，我地就揀左中辣，辣得惹味之餘唔會食得太辛苦。鹽酥墨魚春卷 & 鹽酥濃汁手作牛丸 - 每個麵餐跟一款小食，大部份都唔洗另外再加錢。兩款鹽酥小食上面都灑左幾多鹽同胡椒，所以咸咸辣辣都幾惹味，春卷同牛丸幾彈牙，唔會成口粉咁。凍柑桔檸檬特飲(跟餐加$2)(右) - 酸酸甜甜好開胃。凍愛文芒果茉莉花茶(跟餐加$2)(左) - 愛文芒果特有嘅味道同普通芒果係唔同，我自己就麻麻地，如果本身唔鍾意愛文芒陣味就唔建議點。總結，之前兩次幫趁馬祖都係堂食，今次係第一次外賣，味道都拍得住堂食九成，份量就同堂食一樣咁大碗，下次要外賣都可以試下馬祖。…Read More