SEN SEN SUSHI

26-7-2022 (Tue)同老公放假,睇戲前食個晏,前一日喺魚屋食咗壽司,今次就試吓開咗唔夠一年Donki嘅壽司,我哋嚟到係有位嘅,只不過reception要儲到幾組客人至肯帶位,唔知係咁嘅原因,reception叫咗幾個no.都冇人,而我哋係第二組,佢帶我哋去坐嘅全部都係迴轉位,原來呢喥有卡位,但佢完全冇問客人想坐咩位.我哋坐低後,都撳平板電腦落單,呢喥嘅平板電腦比較先進,撳圖都已經可以揀咗,我哋要咗11款壽司同1個雪糕,有:2.-3.$12.00嘅納豆,山葵八爪魚我一向唔食納豆,試吓,真係幾難食,食完要即刻食下一件.味道:3分山葵八爪魚,八爪魚爽口,撈好晒嘅wasabi都唔少,上咗腦,味道:4分4.-5. $37.00嘅藍鰭吞拿魚拼盤2客由於三件係唔同部位,所以叫2客食,我食嗰件大拖羅有筋;而中拖羅同赤身都冇乜問題.味道:3分6.-9.$17.00嘅鰭邊,醋漬鯖魚,火炙海鰻,日本產帆立貝照燒鰭邊爽脆,但食到佢獨得嘅香味,而原來我從未食過呢隻味,今次食到,我覺得唔好味.味道:4分醋漬鯖魚我食唔到醋漬嘅味道.味道:3分火炙海鰻正常冇問題.味道:3分日本產帆立貝照燒一食落去,就係被火燒過嘅燶味,嘥咗立貝.味道:1分10-11.$22.00嘅油甘魚,赤貝都正常冇問題.味道:3分12. $37.00嘅日本產鯛魚味道清淡.味道:3分1. $27.00嘅火炙藍鰭吞拿魚大拖羅(一件)喺最尾嘅時候,我唔覺意自己一個食咗,呢個普通.味道:3分而佢嘅壽司飯係唔會太實,亦食唔到醋味.13. $17.00嘅北海道雪糕呢個牛奶味好濃,老公加”萬”字醬油同抹茶粉食,變成鹹鹹地嘅軟雪糕.味道:4分服務:埋單時至見到有收10%服務費,其實呢喥冇服務可言,只係帶位,其他自便,如果我哋冇叫北海道雪糕,都冇侍應送嘢食嚟𠻹,咁都要收服務費.我就覺得唔值.環境:係好新淨,但坐得比較出,有一個時間冷氣唔夠.其他:呢喥有兩種豉油俾客人用,一個係”萬”字(二段熟成生醬油),一個係”金”字(九州醬油),好奇怪,我哋嗰批客嘅醬油碟係一個圓碟,但我哋走嘅時候,見到一個醬油碟有兩格.抵食係2.8分…Read More

-其實鮮選未出世之前已經經常走去Donki買吞拿魚壽司依加有鮮選 仲唔成日衝去食？🤫🥩 壽喜燒風火炙和牛 $27和牛有燒過既香味再加上甜甜既壽喜燒汁巧巧食阿🍤 蟹柳天婦羅 $12蟹柳係新鮮即炸架！熱騰騰 大大舊海膽 $37海膽份量都算多而且都幾新鮮冰冰涼涼 又有海膽既鮮甜 💛🐠 藍鰭吞拿魚拼盤 $37黎Donki 一定要食吞拿魚阿呢個拼盤好抵平時一件大拖都 27蚊加多 10蚊有埋赤身＆中拖 👍🏻赤身➡️ 吞拿魚較瘦既部份比較有咬口 油脂都相對低中拖➡️ 入口唔會化得好快有小小咬口 再加小小油脂整體比較平衡大拖➡️ 唔使講 入口即溶 正油脂會較多 亦係最肥美 最香吞拿魚他他 $17顧名思義姐係吞拿魚蓉啦份量算多 都好軟熟🐟 三文魚拼盤 $37正正常常 冇乜特別同吞拿魚拼盤一樣價錢我會食返吞拿魚了 😗🍥 帆立貝照燒 $17呢個價錢 有一對大細適中 鮮甜🔥 火炙鰭邊 $17火炙完好香魚油好味🍦 北海道軟雪糕 $17沒有6圈半卻有濃濃既牛奶味係姐姐親自送到枱上架另外醬油方面 鮮選就有2支可以配合唔同魚生 唔同既口味左面寫住“生”既 🍣鮮味會比較突出通常我都係點魚生既～右面 則比較甜 🍬我會比較中意點火炙過既壽司又或者天婦羅等等最後仲想讚下鮮選既飯送到黎仲暖暖地唔係凍冰冰架～ 💛…Read More

話說我4月時第一次食鮮選，隔咗一段時間，突然再次諗起鮮選壽司嘅味道，決定再去食好一次。於是6月頭就同以前同事去咗荃灣食鮮選。令我再次諗起鮮選最大原因係佢哋嘅壽司飯。有食過嘅人都知，佢啲飯係偏酸，顏色亦並非純白色，而佢嘅飯係啡色嘅。第一次食覺得好奇怪，「點解會整到咁酸㗎？」，但係我再次諗起哩間餐廳最主要都係因為佢酸嘅壽司飯。除咗啲飯，其實佢嘅魚生係好新鮮，每一份都無乜腥味，好味道。不過無可否認，佢嘅食物種類比起其他連鎖壽司店較少。最想介紹嘅係佢嘅豉油同Wasabi，佢有兩支豉油畀食客選擇，一個比較咸，一個係正常壽司豉油。加上別具一格嘅飯，可以食到兩種不同嘅味道。除此之外，佢嘅Wasabi聽說係新鮮生磨，裏面可以食到小小粒狀嘅Wasabi，比起其他日式餐廳嘅Wasabi，味道會停留係個口到耐一啲…Read More

-{荃灣donki壽司🍣}第一次食donki全球首間迴轉壽司就乜都試下😜平日嘅1130到 十分鐘入得😂🤤藍鰭吞拿魚拼盤🤤 ($37)超級肥美！應該要由赤身食過去大拖羅 油脂感爆登🥳依個價錢好值得推介🥰但嚿飯好硬實 咬到口都攰 同埋好滯🥲之後嘅評分係唔包括飯 因為每嚿都唔掂🥴👖褲評: 7.8/10🤤帆立貝壽司🤤 ($17)鮮味重 食到有啲滑溜嘅感覺 塊刺身都厚身😜👖褲評: 7.8/10🤤北海道軟雪糕🤤 ($17)牛奶味非常出👻口感綿滑 再加抹茶味係錦上添花🥰🤩👖褲評: 8.3/10🤤原條海鰻🤤 ($27)一整條都係冇味的 而且蓋住好重嘅醬油味🥺唔推👖褲評: 4/10🤤吞拿魚他他🤤 ($17)比鄰家嘅遜色😭食唔出吞拿魚蓉嘅鮮味🥲👖褲評: 5.5/10🤤蝦三味🤤 ($17)都係食落唔夠鮮👀同個魚嘅份量偏少👖褲評: 6.5/10🤤厚切三文魚🤤 ($17)好薄😂😂😂睇樣好似爭鮮。。。👀好瘦 再加嚿飯係世界級🥲👖褲評: 3/10總括嚟講頭三項係比鄰家出色！嚿飯係嚿飯度差太遠☹️Menu的確有唔少種類食物係sold out包括油甘魚腩價錢亦貴啲 另外迴轉帶有樣野食係menu冇 問店員又話唔知咩黎😂如果唔洗等位嘅黎食個雪糕同拖羅就可以了🥴性價比: 3/10服務: 7/10環境: 7.8/10🚩 鮮選壽司 🚩地址: 荃灣大河道100號海之戀商場2樓2001號舖 #fuudjai #fuudjai日本菜 #fuudjai荃灣 #fuudjai伏…Read More

DONKI最近係香港開設咗全球第一間迴轉壽司專門店「鮮選壽司」，一直都好想去朝聖下，但新開幕一定係people mountain people sea，免不了要等成幾個鐘，所以都係望而卻步！ 但估唔到前幾日男朋友嚟接我收工，佢預先拎定咗飛，我收工一去到就可以入得，完全唔需要等~真係認真抵讚！超叻仔！ 由於我個人唔食得生冷嘢，但又想全面介紹「鮮選壽司」嘅嘢食畀大家做個參考，所以以下嘅食評交畀男朋友~ 🧡藍鰭吞拿魚拼盤（$37）食齊3味新鮮、肥美、優質嘅吞拿魚壽司先收依個價，無理由唔叫~ 🧡日本產池魚（$12）唔錯，魚味都幾香，值得一試！ 🧡北寄貝（$12）🧡螺片（$12）正正常常，價錢相宜！ 🧡蝦三味（甘蝦、蝦、赤蝦）（$17）蝦三味都喺抵玩嘅，蝦同赤蝦都夠味同質感好！ 🧡火灸芝士蝦（$12）味道不錯，價格合理！ 🧡火灸香草蝦（$12）香草味濃，蝦肉優質，CP值高！ 🧡牛油果沙律醬蝦（$12）味道夾，口感佳，推介！ 🧡蟹味噌（$12）鮮味十足，入口超重蟹味，必點推介！ 🧡火灸照燒沙律醬三文魚（$12）🧡火灸明太子沙律醬三文魚（$12）不過不失，合理水準！ 🧡芝士鰻魚（$27）芝士味濃，鰻魚就正常，不過不失！ 🧡茶碗蒸（$17）蛋味香濃、口感幼滑！雖則簡單，但絕不能錯過~ 🧡北海道軟雪糕（$17）雪糕最講求嘅喺綿滑口感同奶油香氣，Donki嘅北海道軟雪糕喺依兩方面都做得恰到好處，絕對可以成為一餐嘅完美Ending! 總體黎講係好抵食嘅，比壽司郎平啲，但選擇感覺上較少，吞拿魚、蝦、蟹膏都唔錯~Wasabi 喺成間店嘅精髓，唔係平時食個啲hea嘢，絕對推薦！…Read More

🍣鮮選壽司 SEN SEN SUSHI (海之戀店)🎏適逢鮮選壽司10月20-28日係內部試業，加上朋友係Donki既職員，當然要去食啦！仲食左2次咁多添（有折又唔洗排呀嘛）！而佢10月29日已經正式開張左啦！😎-食左好多野～小心，以下係長文啊😂-鮮選壽司係以迴轉壽司為主。佢位於係荃灣Donki入邊，只要穿過Donki，行去Food Court果度，就有指示牌指示，非常容易搵到！我地2次都大概7點前到，都係唔需要等位，直接入座！✨👍🏻 入座時，有職員會帶位，其後會介紹兩款醬油，分別係甜醬油同埋刺身醬油。第1次好好彩係坐到卡位，原來枱既正中間會有個暗格，可以用黎收埋筷子同酸薑，呢個設計幾好喎！另外，枱上面都會有綠茶樽，同細木匙羹仔比我地𢳂綠茶粉。而第2次我地就坐左係Bar枱，原來Bar枱櫈底下面，係有藤籃，比人放隨身物品，呢個設計非常窩心。向後一望，原來卡位都有位比人放袋架！勁貼心！不過Bar枱上面就無酸薑啦，要問職員拎。 我地去左2日，所以都食得比較多：火炙明太子沙律醬三文魚 ($12)明太子味唔算特出，不過尚算香口藍鰭吞拿魚中拖羅 ($27)賣相有一點點深紅色，而且切出黎形狀唔完整。形狀唔係三角，又唔係四方，條邊係波浪形，唔係幾吸引。但入口就交到功課，輕輕一咬已經溶係口入面原條海鰻 ($27)賣相好好，鰻魚汁既味道唔會太重，但魚味就唔夠出三文魚子 ($27)份量都係咁，不過三文魚子好軟身，無咬穿佢既感覺。而醬油漬既感覺都唔夠，如果keep住呢個水準唔會再叫燒三文魚腩 ($27)呢碟真係出事，上枱時聞到幾香，以為好正，一食落口，暖暖地既？再咬深少少，凍既？皮又唔脆，認真失敗👎🏻北海道軟雪糕 ($17)今日呢隻係牛奶味，奶香同甜度恰到好處，令人一啖接一啖咁食，仲可以加埋綠茶粉一齊食添，推薦！  藍鰭吞拿魚大拖羅 ($27)見到大字以為會好大舊，原來好細舊…但油香味重！ 藍鰭吞拿魚拼盤 ($37)同樣都有切得唔好既問題，味道正常，但大拖羅食到尾有根，扣分 北海道魚卵珍珠 ($12)食落去口感同味道都好特別…試下無妨厚切三文魚 ($17)唔知師傅係咪太大力整，黎到爛曬，賣相不行啊師傅～ 醋漬鯖魚 ($12)味道正常，同樣有黎到爛曬既問題🤨 茶碗蒸 ($17)重口味，偏咸，味醂落多左？印象最深刻係有1隻梅左既蝦同1粒白果係入邊海膽 ($27)鮮甜，美味，推薦！😋火炙鱔邊 ($12)醬汁濃郁，火炙後鱔邊既油份充份釋放出黎，$12蚊黎講CP值高香蔥火炙赤蝦 ($12)蝦既size以兩貫黎講算係咁，略嫌火炙程度差少少魷魚 ($12)好煙韌，最後差D咬唔開，不過魷魚本身味道唔錯生八爪魚 ($12)生八爪魚既口感同魷魚有D似，不過煙韌得黎又咬得斷，都比較juicy。兩者差不多情況下比較喜歡八爪魚海螺 ($12)超級無敵十分爽口，兩次黎食都一樣爽口，第二次黎食更加覺得鮮甜，必點！👍🏻日本產池魚 ($12)池魚呢款壽司係好幾個地方食過，呢間無論質地同味度都差左D…魚香唔夠出，質地偏霉，我覺得不行玉子燒 ($12)紫菜條只係底部有少少交疊，夾起時會散開，兩件都有同樣問題。另外玉子味道偏淡，應該係高湯調教得淡味，或者係店家本身要求？魷魚天婦羅 ($12)天婦羅炸得還可以。外層尚算脆，入面魷魚都爽口，不過同舊飯唔係太連結到，要分開食飛魚子 ($12)飛魚子好爽口，粒粒分明，份量亦唔孤寒，相當滿足，推介！😍蟹味噌 ($12)蟹味噌既味道配醋飯的確係一個唔會錯既選項，12蚊黎講非常高質，都值得推介！😆納豆 ($12)我地兩位平日都唔會食納豆，所以見到有咁細份，可以一人一件，就膽粗粗試下…果然我地都係超級唔鐘意食😅吞拿魚他他 ($17)魚香算係有但唔算突出，但油份十足，蔥都爽脆，唔錯日本產帆立貝照燒 ($17)／日本產帆立貝 ($17)帆立貝尺寸算係大粒，食落口好飽滿同彈牙。不過相較於無汁版本，照燒汁反而有D 搶走左帆立貝既鮮甜總體而言，Donki做百貨起家，壽司能夠做到呢個水平我覺得算係咁。雖然壽司醋飯唔係好夾到，經常會散，但全部飯都有好濃烈既壽司醋味！而整體味道不過不失。但我地鐘意食壽司郎多啲！🤪建議可以等熱潮過左先去食，唔洗排咁耐隊。祝福大家有美好既一天，唔洗排隊就食到想食既鋪頭！地址：荃灣海之戀商場2 樓2001號舖（穿過Donki 到Food Court 就會搵到！）營業時間：上午10時至晚上11時 (截單時間：晚上10時15分)…Read More