Bigger Burger Cafe

佐敦澳牛對面有間叫Bigger Burger 嘅西餐店，裝修有D外國小餐館嘅感覺，一邊黑膠唱片懐舊feel , 另外一邊用意大利🇮🇹美食地圖作簡介。既然店名Bigger Burger 就一定要試下佢個Burger, 除了漢堡包🍔佢仲有意粉套餐。我地點咗藍芝士煙肉安格斯漢堡餐跟薯條沙律及熱飲。Bigger Burger 所指嘅大D應該是指漢堡排，煎得比較乾身的漢堡排也有成寸厚，配合藍芝士汁及卷起的煙肉和番茄，四寸漢堡包🍔就此誕生了。香煎三文魚粉紅忌廉汁意大利粉餐跟紅湯，法式蒜蓉包及熱飲。煎三文魚幾香口，粉紅忌廉汁係加咗番茄嘅忌廉汁，小小酸配肥美三文剛剛好。…Read More

嚟到Bigger Burger Cafe, 一聽個名已經對Burger有所期待, 放工留定肚等食大 Burger !呢間餐廳位於佐敦嘅地舖, 好快就搵到.  入到去餐廳唔係話好大, 幸運地仲有卡位可以坐, 舒舒服服歎Burger~ 有12款Burger可以揀, 我就target咗食安格斯啦~喺安格斯入面見到有幾款配上嘅醬汁都好吸引, 分別有藍芝士醬、黑松露醬，同埋聽個名好似幾有趣嘅超級啤酒罐.最後揀嘅係藍芝士煙肉安格斯漢堡 ($88), 單睇個Burger 已經好有份量.塊漢堡肉好厚身, 咬落去好濃郁又夠Juciy, 配上藍芝士醬令牛肉更搶, 味蕾大滿足!!! 另外, 點一份Burger仲可以+$25升級揀3款薯條, 愛辣嘅我就揀咗墨西哥辣肉醬薯條. 肉醬舖滿面, 再加埋啲芝士, 味道香口. 呢個以砵裝嘅薯條, 份量都唔少嘢. 好彩肉醬夠多, 食到底都仲有.除咗Burger之外, 再點咗份Set, 跟配餐湯、蒜蓉包、飲品.估唔到連蒜蓉包嘅size都唔細件, 如果搽多少少牛油喺面就更正~湯就係南瓜湯, 質感唔會太creamy, 入面有唔少南瓜蓉.主菜就揀咗鱈魚子蝦肉蛋黃醬意大利粉 ($88), 3粒大蝦肉, 再加豆苗喺面, 賣相簡約清新.單睇醬汁色澤以為係味道係淡淡地, 食落去卻滲有微微辣味, 似係鱈魚子與蛋黃醬溶和咗, 味道幾有驚喜。而蝦肉大隻得嚟夠彈牙, 用料唔hea.整體嚟講Burger唔單止份量大, 味道都好食, 尤其係配嘅醬汁夠特別.呢度冇加一, 埋單每人$100, 以晚餐嚟講算抵食.…Read More

這晚與朋友去到佐敦晚餐像教堂般的裝潢。除了burger set，還有Signature set可選呢有意粉、牛扒等主菜，配餐湯餐包和飲品。Craft beer summer promotion也值得一試呢！跟set只需+25$就可享優惠了！清爽的Craft beer餐湯和法式蒜蓉包。性價比高的漢堡套餐除了大大個漢堡外，還包括了飲品、黑醋沙律和薯條漢堡真的很足料呢，安格斯牛肉充滿肉汁大大塊牛扒點了七成熟。厚厚的悠閒的晚餐…Read More

之前經過見到門口個burger menu好吸引，已經mark左要黎試下。今日去開尖東，特登行過黎食。我地2個人叫左牛油果醬雞扒漢堡同藍芝士煙肉安格斯漢堡,仲加錢轉左飲手工啤，同埋upgrade左個黑松露薯條。藍芝士煙肉安格斯漢堡Blue cheese味唔係好勁，平時食開嘅blue cheese係會濃到有陣芝士臭，但係呢個冇，blue cheese獨有嘅粒粒亦唔多。鍾意果陣芝士臭嘅朋友可能會失望，但係對芝士冇特別喜好嘅人，會覺得幾香。安格斯做嘅漢堡扒中規中矩，唔會乾，但咬落唔會有好多肉汁。套餐仲配黑醋沙律，一齊食可以清一清味蕾，係唔錯嘅配搭。牛油果醬炭燒雞扒漢堡呢個雞扒真係不得了，好厚，又勁多汁！我好貪心咁加左個大烤菇，結果個包高到咬唔到，要咬完個頂再咬底⋯雞扒雖然厚，但配左牛油果醬，味道好清新，食完都唔會好膩。唯一美中不足係完全冇炭燒味，改下個名會好d。其中一個餐轉左黑松露薯條，d黑松露唔係醬，而係係一粒粒咁，好乾身。好處係唔會整淋d薯條，但係壞處係掛唔上薯條，所以d薯條冇乜黑松露味，反而食完就見到d黑松露粒粒跌晒落底。套餐加$25仲可以轉飲手工啤。我見個table stand寫住beer of the month,應該會間唔時轉第二種啤，每次黎都有新野試，感覺都幾好玩。其實呢間餐廳仲有好多選擇，我見隔離枱嘅扒同意粉都好唔錯，下次會再黎試下。…Read More

佐敦一帶有好多餐廳，週日晚上跟男友邊走邊看吃甚麼好，看到這家餐牌頗吸引，環境不錯，男友又想吃burger就順利成章進去啦~餐廳是長形的，只有一條路。枱上的圖案都好美啊！點漢堡就不在話下，另外也點了一個小食和一碟意粉，甚麼都試試。餐又杰身濃厚忌廉湯，還有烘的香脆的蒜蓉多士。飲品分別加了3/5元要凍檸茶和蘋果汁，超級大杯的呢。先上芝士焗蟹肉大啡菇，跟男友一人一個最好。菇有焗過，上面舖滿的芝士都在半溶狀態，中間塞滿蟹肉餡料。旁邊還有沙律。切開看看，芝士，蟹肉和菇都是厚厚一層！菇非常juicy，配上鮮味濃郁的蟹肉，味道相當出眾又夾。蟹肉一絲絲的是拆出來的，並不是蟹柳，好鮮好鮮漢堡選了個我覺得頗特別的藍芝士煙肉安格斯漢堡，不是哪裡都提供的配搭啊。88元有那麼大個薯條雖是配菜但我要介紹，金黃色的薯條條條飽滿，內裡都是滿滿的薯肉啊！每咬一口都有好多薯蓉，足料沒鹽都很好吃！從側面看，安格斯牛肉相當厚身！一邊切，芝士醬汁就一邊滴出來，正呀包身又厚又鬆軟，藍芝士醬汁調配得宜，沒有太過濃味，質地也creamy，點薯條也好吃。厚厚的安格斯牛肉漢堡扒是手打的，並沒有煎到全熟，牛肉精華鎖在肉餅內，又多汁又惹味，抵食到暈。最後就是香煎三文魚粉紅忌廉汁意大利粉了，在一大條煎三文魚柳下舖滿掛汁的意粉。三文魚好易切開，在厚厚的肉中，脂肪平均分佈，所以每咬一口都是在口中慢慢溶掉，豐腴的三文魚油有吃魚腩的感覺，肉質嫩滑，又是好出色。意粉彈牙，混有茄醬，洋蔥等配菜，加上粉紅忌廉汁。我相信汁內也有三文魚，因為整盤意粉都有三文魚的鮮味，既甜也酸，味道層次分明。這樣吃都不用300元，真的價錢又平，環境又靚，食物又正…Read More

佐敦開左間食手工漢堡和美式西餐的餐廳叫bigger burger，堡如其名，好大份量，好大件漢堡扒。款款漢堡套餐都吸引，最後選了食藍芝士煙肉安格斯漢堡，被大大塊安格斯牛肉吸引住。烘得好熱的麵包加上牛油，用上美國安格斯牛肉每日人工手打的，十分juicy，肉香味味甚濃，用手壓一下有肉汁爆出黎，超多汁呀～最主要是即點即整哦個包仲夾左鮮味煙肉，感覺煙肉和安格斯漢堡扒是絕妙配搭，加上用的藍芝士醬調味，好特別的風味，好有TOUCH下的感覺，但總體平衡的很好呢。整個漢堡好厚好高，真的大口也吃不下呢，可以選擇用刀叉來吃，好像食扒一樣。除了大漢堡，還有沙津菜伴碟。加+$25，可選大大份量的瘋薯，個人較喜歡食辣，就揀左墨西哥辣肉醬薯條，薯條熱辣辣好脆，又酸又辣勁正。鐘意飲啤酒的人還可以+$25將餐飲升級為英國手工啤酒，有4款可以選哦。除了漢堡餐，還有西餐哦，點了超經典的美國BBQ醬燒豬仔骨。一上來好驚喜，因為佢好大件好厚肉。自家製的BBQ醬非常惹味，夠哂濃味。切開肉質鬆化，燒得也很香口。配上炸薯條吃得好滿足。這麼大份才$138，真是好抵。又以優惠价加了個經典小食拼盤，食到飽飽。個漢堡主題餐廳係勁正，好多人幫襯，加上小店不用加一，其實好抵食。…Read More