Tosu

前幾日 dinner 約埋朋友，近近地去左駱駝漆食飯，呢間餐廳lunch 食過唔錯，所以黎試晚餐，真係有意外驚喜～首先試左個原條鰻魚炒飯，原條鰻魚鋪面，配上炒飯，好新鮮既配搭，炒飯幾香，鰻魚多汁柔軟，幾好食~之後叫既南蠻炸雞籃認真有驚喜，粉唔厚又炸到幾乾爽，完全唔會好似其他炸雞咁會覺得咁油膩，加埋沙律醬食，認真唔錯。叫左杯招牌藍桔富士山特飲，杯入面既藍色假冰會閃閃下咁，上面再加上一個雪糕球，都幾特別，可以話係打卡之選﹗整體都唔錯，下次可以再黎試下其他野食﹗…Read More

觀塘工廈一向都有好多隱世嘅小店等我哋去發掘，今日朋友介紹我去駱駝漆一間居酒屋。一入去就覺得好舒服，因為上去嘅時候，工廈的感覺唔係太好同埋好多人等lift , 但係入到餐廳有一種好舒服嘅居家感覺, 全部座位都是軟綿綿梳化椅，纖維餐墊，都幾日式，令你覺得有好大對比，令到入到餐廳覺得更舒服👍🏻👍🏻👍🏻🥰食物就同日式居酒屋差唔多，一品料理、串燒、鍋物、燒烤、拉麵但佢最特別嘅係，係用掃code用手機📱落單，仲可以俾你選擇少甜，另上等，唔同option👍🏻貼心之選😋他他醬魷魚圈 $58大概有五到六舊，魷魚圈好彈牙，配上有碎蛋嘅又好多的他他醬，好好味！😋芝士明太子蛋卷$42 本身芝士同明太子已經好夾，個蛋卷亦都煎得剛剛好，唔會太乾身，食落去軟綿綿，好好食！😋網燒安格斯牛扒$158雖然塊扒係薄扒，但係勝在夠大塊！呢個佢係冇得揀個熟到，但係煎得剛剛好，大概7成熟，絕對唔會老。☺️☺️🥰菠蘿🍍雪葩$58呢個超級有驚喜，落單嘅時候已經可以揀另上。原個小菠蘿，雪葩份量超級多，我哋兩個一齊食都差啲食唔晒！佢個味道好清新，好啱食完飯做甜品！🔵藍桔富士山 $35呢個真係一定要叫，因為打卡絕對一流！富士山造型，仲要有舊白色雪糕喺上面好似富士山上面嘅雪甘🥰重點入面有塊著燈嘅冰塊🧊 會令到個杯閃閃發光，好飲又好睇～榛子鮮奶朱古力$36呢度真係坐得好舒服，而且唔係街鋪，反而有一種寧靜嘅感覺，好啱放工之後同同事朋友嚟呢度食嘢吹水👍🏻👍🏻👍🏻…Read More

#鳥棲日本料理 今次講嘅係位於觀塘嘅鳥棲日本料理💕未去之前睇介紹已經覺得好吸引😽😽而店舖嘅裝修好舒服 有Sofa坐🤤🤤但係用餐時間就只係得90分鐘 如果叫得太多嘢食就要快少少食 因為佢真係會準時咁叫你走🙈🙈🙈店舖主食唔係話太多 反而去啲小食多少少🙈🙈小編覺得都可以一試✨牛肉他他燒 $88💰（8/10）呢個牛肉他他燒對小編嚟講好新奇🤤🤤係生嘅牛肉嚟架 有少少火炙牛肉邊🔥所以會聞到好香嘅牛肉味 而牛肉他他油脂分布好平均 入口即溶嘅感覺😻😻配埋蘿蔔蓉嘅汁 會多咗種層次感✨✨但係略嫌有啲薄切🙈🙈 會想食多啲🙈芝士明太子蛋卷 $42💰 （7.5/10）個賣相好吸引😻Total有三舊 每一舊嘅蛋卷上面都放佐明太子😚😚但略嫌明太子唔係好多🥲🙈而蛋卷最中間仲會有半溶嘅芝士🧀一啖咬落去就鹹鹹地又辣辣地咁 味道幾有層次感😚而且個蛋本身以為好厚一定會好老 但驚喜嘅係竟然仲係好滑✨✨松葉蟹鉗海鮮鍋 $138💰 （6.5/10）送到上枱見到幾足料✨有松葉蟹鉗🦀 蟹柳 青口 帶子 冬菇 蝦🦐 啲菜 個底仲有啲粉絲 會飽肚少少😻😻而湯底方面小編覺得比較淡😿😿海鮮都麻麻 性格比唔高🤕🤕滑蛋黑毛豬扒飯 $82💰 （6/10）呢個相對上有啲普通🙈只係滑蛋加啲黑毛豬扒 但係唔知點解送到過嚟啲黑毛豬扒係淋嘅🥲🥲而且賣相麻麻🥲😿😿藍桔富士山 $35💰 （6/10）呢個賣相真係好靚 打卡一流😽😽因為送到上枱係仲會閃閃發光 但係有啲失望嘅係 佢係好甜🥲🥲同埋已經feel到係糖漿加汽水🥤冇乜藍桔味🤕🤕同埋面頭嘅雪糕 係食得出係最普通嘅雲呢拿雪糕😿😿 如果唔理味道淨係打卡嘅話 呢個可以推薦 但係實體飲落去真係好甜🙈睇到呢度 快啲約埋朋友一齊去‼️‼️推薦指數🌟 7 / 10 🌟📍#巨B覓食觀塘鳥棲日本料理 (觀塘)⚜️觀塘開源道60號駱駝漆大廈3座5樓S舖⏱星期一至五 1200-1500 1730-2200⏱星期六日 12:00-1600 1800-2200…Read More

呢排唔知點解同觀塘好有緣今日又去左觀塘整野順理成章又喺觀塘搵食上次去駱駝漆搵食嘅時候已經留意到呢間日本餐廳今次就去試吓啦😊—————————————————————日式鐵板炒麵一聞到呢陣日式燒汁味不禁諗起真係好耐無番鄉下啦🥲呢個炒麵配上大量豚肉雖然碟仔細細份量都唔算少架另一個滑蛋黑毛豬排飯黑毛豬扒先炸過再放汁同滑蛋豬扒肉味香濃一咬就斷開一啲都唔乾柴仲令中島諗起強羅嘅豬扒飯嗜腸同墨魚咀如命嘅👨🏽見到就失控🤷🏻‍♀️蚊香腸由鐵板送上雖然冇滋滋聲但係都好熱辣辣一咬即爆汁夠晒juicy 皮脆肉香 好味呢個墨魚咀睇落同其他無分別但👨🏽有以下評價😂雖然都係出邊食過好多次以為自己已經唔會再俾呢個小食驚嘆到點知呢個完全推翻左我個諗法估唔到墨魚咀沾薄粉再加上七味粉將呢個平凡既小食昇華到另一個層次咬落似魚蛋彈牙令人欲罷不能中島都唔知有無食到兩粒😂最後仲叫左兩款串燒煙肉蝦卷 - 煙肉包住去殼蝦去燒煙肉嘅油香滲曬入隻蝦而蝦嘅鮮味又中和番煙肉嘅肥膩感兩者互相平衡👍🏻芝士免治雞 - 一片芝士舖喺免治雞免治雞肉為左增加口感加入雞軟骨食起上嚟索索聲又幾好咬喎😋之後呢杯特飲真係夠晒浮誇見到個造型有無咩聯想？無錯啦佢就係富士山啦🗻藍桔味嘅汽水加上一大舊雲呢拿雪糕就變成呢杯咁靚嘅富士山啦入面粒變色冰真係好浮誇🤣🤣🤣—————————————————————★ 滑蛋黑毛豬扒飯 $82★ 鳥棲豚肉炒麵 $82★ 北海道陶板腸 $108★ 七味墨魚咀 $58★ 芝士免治雞 $32★ 煙肉蝦卷 $32★ 藍桔富士山 $35…Read More

觀塘工廈不嬲出名多嘢食，朋友係呢頭返工，咁約咗佢食晚飯。佢同我推介呢間餐廳，咁既然朋友食過又介紹得，咁一定唔算差，所以就決定係呢到食。星期一嘅夜晚七點，餐廳都有一半嘅入座，而我地坐低之後都繼續有食客入嚟。點餐非常方便，只要掃下QR Code就可以點餐。係而家呢段時間可以確保衛生，最後我地點咗壽喜牛肉鍋，胡麻汁牛肩胛，南蠻炸雞籃。飲品方面叫咗巨峰富士山同藍桔富士山。先嚟嘅係壽喜牛肉燒。牛肉份量非常多，配料有豆腐，娃娃菜，同粉絲配底。湯味非常濃郁。粉絲索晒湯汁可以話一流。然後就係胡麻汁牛肩胛。佢特別之處係比食客自己燒。牛肉油脂分布平均。再加埋燒嘅時候發出既（滋滋聲）令人食慾大增炸雞。炸粉唔算多，而且雞肉都唔會話死實實。咬落去好鬆軟。兩杯飲品會附上一球雲尼拿雪糕之餘。亦都會有一粒燈係入面。非常吸睛。整體呢餐，性價比超高…Read More

駱駝漆大廈係觀塘地標，基本上冇人唔識㗎啦！樓上店舖應有盡有，絕對夠你行足一日！行到餓仲有大把食肆比你選擇...今日我哋行到好攰想食飽再買買買🛍經過呢間啲梳化好舒服咁，連食乜都唔諗即刻入去！梳化好舒適，室內燈光柔和，食飽好想眠一眠添😂🍹藍桔富士山：好鬼靚！杯裡面閃閃吓，幻彩詠香江咁🥶飲都飲得開心啲☺️花魚一夜干：花魚肉鮮，燒到外面乾乾地身，好香又抵食！胡麻汁牛肩胛：肉質結實，肉味濃郁，石板燒單邊燒一燒，唔洗30秒即食，正👍🏽壽喜牛肉鍋：壽喜汁好鮮甜😋令到蔬菜吸晒味，仲提升牛肉味道！配埋窩蛋真係好滿足😚…Read More

鐘意呢間上樓日式餐廳，全部都係梳發位，而且菜式夠曬多選擇。有飯類、烏冬、火鍋、燒肉、串燒、仲有好多好多日式小食，啱晒我哋。胡麻汁牛肩胛 $72自燒慢煮系列，牛肩胛好靚，肥瘦勻稱有牛味。靚牛肉，兩邊略燒轉色就ok! 好鬼香趁佢熱辣辣再點胡麻醬食，完美呀！都係七十幾蚊咋，抵食的。番茄大蝦沙律 $58食燒肉梗要有菜菜平衡下。呢個沙律配料多多又堆到成座山咁高，足料新鮮，抵食。汁燒魷魚筒 $88惹味之選，原隻燒魷魚筒，火候掌握得幾好，唔韌又甜甜地，即刻好想飲返杯香草燒羊架 $52又係香口野，羊迷必食，幾重口味架，我like ! 不過上枱時重有少少生，我地就自己慢燒到啱啱好，正呀！飲品方面，都幾有特色。有一系列嘅咖啡可以揀，另外亦有靚靚特飲，價錢尚算親民。藍桔富士山 $35藍桔梳打配上雲尼拿雪糕，加上杯型，成座富士山便出現眼前。仲有個閃冰響入面，好靚架。百香果乳酸梳打 $34酸酸甜甜的百香果味，加上乳酸梳打，味道好夾，不錯的。…Read More

🍽牛肉稻庭烏冬 ($82)🍽滑蛋黑毛豬扒飯 ($82)🍽壽喜牛肉鍋 ($128)🥤藍桔富士山 ($35)🥤洛神富士山 ($35) 觀塘駱駝漆出名多野食 今次黎到呢間環境舒服既日式餐廳🥰一個個既卡座係好舒服既沙發椅 有埋咕臣夠晒闊落 同前後既枱都有足夠距離 岩晒幾個朋友係到傾偈👭🏻👭🏻烏冬夠彈牙👍🏻豬扒飯夠香😚壽喜鍋好多料夠豐富😆至於兩杯富士山系列飲品 其實係雲呢拿味雪糕擺係梳打水上面 再加個小燈泡係入面 形成左佢會發光💡…Read More

呢次同朋友聚會 揀左係觀塘食cafe🥰裏面座位都ok 我地個日坐沙發位 好舒服 😌 不過黎之前一定要book定位 因為個日見到有人walk in入唔到 個場都幾爆🤔壽喜牛肉鍋 $128個醬汁幾甜 同平時出面食開既壽喜燒鍋味道差唔多 都係甜甜地既醬油香味👅 牛肉份量都算多 四個人share食都食到兩三舊🥰番茄豬骨豚肉鍋 $118番茄味偏淡 所以唔中意草青味既人都應該接受到🤔 豚肉本身都有腌過 所以都幾夠味🥰淨烏冬x2 $30配上壽喜燒汁煮更加美味～❤️藍桔富士山(小甜) $35酸酸甜甜既味 配左個雲呢拿雪糕 幾好味😋百香果乳酸梳打x2 $68正常。百香果味道都算濃🤔榛子鮮奶朱古力 $36胡麻汁牛肩胛 $72呢個牛本身無腌過 都係配胡麻汁先好味雙重芝士年糕 $45芝士年糕 煙煙韌韌 幾好食 好種咸甜交叉的感覺🥰滑蛋黑毛豬扒飯 $82呢個覺得一般般 可能已經食飽了😂 係日式咖哩汁吉列豬扒配蛋。…Read More

觀塘駱駝漆大廈又多嘢買又多好嘢食。今日就去咗三座5樓，依一間好受食客歡迎嘅鳥棲日本料理食晚飯。餐廳環境舒適，座位都好寬落。食物方面，選擇都十分之多元化，而且價錢相宜，難怪咁多捧場客啦。韓風牛舌：睇落碟仔細細，其實份量都幾多。牛舌配上獨特醬汁，作為前菜小食，非常之惹味。雙重芝士年糕：日式料理其中款鐘意嘅食物就係芝士年糕。依個雙重芝士年糕，面頭有燒到熔咗嘅芝士，年糕入面又包住另一款芝士、一咬就流出嚟。年糕燒到軟棉棉，加埋兩種芝士帶嚟嘅雙重味覺衝激，好好味。大蔥雞肉稻庭烏冬：大蔥味超香，配上雞肉好夾。鳥棲所揀選嘅稻庭烏冬都好好食。牛肉他他燒：鳥棲以火炙刺身奉客，證明咗佢哋對食材嘅信心。牛肉他他油脂分布好靚配埋蘿蔔蓉醋汁吃，鮮香甜美、入口油香而唔膩。藍桔富士山、綠薄荷富士山：兩杯富士山主題嘅飲品、賣相一絕。當然、兩杯特飲都唔只得賣相、味道亦相當出色。特飲配上雲呢拿雪糕球，分開食亦得，撈勻落杯特飲亦得。…Read More

近排出一次街一定係PLAN好哂行程盡量minimize出街次數, 一星期一次點都要買食嘅飲嘅, 最近仲買多樣: 烘焙嘅. 今日嘅駱駝漆採買日收獲豐富, 差唔多7點, 食埋晚餐先返屋企. Li間日本料理之前食過lunch大份夾抵食, 夜晚menu都好正呀.>南蠻炸雞籃 (HKD62)推介😋炸雞大大件, 外皮係新鮮炸起嘅酥脆, 雞肉肉質勁tender.>帆立貝北海燒 (HKS38@)>香草燒羊架 (HKD52)個人比較鐘意超級重孜然粉嗰隻燒羊架, 店家嘅燒羊架雖然無咁孜然, 但就非常juicy, 啖啖肉都滲住唔羶嘅油香.>雙重芝士年糕 (HKD45)必食!!! 一碟兩件芝士年糕輕糯到不得了, 咬開啲芝士緩緩流出, 超好味.>滑蛋黑毛豬 飯 (HKD82)黑毛豬扒炸皮good, 又唔肥, 滑蛋喺醬汁滾起先落, 洋蔥索滿濃濃嘅味道, 送珍珠飯正呀.>鳥棲和牛 (HKD36)一人一條和牛串燒, li隻和牛唔算太多脂肪, 完全無筋的👍🏻.>牛肉他他燒 (HKD88)正!!!! 一片片冰鎮牛肉他他Dip 加左蘿蔔蓉嘅汁, 非常新鮮.>藍桔富士山 (HKD35)富士山頂係一球雲呢拿雪糕, 淺藍色梳打水有粒持續變色嘅冰點影都咁靚.>餐廳雖然暫時未join各大送餐App, 但有外賣自取, 附近收工買返屋企慢慢嘆都係唔錯嘅選擇.…Read More

成日掛住日本又無得去住，咁啱經過觀塘見到有間日式料理就去試吓✨壽喜牛肉鍋🥘日式料理點可以嗌牛肉火鍋，鋪滿肥牛配上豐富嘅配料裏面有豆腐、紅蘿蔔🥕、冬菇、金菇、粉絲同埋白菜🥬，仲有蛋汁索晒所有湯嘅精華，兩人份量啱啱好明太子雞翼🍗脹卜卜嘅雞翼一啖食落去啖啖肉，配料不算太重明太子味，而雞皮又薄又脆口，再配合沙律醬同檸檬汁有幾好味喎原條鰻魚炒飯🍚又係鍾意食鰻魚嘅我點都要一碟你試吓，賣相已經睇落去好豐富，原條鰻魚脂肪比例適中，炒飯加咗鰻魚汁口感唔錯喎藍桔富士山🗻話明富士山佢個外型好似🗻好睇又好飲唔好睇佢係藍色唔知嚟，佢真係桔味嚟仲要加咗粒閃燈冰🧊夠晒夢幻白雪雪頂層原來係雲呢拿雪糕，俾佢賣相吸引住，打卡位必試百香果乳酸梳打🥤鍾意百香果茶加咗乳酸梳打酸酸甜甜再配合唔好嘥，夏天飲必備推介…Read More

同男朋友鍾意係觀塘搵唔同既餐廳食飯，今次搵到呢間係工廈有好多正平既日本餐廳一試。餐廳環境舒服，燈光較暗，今次坐沙化卡位，都有少少屋企既感覺😊職員都友善，helpful👍🏻我地兩個人，叫左3道菜都好夠飽，因為好大份，整體味道都可以，但無想像中咁好味，可能期望太高😅首先黎左個松葉蟹鉗海鮮鍋。值得讚既係用料好足，有蟹鉗，帶子，青口，蝦，冬菇，金菇，粉絲，豆腐同娃娃菜。湯同食材既味道都係較清淡，鍾意啖口味既可以一試，鍾意濃味既就不推薦呢道菜啦。原條鰻魚炒飯賣相好靚，好大份，味道唔錯，燒鰻魚既汁甜甜地，配個炒飯一流。但係個炒飯質地偏軟身，本人比較鍾意硬身少少既炒飯。八爪魚丸就中規中矩，同一般八爪魚丸一樣，唔太特別😂藍桔富士山，最特別係佢會有燈係杯飲品入面，不停轉色😂味道就係波子汽水既味道，但將雪糕攪拌埋汽水一齊飲就幾好飲😊…Read More

觀塘有好多穩世美食，今日去行街就比我發現呢間日式餐廳環境舒服，開放式嘅廚房可以慢慢欣賞廚師煮食芝士明太子蛋卷 $48外表已經好吸引，一咬外層蛋卷軟滑，一食就知廚師控制得岩岩好，保持到蛋嘅嫩滑，內層啖啖蛋香再配上層明太子帶出半溶芝士嘅濃香。原條鰻魚飯 $128鰻魚勁大條，由頭到尾都冇魚骨，濃濃鰻魚汁配啖啖肥美鰻魚肉，一口炒蛋飯一口鰻魚，食完都唔會油膩。韓風牛舌 $28牛舌夠薄爽口， 每塊都有小小辣味，令到我食唔停口。他他醬魷魚圈 $58除咗他他醬仲有檸檬旁邊，加咗檸檬汁後，酸酸甜甜加上外脆內煙煙韌韌嘅魷魚，十分 惹味。藍桔富士山及洛神富士山 $35富士山有幾款，完全係呃like既飲品，單影相都夠😄隨著富士山轉山代表四季嘅轉變，夠浪漫。影完再飲，不過不失😜當甜品都唔錯😄…Read More

近排觀塘都開左好多間日本野，今次同朋友決定去試試鳥棲!!個名都幾有詩意，去睇下野食係點架先~~~~🐟💬：.雖然阿魚同朋友得2個人，但都叫左好多野食!!!.(1) 原條鰻魚飯 ($128)估唔到咁好食!!尤其係D炒飯，少少濕，好入味，飯粒重有煙UN感，好正!!!不過鰻魚就有少少骨.(2) 鹽燒牛舌 ($35)好食，都算厚身，燒得岩岩好，唔會過UN!!!!想食多串!!!.(3)芝士明太子蛋卷($38)明太子份量都幾多，反而芝士味唔夠出，唔知係唔係比明太子蓋過左，而蛋卷的甜味又同明太子配合得恰到好處!!!2個人Share岩岩好!!.(4)蕃茄豬骨豚肉鍋($118)唔知點解食到有少少辣，但係惹味的!!!有少少泡菜果種辣，但唔係辣到飲水果隻!!!阿魚唔中意食泡菜，但可以接受!!.豚肉係用左薄薄的五花腩，唔會太肥!!.(5) 胡麻汁牛肩胛 ($68)呢個幾有驚喜，係因為估唔到呢間餐廳係可以比客人自己燒肉，幾得意又好玩!!大約有6塊到~~餐廳重有其他肉可以選擇架!!.(6) 吉列廣島蠔($58)新鮮炸的!!好食!!.(7)藍桔富士山($35)打卡一流!!!不過要小心，因為太多氣，所以好易會瀉晒出黎.....餐廳都好貼心比左隻碟你，令你唔會整到成木台都係.....🐟FISH'S REMINDER🐟💡阿魚提醒💡.(1) 胡麻汁牛肩胛，千其唔好燒太耐，如果唔係就會un架啦!!.(2)自己燒肉係另一個餐牌，如果見唔到可以問下店員.(3) 藍桔富士山，小心會瀉晒出黎.🐟📝：8.5/10.🍽🐟📝📌鳥棲日本料理 Tosu📍觀塘開源道60號駱駝漆大廈3座5樓S舖(港鐵觀塘站 B2 出口, 步行約3分鐘)📞電話: 36195642⏳營業時間：星期一至五12:00 - 15:3017:30 - 22:00星期六至日12:00 - 16:3018:00 - 22:00公眾假期12:00 - 16:3018:00 - 22:00…Read More