萬發海鮮火鍋菜館

大角咀嘅呢間中式菜館非常經典 呢晚嚟食晚飯就明白點解餐廳可以屹立咁多年啦🤪薯仔牛柳粒呢個餸真係呢度嘅招牌菜🤓 牛柳同薯仔size都好適中 啱啱好一啖一粒 牛柳仲有好多肉汁 牛味香濃 肉質軟腍🐮 薯仔就煎得外脆內軟 外層嘅蜜糖味道同黑椒味好夾🍯名爐燒鵝(上庄)燒鵝嚟講呢度都算幾抵食 都幾厚肉 同埋個外皮好酥脆🪿 真係忍唔住食晒所有燒鵝皮🫢 我地食到一半 咁啱偷聽到廚房話今日賣晒 真係手快有手慢冇🙈 仲有附上酸梅醬 萬發小炒皇呢個小炒皇係用蒜芯炒嘅 蒜芯味道清甜 口感爽口 加上有其他蝦乾 魷魚 腰果 菜甫等惹味配菜🥰 呢碟餸飯都一流呀 而且非常大碟 好抵食萬發石頭飯石頭飯都好特別 上碟用一個燒熱咗嘅石鍋裝住🫢 石鍋底部嘅飯會變成飯焦 好似煲仔飯一樣惹味 呢個飯本身係一個炒飯嚟嘅 有大量雞粒同原隻蝦仁 味道唔會太鹹 飽肚得嚟又吸引😎整體每道菜式都有質素 仲夠晒大碟 我同友人都係最鍾意薯仔牛柳粒☺️ 果然係名不虛傳嘅招牌菜 嚟呢度一定要叫呀…Read More

今次好友推介帶我地走到黎呢邊食，同地鐵站都有一段距離。七點黎到，入面已經有一半客食緊。野食分量都幾多，有水準，最鍾意碟碟都熱辣辣，而今次六人叫五餸一飯一湯，每人平均$250。 胡椒豬肚雞煲 $298 胡椒味好香好濃少少辣，飲完成個人好暖好舒服，豬肚爽口又無腥味，分量都幾多，我地每人飲兩碗都仲有，而隻雞係比豬肚包住咁煲，侍應會幫手剪開分埋雞。 薯仔牛柳粒 $98 薯仔面有層糖咁脆脆地甜甜地，入面好淋，而牛肉整得唔鞋唔韌，加埋少少胡椒味，好香又有鍋氣味，正。超值孖寶E (1) 即燒乳豬件 $408好香好脆，真係熱辣辣，肥肉又唔多，好好味。超值孖寶E (2) 薑蔥炒肉蟹 $408大排檔嘅鍋氣味出哂，味道咸味夠又惹味，蟹肉都多又甜，但個分量就一般，一隻完全唔夠喉。 蒜蓉粉絲蒸大元貝 $288好大好大嘅元貝，元貝蒸得好好，輕輕一堆就甩到，好好味，蒜香味好夠又入味，粉絲完完全全吸收哂蒜香味又夠爽口。 萬發石頭飯 $78好一粒粒，炒飯咁，咸咸地幾好味，有啲肉粒，料唔太多。 雪裡紅芥蘭 $88呢鍋菜好多，又綠又爽口，食落索索性，有埋雪菜肉碎咸咸地撈飯食一流。…Read More

萬發海鮮火鍋是一家兩層菜館，設有落地玻璃的食材區域，放置不同種類的海產 ; 另設燒味部，有機會一睹師傅在烹煮燒味的過程。店內通道尚算寬敞，出入口有無障礙設施。為了慶祝親友生日，在一週前已訂了枱，點了大家都喜愛的菜式: 魚、蝦、雞、牛、豬等。灼海蝦($224) 大隻海蝦，蝦肉鮮甜，好味咕嚕肉($88) 沒有太多肥豬肉，甜酸度適中，每塊肉都能掛汁，掛汁後仍有輕微脆身口感翠塘豆腐($78) 份量足兼材料豐富，內有豆腐、菇類、蛋白等材料，口感軟滑，加上芡汁的調味是一道特別的清淡菜粉絲什菜煲($88) 煲內有粉絲、菜、黑木耳和菇類等，是用熱鍋上的清淡菜玫瑰油雞半隻($98) 肉質嫩滑，稔身薯仔牛柳粒($98) 薯仔脆身，牛柳粒入味及稔身，夠鑊氣，再加上黑椒粒格外冶味，非常好味兼抵食清蒸沙巴龍躉一條($198) 肉質新鮮，魚肉嫩滑甜美，烹調恰到好處 豉汁蒸鱔($168) 魚肉厚薄適中，夠入味無論是炒或蒸的火候、食材配料和醬汁的處理，足以證明掌廚者的工夫認真不錯!…Read More

一直都好想去深水埗萬發 食佢個招牌 薯仔牛柳粒 但深水埗確係唔方便輪椅。但我最近先知原來大角咀輪椅係入到雖然輪椅入到，但環境都幾逼。兩部輪椅應該係極限了；雖然依間萬發喺餐廳格局，但係侍應仍然不失大排檔嘅獨特性格。薯仔牛柳粒果然係名物，薯仔外脆內軟，有甜甜嘅蜜糖漿包住，最利害係凍咗，薯仔仍然保持到外脆內軟。牛柳粒就最好趁熱食哂佢，凍咗就真係麻麻地，亦證明薯仔先係主角。（搵人同我食哂d 牛柳佢！）另外叫咗套餐 例牌燒鵝 加 豉油王海蝦，同埋單點咗胡椒豬肚雞。每一樣嘢都好食：燒鵝皮脆，但未至於肉嫩豉油王海蝦無過咸，蝦大隻有膏湯。辣勁足、味濃、分量夠。下次一定再嚟。…Read More

已經係第N次黎位於大角咀既萬發海鮮火鍋菜館，但寫食評就係第一次！今次帶左係外國返黎既親戚一試呢間禁出名既小菜館。今晚雖然係星期四既平日晚上，但餐廳都坐無虛席，證明有幾巴閉！我地一共8個人，好彩有預早訂位，俾左張大枱我地唔洗迫！我地一共叫左6個餸，分別有燒鵝，乳豬，貴妃雞，雜菜煲，薯仔牛柳粒同豬肚湯！1.明爐燒鵝（半隻）燒鵝烤得油令令，令人非常有食慾。燒鵝既肉質非常鮮嫩可口，雖然睇落好深色，但味道剛剛好。2.即燒乳豬（半隻）乳豬真係做到即燒，而且非常熱騰騰，外皮燒得非常脆口，肉唔會過肥，半肥胖瘦，雖然只係叫咗半隻，份量非常之足。3.金牌貴妃雞（半隻）貴妃雞本身有少少調味所以都唔需要點任何醬汁，雖然餐廳嘅雞通常都一定係雪藏嘅雞，但係呢隻雞就食唔出任何雪味，雞既外皮做得非常爽脆，肉質亦都非常之鮮嫩。4.海味雜菜煲雜菜煲其實有兩款選擇，一款是海鮮，一款係海味，因為上次已經叫過海鮮所以今次就叫海味試下。雜菜煲嘅份量好多，唯一唔好係粉絲煮得過林。5.薯仔牛柳粒呢個餸係餐廳既名牌，幾乎每一枱都係會點，而我每次黎呢間餐廳都會點既一個名菜！牛柳粒用黑椒和鹽作為調味，食落香林，牛肉味濃郁，薯仔炸到金黃色，內脆內軟，係一道超級有鍋氣既餸！有點可惜既係，對比我每一次食，無論係牛肉同薯仔都愈來愈少！6.胡椒豬肚雞煲（湯）胡椒豬肚雞係原隻奉上，店員幫我地展開豬肚同埋雞肉方便我哋食，高湯呈現奶白色，證明煲得非常之夠火候。湯嘅胡椒味啱啱好，味道非常濃郁，因為雞係包係豬肚一邊，所以雞肉係非常滑，豬肚亦都非常厚身，呢個湯亦是招牌菜之一。…Read More

數數上次約食飯已經是剛好一年前的事。因為吃完想吹吹水，不想被趕走，就選擇到萬發。大角咀雖然是比較少人流的地方，但是萬發到了七時多，已經將近爆滿，和街道的冷靜形成對比。我們三個女生，點了五道菜。*萬發菠蘿石頭飯($68)今天凍了很多，真的要點一個熱辣辣的石頭飯。石頭飯很夠熱，就算放了好一會，熱力都還未散。配料有肉鬆、菠蘿、蝦仁和雞肉；飯粒很乾身，粒粒分明；唯配料太少。*薯仔牛柳粒($98)這道菜基本上餐牌有的話是我的必點菜。牛柳粒肉質很淋；薯仔粒很香脆；不過少了點甜甜的蜜汁。*豉椒炒蜆($78)炒蜆其實都預了沒有太多蜆肉食，但是這個令人有點失望。味道帶點辣，不會太咸；不過蜆肉很少，大部份都是殼。*西檸雞(半隻)($88)雞肉沾了炸粉炸，再有點檸汁；甜甜的，雞肉尚算嫩滑；不過個人不太喜愛沾炸粉炸的雞。*蒜蓉炒豆苗($88)這是豆苗當造的時候。味道不會太咸，但是個人認為豆苗不夠幼嫩。…Read More

炒小菜好多時都會去萬發，不嬲都去開石硤尾果邊，都唔知原本大角咀都有間分店，收工過去10分鐘都唔洗，所以今日就過左去食飯，當同朋友當做冬。坐低都差唔多10點幾，雖然未至於要等位咁誇張，但都唔少人仲食緊野。因為唔太想打邊爐，所以都係叫番小菜食。首先叫左個「超值三寶」$398 (其實仲有好幾款套餐配搭，我地揀左C)三寶包括燒鵝(例牌)、例湯(煲)、椒鹽蝦(例牌)其實套餐都幾抵食~湯，一煲大大話話都裝到7至8碗出黎，而且熱辣辣，又唔會有味精或者鹹另上嘅湯渣我地都有食，覺得唔錯~燒鵝(例牌)本身好怕啲燒鵝又肥又韌，呢度嘅燒鵝真係唔錯，首先例牌份量都ok，肉又唔老！送飯一流椒鹽蝦(例牌)本來想食開邊蒸蝦，但套餐配搭果度就揀唔啱，最終要左椒鹽蝦。椒鹽蝦size適中，唔係細細粒冇肉食果種，蝦唔算話好爽，但絕對冇霉。因為我地有4個人，咁叫一個餐都唔夠啦，所以另外再加左兩個小菜~首先當然唔少得呢度嘅招牌：薯仔牛柳粒 $98呢個真係冇得輸，每次黎都會嗌！牛柳粒固然係煮得入味，完全唔老唔韌，加左少少黑椒更惹味但最重要都係連個薯仔都煮得好入味，連埋蜜糖炒到外脆內軟，呢個真係唔點唔得。生啫白菜仔 $68白菜仔可能好少人生啫食，不過我本身好鐘意食白菜仔~呢個唔太鹹，而且白菜仔唔係淋哂，仲保持到白菜嘅爽口。整體黎講，萬發嘅小菜水準基本上都好穩定，價錢又唔貴，仲要冇加一，所以如果想炒小菜食都不妨黎呢度~餐牌：…Read More

所謂「冬至大過年」，冬至就一定要一家人一齊食餐飯先得既！因為唔想屋企老人家煮飯咁辛苦，所以就一早訂左位食萬發，舒舒服服就食個晚飯！雖然有訂座，但實在太多人，所以都要等5分鐘左右。冬至真係超多人，全場爆滿，好熱鬧呀！萬發嘅薯仔牛柳粒，我相信已經所有為食嘅食家都一定試過薯仔炸過後以黑椒同蜜糖去炒，外脆內鬆軟，口感超滿足😍牛仔粒好腍，入口一咬即斷開，黑椒味增添了香味，口感比薯仔更鬆軟😋加碗白飯，冇得輸！雪裡紅亦即係醃雪菜，用黎炒芥蘭可以幫菜式加添咸味同甜味。芥蘭炒得好軟身，有別於出面食芥蘭都比較爽身的感覺。因為石頭鍋入面加入大量蝦米丶冬菇丶臘味，所以味道更加豐富。軟身的芥蘭更吸收蝦米同臘味的味道，味道更濃更惹味！大大碟的椒鹽菜式係食小菜不可缺少的一部份，今晚我就選擇左配以脆豆腐。豆腐炸得表面夠乾身，但入面的豆腐依然好嫩滑好多汁，而且超級熱辣辣，勁新鮮。椒鹽味唔算好重，唔會好咸。鍾意食得較重口味的朋友可以沾上「GIP」汁食，都唔錯。本身好少食柚皮，但係侍應叔叔推介話蝦子扒柚皮幾特別，所以就試下。蝦子味道聞落好香，食落口時味道唔算太濃，唔需要怕食落口時會有種蝦子腥味。而柚子皮的味道唔算好濃，主要都係食個汁的味道，有少少似係食魚翅個種的感覺。口感軟綿綿，吸哂好多汁係入面，口感幾得意。炒得好乾身的飯放入熱辣辣的石頭窩入面，令到底部整左一層飯焦係度，口感香脆好好味。飯入面的配料主要係蝦米丶冬菇丶蔥等等，材料唔算好複雜或者好特別，但係就考到廚師的功力。炒飯的火喉同埋配料我認為都做到100分，而且加上石頭窩整出來的飯焦，口感特別有點驚喜。而且炒出黎的飯唔會好油，功力不錯。菜單一菜單二菜單三…Read More

萬發我由細食到大, 每次黎都係大滿足地離開, 今次都唔例外!個日天氣好凍,所以叫左D食左暖身既食物酒煮雞子雞雜$98雞酒鍋 天氣凍好保暖 滋保好多疆,雞子有好濃既酒香內有雞雜 雞腎 雞潤食完之後非常保曖,正冰鎮豬腳仔$78加埋D酸醋汗食,非常開胃,成碟KO無難度金沙九肚魚 $88金肚魚係我的大愛,每次都要食九肚魚炒到金黃色,陣陣蛋黃香 ,外脆內嫩滑薯仔牛柳粒 $98主角黎喇,呢個每次必食,都係我黎呢度既目的 一如以往水準,薯仔外脆內軟,非常次咁好食,推介必食之選…Read More

有fd 之前食過呢間強烈推介, 所以臨近christmas 我地一班友就來呢度gathering, 食餐pre christmas 慶祝下砵酒桶蠔 $195呢個蠔就係fd 子推介, 用傳統石鍋上，上枱時仲出緊煙，好香好夠鑊氣👍一鍋有8隻蠔，隻隻都有手掌咁大又肥美😍外層煎到有少少香脆，食落又好嫩滑，好有蠔的鮮味，勁正❤豉椒炒花蛤 $108份量多到似個小山丘，花蛤都幾大隻，啖啖肉😋豉椒汁鹹淡適中，就咁食唔撈飯都唔會覺得好鹹👍呢道薯仔牛柳粒係我刨過其他人食評, 發現係大家必叫既招牌菜 不愧係皇牌, 薯仔煎得略帶脆皮, 帶點蜜糖香甜, 內軟.. 淨係食薯仔都停唔到口 牛柳粒炒得剛好, 肉質仍然好嫩但好惹味, 下飯送酒都超一流 最後既九肚魚遜色啦 唔知係咪廚師失手, 成份太油膩.... 份量唔少, 但最後食唔哂整體野食大部分都好有水準, 而且小菜選擇又多. 價錢好多都只係around $100 就有大大碟, 性價比好高 同一班fd 約出來share 下小菜吹下水, 係唔錯既選擇 …Read More

因為8號波所以屋企人多左日假就約埋一齊食飯，打風既選擇唔多，就去d仲有開門既。入到去坐低發現都有好多人係度食緊飯架，我地就嗌左個例湯，超值孖寶套餐，幾個小菜同生炒糯米飯。佢地既上菜速度好快，嗌完冇耐就有得食。先講個例湯，我覺得唔錯，好夠火喉又唔覺有味精👍🏻👍🏻👍🏻👍🏻個燒雞都好好食呀，燒雞既雞皮脆而個雞肉又滑又嫩喎👍🏻👍🏻👍🏻👍🏻但係個芝士焗瀨尿蝦肉伊麵我就覺得麻麻地，一黎太漏，二黎d瀨尿蝦又好細同好少，味道仲一般。跟住個砵酒桶蠔都好味道😋，佢d桶蠔好似手板咁大隻，d酒味好香，食落去仲好野味tim👍🏻👍🏻👍🏻👍🏻個炒芥蘭都好食，不過好似油左少少。至於個薯仔牛柳粒，我認為個重點係個d薯仔，佢炒得好好味👍🏻👍🏻👍🏻👍🏻外面炒到好似焦糖脆面咁，但係入面又唔會硬喎，總知就正啦😋😋😋最後個生炒糯米飯都係一般，我都係嫌太油。總括黎講，d小炒係幾好既，仲大碟又抵食tim。…Read More

剛完成了歐洲之旅，太掛念熱辣辣的港式小炒，準要添幾碗白飯才夠滿足！選了這間位於大角咀的萬發，本以為水準和服務不錯，怎料一坐下來，前後兩位店員已不停推介是日海鮮。由於友人不太好海鮮，經商討後，還是吃些小炒便可！雖然店員不至於黑面，但也感到他們那股不善氣場！先來薯仔牛柳粒，是必食之選！皆因薯仔確實是炸得表面金黃香脆，內裡軟綿綿。薯仔粒加入蜜糖，甜甜的，味道更為提昇。而牛柳粒軟腍又不失咬口，可惜味道一般！花甲浸時蔬，花甲夠大隻但沒有鮮甜味。白菜仔和上湯因沒有花甲的鮮甜而顯得十分普通。啫啫排骨煲上碟時已沒有熱烘烘的"吱吱"聲。排骨的骨和肉比例是7:3，每一口都是骨的感覺。埋單4人共$418，只有抵食，沒有預期的滿足感！…Read More

突然想食大排檔但又唔想坐室外（因為天氣仲好熱🙊），所以揀左呢間有冷氣嘅室內'大排檔'。聽講佢晚市好旺，有時都會等位，所以友人預先book定位！約7:30去到，見到入面幾乎full曬，好旺場。餐廳其實算大，舊色酒樓咁嘅格局，大排檔咁嘅氣氛。因為之前做左research有咩好食，所以好快可以落單啦！上菜算快，等左唔夠15分鐘。1.萬發石頭飯 炒飯粒粒分明，好足料，仲有最愛嘅飯焦👼.2.流沙黃金鮮魷好香口，好多咸蛋黃，好邪惡呀😍 如果炸得脆啲就perfect 啦！3.薯仔牛柳粒有鑊氣，薯仔粒炸得好正！牛柳粒就失色少少，太淋無咩咬口，又過咸⋯4.燒雞雞皮燒得香脆，皮薄，少脂肪。可惜肉不夠嫩，有少少'鞋'，仲無咩雞味⋯⋯5.石鍋芥蘭撈個時噴曬煙，芥蘭好爽，加左少少辣椒，好惹味！小炒有獲氣，但咸左少少，味精應該落唔少。不過勝在環境舒適，有冷氣。…Read More