Paradise Veggie

久唔久都會去食下素食自助餐 樂園素食都係其中一間覺得唔錯嘅餐廳皆因與其他素食餐廳相比 佢鋪面更為闊落 坐得幾舒服之前試過一次午市 覺得平靚正 食物選擇又多心思思都試埋豐富啲嘅晚市 於是就決定揀日再戰💫到訪當日為平日 每枱獲贈一人一盅滋潤補燉湯仲有一客手工冰鎮素咕噜肉估唔到咕噜肉幾有驚喜😍外皮炸得好脆 入面係雞脾菇 食落幾可亂真另一個驚喜就係以麵筋製成嘅素叉燒😋用火槍燒過 賣相格外吸引 令人垂涎三尺晚市會有職員即席炮製多款素串燒🍢 仲有素章魚丸子添😆而各款賣相同真壽司相差無幾嘅素壽司🍣都好值得一試😙最近都新出咗野菜pizza同XO醬炒蘿蔔糕🤤炸物方面 推介天婦羅、素炸豬扒、南瓜餅🎃同素雞脾而餐廳仲有好少見嘅紅菜頭脆片 脆卜卜之餘 因為加咗糖 食落似蛋散 略嫌甜咗少少甜品方面 雖然只有泡芙同埋朱古力布朗尼 不過味道都唔錯至於熱薰 當然亦有不同選擇如沙爹金菇卷、咖哩蘿蔔魚蛋、炒粉麵飯、薑醋蛋等我第一次食齋魚蛋 估唔到係超級彈牙😂口感未必人人鍾意仲有個極之特別嘅口水西瓜 呢個配搭好新奇 甚至有少少走得太前總括而言 晚市百幾蚊食到咁多食物都算幾抵有唔少都幾特別 鍾意自助餐嘅朋友不妨一試🤓…Read More

聖誕個個都想食自助餐，但又有冇諗過其實素食BUFFET都可以好豐富😉今次同朋友搞下新意思，食素過下節日。平日午餐時段每位$78，可以食75分鐘。呢到環境都幾寬敞，而且裝修簡約得黎幾清新唔錯，先繞場一周睇下有咩食先😃主要類別有沙律、前菜、炸物、壽司、飯麵類、齋菜、熟食、冷盤、湯類、糖水甜品、飲品等等，非常豐富🤩沙律吧🥗，沙律菜有三款，連埋多款配料同醬汁可以選擇開胃前菜：陳醋雲耳、中華沙律、胡麻手拍青瓜🥒日本枝豆、一口蕃薯、醃菜香草焗法包🍕、素餃子🥟壽司區🍣，有幾款壽司之外仲有卷物炸物區有什菜天婦羅🍤豆沙芝麻球、芋茸地瓜丸🧆南瓜餅🎃、一口蘿蔔🥕可愛豬仔造型嘅蒸饅頭🐷素肉絲炆茄子🍆、欖菜四季豆茶樹菇蔬菜類🥦鹵水豆腐、南乳豆卜蓮藕椰汁南瓜芋頭🎃、葡汁西蘭花🥦甜酸齋、雙菇炆蘿蔔🥕薑醋蛋🥚蒸蕃薯🍠、粟米🌽冷豆腐、冷烏冬勁多野食可以拎🤩飲品區除左有豆漿、茶包🍵之外，今日仲有洛神花檸檬水、羅漢果甘草水，夠健康養生🥰呢到連咖啡機☕都有，冇諗過飲品都會有咁多選擇👍🏻視察完咁豐富，一於開餐😜燒粟米壽司食落又幾特別😃香草焗法包幾滋味下😋一口蘿蔔細細粒方便食，佢加左少少調味粉更加香口啱晒我食🤤番薯條甜甜地唔油膩，酸齋菇類都唔錯清蒸粟米同蕃薯，食到本身食材嘅清甜，番薯夠晒淋唔會未夠熟硬晒😋飯麵類都唔錯，黑松露炒飯味道夠香，飯粒軟硬適中，至於素肉絲炒麵同炒河夠乾身，唔會炒到痴埋一堆再食多轉壽司，後尾先發現原來仲有壽司鼓油同WASABI可以拎，真係好似食緊壽司一樣😜食下D炸物香口野，春卷、手抓餅、生煎包、天婦羅、煎餃子，夠惹味🤤赤小豆粉葛湯，清甜滋潤，湯渣D粟米都幾甜😁雪耳桃膠糖水超足料，桃膠大大粒絕不手軟，口感幾Q彈，好養顏🥰海帶綠豆沙糖水味道啱啱好唔會過甜，如果可以再沙D口感會更加正基本上由頭食到尾，款式實在太多，未食勻晒全部野食，都已經食到好飽好滿足，價錢經濟實惠，認真抵食，絕對值得再ENCORE🤤店鋪非常注重衞生，每位食位都必須戴齊口罩手套先可以出去再拎野食😉而且職員REFILL食物效率都幾高，唔驚冇野食，仲要好主動收碟，親切有禮，值得一讚👍🏻…Read More