Greyhound Café (海運大廈)

週末晚上在海港城搵嘢食，好多餐廳都大排長龍，由於唔想排隊，就擇左海運大廈呢一間Greyhound Café~入到餐廳整體環境還可以，擇好主食之後，本身想點佢地既甜品一試，但已經賣哂！令我有啲好奇，到底系好好食，定只系供應量少呢？而叫左既主食分別系泰式海南雞飯同埋泰式青咖哩雞配泰式薄餅，不過不失，個人評分3.5分，唔會太差~ 反而叫左一個appetizers薄切三文魚配泰式辣汁，覺得唔錯，亦系佢地既Recommendations之一，個人評分3.8分~薄切三文魚配泰式辣汁Salmon Carpaccio in Spicy Hot Sauce***SignatureSliced fresh salmon swims in special Thai spicy sauce泰式海南雞飯Hainanese Chicken RiceYour favorite chicken rice, only with Greyhound’s 3 kinds of sauce泰式青咖哩雞配泰式薄餅Thai green curry with Chicken, served with roti breadPassion FashionPassion Fruit, Lime Juice, Mint Syrup整體來說食物一般而且性價比唔算太高~ 同價位泰菜有好多更加好既選擇~…查看更多

喂！又係呢間「灰狗」？？（想知點解叫灰狗可以睇返上幾個post🤣）係呀又係呢間泰國嘢🇹🇭✨咁短時間翻食緊係有佢原因啦🤰🏻～-泰式沙嗲豬頸肉 $88呢碟豬頸肉同平時出去泰國餐廳食既唔同！就係多左兩串多士同小拌菜✨賣相很OK呢💖首先講下主角豬頸肉 肉質夠淋唔會好難咬 但炭燒味略嫌唔夠 姐係唔夠惹味！冇個種令人食完一舊又一舊🤔多士都夠脆 但就唔太掛汁 食極都有少少乾身😶‍🌫️所以NANA就一般呢碟豬頸肉啦！-薄切三文魚配泰式辣汁 $128「友人表示有驚艷到！！」第一道前菜就係呢個三文魚 友人食第一舊立即雙眼發光！因為佢冇諗到咁開胃！酸酸既泰式辣汁配上新鮮既三文魚刺身 再加埋小蒜片 係無比既夾🔥（哈哈好似太誇張）總之係一個好正既開胃前菜 NANA十分推介！！！-鮮蝦炒金邊粉 $138本身係意粉同金邊粉之間選擇 最後都揀左泰式啲既金邊粉！但NANA覺得應用揀意粉呢⋯因為金邊粉偏乾偏淡 撈埋辣椒都冇太大幫。。🙁所以一般唔太推薦-蒜蓉包 $28呢個蒜蓉包賣相吸引 但食落唔夠鬆軟甚至有啲偏硬 而且蒜蓉味唔太出唔太濃 普普通通～🌝-泰式奶茶千層蛋糕 $78唔知係咪主食食得太多濃味既野 覺得呢個泰式奶茶奶茶味唔夠重 只有淡淡嘅奶味 如果比NANA揀都係會揀返椰子千層蛋糕 因為入邊有啲椰子肉！-Coco Shake $62上次都有飲呢一杯椰子沙冰 再叫就梗係有佢嘅吸引力！椰子好濃好香 而且入邊有椰子肉！推薦推薦！💓-整體而言都係最鍾意個三文魚🤤🤤🤤今次食㗎其他嘢都普普通通一般一般 下次再試其他🤫-評分時間✏️環境：5/5味道：3.5/5服務：5/5價錢：3.5/5…查看更多

👉🏻👉🏻無懼限聚令下大家都要聚一聚！GREYHOUND Cafe係fusion 泰菜，打開餐牌好多款食品。我哋叫咗十幾款，由於太多，我重點講吓較為特別嘅款式👇🏻👇🏻👇🏻👇🏻👇🏻👇🏻薄切三文魚配泰式辣汁～一入口嫩滑嘅三文魚，配上泰式青汁，雖然話係辣汁，但我怕辣嘅人都覺得唔辣，食落香濃帶一點清新，好特別🙌🏻🙌🏻🙌🏻🙌🏻海鮮冬蔭公炒縲絲粉～咬落香濃帶少少酸，好開胃！配埋有一隻手掌咁大嘅虎蝦，好鮮甜。每一啖縲絲粉都掛滿汁，加上有唔少海鮮配料，配合得「天衣無縫」，勁好食！極力推介🙌🏻🙌🏻🙌🏻🙌🏻🙌🏻脆炸粟米餅配甜酸汁～外皮香脆，入口咬到一粒粒粟米，雙重口感，味道不錯，推🙌🏻🙌🏻🙌🏻🙌🏻越式鮮蝦雞肉米紙卷～一拎起就黐住哂，抆開就散哂，食落好似鮮蝦腸粉咁。無乜特別，個皮係失敗之作🙅🏻‍♀️🙅🏻‍♀️🙅🏻‍♀️松露油炒雜菌～食落無松露香味，較淡口。旁邊嘅法包唔脆，一啲都唔吸引又唔香。唯一可取之處就係嗰一個香甜嘅焗蒜頭🧄，好食又唔會食完口臭，正👍🏻鮮香煎牛柳粒配香蒜汁～牛柳煎到七成熟，好腍！味道無乜特別，普通嘅煎牛柳粒！泰式炸蝦.魚餅球、招牌脆炸單骨雞翼、泰式小食拼盤、炸魷魚圈、風味炸薯條配蒜香汁～呢幾款小食無乜特別，普通嘅餐前小食。海鮮菠蘿炒飯～有兩大件鮮菠蘿，好香甜！炒飯同普通菠蘿炒飯無乜分別！帶子.蘆筍.香草寛麵～蘆筍爽脆，帶子鮮嫩。如果你好鍾意香草汁嘅草青汁，就啱食。泰式銀魚柳意大利麵～入口好濃嘅咸香味，意大利麵彈牙，有少少銀魚柳碎，好特別。温馨提示：如果唔鍾意咸香濃烈味就唔好嗌啦！唔係個個都接受到。呢間餐廳坐落好舒服，無壓迫感。服務態度非常好！…查看更多

去完AIA答返船過尖沙咀搵食~Greyhound Cafe 又係無論咩時候都排晒隊ge餐廳~是日如是啦~~只不過6點幾就開始排隊啦~~~但我見其實入面都有吉位呀~只係唔放人入去咋嗎~~~感覺尖沙咀冇咁迫~坐得舒服d~三文魚配泰式辣汁~~~正~酸酸辣辣好開胃~三文魚真係簿片 唔會好"溜"佢仲有另一隻三文魚菜式~之前試過~~~唔掂!!!呢個真係推介呢~米紙卷~略嫌個汁太甜~個皮都係好簿~入口唔會漲住晒~但今次入面d豬肉料好似乾左d~d生菜好新鮮~但未必有下次!!!蝦醬炒飯~好好味~~~~但又唔會好咸~不過油左少少..個炒飯加左lemon之後會好好多,更加開胃!!!最後有每次都必叫ge椰子蛋糕~如果佢雪凍d就好啦!!!!不過佢d椰肉真係好鮮甜~~~而且你見到啦~~~係有好多!!!!!!會再返黎啦~~~~ …查看更多

老豆生日亞哥提議去greyhound 試下，老實講，本身上openrice睇見食評一般所以都無太大期望咁去食，唔知係咪因為咁，所以反而有驚喜。先講service, 我地本身book左枱但我地張枱上面盞燈壞左係度閃下閃下（好disco feel 好暈），咁我地當然要求換枱，但全場已full所以佢地都無辦法換枱比我地。而且燈是由一個總制控制所以佢地亦都無辦法幫我地熄左佢，但佢地都有努力幫我地諗辦法熄左，熄左之後雖然係暗左少少但我地都覺得OK所以唔換枱都得。但當有客人埋左單先佢地都有主動問我地仲需唔需要換枱，所以service絕對值得一讚。另外，食物如之前所說，整體都唔錯，每碟份量不算大所以試左好多款食物呢！…查看更多

東南亞美食當中,泰國和越南菜最得我歡心,也許是因為小女子最愛酸辣的食物, 是晚又即興和朋友仔去海運覓食, 決定試下哩間由泰國來的過江龍:環境: 位於海運大廈,十分方便, 檯椅不算很貼,有靠sofa位, 坐得算舒服薄切三文魚配泰式辣汁$98, 朋友仔好喜歡吃三文魚,因此二話不說便order, 上檯看見蒜片感覺是有點像泰式生蝦的模樣, 橙綠相間, 好吸引,綠色相信是香草醬,泰式汁調得酸酸辣辣, 配合蒜片, 好開胃,又夠辣,如好酸辣道者, 必叫!取價$98 有7片, 我們兩人,都可分到3片,如人多的話, 1片對我而言,真的不夠呢! 春卷 $68,這款長春卷,英文名是pork stick , 顧名思義,內裡真的很多肉,炸得鬆脆,點其甜酸醬,其實是不錯的小食, 但2個人食真的好飽,既長身又啖啖肉,人多叫哩款會好d鮮蝦炒金邊粉$108, 碟邊放 有花生碎和乾椒碎,自行將銀芽一拼混合, 整體混合而吃很香口, 鮮蝦鮮味一般,金邊粉份量不多,相信約1飯碗多,取價 $108, 有點貴,如人多不值得叫,每人可能只分得一啖粉而已!燒豬柳肉配糯米飯$88, 朋友仔只吃豬,不吃牛,因此點了哩款讓他獨享, 我試吃1件豬柳,燒得乾身夠香,又能保持肉汁,豬柳又好滑,糯米飯是一人份量, 取價$88,比較抵食,下次可encore炸薯條$28, 是服務生推荐的食物, 本來不想叫怕吃不下,見價錢不貴而且服務生說份量不是很多, 又姑且一試, 薯條灑了一些香料粉,白色的沙律醬內有蒜粒, 點來吃一點也不漏!飲品:當然要試試人氣茶冰凍檸茶$35, 茶冰用檸檬茶做,保持濃度,配上青檸,窩心的配搭!朋友仔則叫latte$32,香滑而不會太strong服務: 8點前顧客不是很多,上菜快,服務生水準一般由於walk-in要8時還檯, 未能一試甜品, 下次再來!…查看更多