Kyoto Ichinoden

有日去海港城無印良品買嘢，見到對面有間🇯🇵日本餐廳「京都一の傳」嘅午市套餐幾抵食，連星期六日都有，所以就同小妹試下！😏餐廳和風日系嘅裝潢，中庭放有一棵🌸櫻花樹，啱晒打卡！餐廳主打西京燒及懷石料理，而午市套餐最平只需$228起，就可享用西京燒銀鱈魚定食，另外仲有和牛壽喜燒、刺身丼、鹽燒日本A4和牛定食等，款式多樣，除了主菜，前菜、茶碗蒸、甜品都一應倶全。是日前菜有芝麻醬秋葵，健康開胃。茶碗蒸加入一絲絲松葉蟹肉芡汁，更添滑溜鮮味。⭐️推薦❗日本A4和牛壽喜燒定食（$398） 牛肉份量十足！😍肥美軟嫩嘅日本A4 和牛大理石油花均勻細膩，肉味濃郁，肉質細嫩，令人唾唌欲滴！🤤配上壽喜燒香甜可口的醬汁，超正！☺️加上配菜菇菌、葛粉等，美味しい😋。⭐️推薦❗雜錦刺身茶漬丼定食（$388）賣相好精緻，刺身有9款之多，又好新鮮，中拖羅、油甘魚油香豐腴，三文魚籽鹹鮮味美，蟹肉鮮甜，仲有海膽添！😍真係好抵食！食晒刺身之後，可以注入高湯，茶漬湯飯就大功告成！茶漬飯散發香濃的茶香～套餐仲可以升級加配和牛丼、烏冬、刺身、小食一客，一の傳風唐揚雞（+$38）一客有三件，鹹酥香脆的外皮，裏面是充滿醬汁香氣的鮮嫩雞肉，不過略嫌炸雞上枱時唔夠熱。最後，每人送上一客蕨餅，微甜軟糯，作為完美的總結。…Read More

銀鱈魚不嬲都係我最愛，中意佢肉質好滑，入口即化嘅感覺，今次呢個可能係醬汁關係特別入味，而且唔會燒到啲油出哂嚟，仲有個蒸蛋真係好出色，但我唔記得影，應該叫定食就會包埋。呢個不得了喇，大份到嚇死人呀，一個人無可能食得完呀，上面有虾、魚、蕃薯、菇等等，莫講話女士，男士都一樣會飽死。飯後甜品就基本，但我好怕死甜嘅嘢，冇諗過呢個蕨餅真係唔錯，加埋黃豆粉味道剛剛好，我係一個抹茶控，如果可以有抹茶蕨餅就100分喇。…Read More

今晚在海港城吃飯，這家來自京都的過江龍，環境實在無挑剔的地方，設有室外商場和室內的用餐空間。環境幽暗，餐廳中央有一棵仿樹，優雅得體。晚餐提供三款套餐，分別是「柳」$388、「碧」$588、「臙」$888一位。包括前菜、先附、揚物、蓋物、燒物、御飯、甘味。「柳」套餐⭐️前菜套餐都前菜都一樣。有鮭魚籽冷茶碗蒸、粟米豆腐配木魚高湯凍、冷冬瓜高湯煮配京都抹茶味噌、無花果天婦羅和季節鮮魚手握壽司。店員建議由左到右、淡至濃吃。食物以不同器皿盛載，份份精緻。⭐️先附 - 鰻魚青瓜醋物柔嫩的鰻魚配搭青瓜醋物，味道很清新。⭐️揚物 - 天婦羅盛合有炸天婦羅蝦和蕃薯。炸天婦羅蝦十分爽脆彈牙，味道不俗。⭐️蓋物 - 蓮藕羊羹加入柚子，在蓋上蓋子焗30秒。一揭開蓋，柚子的清香撲鼻而來，入口沒有羊羶味，口感挺特別。⭐️燒物 - 蔵味噌漬燒鱈魚，鱈魚燒得很香，入口魚肉嫩滑而不鬆散，配上日本的越光米，米飯香，魚肉美，不俗。⭐️甘味 - 蕨餅、京都抹茶最後以蕨餅配上京都抹茶，一大碗抹茶，入口香醇，配上蕨餅，是不錯的選擇。「臙」套餐部分菜式和「柳」重疊，只舉出不一樣的菜式。⭐️向附 - 五種類刺身盛合有帶子、 真鯛魚、牡丹蝦、深海池魚和吞拿魚。刺身新鮮，還看見魚皮閃閃，來自日本的魚肉的確恨美味。另外再炸了蝦頭，外表裹了一層粉砂的麵衣，入口出奇地酥脆，竟然如此香，很好吃呢！⭐️握物 - 炙燒和牛海膽壽司最好吃就是和牛壽司。以火槍炙燒和牛，再加入海膽，入口既有海膽的甘甜，也有和牛的香氣，和牛薄薄一片，軟軟滑滑的十分美味。⭐️燒物 - 蔵味噌漬、三種類盛合 燒物分別是燒銀鱈魚、三文魚和魷魚。魷魚的口感最特別，燒過之後帶點Q彈的口感，不錯。⭐️甘味 - 小菓子盛合、京都抹茶有蕨餅、抹茶蛋糕、荔枝羊羹和銅鑼燒。荔枝羊羹的味道類似大菜糕，最好吃是蕨餅，軟軟糯糯的，很滋味。▫️用餐環境一流，燒鱈魚的確是這裏的招牌菜。…Read More

每年生日都會搵一啲近期最想食嘅餐廳去試，今年被選中嘅細路就係呢一間日本菜。作為一餐生日飯，當然要叫個最貴嘅餐黎慶祝一下～晚餐分為三大類，分別係柳、碧、臙，價錢亦都相對唔同，當然個分別就係食材嘅珍貴到啦。今次叫咗一個柳同一個臙share食，前菜係一樣既。前菜有幾樣野，當中最鍾意嘅係三文魚子茶碗蒸同埋胡麻豆腐，炸雞同個青瓜醬都好夾而且非常新鮮嘅配搭，初頭諗住會唔夾，但係最後竟然覺得佢好好食想食都夠。其實我唔食青瓜嘅，但係日本直送嘅青瓜同香港嗰啲街市青瓜個味真係非常唔同，日本青瓜冇嗰種青草味，好易入口，所以我都係食到嘅。柳嗰個餐有一個青瓜鰻魚醋嘅前菜，底部嗰啲啫喱係醋嚟嘅，要撈埋一齊食，真係好鍾意食一種日本醋嘅味道，撈埋一齊之後成件事唔會好油膩而且好開胃，食嚟到呢個蓮藕羊羹，超級鍾意食呢個樣更，因為係膏狀嘅物體入邊有一粒粒蓮藕嘅質感，加上佢個高湯茨汁，食落真係好Flash而且又可以飽肚，相信減肥嘅朋友應該好愛呢一個菜。前菜完之後就係重頭：和黃牛海膽壽司了！和牛海膽壽司係屬於最貴嗰個餐入邊嘅，薄切嘅黃牛一見到啲雪花都已經流晒口水，師傅係你面前用火槍燒一燒佢然之後你包住海膽同飯一齊食，入口即溶嘅感覺真係超級幸福！天婦羅出面層脆脆就係我嘅最愛！嚟到主菜燒魚同越光米，其實食完上面咁多嘢都已經飽左，但係燒新鮮嘅魚係日本菜入面嘅精髓之一，特別係三文同銀鱈魚，魚嘅鮮味好香，店員建議我哋唔好點蛋黃醬食先可以食到個鮮味，我同意嘅，所以即使好飽都清晒所有嘅魚類，非常滿足。食完咁大堆嘢仲有甜品啊！柳嘅係蕨餅， 臙嘅係一個甜品拼盤，有銅鑼燒、荔枝羊羹、芒果奶凍、綠茶蛋糕仔、蕨餅，由於所有嘢都比較甜所以奉上一杯抹茶，梅花間竹咁樣食同飲的確可以消除一啲甜味，而且甜品做得非常出色，特別欣賞個抹茶蛋糕仔同蕨餅，係日本嘅味道啊！…Read More