SanSui Aged Beef Bistro

是日又黎到K11搵食，今次試吓呢間山翠熟成牛料理，主打自家熟成肉類，呢個主題外面確實少見，果然夠吸引！午餐時間都算人多，成間餐廳坐滿哂。午餐除左牛，仲有豬有魚，選擇好多！價錢算正常。環境好日系，好似去咗食日式料理咁。開頭以為午餐個前菜係三樣嘢揀一樣，蕃茄豬骨濃湯，和風沙律或煎餃子，但原來番茄豬骨濃湯係一定有既，只係選擇和風沙律或餃子，我哋兩樣都試哂。蕃茄豬骨濃湯👇🏻正常啦，唔係特別出色。青菜豚肉餃&和風沙律👇🏻餃子意外地好食，估佢唔到。沙律略嫌細碟，同埋啲菜係一大塊，只係簡單幾塊菜放埋一碟，加啲和風沙律醬汁。主角嚟喇，雜錦熟成牛肉料理$158👇🏻走飯，配溫泉蛋。雜錦即係：牛脷，牛骨肉，牛腰肉。朋友食完第一舊牛脷，話：”係得嘅”，好食。就算唔要飯，份量都好夠！👍🏻除咗牛，我哋試埋佢嘅豬：燒胡椒黑毛豚肉扒$128👇🏻跟藜麥飯。正常好味，同牛肉比豬係差少少，但唔差嘅。煮得好淋，調味好夠。藜麥飯出奇地好食，食得到係日本米！好食到我食晒成碗飯！😍唔記得可以添飯，唔係我一定食2碗！餐飲配蒸漏咖啡或是日花茶-玫瑰花果茶👇🏻我哋兩個都揀咗蒸漏咖啡，係日式咖啡嘅味道。好飲。叫完先知可以揀凍飲...以呢個價錢，食到呢種質素嘅牛肉，仲有好好味嘅日本飯，服務員嘅態度又好，係絕對會返轉頭再食！…Read More

復活節假期第一日，去了尖沙咀K11開餐。這個商場以購物藝術館作為招徠，應該都是香港第一個。商場室內地面首層有一個固定空間，長期安排了小型藝術展，而且定期轉換主題，保證帶給客人新鮮感；室外更加規劃了一個有蓋露天空間，開放予公眾作為休憩用途（雖然可能只是市區重建的地契條款），所採用的綠化設計併入了舒適休閒風格。概括而言，整個商場的規劃雖然是商業主導，但刻意加入了可持續發展及以人為本的概念，有別於香港其他純商場項目。商場內當然有多間食肆，但細心留意就不難發現，大部份餐廳皆並非一般的連鎖集團食肆，似乎商場宗旨就是盡量引入個體經營餐廳。一來突顯商場的藝術購物館概念，食肆也是獨特而有品味；二來，這種人冇我有的特色，也是一個吸引客源的有力誘因。今次就揀了開業未夠一個月的「山翠熟成牛料理」。餐廳位於商場一個不太起眼的位置，加上門面裝修低調；如果不是刻意留意，好容易就會路過而看不見。近門口位置有點三尖八角，並不好用；索性僻成一個展示架，擺放本地藝術家的手製陶器寄賣 ⋯⋯ 似乎餐廳老闆相當支持本地陶器藝術家。餐廳以「料理」兩個字為名，差不多等同開宗明義是日本菜餐廳。裝修風格同樣是東瀛風味，以本材為主要裝修材料，配合簡約的插花藝術（花道），但同時又配上暗淡燈光 ⋯⋯ 感覺休閒舒適、甚至帶點禪味。以牛為主題，還要講明是熟成牛，當然不能缺少一台內裏擺滿大大塊自家熟成牛肉的雪櫃。論熟成牛肉凍櫃的大小尺寸，雖然比不上香港其他大型扒房，但總算顯示出餐廳老闆的誠意。午市套餐共有13款，其中六款是不同烹調方法、不同部位的牛肉，牛魔王一定可以找到喜歡的一款；為了照顧唔食牛肉一族，其餘七款分別是豚肉、魚及日式餃子。即使只是午餐，所採用的牛肉也經過兩週乾式熟成處理，定價全部 $138 或以下，性價比高。要奢華一點嗎？也可以選擇 a-la-carte 餐牌上的主菜或小黑板上的是日精選推介，但就要接受「山翠」主打牛料理的事實，差不多全部都是牛肉。沙律非常簡單，只有幾塊西式葉菜及少許黑醋調味。蕃茄豬骨濃湯沒有湯渣，熬湯的豬骨、蕃茄、洋蔥及其他蔬菜渣滓已經全部隔走，只餘下一小塊豆卜，稍為煲煮後已完全吸收蕃茄湯的味道。稱之為濃湯很恰當，雖然未及西式餐湯的濃稠度，但以日式清湯來說，已經是非常濃稠。充滿蕃茄天然酸味，並沒有刻意加入大量糖分調味，只是依靠其他蔬菜的清甜減低酸度，可以說是百分百全天然番茄及蔬菜濃湯。每款牛肉套餐的定價唔高，就算 a-la-carte 餐牌也很合理。原來餐廳所採用的是澳洲（安格斯）牛肉，一來較美國牛肉價錢合理，而且經過熟成處理之後，肉味及質素也不遜色於美國安格斯牛肉。燒牛腰肉料理套餐（$138）秉承日式料理傳統，擺盤簡約而精緻；藜麥飯上面的溫泉蛋、圍著飯糰的五片厚切牛腰肉、五色繽紛的漬物及喜馬拉雅山粉紅岩鹽。每塊牛腰肉約 0.5cm 厚，中間呈五成熟的淡鮮紅色。肉味香濃豐富不帶油膩，肉質嫩滑、鬆軟；尤其是那種軟綿、略帶煙韌（但仍然鬆軟）、纖維緊致的咀嚼口感，越咀嚼越美味。燒胡椒黑毛豚肉扒套餐（$128）的擺盤稍為及不上牛腰肉套餐，但同樣滲入了顏色元素，同樣引人垂涎三尺。採用西班牙黑毛豬脢頭，並利用日本清酒及鹽預先醃制熟成，肉質更鬆、更嫰滑。黑豚肉大約八成熟，橫切面呈現淡粉紅色；表面又灑上份量不少的黑椒碎，增加了適度的辛辣及香味。咬一啖細嚼，肉味香濃、肉質鬆軟中帶點結實，優質西班牙黑毛豬扒！套餐包括白飯 / 藜麥飯任添，並可選配生雞蛋 / 溫泉蛋 / 全熟蛋。白飯撈生雞蛋、再淋上少許蘸牛肉的醬汁，蛋黃香加上米飯香，就算沒有牛肉都已經非常好食！除了牛，a-la-carte 餐牌還有一頁小食，雞、牛、魚、蝦、豚等各款食材都有，款式較簡單。始終是牛料理，所以追加了兩本牛串燒，分別是牛肋肉（$38）及牛肉眼芯（$38）。兩串同時送上，睇賣相已經懷疑其中一串並非牛肉䀶芯。先試食牛肋肉，肉質及不上牛腰肉軟綿，肉味亦較淡，但脂肪及肉汁較多、肉質纖維亦較鬆化，咬落較容易咀嚼。咬了第一啖，就肯定廚房搞錯，變成了牛脷芯（$38）。向侍應姐姐反映，查單後承認廚房搞錯，補回牛肉眼芯（$38）⋯⋯ 變相送了一本牛脷芯（$38）。牛舌稱不上厚切，但有明顯坑紋圖案，估計用了坑紋爐高溫明火燒烤。咬落去有點偏硬，雖然未至於乾身、仍然有不少肉汁，但疑似過了火喉，怪不得表面的燒焦坑紋如此明顯。咀嚼下去爽口彈牙有餘，但有少少韌。牛肉眼芯（$38）細細塊、同樣有深遂坑紋，但夠厚身，沒有過熟。比起牛腰肉及牛肋肉，肉眼的脂肪含量一定最高、肉味最重、肉汁最濃，咀嚼下去也是最鬆化；只是缺少了牛腰肉的那一點綿韌、纖維緊致的口感。整體來說，仍是非常好味，完全做到了優質牛肉眼的重點。餐後送上了一杯滴漏咖啡及是日精選花茶。注意到那個小小的咖啡吧上放了一台即磨咖啡粉機器及一個滴漏咖啡壺，另外還有兩三個盛載了花茶茶葉的玻璃甖。雖然只是一間面積細細的日式風格料理，但咖啡、黃糖及鮮奶分開送上，比起很多高級餐廳還要細心。花茶口味更是非常獨特。一問之下，原來餐廳老闆對咖啡及花茶非常有要求，尤其是花茶，甚至自己配製，定期轉換口味！就以今日的荔枝味花茶作例子，老闆精選茶葉之後，再配以風乾荔枝，這種口味實在很難在別家餐廳、甚至花茶店找到。茶味芳香，每一啖茶皆沁透著荔枝獨特香味及荔枝清甜中的一抹似有若無的微酸 ⋯⋯ 這杯純天然荔枝味的花茶，比起很多所謂荔枝特飲的人造荔枝味道優勝很多倍，估唔到這杯免費餐飲可以如此精彩。以價錢而論，牛肉質素比預期中出色，性價比高；餐飲（尤其是精選花茶）更是喜出望外；加上用餐環境休閒、甚至帶著一點禪意 ⋯⋯ 值得推薦！…Read More

山翠熟成牛小店位於K-11入面嘅新食店，環境幾舒服，餐廳以木為主好和式。旁邊仲有個DRY AGED 櫃俾我地睇倒熟成過程日純燕麥飼養黑先安格斯西冷扒  -   熟成兩週，肉質有彈性，通常dry aged牛都比較乾身，但呢隻較黏口所以感覺好juicy。而筋位部份特別香，但油份較重。牛肉味帶鮮甜，不過建議襯熱享用。兩週乾熟成牛腰肉料理  -  一黎到見到好似好細碟咁，男仔可能真係食兩碟都唔夠飽，但原來飯係可以refill, 咁都唔錯。牛腰肉熟成過比較乾身，肉汁唔多但牛味濃。碟邊有好多種唔同嘅調味料，如果想味道再突出d可以加少少鹽，但個人黎講就覺得原味已非常足夠。蕃茄豬骨濃湯  -  原隻蕃茄熬製，非常鮮甜。味道濃郁而不油膩👍🏼花茶  -  以南非博士茶及藍莓製，未飲已經聞到好香甜，入口甘香，食完肉再飲淡又可解油又可消滯。…Read More