Gyujin Shabu Shabu & Sukiyaki Restaurant (Causeway Bay Plaza I)

❤️🤎❤️壽喜燒🍲黑毛和牛放題近排嘅天氣凍凍哋，又臨近佳節😚一於同屋企人岀去食返鍋物肉肉，吸收返啲暖意同埋能量先！之前都有買過壽喜燒set返屋企自己煮，不過肉肉永遠唔夠食🥹今次留意牛陣有壽喜燒和牛放題，啱晒我哋依啲食肉獸啦！講有咩食之前，有冇人仲未知咩係壽喜燒先？🤪壽喜燒其實喺日本嘅節日或喜慶場合會見到嘅鍋物，雖然喺香港唔難發現壽喜燒嘅蹤影，不過既然牛陣有得放題任食，何樂而不為？😏❣️日本產 黑毛和牛及北海道四元豚 放題套餐❣️ 90分鐘 壽喜燒 $369/ppl上菜後會有店員講解食法，另外都有QR code俾大家重溫返！1️⃣先用牛脂肪起左個鍋2️⃣輕炙一下和牛，大概10秒3️⃣再淋適量壽喜燒汁🫗4️⃣沾上蛋液就食得🥚日本鮮雞蛋係套餐包埋，可以任食嘅🤪️ 🖤限定湯底🖤話明食壽喜燒，湯底緊係揀日本產鰹魚清湯同埋香甜關東風壽喜燒啦！🍲湯底用完可以refill㗎！❤️日本產 黑毛和牛❤️可以任食黑毛和牛真係好幸福，咁高質素緊係要encore多10盤8盤啦！😍一盤接一盤，啖啖肉🤤肉質柔軟嫩滑，肉味香濃 越食越上癮！🥩店員都好nice，last order前仲問我哋使唔使加多幾盤🤣大家可以放開食呀！😏🤍北海道四元豚🤍豚肉顏色粉嫩，食落口唔會好乾好韌，係靚豚肉🐖依個豚肉唔沾醬汁，食原汁原味更香呀！💚野菜拼盤💚依個拼盤係跟餐嘅，部分都可以喺自助區夾到🥬特別之處，就係依個擺盤夠靚 啱晒打卡！😛當然唔夠食都可以喺自助區夾啦！😙🤎牛陣咖喱🤎食牛陣又點可以錯過佢哋嘅咖喱，每次嚟都一定食返夠🍛香甜又唔辣，真係越食越開胃！💛關東煮💛估唔到依度仲有關東煮🍢，關東煮款式都幾多，值得highlight就係佢哋嘅心形魚蛋，食完夠晒窩心🥰💜雪糕💜食完都未夠喉？係時候整返幾球雪糕啦！當日Häagen-Dazs雪糕有4款口味，當日嘅黑糖奶茶雲呢拿係最受歡迎🤣因為真係好好食！🍨依度啲牛牛真係好高質，強烈建議大家先訂位🥹就算平日都full house，如果冇訂位就唯有等啦！(當日都見到有幾枱walk-in 客等咗30-60分鐘…BTW記得save post，方便向店員查詢有關套餐啦❣📍牛陣📍銅鑼灣軒尼詩道489號銅鑼灣廣場一期3樓301-303舖…Read More

呢排啲菜勁貴，出街叫菜食都少左份量，有乜好得過自助火鍋？今日去左牛陣，叫左最平嘅定量，主力食菜同哈根大師雪糕。嚴選牛肉定量套餐每人$99另加一，時間60分鐘。嚴選牛肉一盒有8片，一盒得6片，奇怪。牛肉夠瘦，唔算太薄，食落唔算太韌，算係咁。湯底每人加$5升級，叫左藥膳香辣湯同壽喜燒湯。藥膳香辣湯夠辣，食到後尾少左辣味就食到藥膳味。壽喜燒湯就淡得滯，打邊爐淥野食係冇味，好差，仲要加錢。自助吧有以下配料，蔬菜選擇算多，質素可以，有6款丸類同香腸，仲有麵類：白魚蛋：好粉，難食芝心丸：可以接受蝦味丸：無蝦味或者質感脆皮腸：正常愛心魚板魚豆腐：麻麻包心貢丸+貢丸：包心貢丸入面多汁又有一粒細肉丸；貢丸正常洋蔥南瓜冬瓜芋頭秋葵番茄蟲草花金菇冬菇其他菇類雞脾菇豆腐羽衣甘藍菜苗生菜娃娃菜海帶雲耳蓮藕芽菜白蘿蔔萵苣仲有自助調味料。自助吧有以下熟食：關東煮有9格：大根太鹹；海帶結可以。另外仲有福袋，魚蛋等等。咖哩配飯：咖喱牛肉都有唔少牛肉粒，質素係可以架，個汁有d辣！炸蕃薯條同炸薯條唔係新鮮炸起。迷你鯛魚燒唔熱又唔脆。哈根大師雪糕一共有4種口味，包括大路既士多啤梨，雲呢拿，朱古力同曲奇忌廉。不過今日基本上得士多啤梨味，因爲其他雪糕全部見底。今次冇準時趕你走，都肯由你食埋杯雪糕先走，可能因爲服務員多過客。$115每人食菜同雪糕食到飽飽都叫抵食，時間都非常趕。…Read More

去完科學館已經晚上8點！肥髀見到呢間食店，佢其實唔知食乜，只係見到個名有牛字，我又無乜所謂，上到去見門口有客人坐住等，但我哋又可以即刻入座（可能佢哋人數多喇）坐近窗一個二人座位，好近取食物處，紅黑配搭，桌椅都幾迫，因只有一個半小時，即刻揀款蕃茄湯底，湯底唔同參考圖片有蕃茄肉，唔似新鮮蕃茄湯，似係罐頭蕃茄湯！不過味道都唔錯！酸酸地配牛肉無咁膩！店員再問我要邊款牛肉放題！我怕煩叫店員介紹，佢話澳洲牛肉放題質素好價錢又合理（大人$208、小童$88），咁都唔唸信佢！最好笑佢見肥髀，問我門口有無度高，知道無之後要肥髀企起身比佢睇，應該係跟高度決定可唔可以用小童價錢，湯底到了，我哋就出去攞蔬菜丸類，蔬菜種類都幾多，質素都唔錯！尤其喜歡有芽菜！配蕃茄湯底好味！牛肉雖然話任食，其實兩碟牛肉，一碟豬肉一定要食晒，店員先會再上，唔可以一次過上好多碟，避免浪費！牛肉真唔錯，夠薄，淥好口感幾滑，肥瘦部分分佈唔錯，我哋總共食咗6碟！豬肉有兩款，薄豬肉片比較爽口，煙肉肥美，不過我哋只食了一碟，都係食牛抵啲！個半鐘其實都唔可以食太多，我哋牛肉蔬菜相間咁食，肥髀食啲烏冬已經差不多夠鐘，仲有15分鐘剩，店員會攞單比我埋單兼提醒我時間！我同肥髀即刻去𢳂雪榚，名牌子雪榚，仲要有四款，四款我哋試晒，自己最喜歡朱古力，仲夾雜朱古力碎在內！不過呢隻牌子比較甜！飲品我哋試了四款，肥髀飲了芒果汁，道地檸檬綠茶（試了一啖味道好怪），我飲道地黑糖薑茶，味道都好怪，唔夾，無飲晒已經叫烏龍茶，烏龍茶無糖，味道易入口！地方唔算乾淨，我坐底對膝蓋會頂到桌腳，有著緊身褲膝蓋位置油膩膩，原來係啲湯汁滲到，我用濕紙巾一抹全部都係污漬！蔬菜區都乾淨，但雪榚區就差啲！連個雪榚牌都睇唔清！店員除招呼我哋入座嘅女店員係積極自發又健談，其他店員雖然勤快，但都只係叫乜做乜，有個阿姐唔知點解，上牛肉一定要疊住「品」字咁放碟，咁碟底始終唔知乾唔乾淨，我又執好個位，一定夠位放，旁邊二人枱個女枱客都係唔鍾意那位女店員咁做！臨走都有同積極女店員傾偈，佢好熟公司嘅牛肉，仲叫我下次再光臨試下其他款牛肉（係好親切嗰隻，唔hard sell)…Read More