GREEN TEA (Hysan Place)

餐廳裝修雅緻，座位之間少少逼。餐牌都有d 新意，都有會引起好奇心未試過嘅菜式。主菜龍井雞好清香嘅味道，茶葉味唔係好濃，味道清淡。有啲人可能覺得唔夠鹹唔夠味，但我自己係鍾意呢種淡淡清香嘅味道嘅。 蔥香脆皮烤鴨 唔係廣東燒鵝嘅味道。而係比較多五香粉嘅香味。個肉幾嫩，皮唔算特別脆，但係整體好香口。伴住碟有一個似XO醬加橄欖醬嘅醬料，同埋大量有鹽味嘅香蔥。無論撈埋烤鴨一齊食，或者就咁攞撈白飯都非常之惹味。份量唔算大，但整體係幾惹味香口好味。湯👌🏼陳皮菜蒲頭老鴨湯 淡淡地老火湯嘅味道，唔算鹹但係夠味，感覺冇味精。❌老鴨湯太鹹啦！飲落係金華火腿加油鴨臘肉嘅味道。蔬菜蛤蜊絲瓜 湯底最好味，係夾雜着絲瓜嘅甜同埋蜆肉嘅鮮，再加d 蝦乾嘅香味，好鮮甜。不過絲瓜反而冇想像中咁甜，冇咩味。至於啲蜆肉更加係煲得好耐冇晒味，唔需要食。油渣菜好油！菜炒得太油膩，食唔到菜嘅香甜味，同埋都食唔到油渣嗰種香味。主食👌🏼雪菜酸湯魚片啱啱送上枱，有啲覺得份量咁少嘅？因為平時食開啲酸菜魚都係好大隻碟，顯得份量好似好多咁嘅樣。湯底方面，係比較直接嘅酸味，但係酸得來又唔會太霸道。唔算太辣，味道頗溫和。加咗少少蒜蓉，喺酸嘅味道度多左少少嘅層次。魚片非常爽口，冇骨，唔似有啲地方會做得太腍好難夾起或者好易爛。整體魚肉比較結實同埋爽口。🤔黑松露牛肉粒炒飯聞起嚟幾香，但食落就唔多覺得有黑松露嘅味道。👌🏼雪菜黃魚麵 同平時食嘅雪菜黃魚麵完全唔同味道。湯底唔係鮮甜白色嘅魚湯味，而係比較濃味嘅醬油味，完全係另一種風味。冬菜鮮肉包麻麻地，有個杰杰地嘅醬喺入邊。甜品👌🏼西湖雷峰塔$28賣相好靚。綠色嘅汁其實就係甜甜嘅奶味。Menu話材料係用鮮山藥，但係食唔到淮山嘅感覺。…ดูเพิ่มเติม

小妹終於來到了大人氣的「綠茶」餐廳。餐廳在大陸已是非常有名，作為捧場客的小妹當然要試試香港分店水準。餐廳以園林風為主題，讓人彷彿置身於古代的大自然中。餐廳的設計有好多綠意盎然的植物、清新的竹葉和精緻的裝飾元素，環境優美舒服，都有種恬靜的氛圍。基本上香港分店的食物與大陸的都大同小異，最熱門的款式都有供應。⧭ 1. 粉絲裹蝦來到香港，即場烹製的環節亦沒有缺少。原鍋粉絲和蝦仁在鍋中呈上，再由店員的協助下即場加熱再烹調，保證新鮮。每一口咬下去，粉絲的Q彈口感與蝦仁的鮮美相互交融，粉絲吸收了蝦的鮮甜，口感上既有嚼勁又不失柔軟，而蝦仁亦保持了咬勁。味道和口感與酒樓的完全不同。⧭ 2. 蔥香脆皮烤鴨烤鴨的外皮金黃酥脆，鴨肉鮮嫩多汁。而且蔥花夠多，非常惹味，用來配飯實在一流。⧭ 3. 蕃茄煮有機花菜每一口都能感受到蕃茄的酸甜與花菜的清香，非常開胃，爽口又好食，停不了口。⧭ 4. 綠茶餅熱辣辣新鮮炸起的綠茶餅絕對是飯後甜點之選，綠豆蓉飽滿，趁熱食一口非常滿足，入口即溶。簡單來講，不用再專程北上食「綠茶」了。節省交通時間和車費，就在香港就能食回「綠茶」原味。…ดูเพิ่มเติม