HooHeyHow (Closed)

成日以為中上環一帶都係得酒吧西餐~估唔到有間咁可愛既魚蝦蟹😳簡約日系既裝修好舒服~食物選擇貴精不貴多~唔怕有選擇困難症😝揀左兩個升級set同追加左個小食🤤賣相好靚好吸引仲幾大份😮💜特大海蝦配招牌特濃鮮蝦湯麵隻蝦真係超大隻🫨好新鮮~湯底濃得黎唔會好咸好好飲~💜是日海鮮湯薯粉(魚片)呢款既湯底就清淡d但有鮮味~魚片啖啖肉好滿足~個人推介揀薯粉🤭因為會吸晒d湯好正~💜蒸魚肉燒賣配招牌特濃鮮蝦汁一個勁驚喜既小食😳連埋d蝦片食口感好得意~加埋個招牌汁真心好食👍🏻…Read More

煮碗麵成日聽就以為係好簡單嘅一回事，其實如果要好食就要匠心講究上環有間位置唔太高調嘅麵店，主打魚蝦蟹麵料理呢間招牌係冇味精嘅每日新鮮自熬嘅湯底，食碗招牌麵試吓佢地啲湯有幾正。蝦湯呈橙色，聞落好有蝦香，飲落濃而不鹹，真係到最後會飲晒啲湯。店長再三提醒大胃快啲食咗啲麵佢，因為麵同青春一樣，再沉浸人生會變詐糊。果然麵係要趁嫩食，麵嘅質感超爽彈，帶動湯底啜入口，太青春了！topping大胃揀咗蝦肉，煮得白滑爽嫩，成件事太對了呢一碗酸菜魚薯粉都好神奇，湯底自製，同坊間截然不同清清地又幾香口，飲落唔辣，但食啲薯粉就覺得好辣喇，諗唔明點解，可能索晒湯底嘅辣味啩？食落又脹卜卜又彈牙，啱晒大胃口味。酸菜魚麵嘅配料當然揀返魚片，厚切又嫩滑，魚香無窮嗌麵可以加錢變set，包含開胃前菜2款、是日炒菜或炸物、精選鮮果同罐裝飲品。每一碗麵都跟唔同前菜，今次有醃青瓜同糖漬蕃茄，清甜開胃會食上癮炸蝦炸得非常之脆而不膩，裡面蝦肉嫩彈。炸菜都算大碟，有幾款蔬菜喺裡面鮮果有火龍果同橙肉，都好甜㗎汽水可以自己喺cashier隔離拎，自助服務所以唔收加一另外追加一份小食，就係用佢地招牌嘅濃蝦汁，淋上彈牙嘅魚香燒賣，有啲crunchy做點綴，香濃嘅味道完美包住粒粒燒賣:)…Read More

👧🏻😋👅🍽✨無味精海鮮湯一飲到底😋-HooHeyHow 魚蝦蟹 🇭🇰 中環歌賦街45號地舖 🇭🇰-🍜 港式特式主食/小食, 同時有日式靚靚presentation, 經過門口見到bar枱差D以為係新開拉麵店🍜 主打海鮮湯底, 材料簡單但心機之作帶出濃郁風味, 健康美味無添加; 鋪位唔大但環境舒適仲有暖爐供應-🦐 🥚 特大海蝦配招牌特濃鮮蝦湯麵（配溏心蛋） $168💯海蝦大半隻手掌咁大, 肉質彈牙爽口超新鮮, 個頭仲有蝦膏; 仲配有幾塊魚片, 木耳絲同粟米粒💯湯底真係超濃郁, 只有蝦鮮味但唔鹹, 食完麵完全係可以當湯飲埋佢; 微曲麵條都幾掛汁-🐠 秘製酸菜魚湯米線 $78✨酸菜魚迎合港式風味唔會太辣, 魚肉厚身, 肉同魚皮都好滑✨酸酸辣辣湯底好清唔會油膩, 連粟米粒一齊食有對比會更突出酸湯風味-🍱 升級套餐 加$20✔️開胃前菜2款: 梅漬番茄同手拍青瓜都係酸酸地好開胃✔️是日炒菜/炸物: 脆炸吉列蝦幾大條可以過下口癮; 炒白菜唔會太油幾清甜✔️精選鮮果: 火龍果同鮮橙切成粒粒, 飲完個濃湯當甜品食清清口腔好好✔️罐装飲品: 自己去雪櫃拎, 想無糖有梳打水-🥟蒸魚肉燒賣配招牌特濃鮮蝦汁 $28💯蝦汁配燒賣好特別! 濃郁到我第一下以為係龍蝦汁; 加左蝦片切合返海鮮主題又有脆脆口感唔錯, 不過沙律醬略嫌搶左風頭, 個蝦汁已夠正😍 燒賣有咬口唔會好粉…Read More

大海蝦配招牌特濃鮮蝦湯麵（配溏心蛋）$188酸菜魚湯麵$98蒸魚肉燒賣配招牌特濃鮮蝦汁$28好味指數：😋😋😋😋抵食指數：💲💲💲💲💲環境舒適：😌😌😌😌環境衛生：🧹🧹🧹🧹🧹服務質素：💁🏼‍♀️💁🏼‍♀️💁🏼‍♀️💁🏼‍♀️推介原因：在中環工作，午飯時間不想人逼人，於是遠離商業大廈，去了歌賦街找餐廳。見到這間仿似日式拉麵🍜店，但實際是中式粉麵店，覺得好特別，便試一試。午市選擇不多，主要有4款湯底的粉麵套餐，包括招牌特濃鮮蝦湯、秘製酸菜魚湯、是日海鮮湯、特大海蝦配招牌特濃鮮蝦湯麵。另外可追加一些小食。我們二人點了2份湯麵套餐及1份蒸魚肉燒賣。每份湯麵套餐均配1款小食、2款開胃前菜、1份水果。小食是雜菜，有白菜🥬、蘿蔔、豆卜及少許肉粒，味道不會過濃，能吃到食材原本的味道。開胃前菜是醃酸蘿蔔🥕及梅漬小蕃茄。喜歡梅漬小蕃茄🍅酸酸甜甜的味道。水果是切成小粒的橙🍊及火龍果，方便食用。這些不同顏色的小食、前菜、水果拼在一起，感覺好吸睛。2款湯麵分別要了秘制酸菜魚湯米線及特大海蝦配招牌特濃鮮蝦湯麵。2款湯都不油膩，而且喝得出是沒有味精，吃過後一點也不覺口乾。以海鮮🍤🐟煮成的湯，每口都鮮味十足。特別喜歡蝦湯，非常濃郁。至於酸菜魚湯就帶點微微的酸辣味。每碗湯麵都有爽口木耳絲、鮮甜粟米粒及香蔥。酸菜魚湯米線有數片嫩滑又厚身的魚肉。另外那碗有魚肉及超大的海蝦。海蝦🦐大得跟一隻手掌差不多大！蝦頭有不少蝦膏，蝦肉好爽口。追加的小食是蒸魚肉燒賣配特濃鮮蝦汁。一般都只是加豉油吃魚肉燒賣，配鮮蝦汁吃可是第一次。另加了沙律醬及蝦片，這些配起來出奇地夾。不過提提大家，上桌後要快點吃，否則蝦片放久了會變腍，就沒那麼好吃了。要讚讚店的裝修及餐具。裝修簡潔，燈光💡柔和，感覺舒適。近門口位掛了3幅畫，一幅是魚、一幅是蟹、一幅是蝦，剛好應對了店名。餐具是日系的，每一件都似是件藝術品，令食物看起來更吸引，為用餐體驗增添了優雅和美感。…Read More

📍魚蝦蟹中環歌賦街45號地舖••••••••••••••••••••••••••••••💝特大海蝦配招牌特濃鮮蝦湯麵 (配溏心蛋) $188一上檯時真係俾隻巨型花竹蝦震撼到🤩有成2/3個碗咁大，真係名副其實嘅「特大」🫨食落非常鮮甜彈牙，蝦膏亦係滿滿🦐另外仲有3大片高質魚片🐟以及粟米、木耳絲、青蔥作配菜🌽真係超級足料❣️湯底以新鮮蝦頭及蝦殼熬煮🥘仲要標榜係無味精❌飲落海鮮味十足同時亦好清甜🤤表面唔會好似某啲湯麵舖咁有層油🤕即使飲曬亦毫無負擔、唔會覺得油膩/ 口渴😚雖然個人覺得呢個份量及質素係值呢個價錢🫢但如果各位想慳翻少少🤫建議可以揀$108嘅招牌特濃鮮蝦湯再配蝦🫡同樣可以享受到呢個超有心思熬製嘅湯底🤭另外仲有2款前菜、1款小食、1份生果🤓整體的擺盤及配搭真係令人非常滿足🥰••••••••••••••••••••••••••••••💝秘製酸菜魚湯魚片米線 $98自選湯麵方面我地就揀左呢個酸菜魚湯😗主菜可選魚片/ 蝦/ 雞肉🥸而主食方面亦有麵/ 薯粉/ 米線可供選擇🍜酸菜魚湯嘅酸味及麻香都十分突出✨味道剛好唔會過鹹，充滿魚香之餘亦唔腥⭐️魚片非常新鮮、極度嫩滑🐠一食就知絕非雪藏的一般貨🥶而且仲要啖啖肉、啱曬怕啃骨嘅朋友😉••••••••••••••••••••••••••••••💝蒸魚肉燒賣配招牌特濃鮮蝦汁 $28呢個亦係好有驚喜的小食🥳燒賣配上沙律醬+超濃嘅鮮蝦汁👅味道層次豐富、令燒賣更有鮮味🦀表面仲特別撒上蝦片碎🥨整體口感更加多元💥係非常有心思的創新配搭🌈••••••••••••••••••••••••••••••#medmad_forfood_central #海蝦 #蝦湯 #海鮮湯 #酸菜魚 #湯麵 #燒賣 #魚肉燒賣 #中式料理 #shrimp #prawn #prawnbisque #pickledcabbage #fish #noodles #siumai #chinesefood #hooheyhow #魚蝦蟹 #匠心湯底 #日日新鮮熬制 #全無味精 #一飲到底 #魚湯控必食#中環美食 #香港美食…Read More