Viet's Choice (Fortune City One)

琴晚去第一城塭朋友，大家最近都無食越南菜，所以簡左越棧，我地都想食生牛肉湯粉，最後簡左個2人套餐$198,都好夠食兩碗双拼湯粉（好多湯粉）蓮藕餅蒸粉包（好大件）津白兩杯飲品(餐牌上全部都可以，平時好多餐廳指定飲品其他要加錢)$198 2人餐抵食，又好味，約埋朋友一齊去抵D👬👬…Read More

由於時間尚早, 人唔多, 入到去阿姐任你坐, 等你坐定先比水比餐牌你, 雖然招呼唔太熱情, 但你有需要佢會出現, 唔錯~得2個人, 但樣樣都想食, 好彩佢D小食有D係半份, 可以等你試多幾款, 當然價錢會貴少少~  特別牛金邊粉餐牌上寫話係用傳統秘方同新鮮牛骨熬製而成, 果真好濃味, 對於我地食開清淡的人嚟講, 係濃到涸喉~ 個粉有幾特別? 簡單嚟講係4餸粉, 唔係幾特別啫~ 個粉咪又係咁上下, 不太特別~ 胡椒牛札肉 -> 肉質比較實, 個人喜歡食開的豬肉札肉 金肚絲 -> 將d金錢肚切到好幼絲, 唔會un 牛腩片 -> 切到好薄, 吸哂湯味 生牛肉 -> 唔肥, 我鍾意, 但當然要第一時間將佢收响粉底, 等佢變熟, 但熟咗又唔會un, 因為佢超薄lor 豬扒雞絲湯河豬扒切到鬼死咁幼, 咁樣看似好多, 但其實半塊豬扒都冇~ 個雞絲就老咗un咗d, 個湯一樣都係咁濃~ 由於我地走青, 個賣相係差少少, 只淨餘洋蔥响面, 唔夠色水~ 春卷都幾貴下, 十幾蚊1條, 又唔算大條, 都係紅蘿蔔絲、木耳絲、沙葛絲、粉絲等等果d料, 1條切開兩舊, 如果唔係包埋生菜, 係一口可以食得落的~ 蒸粉包呢個夠哂飽肚, 粉皮又夠厚, d餡同春卷差不多, 只係呢個蒸, 加咗d乾蔥响面, 係香口好多~ 胡椒肉卷似係春卷同粉包的混合體, 不過就勁胡椒味~佢呢度d嘢都唔平丫, 又係連鎖經營, 都唔知點解冇得碌咭, 要比cash~…Read More