Sandaime

呢間開咗都一段時間嘅日本居酒屋，餐廳裝修以紅黑設計為主。平時經過都多人。今次平日收工嚟試吓先。😊先嚟前菜，醉漬鮮鮑🍶，鮑魚充滿酒香，咬落煙韌有彈性。一口海膽壽司🧡 呢個份量嘅海膽唔止一啖😍 海膽厚肉鮮甜，呢個下次一定會encore🤩吉列炸蠔🦪，炸到外脆內軟嘅吉列炸蠔，金黃色好靚，size 唔大不過勝在粉唔厚。宮崎辛稻庭烏東🍜，有少少辣嘅烏東煮得軟硬適中，湯入面有啲肉碎，雞蛋花，椰菜等等。豚肉醬油魚介拌麵🐟，好香魚介嘅香氣，加埋蛋黃撈嚟食咸咸地，一啖接一啖🤭蒲燒鰻魚飯🍱，燒過嘅鰻魚好香，飯粒沾咗烤過嘅魚油配埋燒汁，好香口。😋辛燒豚梅肉拉麵🍜，屋企人喜歡食辣，辣油佈滿整個拉麵，怕辣嘅不了😬等食物期間留意到餐廳環境，佈置到真係好似去咗日本居酒屋咁🤭 下次會試埋呢度嘅串燒先😋…Read More

之前有好幾次經過見到間餐廳 出面有個好似居酒屋咁樣嘅setting 覺得幾得意就入去試吓🤣入面啲裝修都好靚 好有特色 係黑紅色為主 但係又唔會太暗餐廳另一面係一個落地玻璃望返商場出面 係呢一區嚟講比較靚嘅餐廳🫨宮崎辛麵烏冬幾煙靭同埋個形狀好特別個湯底係有啲似擔擔麵 小辣嘅 唔係好多湯有少少似撈麵個烏冬係幾有特色海之天婦羅入面有蝦、鯛魚、黑松露帶子、紫蘇葉等等最奇怪有一個係好似麵條 本身以為係金菇個炸漿算薄 唔錯！白鱔串比較薄 入面都有油脂 個面有燒到少少焦香同甜甜地～ 蒲燒鰻魚飯呢個我估係屬於關東嘅鰻魚飯 所以鰻魚肉係比較腍身 而不是脆身～ 但個飯同埋鰻魚都佈滿鰻魚汁 幾好食！鮮海膽外面層紫菜應該係都搽咗啲醬 所以黏黏地 海膽正正常常柚子蜜燒手羽估唔到呢個柚子雞翼最無expectation但係最驚喜！佢滴出嚟嘅雞油都充滿着柚子味 好食呢間餐廳仲有好多其他嘢食 另外仲有啲日式鍋物等等 下次要再嚟試吓☝🏻…Read More

趁着平日放假，離開咗九龍嘅屋企，就約咗朋友去咗將軍澳體育館打羽毛球，打咗兩個鐘之後，做完運動真係想食返餐好，朋友就話帶我哋去新都城食嘢，喺行去新都城途中，我哋就傾吓食咩啦，朋友就話有一間日本菜餐廳，佢上次品嚐過都話唔錯，咁佢就問我哋去唔去試吓，咁做完兩個鐘運動，梗係想快啲食啲嘢啦😆，二話不說就應承咗啦，其實將軍澳體育館行過去都唔係太耐，行咗大約10分鐘就到咗餐廳.入到餐廳，就會見到一幅大型嘅日本傳統壁畫，非常特別！安排咗我哋坐低之後呢就叫我哋用手機掃描二維碼落單，簡單方便快捷，我哋叫咗嘢之後呢，上菜速度都好快，好快就有得食鹽麴枝豆 ：$32 ，作為餐前小食絕對適合不過，醬汁同埋枝豆非常合拍.牛之拼盤（牛舌，一口牛，牛肉蘆筍）$108我覺得呢個串燒一定要食，因為呢一個係落單，即叫即整，保證新鮮熱辣，一口牛咬落去充滿肉汁，非常Juice,而牛舌就唔會好似出邊食咁樣好難咬，充滿口感.雞之拼盤（雞肉京蔥，雞胸軟骨，雞腎）$98同樣都係，即叫即整，雞肉咬落去，又係充滿肉汁，雞腎燒得好香，但係就要等15分鐘先有得食😂，不過絕對等得過😄.照燒魷魚筒$98呢一個又係餐廳裏面好多客人都會必定會叫嘅魷魚筒，配上照燒汁，兩個人食份量啱啱好，配搭埋鰻魚飯，我覺得就最合適.蒲燒鰻魚飯$92鰻魚飯，一定要推介俾大家，因為入座嘅時候，見到隔籬枱四個人都叫，我就八卦問吓係咪真係咁好食，佢哋話塊鰻魚好夠厚，有口感，飯又夠多.夠晒飽肚😂不過都要溫馨提示大家，如果七點幾先到嘅話呢，可能就需要等一等位，我哋食緊嘅時候，出邊都有好多客人等緊位，所以下次食都係預返6點幾去就最好.…Read More

最近將軍澳開咗三代目，正值周年紀念，一於就book咗呢日本菜嚟試下😌，餐廳裝修唔錯，仲有bar枱位，感覺好chill，而且估唔到咁野食有驚喜，非常之好食😋。🥗前菜🥗1️⃣ 醉漬鮮鮑 $58叫咗2款前菜，推介醉漬鮮鮑😍，醬汁好清新，最驚喜個鮑魚好「淋」勁好食，而且好細心切好一件件🤩。2️⃣ 鹽麴枝豆 $32至於鹽麴枝豆都唔錯呀，份量岩岩好，而且又唔會太咸🤣。🍝主食🍝3️⃣ 蒲燒鰻魚飯 $92呢個鰻魚飯一上枱都好香，鰻魚好厚肉又大件👍🏻，醬汁唔會過多，份量絕對夠一個男生食飽😹。4️⃣ 味噌甲羅燒 $98平時嘅甲羅燒可能比較少，呢個嘅份量好多🥹，岩晒我呢啲鍾意食膏嘅人🤤，好濃好香，而且可以揀配飯，配紫菜又得🤣。5️⃣ 照燒魷魚筒 $98呢個魷魚筒又係推介👍🏻，唔單止燒得勁香，勁大條🥹（好抵食），而且咬落係「淋」，完全唔韌 😍，唔會𡁻到甩牙鉸🤣。🍡串燒🍡6️⃣ 雞之拼盤 (雞肉京蔥、雞胸軟骨、雞腎) $987️⃣ 牛之拼盤 (牛舌、一口牛、牛肉蘆筍) $108推介拼盤，啲牛好得🥹 又係好香，完全唔會燒過龍。我哋一路食一路係咁話好食😂，真係因為呢個拼盤加晒分😂。🍣一口壽司飯🍣8️⃣ 鮮海膽 $68海膽鮮甜而且大份，滿足晒我個胃😚。🧋飲品🧋9️⃣ 鮮水果茶 $36🔟 雪芝蜜桃烏龍$33🍰甜品🍰1️⃣1️⃣ 芝士蛋糕 (原味) $28晚餐後點都要食個小甜點，不太濃不太甜，味道剛剛好呀😄…Read More