Grill Manten-boshi

大隻仔今次覓食嘅店舖就係💥 グリル滿天星 💥 大隻仔今日到尖沙咀食蛋包飯，呢間餐廳係日本過江龍蛋包飯專門店，香港係唯一一間亦係第一間日本海外分店。每一碟蛋包飯都用上三隻日本蘭王雞蛋整成，蛋味濃而且十分香滑。⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般1⭐️ 差味道 ⭐️⭐️⭐️⭐️抵食 ⭐️服務 ⭐️⭐️⭐️環境 ⭐️⭐️⭐️⋯⋯⋯⋯⋯⋯⋯⋯⋯⋯⋯⋯⋯⋯⋯⋯🔥 蒲燒鰻魚蛋包飯 $248 （另加一服務費）呢款蒲燒鰻魚蛋包飯係香港期間限定。飯底用上竹筍、洋蔥、粟米、香菇等8種材料與日本米加入雞湯煮成，但大隻仔覺得炒飯底味道清淡，雞蛋十分香滑，鰻魚似日本超市貨色，正常味道。🔥 日式咖喱炸蝦蛋包飯 $178 （另加一服務費）呢款日式咖喱炸蝦蛋包飯，飯底用上咖喱汁炒成，比起蒲燒鰻魚蛋包飯既飯底更加香濃，更加好食，拌勻咖喱汁與蛋包飯一齊食，更加滋味。大隻仔比較喜歡呢款蛋包飯。炸蝦只屬一般超市貨色，正常味道。溫馨提示：餐廳長期排隊而且有限時，座位與座位之間比較擠迫，而且價錢偏貴。人均$200以上。…Read More

呢間滿天星次次經過都超多人，難得平日20:30行過冇人排隊，就去試下啦！我同家姐2個人叫左3樣野：🍽牛油果大蝦凱撒沙律份量都好大，蝦都好大隻，健康之選🍽蒲燒鰻魚蛋包飯賣相好靚，鰻魚好大條，蛋包飯我至愛，好好食！🍽雜莓疏乎厘班戟疏乎厘班戟都食過好多次，不過呢個真係堅好食，因為幾款莓都唔會好酸，連埋cream同pancake一齊食好夾，一啲都唔覺漏。有驚喜總結：2個人埋單$500幾，食物樣樣都好食，尤其蛋包飯同pancake都好靚，而且份量唔少，我地今餐食到好飽。如果唔駛等位的話，會再嚟試下其他野。推介👍🏻…Read More

星期六四點黎到，見門口唔算多人，決定排隊一試，等左半個鐘到就可以入。叫左個蒲燒鰻魚蛋包飯鰻魚厚身，入面係炒飯，個飯麻麻地，個蛋都ok期間限定櫻花樹下好似藥水味，我麻麻地士多啤梨奶昔好味，但貴抺茶芭菲好食😋，個抺茶雪糕好濃最後食左個日式梳乎厘班戟好食，好濃蛋味蛋包飯一般，甜品好食，不過價錢貴，如果冇coupon ，係唔抵食…Read More

始終咁耐冇得去旅行，係香港食下日本野真係生活中不可缺少既活動 。其實呢餐都好耐之前食，最近比較空閒先打返篇食評～聽朋友講長期都大排長龍，所以當日我就揀咗5:30左右去到，雖然已經有人排緊，但好似10分鐘左右已經入到座。嚟呢到最緊要當然係蛋包飯啦～同朋友一人點左一份：蒲燒鰻魚同埋滿天星肉汁安格斯牛扒。賣相已經相當吸引，雖然價錢真係偏高，但份量大，還好吧。聽講每份蛋都用咗3隻蘭王去整，唔怪得睇落顏色咁鮮豔～夠哂蛋香呀！除咗蛋包飯仲叫咗份前菜：忌廉蟹肉餅同埋朱古力香蕉班戟。蟹肉餅炸得非常香脆但略嫌味道軟清淡，有少少失色。唔記得影背面，幾中意佢比咗好多朱古力醬XD 見到都覺得開心。啖啖都係入口即溶，滿足～…Read More

滿天星係日本老牌日式洋食店，以蛋包飯作主打，今次機緣巧合嚟試下。以食物質素嚟講，應該無下次，因為價錢實在唔平。蒲燒鰻魚蛋包飯蛋味非常濃郁，蛋包香滑。飯底加入青豆、香菇等材料，預先經過烹煮。我預先期望係珍珠米煮嘅白飯，男友覺得同飯嘅味道蛋包唔夾，大概可能因為醬汁搶曬味？呢個蛋包飯盛惠200幾蚊，以味道嚟講，食完覺得唔太值，應該貴在嘅製作嘅過程芝士漢堡普通到不能再普通，中間嘅漢堡牛肉餅偏乾身，不過好在舊肉煮得都算稔日式唐揚炸雞男友覺得炸雞皮厚肉少，我覺得還好，始終炸雞層皮係精華。佢層皮唔脆，配上特別嘅蛋黃味加芥末味嘅醬汁，都算幾特別Milkshake 朱古力曲奇奶昔好甜好甜，飲完即飽。朱古力愛好者可以一試，但如果唔鐘意食甜嘢就唔好嗌…Read More

次次經過都大排長龍，今次滿心歡喜去食點知好失望😥 黎間蛋包飯過江龍係日本都有唔少分店，我本來期望好高🥴試左兩款蛋包飯同埋個parfait 都麻麻地🥺 /蒲燒鰻魚蛋包飯 $248/滿天星肉汁漢堡扒蛋包飯 $238/佢黎到嘅蛋顏色特別鮮艷，顏色好靚，但係其實個人覺得d 蛋望落都已經係炒得熟得滯🥲 鰻魚係原條咁上，肉質都幾厚，唔會有鰻魚腥味👌🏻 個漢堡扒真係幾失望😥 真係好乾… 完全唔肉汁lor🌚😂 兩個蛋包飯我唔話佢難食，但係性價比真係唔高，同埋過江龍我真係expect 會好食🥲/士多啤梨芭菲 $108/軟雪糕黎到已經係溶溶地嘅狀態… 面頭牛奶雪糕係奶味濃郁，士多啤梨裝飾都好吸睛，但係下面個幾層真係唔知食緊咩，好似係cream cheese 質地嘅yoghurt？🤔仲有d cream 同埋jam整體黎講，真係太失望，如果要我排隊比黎個價錢食我一定唔會黎，蛋包飯黎講香港都有其他更加好食嘅選擇😥…Read More

位於尖沙咀海港城呢間排晒長龍嘅蛋包飯專門店係東京著名嘅老舗洋食レストラン除左香港人每次去東京都必遊嘅新宿有分店之外係日本人最常找好西吃嘅日本橋、日本上班族最常出沒嘅丸の内等都有分店而本店就位於香港人無咁熟悉嘅麻布十番⁡雖然我曾經係東京住過一段時間但係我其實從未試過呢間蛋包飯（因為日本實在有太多更高質素嘅食物）今次見店家首登陸香港而為食魚🐠阿妹又想去試試一於去試吓佢咩料啦😜⁡起初估計疫情下應該唔會太多人出外吃飯心諗應該無人排隊唔洗等啦點知星期六大約1點半到達都有十幾人排緊隊喎（果然日本過江龍係特別受港人歡迎呀吓😅）⁡好彩都唔洗等好耐...大約等左廿幾分鐘就有位喇✌🏻⁡餐廳內坐滿食客（大部份似係一家人）係日本呢類叫家庭式餐廳（ファミリーレストラン）一般都係價格比較便宜，食物選擇較多元化嘅餐廳但係一睇香港呢間分店嘅價格完全係另一回事喎😳於是即刻上網查一下日本店嘅價格原來日本店提供嘅蛋包飯平均價都要2200円餐廳環境仲要好decent好grand並唔係ファミリーレストラン黎架（誤會晒🤣）咁嘅情況下我又好理解香港店嘅price setting點解可以咁貴喇⁡好！講番啲食物先～為食貓🐱我同為食魚🐠阿妹分別叫咗一個蒲燒鰻魚蛋包飯 & 一份滿天星熱香餅（日式梳乎厘班戟）⁡蒲燒鰻魚蛋包飯（$248）未算係餐牌上最貴嘅蛋包飯最貴嘅係安格斯牛扒蛋包飯（$298）真心好誇張... 😱無諗過一個蛋包飯可以收咁嘅價錢心諗一定要試吓係咪咁值得⁡點知一食之下... 老實真係無咩特別雞蛋🥚係日本蛋有少少蛋香但係又未做到好滑溜嘅口感鰻魚都算肥美，相比好多香港鰻魚飯店出色不過對食慣日本野嘅我黎講只係一般質素😅至於最重要嘅炒飯係加入左少少海鮮嘅炒飯味道可以接受但無咩特色⋯⁡係我地對店家嘅出品都有少少失望之際好彩份班戟味道超出預期😋一份兩塊小小班戟🥞（$108）價格雖然唔便宜但班戟充滿蛋香亦擁有空氣感ふわふわ配合埋鹹牛油&香滑忌廉&少許Nuts入口即溶令我地都感覺滿足番😌⁡最後埋單連加一兩人$392以性價比黎講唔算高～～不過而家每食一個蛋包飯只要like埋佢地社交平台就獲贈一個蛋包飯扣針個扣針都可愛嘅👉🏻每日限送100個所以如果想試趁而家去試都係好事喔😉⁡以下為食貓🐱送比大家嘅一些「食Tips」🔺蛋包飯真係可試可不試，不過想拎個扣針嘅就一定要試🔺建議大家要試班戟一定先試原味，如果覺得『正』嘅先再試其他味🔺店家班戟提供時間係朝早9:00-11:00（由昨天開始推出）或者下午2:30後，建議大家可以早起就一定係食朝食，抵食好多👇🏻以滿天星熱香餅為例，平時單品$108而朝食係$78包埋一杯☕即磨咖啡/奶茶⁡💡提提大家店家用餐時間係90分鐘，唔會好趕慢慢食唔洗擔心…Read More

最近海港城開了東京出名的蛋包飯，今日終於有時間黎試一試😋平日的晚飯時間，門口也排着長長的龍，不過總算唔係等咗好耐，原來佢出餐都好快👍一打開 menu， 😍有勁多款式嘅蛋包飯！全部都好吸引，仲有一些漢堡包，三文治，扒餐同埋小食。最後我選擇了鰻魚蛋包飯！😍超多的蛋及超大塊的鰻魚！蛋的顏色和一般蛋包飯有啲唔同，係橙色一點的，是真正高尚的日本雞蛋😙再加上一條鰻魚，非常滿足😜朋友就選擇了牛扒，雖然都是蛋包飯，但係飯的種類是不同的！鰻魚飯裏面是菇飯，而這個的飯是西炒飯類型😂當然唔少得小食，蟹肉餅，正宗的日本薯餅類型，隔離配上薯蓉及蔬菜，上面鋪上肉醬汁😋最後最後當然是甜品啦！每次見到餐廳有疏乎厘pancake也是必要選擇的😎今次我哋揀咗朱古力香蕉疏乎厘pancake，本身寫住要20分鐘，但係超快的上了菜。厚厚的pancake配上濃郁的朱古力醬😋超級飽。…Read More

🇭🇰グリル滿天星·呢間個蛋望落真係好橙 而且好似炒得好靚咁 所以我地前排去海港城既時候就去左試🤭🤭佢食落其實係ok既 但係呢個價錢真係有多好多其他更好既選擇🙊🤣🤣·蒲燒鰻魚蛋包飯$248 l 滿天星咖哩蛋包飯$128我地本身見佢定價咁進取 以為佢對自己既出品好有自信 點知最後有少少失望🙊佢個蛋係真係炒得幾靚既 不過佢食落個蛋味就唔算好濃🤔之後佢個鰻魚都大條既 而且無咩骨 但係食落無咩蒲燒味🤭🤭之後佢個咖哩汁係甜甜地咁既 不過唔知點解同個飯好似無好夾咁🍛😂·#rbyeat#rby日本菜#rby尖沙咀·📍尖沙咀海港城海運大廈3樓OT301-301A號舖…Read More

喜歡蛋包飯，更喜歡老店。為一嚐東京43年老字號蛋包飯專門店「滿天星」，絕對值得走一程到海港城。 蒲燒鰻魚蛋包飯 $248滿天星肉汁安格斯牛扒蛋包飯 $298忌廉蟹肉餅 $148蛋包飯的靈魂是蛋、飯與汁。蛋先談蛋，滿天星採用的蘭王蛋，是日本蛋中的名門望族，只吃原料穀物的壯年母雞之出品，橙色的色澤已比一般搶眼，蛋香更是份外濃郁，吃過好的，所謂：返唔到轉頭。 最令我驚喜的是，原來蛋下有帶子、蝦及蠔，怪不得吃到海鮮之味。 飯見到知道是有味飯，入口真的好好味，據說飯底依照日本總店做法，用竹筍、洋蔥、粟米、香菇及茄汁等8款素材，與日本米一起放入雞湯先煮後焗，原來有咁多材料，並非一般的炒飯，果然細緻。 汁醬汁是祕製的，例如蛋包飯汁、日式肉汁、咖喱汁配合不同的飯，不過，我覺得醬汁一般，尤其是牛排的肉汁。 若然重訪，該嚐嚐咖喱汁。  忌廉蟹肉可樂餅是經典菜式，的確炸得酥脆而內心濕滑棉棉，但是完全沒有蟹肉的口感！ 雜莓疏乎厘班戟 $138意猶未盡，想再坐多一陣，非常蓬鬆軟才小入口即化，甜度適中。 裝潢現代簡約，坐落於海港城之前 BLT burger 的舖位，人流極多，所以平日六點後已經開始需要排隊，我刻意早到，5:47pm 入座才剛好有位。 話說價錢進取，但若然每份蛋包飯需用三只蘭王蛋，再加上有味飯及醬汁的功夫，實屬合理。為了那金黃滑嫩、近乎完美的蛋，我會再來！  …Read More

朝聖蛋包飯界嘅愛馬仕🤣 係op 同ig 睇左好多comments 好壞參半😹 但點都要親身試試先結果埋單食左$8xx幾 crazy 🤣🤣🤣🐟🥚蒲燒鰻魚蛋包飯 🍚$248 （香港限定）原條鰻魚放在蛋包飯上 用上3隻蘭王蛋 個蛋橙黃色真係好滑好香濃😌😌好彩冇令我失望 個炒飯都好好👍🏻粒粒分明 仲有帶子同肉蝦仔 鰻魚都好大條 肉質係比較淋身d 味道不錯👍🏻😌 🍔牛油果素肉漢包🥑（$188）😄去蛋包飯專門店叫burgers 嘅後果 ….大伏🥲塊素肉堅難食 放左入口都想吐返出黎 大家千祈唔好試🤢🤮🤢🤮🥞原味疏乎厘pancakes ($108)見都每枱都必點網上評價都不錯但我覺得j.s foodie 的flipper 好食多了Pancakes 是鬆軟 但略嫌濕左d 同埋味道甜左d 有d假😢反而楓糖漿同牛油同忌廉幾出色🍓士多啤梨芭菲🍨（$108）😌😌 層次都幾豐富 雪糕加yogurt 加士多啤梨漿仲有啲cream cheese 嘅感覺 幾好食不過雪糕奶味可以再濃d 🍵抹茶milkshake ($78)搽茶味香濃 好creamy 🍎日本蘋果汁🍹（$48）總結經驗🤣下次淨係叫蛋包飯算 雖然貴 但日本野係咁上下 當懷念下日本🇯🇵🥲芭菲都可以😌pancakes 就食隔離嗰間😅 💸💸💸💸💸閒日lunch 時間排隊排左半個鐘之內 餐廳唔係坐full 晒 但唔比人入 可能試業期間未上手做唔切掛或者想營造排隊效果🦍…Read More

琴日咁啱清大假，個朋友話早排海港城開咗間過江龍專食蛋包飯嘅。見到條隊都有啲長，平日都要排隊，真係有啲想走。好彩RECEPTION 小姐態度OKAY 不時出嚟了解情況，最後排咗4個字左右就可以去。睇到個MENU 樣樣野都好吸引，叫咗個蒲燒鰻魚蛋包飯，同個梳乎厘PANCAKE同個朋友SHARE 嚟食。上菜速度都幾算快，同朋友傾咗一陣計，個鰻魚飯就上到。個飯要成二百幾蚊，但係當我見到鰻魚好大條，又好入味，
啲鰻魚汁唔會太咸，就覺得都值呢個價嘅。
飯係炒飯底，呢方面做得幾出色。唔會太乾身又唔會太濕。落單時，職員有提醒過梳乎厘PANCAKE需要時間製作。食完個飯時間就啱啱好到，梳乎厘份量好大份，好彩食甜品係第二個胃。梳乎厘入口有蛋香味，口感棉棉整體嚟講都唔錯，雖然價錢有啲啲貴，不過食物質素都算係水準之上，
我諗間中獎勵下自己都食得過嘅。…Read More

之前喺海港城行街見到呢間舖頭裝修已經好想試，佢最近終於開幕la~ 新店試業~之前見到佢廣告板介紹鰻魚蛋包飯，作為一個鰻魚控嘅我，當然第一時間喺佢試業嘅時候就去試啦，搵左一日weekday，特登避開食晏時間，但都要排左差不多一個鐘才被安排入座… 咁受歡迎，令我對佢嘅食物滿有期望！餐牌嘅主菜選擇有四大類：蛋包飯、日式咖喱、鐵板料理、三文治&漢堡。 甜品方面有窩夫、疏乎厘pancake & 芭菲。職員話店舖嘅食材都係來自日本嘅🇯🇵雖然漢堡扒蛋包飯都非常吸引，但係第一次到訪嘅不二之選當然係《蒲燒鰻魚蛋包飯》啦～～大概等咗15分鐘食物就上枱，條長長嘅鰻魚當然係今次嘅主角，咬落去較軟身，口感似海鰻多過鰻魚，比我預期嘅遜色，蒲燒汁濃度、甜度適中，唔會覺得’漏’。對我來說，蛋包飯係配角，不過今次呢個配角都幾搶鏡，用咗我第二最愛嘅蘭王蛋（最愛嘅係夢王蛋🥚），蛋炒得嫰滑，一啖放入口，香滑嘅蛋汁配上日本米飯，勾起了喺日本食蛋包飯嘅美好回憶～😊😊今次嘅小驚喜，竟然係鰻魚上邊嗰一棵小香草，原本諗住佢用嚟裝飾，平時我一般都唔會食，貪得意食咗一片，噫，估唔到佢為蒲燒汁嘅甜加入左一份清新感☘️☘️☘️環境方面，光照充足，都坐得幾舒服，侍應尚算有禮，但行動唔夠迅速，我多次要求斟水，要叫幾次先有人回應。作為一個對鰻魚非常有要求的食客，這份蒲燒鰻魚的口感未能符合我嘅期望，性價比一般，如果下次再嚟，可能會試吓佢嘅漢堡扒蛋包飯，同埋疏乎厘pancake啦！…Read More

「グリル滿天星」總店位於東京，係非常受當地食客歡迎嘅一間日式蛋包飯專門店，而「滑蛋式蛋包飯」就係佢哋品牌首創，更係佢哋鎮店之寶。上兩星期，呢條過江龍終於游到嚟香港，據聞香港店都係繼續以日本直送優質食材去烹調，希望可以將招牌菜式完整地從日本帶嚟香港，原汁原味咁話，真係聽到都相當吸引。由於喺附近工作關係，基本上每日都會經過呢度，從佢上兩星期開始試業至今，近午餐同埋晚飯時段都係相當多人排隊，人龍經常都去到轉角樓梯上小小位置。今次得好朋友落力排隊一個鐘等我一齊食午餐，所以我都有幸咁快就試到。餐廳空間唔算好大，裝修簡樸，氣氛同格調均同傳統日本洋食屋相似，牆身就以「蛋」做設計，眼見全場座位大部份都係四人座位，所以座位都偏闊落而且坐得好舒服，而落單方式就係掃瞄QR Code。由於而家處於試業期間，所以餐廳就無開放到全部座位，可能就係因為咁，等候時間相對就較長。佢哋其實仲有好多款唔同菜式，例如日式咖哩，三文治，甜品等選擇，但我哋第一次到訪就好想先試招牌菜，所以二話不說，我哋兩個都分別叫咗佢哋兩款唔同嘅蛋包飯。其實兩款蛋包飯嘅主菜雖然唔一樣，但其實佢哋嘅靈魂 -「蛋」同埋「飯」都一樣出色。前者喺食材上已經非常有誠意，用咗蘭王雞蛋，蛋味固然相當香濃，招牌滑蛋式蛋包飯亦係名不虛傳，蛋漿的確非常嫩滑流心，而且上面都有啲蝦同帶子做返啲配搭。後者並唔係一般炒飯/焗飯咁簡單，一入口已經相當喜歡，日本米咬落粒粒分明，軟硬度適中，茄汁味道雖然唔重但好香，襯埋蛋上面嘅蝦同帶子，層次感豐富，好好味。不過要留意一點就係佢飯底有好多人都唔喜歡嘅青豆，由於個人無特別討厭，所以非常能夠接受。🔸滿天星肉汁漢堡扒蛋包飯 ($𝟐𝟑𝟖)：落枱時店員會介紹碟裡面分別係兩款醬汁，一款專門蘸漢堡扒嘅「燒汁」，另一款專配蛋包飯嘅係「茄汁燒汁」，但其實兩款汁嘅味道非常相似。漢堡扒肉味濃厚又多肉汁，熟度亦剛好。🔸蒲燒鰻魚蛋包飯($𝟐𝟒𝟖)：呢款係香港限定招牌菜式，日本總店都未曾出現過，原條蒲燒鰻魚放喺蛋包飯上面，賣相相當吸引，但其實有啲略為失望，蒲燒鰻魚味道較淡，無太香鰻魚味，睇落雖然較為肥美，但其實切落去偏薄身，亦因為味道較淡嘅關係，如果連埋蛋包飯一齊食就只能夠食到蛋味。佢嘅蒲燒鰻魚的確令我有所失望，但係蛋包飯嘅主要靈魂：「蛋」同「飯」都做得如此出色，當中工序嘅繁複同埋技巧絕對需要一定嘅造詣，其實令我都感覺到滿足。性價比方面個人認為的確唔算得上好高，但亦都係可以一訪嘅店。不過而家初開業可能排隊時間真係會較長，如果想試或者都要一定嘅心理準備，唔想太哂腳力或者留到熱潮減退後先試都未嘗不可。…Read More