Nomad (Closed)

Nomad以灰色和木系為主調，營造出一個簡約和型格的空間。餐廳座位寬敞，有兩層高。門口有一條長樓梯，打卡一流。餐廳最主打蒲燒鰻魚漢堡和吉列豬扒三文治。可惜今日豬扒售罄，唯有下次再試！蒲燒鰻魚竹炭漢堡鰻魚漢堡賣相十分吸引，鰻魚原隻上，非常巨大！鰻魚肉質肥美軟嫩，燒烤後表面帶有焦香。配搭鰻魚汁，香濃惹味。漢堡包兩面都有烘過，香脆鬆化。薯條上枱熱辣辣，非常香脆。檸檬冷湯蕎麥麵天婦羅海老天婦羅海老上枱熱辣辣，炸粉薄而脆。而蕎麥麵吃起來有彈性，配搭清新微酸的檸檬冷湯，很適合解去天婦羅的油膩。…Read More

今次黎到深水埗既Nomad,呢間Cafe裝修得幾靚,係工業水泥風裝修,有兩層,地方都算寬敞,由於我星期日12點開門就黎到,所以冇咩人,但之後1點左右就開始多人,要等位,用餐時間限時90分鐘,夠鐘真係會叫你埋單,都合理既,始終多人等緊🙈《明太子雞翼 $68》小食叫左明太子雞翼,雞翼睇落超飽滿,入面塞滿明太子,幾好食,調味適中,一啲都唔咸😋《厚切日式豬扒三文治 $118》呢份厚切日式豬扒三文治真係超大份,建議兩個人share,厚切真係超厚,一啲都唔hea你😂豬扒炸得好脆,食落一啲都唔鞋,炸粉好薄身,所以食完都唔會覺得好漏,三文治入面都加左沙律菜中和返小小油膩感,成個配撘好好食,必試👍🏻《蒲燒鰻魚竹炭漢堡 $138》呢個Burger都好好食😋係原條鰻魚上,超正,蒲燒鰻魚都係相像中既味道,冇太大岀入,略嫌沙律菜加左太多醬,因為本身鰻魚已經有醬,調味相對較重,沙律醬輕手返小小會好啲😂青檸薯條就幾特別,係粗身薯條,加左青檸鹽食落感覺上比較清新啲,冇咁肥膩😂《Lemonade +$10》食咁多熱氣野配返杯Lemonade就啱晒,簡簡單單檸檬加梳打,飲落一啲都唔甜,好清爽👍🏻Nomad深水埗白楊街32號地舖[⭐️5分為滿分]味道⭐️⭐️⭐️⭐️⭐️環境⭐️⭐️⭐️⭐️⭐️服務⭐️⭐️⭐️⭐️價錢⭐️⭐️⭐️推薦⭐️⭐️⭐️⭐️⭐️…Read More

去到首先已經被環境吸引，結合水泥同木系風格嘅裝修好特別。正門右邊放左啲日式茶杯同小擺設，左邊樓梯都有佈置，雖然地方唔大，但好適合打卡，仲幫朋友仔影到新pro pic😆食物雖然望落偏細份，但味道出色同夠飽，絕對對得住價錢，會再返去試其他款式。總括來講有得影相有得食，推介同女仔朋友一齊去👭🏻📷🐷🥪 日式吉列豬扒三文治 $𝟙𝟙𝟠 (𝟙𝟘/𝟙𝟘)一上菜就被豬扒嘅厚度同pink pink嘅顏色吸引，外脆內軟，上下層夾住芝士同生菜，咬落好多層次同好多汁好juicy，超有幸福感。🦀🍚 松葉蟹高醬意大利飯 $𝟙𝟜𝟠 (𝟡/𝟙𝟘)蟹膏味好香，蟹肉好足料，鍾意蟹膏嘅人一定食得好開心，但一般人可能會覺得少少咸同有啲漏。🐟🍔 蒲燒鰻魚竹炭漢堡 $𝟙𝟛𝟠 (𝟠/𝟙𝟘)上菜時見到鰻魚咁長好surprised，鰻魚肉質好滑同好彈牙，混合mayo同椰菜嘅醬汁份量剛剛好，唔會太搶。個人覺得好驚喜係竹炭漢堡，烘過食落有少少脆口。🐮🍚 月見牛柳粒丼 $𝟙𝟚𝟠 (𝟠.𝟝/𝟙𝟘)蒜香牛柳粒鬆軟同有肉汁，有兩三粒比較多筋但可接受，份量好多。日本蛋加醬汁份量足夠沾哂成碗飯。…Read More

上完兩日堂，想周圍行放空下，無心插柳嚟到Nomad。比佢嘅環境attract咗，感覺好chill，決定盲中中都入去一試。Menu有各式各類嘅選擇，不過有啲眼花撩亂🤣。最後揀咗蒲燒鰻魚竹炭漢堡($138) ，因為喺開飯碌下啲相，見到睇落ok，而且配搭幾新鮮。嘩的確好巨型下，好足料，影相會幾igable☺️。鰻魚軟綿入味，竹炭包綽頭具多，無特別，中間仲有啲酸瓜椰菜，中和下。鰻魚太長，要切開頭尾再擺返入個包先可以當係burger咁食。整體配搭唔錯，但食食下會開始覺得鰻魚太濟有啲油。隨餐嘅薯條夠脆，有誠意。加咗$25要杯涷latte，幾易入口。環境係唔錯，食物不過不失。價錢有啲過高，除非你會坐好耐傾計/做嘢，都可以考慮下。…Read More

深水埗嘅日式居酒屋咖啡店☕裝修結合木系同水泥元素，正門個設計好吸晴🤩玄關位置設有木架放上日式杯碟🍶店裡都是木系桌椅，正門旁邊有條打卡長樓梯，好可惜條樓梯分別我喺1月中同埋2月尾嚟嘅時候都因疫情而封咗⋯⋯🥪日式吉列豬扒三文治 $118中間塊吉列豬扒超厚身！咬落去吉列感仲喺脆身！豬扒肉質好JUICY！三文治上下仲有芝士中間夾住沙律椰菜～而外層麵包烘得脆口！值得ENCORE！🍱漬物配鯖魚定食  $118白飯配有大大粒三文魚子同漬蛋黃，令到白飯不會太DRY～鯖魚加上檸檬味挑出鮮味！味噌湯味道唔會太咸，飲落喉嚨好舒服～仲有2小碟前菜，芽菜同青瓜🥒🍔蒲燒鰻魚竹炭漢堡 $138鰻魚超大條好長，配上蒲燒汁調味，JUICY得嚟有啲膩，將前後段分嚟配飯食😂竹炭漢堡帶少少脆身唔會好乾身～中間夾住啲酸瓜🥒蛋黃醬同椰菜，每啖都食到少少酸味，可以平衡返鰻魚油膩感同蛋黃嘅甜度適，配上厚薯條同千島醬🍟🍖汁燒牛肉定食 $98白飯配有大大粒三文魚子同漬蛋黃🍳令到白飯不會太DRY～汁燒牛肉大大碗，裡面嘅洋蔥超甜🧅牛肉肉質夠軟腍，一塊塊咁唔會痴埋一舊，味道有少少咸送飯剛剛好～味噌湯味道唔會太咸，飲落喉嚨好舒服～仲有碟前菜青瓜🥒☕MOCHA $46 朱古力味都幾濃，好鐘意隻杯好有質感～☕CAPPUCCINO $46 奶味濃郁，加埋靚靚拉花好開心～🥃Americano $40 大大杯！…Read More

聖誕假期去咗太子呢間bookmark咗好耐嘅cafe 即興mode 好彩冇book位都食到☺️ 🍔蒲燒鰻魚竹炭漢堡 💰138超長超大條饅魚 吸晴得嚟仲好好味🤤漢堡入面除咗鰻魚 仲有蘑菇、椰菜碎、沙律醬等等 我將條鰻魚突出嚟嘅部分切開 再夾返入個漢堡到 令到佢厚身咗🤣漢堡雖然乾咗啲 但都算鬆軟 整體偏淡😉伴碟仲有墨西哥粟米片 滿滿嘅芝士粉同芝士醬 好香脆🧀 🥪日式吉列豬扒三文治 💰118吉列豬扒超級超級厚身 睇到嘩一聲😍三文治有微烘過 豬扒外層都炸得好香脆 但豬扒嘅豬味就唔係好出😅另外豬扒上下都有片車打芝士 仲有啲椰菜碎 食落冇全肉咁heavy 🍟青檸鹽薯條 💰38如果蘸咗醬嘅話就會食唔到青檸鹽味 唔蘸嘅話係有咸咸哋嘅鹽味㗎😚 ☕凍朱古力 💰+25奶嘅比例會重啲 相對朱古力就唔係咁濃 ☕Cappuccino 💰+25…Read More

深水埗有咁多coffee shop，要揾到間心水嘅其實幾難，有D專做素食，有D有成一萬尺大，有D主打泰國菜，韓國菜，French toast等等，而今次去到呢間係日式居酒屋咖啡店。 Nomad呢個名其實一D都唔陌生，有間漢堡店/電子產品店都叫nomad，觀塘有間coffee shop同呢個名非常之相近。 餐廳位於太子，並唔係深水埗。 環境係呢度嘅一大特色，門口已經有一大條樓梯比你打卡，裝修結合木系同水泥元素。 今次坐咗喺間房度，有種日式屋企嘅feel，只差咗張tatami。 樓高兩層，上層空間感非常闊落，連廁所都超靚。 餐廳主打多款居酒屋料理，價錢由$ 108-168不等。 仲有佐酒小食，炸物，刺身，串燒，一品料理。 可以喺coffee shop度飲酒食魚乾。 蒲燒鰻魚竹炭漢堡$ 138鰻魚飯大家都食得多，今次就食鰻魚burger。 鰻魚同網上一樣咁鬼長，上枱時有D suprise，性格比就正常，大大條魚。 鰻魚用黎打卡就好好，當然食落就唔好覺得驚喜。 肉質比平時更柔嫩，皮位黏中帶彈，冇雪藏味。 醬汁份量唔多，濃而唔膩，甜中帶咸。 一開始食嘅時候邊位會有少少脆口，並且佢一粒骨都冇。 但凍咗就變得好油。麵包好黑，每邊都有烘過，食落有D乾，但都鬆軟香甜，有牛油香，但就冇乜竹炭香，食完成口黑曬。 順帶一提，我切開咗鰻魚條尾就可以當一個burger去食。 包入面仲有D酸瓜，mayo同椰菜。 餐廳將酸瓜打橫切令酸瓜平均分佈於burger，之前睇過美國youtuber同樣咁做，我其實好欣賞呢個設計，外貌討好之除每啖都食到呢種酸味。 沙律醬偏甜，將食材融合。 漢堡配上辣味chorizo，食落有D似曾相識嘅感覺，香脆惹味，既有芝土味又香辣，好熱氣但會食上隱。 配上甜甜地/較傑身嘅mayo，同巴馬臣芝士。 好過食薯條。…Read More