HANA Japanese Eatery (Closed)

今日過左九龍灣同客食飯,都好耐無係午飯時間過商業區果面啦,原來呢家唔只得Megabox多野食,附近都開多左好多餐廳,有d仲係樓上餐廳添,好多選擇啊!今次我地去左"錵の工房", 係樓上cafe, 聽講新開左無耐,去到好多人等位，午飯時間都真係要等15mins先有位,好旺場坐底都見到menu有好多選擇,西式日式都有,我地叫左兩個set再加左salad!Salad - 我地叫左個凱撒沙律,野菜上面有塊好大既煙肉,無太多cheese, 但多左好多果仁,幾fresh, 好開胃!蒲燒鰻魚定食我最愛既日式定食,每次見到厚厚既鰻魚就覺得好正! 呢度既鰻魚都好有水準, $70/set可以食到咁大塊鰻魚,有麵豉湯+沙律+漬物,不錯喎! 飯上面仲有好多蛋絲,燒汁甜甜地,好惹味! 不過最重要既始終係塊又大又厚既鰻魚,質感一流,正啊芝麻炸魚柳麵豉 - 另一個定食我地叫左炸魚,初先以為好似fish & chips咁,但原來唔同喎,魚柳好薄,炸起好脆,差唔多一口食到一件,而且上面有多芝麻,幾香口! 不過最特別既係個麵豉汁,配埋個炸魚柳幾過隱! 配菜有醃黃瓜同薯菜,日式西式都有齊晒…食鮑飽之後,當然要飲返比野啦,睇落呢度既野飲都唔錯,今次叫左杯mocha,估唔到杯咖啡有拉花喎好surprise啊! 佢唔到lunch time可以飲到杯拉花coffee,真係心情都靚晒,杯咖啡幾香濃,有水準! 唔錯!下次過來九龍灣食lunch,可以再去返呢度,座得幾舒服,d野都幾好食!…Read More

大概每個女孩子都鐘意花，鐘意佢既味道、佢既顏色，就算係一d都唔girly既我都唔例外。有日發現有間餐廳就以花黎做佈置，當然要黎感受一下啦！入到餐廳就好似置身於溫室之中，門口有唔同顏色既乾花，裹面就有好多綠色植物，岩哂番工一族放lunch過黎鬆一鬆，俾隻眼望下d綠色既野冇咁攰嘛！餐版上既食物款式都唔少，有早餐、set lunch、tea set ..蒲燒鰻魚定食...鰻魚有半條，厚薄適中，肉質未算好肥美，但勝在冇骨！面頭有唔少蛋絲，如果鰻魚汁可以多番d就更好喇！另外仲配上前菜酸瓜同蛋黃醬菠蘿粒。份量同質量都對得住哩個價！明太子千層麵...份量看似唔多，但食落都幾飽肚嫁！哩個其實係蕃茄肉醬千層麵再加上明太子，輕輕挑起面層已經發現明太子，但食落味道不太突出，可能係蕃茄醬太濃郁既關係吧！軟殼蟹蟹子沙律... 炸軟殼蟹斬半，炸得香脆。底下係蟹子同青瓜絲，沙律醬好慷慨！抹茶白朱古力... 加15蚊就飲到，味道偏甜，此終係白朱古力嘛！幸好抹茶味冇被蓋過。水果花茶... 原來得熱飲，未見有水果，味道偏淡，不過清清地又幾岩d OL飲既！…Read More

今日舊同事約我去九龍灣食Lunch，佢話最近係環球工商大廈開咗間新嘅日式餐廳，帶我去試新嘢😆餐廳以花做主題🌺門口佈置得好靚🌸🌼佈滿乾花和綠色植物🌳🌴好似置身係城市綠洲🌷🌹🌺🌼🌻🌾好舒服☺️餐廳有12款唔同款式嘅 set Lunch，我哋叫咗健康沙津🥗沙津材料好豐富🥗有牛油果🥑雜菜，合桃，腰果，兩種柚子🥒青瓜配黑醋，每種材料都好新鮮，柚子仲好甜，牛油果🥑好熟，好好食😋我哋仲叫咗自家製和牛漢堡🍔和牛漢堡超厚身超大塊仲爆汁嫁😻配菜有生菜，蕃茄，芝士和酸青瓜，一啖咬落去口感好豐富，還有脆卜卜嘅薯條🍟超正啊😋個餐配埋青豆湯和熱飲都係60元，真係超級抵食又好食👍🏻我哋還叫咗蒲燒鰻魚定食，鰻魚超級大塊和好厚，外層的皮燒得脆脆地，食落好有口感🐟鰻魚油脂好多好肥美又鮮嫩👍🏻配合煙韌的日本飯食🍚超級爆正😋飲品我哋叫咗熱檸水和熱朱古力，熱朱古力好濃味👍🏻午餐時間坐滿曬人😱環境都好舒適☺️好喜歡餐廳用花做主題🌴🌸感覺自己置身於一個城市綠洲到食嘢🌳🌼食物質素好高👍🏻價錢唔算貴👍🏻下次去開九龍灣做嘢都會再嚟食嘢😆…Read More

今日是星期六的下午，我和媽媽就走到九龍灣常悅道環球工商大廈的一間咖啡室，吃個休閑的午餐。這裏雖然不近地鐵站，但其實在德福廣場穿過去，不用10分鐘便能到達。雖然餐廳是位於工商大廈，但也有很多一家大細也會來這裏用膳，錵之工房應該在這個地區頗有名。餐廳門口的佈置有很多乾花，很優雅，感覺很文青。這裏環境寬敞，能夠容納很多人，而且坐得舒適，坐番一兩小時也不為過。餐廳使用開放式廚房，可以看見廚房的運作，乾淨衛生。這裏有不少午市套餐選擇，我和媽媽分別點了一份鰻魚定食和一份香煎牛扒。蒲燒鰻魚定食＄70定食包括有麵豉湯，黑醋汁沙律，前菜，和主食。黑醋汁沙律酸酸甜甜，很惹味，而且沙律菜新鮮，很清新。前菜有醋漬紅蘿蔔絲，加上有香氣十足的黑芝麻，好有風味。麵豉湯帶有鹹香，伴上鰻魚飯，是一流的配搭。鰻魚飯很大的一碗，鰻魚很厚身，魚質嫩滑，入口帶有鰻魚油香，香口滑溜。上面淋上濃郁的鰻魚汁，與飯拌勻，很惹味。加上有風味紫菜，讓這個鰻魚飯更加滋味。香煎西冷＄98以＄98價錢吃到牛扒真的很抵食！因為份量真的很多，足足有兩大塊西冷牛扒。雖然牛扒不算肉質嫩滑，但勝在牛肉味香濃，有嚼勁。我們點了七成熟，裏面仍然保持粉嫩顏色，牛扒帶有些少肥，牛油味香，配上紅酒燒汁，很滋味。旁邊更有即炸薯條，沾上番茄醬，香脆可口。抺茶鮮奶有很香的抺茶鮮奶味道，很香滑，而且甜度剛剛好。青檸薄荷梳打青檸味道很重，夠酸，加上薄荷的清涼口感，很清爽。最後感覺這個鰻魚飯真的很抵，大約70多元就吃到一大份鰻魚定食，為了這個鰻魚飯，我必定會再來。…Read More

小清新 cafe@九龍灣餐廳叫 HANA，就係花嘅意思。門口都真係放咗好多大熱嘅乾花，名乎其實！掛牆嘅植物相框令餐廳感覺清新～lunch set 嘅蒲燒鰻魚定食，有麵豉湯、前菜同餐飲。前菜係啲漬物，個木耳整得好好食，酸酸哋又爽。鰻魚切開咗，而且無骨，食落好綿軟。蒲燒汁嘅調味唔錯，唔會太濃好好味。紫菜絲同蛋絲都好多，撈飯食一流！散叫咗個日式海鮮濃湯，湯頭果然好濃郁，應該係龍蝦湯嚟嘅。海鮮非常豐富呀，有蝦、青口、魷魚等等，應有盡有嗰隻。😂都係散叫嘅明太子千層麵，即叫即焗好新鮮滾熱辣！每層都有大量明太子同芝士，明太子多得嚟又唔會過鹹喎，好食～最後響應返餐廳名叫咗個花茶，好悠閑嘅一餐。🙂…Read More

星期六在德福廣場看完戲後，商場裡面人山人海，所以就來到附近工廈的錵の工房醫肚。一入門口就已是花團錦簇，田園風的裝修清新淡雅又不失溫暖感。餐廳面積頗大，環境寬敞舒服。除了散叫款式外，週末亦有提供午餐，價錢經濟實惠。自家製和牛芝士漢堡 $60一客漢堡set lunch 包括羅宋湯、漢堡包和薯條，包身疊得高高，相當具份量，以這個價錢來說可說是抵食。漢堡扒口感扎實，不過因為所用的牛肉似乎比較瘦，肉汁未算十分飽滿，油香不多，所以不會太滯膩。薯條是舊式的粗條波浪狀，炸得乾爽， 不會油淋淋，只是可能是一早炸好的關係，所以不太夠熱，也未算很脆身。蒲燒鰻魚定食 $70鰻魚定食包括一客味噌湯，醃製青瓜和沙律，十分豐富，飯量更是極多，一個正常食量的女生未必可以吃得完。蒲燒鰻魚肉質軟嫩肥美，沒甚麼細骨，油香四溢，而米飯就煮得略為硬了點，如果可以下多點燒汁用來撈飯會更開胃吧！明太子千層麵 $70假如你是芝士控，必定會愛上這碟鋪滿厚厚芝士的千層麵，芝味極濃郁。千層麵利用多層的麵皮堆疊，內層夾上明太子醬、肉醬及芝士，雖然明太子味不太突出，但全碟仍有著多重的口感和豐富的味道。青檸薄荷梳打 $15青檸與薄荷清香絲絲滲透，配搭清新，冰涼又解渴。榛子朱古力 $15熱朱古力沖得香滑濃稠，可可味濃郁，反而入口後榛子味就不算重。…Read More

星期六來到九龍灣搵食，德福淘大，又有Mega Box，餐廳選擇非常多。所以今次就揀他們以外的新嘗試，來到工業區搵食。來到環球工商大廈，意想不到餐廳會藏在這裡。餐廳室內地方頗大，可能是新開業及星期六的關係，餐廳只坐了大半食客，相信平時上班日子應該人頭湧湧。餐牌上食物選擇多，而種類是日式fusion菜。蒲燒鰻魚定食 $70上枱時熱辣辣，鰻魚也夠份量，加上紫菜絲做點綴，賣相吸引。鰻魚入口香腍，配上適量的鰻魚汁，不會過咸。定食還跟有麵豉湯，沙律菜及前菜，非常豐富。自家製和牛芝士漢堡 $60漢堡都幾有份量，因為除了厚厚的牛肉，還有芝士，青瓜，菜等。入口有牛肉的juicy，芝士的香味和各種蔬菜的清新感覺。而各種食材亦令漢堡口感變得豐富。伴碟還有薯條，沙律菜和羅宋湯，都幾抵食。藍橘菠蘿梳打這次尋寶發現九龍灣的工業區果然臥虎藏龍，在這裡的上班族有福了。…Read More